ធនាគារ ខេប៊ីប្រាសាក់ បានសហការជាមួយ ក្រសួងការងារ និងបណ្ដុះបណ្ដាលវិជ្ជាជីវៈ នាំមកជូននូវជម្រើសទូទាត់វិក្កយបត្រសេវាកម្មនានារបស់ក្រសួងកាន់តែងាយស្រួល និងមានប្រសិទ្ធភាពខ្ពស់ ដើម្បីឆ្លើយតបទៅនឹងតម្រូវការរបស់សាធារណជន។ មិនថាជាការទូទាត់ផ្ទាល់ខ្លួន ឬ សម្រាប់អាជីវកម្ម និងក្រុមហ៊ុននោះទេ លោកអ្នកអាចធ្វើការទូទាត់បានភ្លាមៗ តាមរយៈសេវាធនាគារឌីជីថល ឬ នៅគ្រប់សាខាធនាគារ ខេប៊ីប្រាសាក់ ដែលនៅជិតបំផុតប្រកបដោយសុវត្ថិភាពខ្ពស់ និងមិនគិតកម្រៃសេវា។
| លក្ខណៈផលិតផល | បរិយាយ |
|---|---|
| ប្រភេទនៃសេវាកម្មរបស់ក្រសួង | #list# – ការផ្តល់លិខិតអនុញ្ញាតឱ្យសហគ្រាស គ្រឹះស្ថានធ្វើការថ្ងៃបុណ្យដែលមានប្រាក់ឈ្នួល – ការផ្តល់លិខិតអនុញ្ញាតឱ្យសហគ្រាស គ្រឹះស្ថានធ្វើការនៅថ្ងៃឈប់សម្រាកប្រចាំសប្តាហ៍ – ការផ្តល់លិខិតអនុញ្ញាតឱ្យសហគ្រាស គ្រឹះស្ថានធ្វើការបន្ថែមម៉ោង – ការផ្តល់លិខិតអនុញ្ញាតព្យួរកិច្ចសន្យាការងារ – ការផ្តល់ទុតិយតាប័ណ្ណ/សៀវភៅការងារកម្មករនិយោជិតខ្មែរ – ការចុះទិដ្ឋាការបទបញ្ជាផ្ទៃក្នុងរបស់សហគ្រាស – ការផ្តល់ទិដ្ឋាការប្រើប្រាស់កម្មករនិយោជិតបរទេស – ការផ្តល់ប័ណ្ណ/សៀវភៅការងារកម្មករនិយោជិតខ្មែរ – ការបញ្ជាក់វិញ្ញាបនបត្រពិនិត្យកាយសម្បទាកម្មករនិយោជិតខ្មែរ/ជនបរទេស – ផ្លាស់ប្តូរសៀវភៅការងារ និងប័ណ្ណសម្គាល់កម្មករ – ការចុះបញ្ជិកាសៀវភៅបញ្ជីចុះនាមក្មេង – ការផ្តល់ប័ណ្ណការងារ និងសៀវភៅការងាររបស់ជនបរទេស – បច្ចុប្បន្នភាពទិដ្ឋាការ “ចូល” លើសៀវភៅការងារកម្មករនិយោជិតខ្មែរ – ហ្វឹកហ្វឺនកូនជាង កម្មសិក្សា – ការចុះបញ្ជិកាសៀវភៅបញ្ជីប្រចាំគ្រឹះស្ថាន – ការចេញលិខិតទទួលស្គាល់ការបោះឆ្នោតជ្រើសរើសប្រតិភូបុគ្គលិក – ការចុះបញ្ជិកាសេចក្តីប្រកាសជូនដំណឹងបើកសហគ្រាស – បច្ចុប្បន្នភាពទិដ្ឋាការ “ចេញ” លើសៀវភៅការងារកម្មករនិយោជិតខ្មែរ – ការចុះបញ្ជិកាសៀវភៅបើកប្រាក់/ ផ្តល់លិខិតអនុញ្ញាតបើកប្រាក់តាមប្រព័ន្ធកុំព្យូទ័រ |
| រូបិយប័ណ្ណប្រតិបត្តិការ | #list# – ប្រាក់រៀល (KHR) តែមួយគត់ – អតិថិជនអាចធ្វើការទូទាត់ទឹកប្រាក់ចេញពីគណនីប្រាក់រៀល ឬ ប្រាក់ដុល្លារ – ករណីទូទាត់ចេញពីគណនីប្រាក់ដុល្លារ (USD) ត្រូវយោងតាមអត្រាប្តូរប្រាក់របស់ធនាគារ ខេប៊ីប្រាសាក់ នៅកាលបរិច្ឆេទធ្វើប្រតិបត្តិការ។ |
| មធ្យោបាយបង់ប្រាក់ | #list# – ខេប៊ីប្រាសាក់ម៉ូបាល – ខេប៊ីប្រាសាក់ខបភើរ៉េត – គ្រប់សាខាធនាគារ ខេប៊ីប្រាសាក់ |
| ទំហំទឹកប្រាក់ក្នុងមួយប្រតិបត្តិការ | #list# – 2,000 រៀល – 400,000,000 រៀល ឬ សមមូលប្រាក់ដុល្លារ – ចំនួនទឹកប្រាក់នឹងបង្ហាញដោយស្វ័យប្រវត្តិ នៅពេលបញ្ចូលលេខយោង |
| កម្រៃសេវា | មិនគិតកម្រៃសេវា |
| ទំហំទឹកប្រាក់ក្នុងមួយថ្ងៃ | មិនកំណត់ |
| ចំនួនប្រតិបត្តិការក្នុងមួយថ្ងៃ | មិនកំណត់ |
របៀបទូទាត់៖
- ចូលទៅកាន់កម្មវិធី KB PRASAC Mobile
- ចុចលើមុខងារ ទូទាត់ រួចចុចលើ សេវាសាធារណៈ
- ជ្រើសរើស ក្រសួងការងារ និងបណ្ដុះបណ្ដាលវិជ្ជាជីវៈ
- ជ្រើសរើសគណនីសម្រាប់ទូទាត់់ រួចបញ្ចូល លេខយោង
- ពិនិត្យចំនួនទឹកប្រាក់ ឬ បញ្ចូលទឹកប្រាក់ រួចជ្រើសរើសឬបញ្ចូល គោលបំណង
- ចុចលើ ទូទាត់
- សូមផ្ទៀងផ្ទាត់ព័ត៌មាន បន្ទាប់មកចុច បញ្ជាក់ និងបំពេញលេខសម្ងាត់ ឬប្រើជីវមាត្រ
សម្គាល់៖
- ខេប៊ីប្រាសាក់ រក្សាសិទ្ធិក្នុងការកែប្រែកម្រៃសេវា ដោយជូនដំណឹងទៅអតិថិជនឱ្យបានត្រឹមត្រូវតាមលក្ខខណ្ឌតម្រូវនៃច្បាប់។
- លក្ខខណ្ឌផ្សេងៗត្រូវបានអនុវត្ត។
