I. សេចក្តីផ្តើម

លក្ខខណ្ឌទូទៅនៃការប្រើប្រាស់ផលិតផល និងសេវាកម្មជាមួយ ធនាគារ ខេប៊ីប្រាសាក់ ម.ក តទៅហៅថា  “ខេប៊ីប្រាសាក់” ត្រូវបានបង្កើតឡើងដើម្បីជួយដល់អតិថិជនទាំងអស់របស់ខេប៊ីប្រាសាក់ តទៅហៅថា “អតិថិជន” ក្នុងការស្វែងយល់អំពីលក្ខខណ្ឌទូទៅនៃការប្រើប្រាស់ផលិតផល និង/ឬ សេវាកម្មនានារបស់ខេប៊ីប្រាសាក់ តទៅហៅថា “លក្ខខណ្ឌទូទៅ” មុនពេលសម្រេចចិត្តជ្រើសរើស និងប្រើប្រាស់សេវាកម្មណាមួយជាមួយខេប៊ីប្រាសាក់។

ចាប់ពីថ្ងៃដែលអតិថិជនបានបំពេញពាក្យស្នើសុំប្រើប្រាស់ផលិតផល និង/ឬ សេវាកម្មរបស់ខេប៊ីប្រាសាក់ និង/ឬ ក្នុងករណីដែលអតិថិជនធ្វើការបញ្ជាមកខេប៊ីប្រាសាក់ឱ្យធ្វើប្រតិបត្តិការ និង/ឬ សេវាអ្វីមួយដោយមិនបានប្រើប្រាស់ទម្រង់ ឬ ឯកសាររបស់ខេប៊ីប្រាសាក់ក៏ដោយ អតិថិជនត្រូវបានសន្មតថា បានអាន និងយល់ព្រមអនុវត្តតាមលក្ខខណ្ឌនានាដែលមានចែងនៅក្នុងលក្ខខណ្ឌទូទៅនេះ និងលក្ខខណ្ឌលម្អិតផ្សេងៗទៀតពាក់ព័ន្ធនឹងការប្រើប្រាស់ផលិតផល និង/ឬ សេវាកម្មនីមួយៗរបស់ខេប៊ីប្រាសាក់។

ករណីអតិថិជនមានភាពមិនច្បាស់លាស់លើចំណុចណាមួយដែលបានចែងក្នុងលក្ខខណ្ឌទូទៅនេះ អតិថិជនអាចស្វែងរកការពន្យល់បន្ថែមពីបុគ្គលិកខេប៊ីប្រាសាក់ដោយផ្ទាល់នៅគ្រប់សាខាខេប៊ីប្រាសាក់ទាំងអស់ ឬ តាមរយៈទូរស័ព្ទទៅកាន់លេខ 023/086 999 911 បានគ្រប់ពេលវេលា។

II. និយមន័យនៃពាក្យគន្លឹះ

II. លក្ខខណ្ឌទូទៅនៃការប្រើប្រាស់ផលិតផល និងសេវាកម្មរបស់ខេប៊ីប្រាសាក់

1. ប្រភេទគណនី
   អតិថិជនអាចជ្រើសរើសបើកគណនីនៅខេប៊ីប្រាសាក់ទៅតាមប្រភេទគណនីដូចខាងក្រោម៖
   1. គណនីបញ្ញើសន្សំ
      • គណនីសន្សំ
      • ​គណនីចម្រើនគ្មានកាលកំណត់
      • គណនីចម្រើនតាមលំដាប់
      • គណនីបើកប្រាក់បៀវត្ស
      • គណនីឌីជីថល
      • គណនីគ្រឹះស្ថានហិរញ្ញវត្ថុ
      • គណនីសន្សំពាណិជ្ជករ និងផ្សេងៗ។
   2. គណនីបញ្ញើមានកាលកំណត់
      • គណនីបញ្ញើមានកាលកំណត់ (ប្រភេទ ចម្រើនការប្រាក់ចុងគ្រា និងចម្រើនការប្រាក់ប្រចាំខែ)
      • គណនីបញ្ញើមានកាលកំណត់គ្រឹះស្ថានហិរញ្ញវត្ថុ (ប្រភេទ ចម្រើនការប្រាក់ចុងគ្រា និងចម្រើនការប្រាក់ប្រចាំខែ)
      • គណនីសន្សំតាមផែនការ
      • គណនីកូនចម្រើន
      • គណនីសន្សំនិយោជិត និងផ្សេងៗ។
   3. គណនីចរន្ត
      • គណនីចរន្ត
      • គណនីចរន្តព្រីមៀម និងផ្សេងៗ។
2. ការបើកគណនី
   • រាល់ពេលស្នើសុំបើកគណនីជាមួយខេប៊ីប្រាសាក់ អតិថិជនត្រូវបំពេញទម្រង់ពាក្យស្នើសុំបើកគណនីផ្តល់ គំរូហត្ថលេខា ឬ ស្នាមមេដៃ ឯកសារបញ្ជាក់អត្តសញ្ញាណ និងឯកសារតម្រូវផ្សេងៗទៀតតាមការស្នើសុំពីខេប៊ីប្រាសាក់។
   • អតិថិជនយល់ព្រមដាក់ប្រាក់តម្កល់ក្នុងគណនីនូវចំនួនអប្បបរមាទៅតាមប្រភេទគណនីណាមួយស្របទៅតាមលក្ខខណ្ឌដែលបានកំណត់ដោយខេប៊ីប្រាសាក់។
   • សម្រាប់ការបើកគណនីប្រាក់បញ្ញើសន្សំ តាមរយៈ កម្មវិធីខេប៊ីប្រាសាក់ម៉ូបាល អតិថិជនមិនតម្រូវឱ្យបំពេញពាក្យស្នើសុំ តែអតិថិជនត្រូវគោរពតាមលក្ខខណ្ឌលម្អិតបន្ថែមផ្សេងទៀតដែលមានបង្ហាញនៅក្នុងកម្មវិធីខេប៊ីប្រាសាក់ម៉ូបាល ឬ មធ្យោបាយអេឡិចត្រូនិកណាមួយដែលទទួលស្គាល់ដោយខេប៊ីប្រាសាក់ មុននឹងសម្រេចបើកគណនីនីមួយៗនោះ។
3. គណនីរួម
   • គណនីរួម គឺជាគណនីឯកត្តជនដែលមានសមាជិករួមគណនីចាប់ពី 02 នាក់ ឡើងទៅ។
   • សមាជិករួមគណនីនីមួយៗ គឺត្រូវបានចាត់ទុកថាជាម្ចាស់គណនី ហើយត្រូវចូលរួមទទួលខុសត្រូវទាំង ស្រុងចំពោះខេប៊ីប្រាសាក់ នូវរាល់បំណុល និងកាតព្វកិច្ចនានាដែលកើតមានឡើងនៅក្នុងគណនីរួមនោះ។
4. គណនីនីតិបុគ្គល
   • គណនីនីតិបុគ្គល គឺជាគណនីដែលបានបើកក្រោមឈ្មោះក្រុមហ៊ុន សហគ្រាសឯកជន សហគ្រាសរដ្ឋ ក្រសួងមន្ទីរ ស្ថាប័នរបស់រដ្ឋាភិបាល អង្គការ សង្គមស៊ីវិល សហគមន៍ គម្រោងអភិវឌ្ឍន៍ជាដើម ដែលបានបង្កើតឡើងដោយស្របច្បាប់។
   • ឈ្មោះគណនី ត្រូវកំណត់ឱ្យបានត្រឹមត្រូវ និងពេញលេញទៅតាមឈ្មោះក្រុមហ៊ុនដែលមាននៅលើវិញ្ញាបនបត្រចុះបញ្ជីពាណិជ្ជកម្ម ឬ ឯកសារផ្លូវច្បាប់ពាក់ព័ន្ធដែលចេញដោយអាជ្ញាធរមានសមត្ថកិច្ច។
   • អ្នកមានសិទ្ធិធ្វើប្រតិបត្តិគណនី គឺត្រូវបានតែងតាំងចេញពីប្រធានក្រុមហ៊ុន ឬ ក្រុមប្រឹក្សាក្រុមហ៊ុន។
5. គណនីគ្មានប្រតិបត្តិការ
   • ប្រសិនបើគណនីរបស់អតិថិជនមិនមានប្រតិបត្តិការក្នុងរយៈពេល 365 ថ្ងៃ ឡើងទៅ គណនីនោះនឹងត្រូវចាត់ទុកថាជាគណនីគ្មានប្រតិបត្តិការ។
   • អតិថិជនយល់ព្រមឱ្យខេប៊ីប្រាសាក់ធ្វើការទូទាត់កម្រៃសេវានៃគណនីគ្មានប្រតិបត្តិការជាប្រចាំខែ ដោយកម្រៃសេវានឹងត្រូវបានទូទាត់ចេញពីគណនីអតិថិជនដោយស្វ័យប្រវត្តិ និងដោយមិនចាំបាច់ស្នើសុំការអនុញ្ញាតពីអតិថិជនឡើយ។
   • អតិថិជនយល់ព្រមថា រាល់គណនីគ្មានប្រតិបត្តិការទាំងឡាយណាដែលមានសមតុល្យតូចជាង ឬ ស្មើសូន្យ នឹងត្រូវបានបិទដោយស្វ័យប្រវត្តិដោយខេប៊ីប្រាសាក់ និងដោយពុំតម្រូវឱ្យធ្វើការជូនដំណឹងដល់អតិថិជនជាមុនឡើយ។
   • អនុលោមតាមច្បាប់ស្តីពីគ្រឹះស្ថានធនាគារ និងហិរញ្ញវត្ថុ ខេប៊ីប្រាសាក់ត្រូវបានតម្រូវឱ្យធ្វើការបញ្ជូនសមតុល្យនៃគណនីរបស់អតិថិជនទាំងឡាយណាដែលមិនមានប្រតិបត្តិការរយៈពេល 10 ឆ្នាំ ជាប់ៗគ្នាទៅធនាគារជាតិ នៃកម្ពុជា ដើម្បីគ្រប់គ្រងបន្ត។
6. ការផ្តល់ព័ត៌មានរបស់អតិថិជន
   • នៅពេលស្នើសុំបើកគណនី និង/ឬ ប្រើប្រាស់សេវាកម្មនានាជាមួយខេប៊ីប្រាសាក់ អតិថិជនត្រូវផ្តល់នូវព័ត៌មាន តាមការស្នើសុំរបស់ខេប៊ីប្រាសាក់ និងត្រូវធានាថា រាល់ព័ត៌មានដែលផ្តល់មកខេប៊ីប្រាសាក់ ជាព័ត៌មាន ពិតប្រាកដ ត្រឹមត្រូវ និងថ្មីបំផុត។
   • ករណីមានការផ្លាស់ប្តូរព័ត៌មានផ្សេងៗ អតិថិជនត្រូវធ្វើការជូនដំណឹងជាលាយលក្ខណ៍អក្សរមកខេប៊ីប្រាសាក់ជាបន្ទាន់។
   • អតិថិជនយល់ព្រមឱ្យខេប៊ីប្រាសាក់ផ្តល់ព័ត៌មានរបស់ខ្លួនទៅភាគីទីបីក្នុង ករណីចាំបាច់ណាមួយ ដែលតម្រូវដោយខេប៊ីប្រាសាក់ផ្ទាល់ ឬ តាមការបង្គាប់បញ្ជាពីតុលាការ ឬ អាជ្ញាធរមានសមត្ថកិច្ច។
   • អតិថិជនយល់ព្រមចូលរួមសហការ និងផ្តល់ឱ្យខេប៊ីប្រាសាក់នូវឯកសារគាំទ្រនានា ដែលពាក់ព័ន្ធ ដើម្បីឱ្យខេប៊ីប្រាសាក់អាចអនុវត្តការងារបានត្រឹមត្រូវតាមកាតព្វកិច្ចផ្លូវច្បាប់ ប្រឆាំងការសម្អាតប្រាក់ និងហិរញ្ញប្បទានភេរវកម្ម។
7. ការស្នើសុំកែប្រែព័ត៌មាន និងការជូនដំណឹងពីអតិថិជន
   • អតិថិជនអាចធ្វើការស្នើសុំជាលាយលក្ខណ៍អក្សរមកខេប៊ីប្រាសាក់ ដើម្បីធ្វើការកែប្រែ ឬ ធ្វើបច្ចុប្បន្នភាពព័ត៌មានរបស់ខ្លួនបាន។
   • ខេប៊ីប្រាសាក់នឹងមិនទទួលខុសត្រូវចំពោះ រាល់ការខូចខាតទាំងឡាយណាដែលកើតចេញអំពីការផ្លាស់ ប្តូរព័ត៌មានផ្សេងៗរបស់អតិថិជនក្នុងករណីដែលអតិថិជនមិនបានជូនដំណឹងមកខេប៊ីប្រាសាក់។
   • ការផ្លាស់ប្តូរព័ត៌មានអាចជា ការបន្ថែម ឬ ដកសិទ្ធិអ្នករួមគណនី ការកែប្រែលក្ខខណ្ឌចុះហត្ថលេខា ការផ្លាស់ប្តូរគំរូហត្ថលេខា ការផ្លាស់ប្តូរឯកសារបញ្ជាក់អត្តសញ្ញាណ ការប្តូរលេខទូរស័ព្ទ ការប្តូរអ៊ីម៉ែល ឬ ការកែប្រែព័ត៌មានផ្ទាល់ខ្លួនផ្សេងៗទៀត ដែលខុសអំពីព័ត៌មានដែលអតិថិជនបានផ្តល់មកខេប៊ីប្រាសាក់ នៅពេលស្នើសុំបើកគណនីដំបូង។
8. ការដាក់ប្រាក់បញ្ញើ
   • ខេប៊ីប្រាសាក់ យល់ព្រមឱ្យអតិថិជនដាក់ប្រាក់បញ្ញើជាសាច់ប្រាក់សុទ្ធ ឬ មូលប្បទានប័ត្រ ឬ មូលប្បទានប័ត្រធនាគារិក ឬ ផ្ទេរតាមគណនី ឬ ទូទាត់តាមរយៈការស្កេនខេអេចឃ្យូអរកូត ឬ តាមមធ្យោបាយផ្សេងៗទៀតដែលត្រូវបានអនុញ្ញាតដោយខេប៊ីប្រាសាក់។
   • អតិថិជនអាចដាក់ប្រាក់តាមបញ្ជរបេឡា ម៉ាស៊ីនឆូតកាត ម៉ាស៊ីនដាក់ប្រាក់ និងមធ្យោបាយផ្សេងៗទៀតដែលខេប៊ីប្រាសាក់នឹងដាក់ឱ្យប្រើប្រាស់ទៅតាមស្ថានភាពជាក់ស្តែងនាពេលអនាគត។
   • ករណីខេប៊ីប្រាសាក់ទទួលបានក្រដាសប្រាក់ក្លែងក្លាយ ឬ ចាស់ ប្រឡាក់ រហែក ឬ ខូចទ្រង់ទ្រាយ តាមរយៈការដាក់ប្រាក់តាមម៉ាស៊ីនដាក់ប្រាក់ នោះខេប៊ីប្រាសាក់រក្សាសិទ្ធិក្នុងការមិនទូទាត់ជូនអតិថិជន ឬ ដកហូត ឬ ទំនាក់ទំនងទៅកាន់អតិថិជនដើម្បីឱ្យមកធ្វើការផ្លាស់ប្តូរក្រដាសប្រាក់ថ្មី ឬ ផ្តល់ជូននូវសេវាកាត់ទឹក។ ខេប៊ីប្រាសាក់រក្សាសិទ្ធិក្នុងការបង្ខាំងទឹកប្រាក់ដែលមានបញ្ហា រហូតដល់អតិថិជនអញ្ជើញ មកដោះស្រាយ ឬ ធ្វើការទូទាត់ទឹកប្រាក់ត្រលប់ ឬ កាត់ទឹក ដោយស្វ័យប្រវត្តិ ករណីអតិថិជនមិនបានអញ្ជើញមកដោះស្រាយបញ្ហាតាមការស្នើសុំពីខេប៊ីប្រាសាក់។
   • ខេប៊ីប្រាសាក់ក៏អាចធ្វើការបដិសេធ មិនទទួលយកប្រាក់បញ្ញើពីអតិថិជន ករណីខេប៊ីប្រាសាក់មានការសង្ស័យចំពោះប្រភពដើមនៃប្រាក់បញ្ញើនោះ។
   • អតិថិជនយល់ព្រមបង់កម្រៃសេវាលើការដាក់ប្រាក់ឆ្លងសាខា (ប្រសិនបើមាន) ទៅតាមគោលការណ៍ដែលបានកំណត់ដោយខេប៊ីប្រាសាក់។
9. ការដក ឬ ផ្ទេរប្រាក់បញ្ញើ
   • អតិថិជនអាចធ្វើប្រតិបត្តិការដកជាសាច់ប្រាក់សុទ្ធ ឬ មូលប្បទានប័ត្រ ឬ មូលប្បទានប័ត្រធនាគារិក ឬ ផ្ទេរប្រាក់ ឬ ដកប្រាក់តាមប័ណ្ណ ឬ ប័ណ្ណឥណពន្ធ ចេញពីគណនីរបស់ខ្លួនដែលមានជាមួយខេប៊ីប្រាសាក់។ សម្រាប់ការដកជាសាច់ប្រាក់ ឬ ផ្ទេរប្រាក់ នៅតាមបញ្ជរបេឡា អតិថិជនតម្រូវឱ្យធ្វើការបំពេញ ប័ណ្ណដកប្រាក់បញ្ញើ ឬ ប័ណ្ណផ្ទេរប្រាក់បញ្ញើ ឱ្យបានត្រឹមត្រូវ។
   • ការដក ឬ ផ្ទេរប្រាក់ ឬ ទូទាត់តាមរយៈកម្មវិធីខេប៊ីប្រាសាក់ម៉ូបាល និង/ឬ ប័ណ្ណ និង/ឬ ប័ណ្ណឥណពន្ធ ឬ មធ្យោបាយផ្សេងទៀត ត្រូវបានអនុញ្ញាត ករណីអតិថិជនបានស្នើសុំប្រើប្រាស់ដោយគោរពទៅតាមលក្ខខណ្ឌជាក់លាក់នៃសេវានីមួយៗនោះ។
   • អតិថិជនអាចស្នើសុំដក ឬ ផ្ទេរប្រាក់ខុសពីរូបិយប័ណ្ណគណនីបាន ដោយយោងទៅតាមអត្រាប្តូរប្រាក់ ស្តង់ដារដែលកំណត់ដោយខេប៊ីប្រាសាក់នៅពេលស្នើសុំធ្វើប្រតិបត្តិការនោះ។
   • អតិថិជនយល់ព្រមបង់កម្រៃសេវាលើប្រតិបត្តិការដក ឬ ផ្ទេរឆ្លងសាខា ទៅតាមកម្រៃសេវាស្តង់ដារ ដែលបានកំណត់ដោយខេប៊ីប្រាសាក់ ដែលអាចស្វែងរកបាននៅតាមសាខាខេប៊ីប្រាសាក់ ឬ វេបសាយត៍ផ្លូវការរបស់ខេប៊ីប្រាសាក់ www.kbprasacbank.com.kh។
   • ខេប៊ីប្រាសាក់ រក្សាសិទ្ធិក្នុងការបដិសេធលើប្រតិបត្តិការដកប្រាក់ ឬ ផ្ទេរប្រាក់ពីអតិថិជន ក្នុងករណីដែលអតិថិជនមិនបានបំពេញពាក្យស្នើសុំដក ឬ ផ្ទេរប្រាក់ឱ្យបានត្រឹមត្រូវ ឬ គណនីនោះត្រូវបានបង្ខាំង ឬ បង្កក ដោយយោងតាមការបង្គាប់បញ្ជាពីស្ថាប័នតុលាការ ធនាគារជាតិនៃកម្ពុជា ឬ អាជ្ញាធរមានសមត្ថកិច្ច។ល។
   • ក្នុងករណីអតិថិជនទទួលមរណភាព អតិថិជនយល់ព្រម និងអនុញ្ញាតឱ្យខេប៊ីប្រាសាក់ប្រើឆន្ទានុសិទ្ធិក្នុងការបើកបង្ហាញព័ត៌មានគណនី ដកប្រាក់ ឬ មិនដកប្រាក់ ចេញពីគណនីរបស់អតិថិជន ជូនទៅសន្តតិជន ដែលអាចជា កូនបង្កើត និង/ឬ សហព័ទ្ធ និង/ឬ ឪពុកម្តាយបង្កើត របស់អតិថិជន។ ការដកប្រាក់អាចធ្វើទៅបានដោយ យោងតាមគោលការណ៍របស់ខេប៊ីប្រាសាក់ ឬ ដីកាសម្រេចពីតុលាការ។
10. ឥណទានវិបារូបន៍ (ការដកប្រាក់ដែលធើ្វឱ្យសមតុល្យក្រោមសូន្យ)
    • អតិថិជនត្រូវរក្សាសមតុល្យគណនីរបស់ខ្លួនឱ្យធំជាងសូន្យគ្រប់ពេល ឬ ត្រឹមសមតុល្យអប្បបរមា តាមការកំណត់របស់ខេប៊ីប្រាសាក់ លើកលែងករណីដែលខេប៊ីប្រាសាក់ផ្តល់ឱ្យអតិថិជននូវសេវាឥណទានវិបារូបរ៍ (ការដកប្រាក់ដែលធ្វើឱ្យសមតុល្យគណនីក្រោមសូន្យ)។
    • ការប្រាក់នឹងគិតចំពោះការដកប្រាក់ក្រោមសូន្យ ដោយគណនាតាមសមតុល្យដែលតូចជាងសូន្យប្រចាំថ្ងៃគុណនឹងអត្រាជាក់សែ្តងដែលបានកំណត់ដោយខេប៊ីប្រាសាក់នាពេលនោះ។ ការប្រាក់នឹងបញ្ចូលក្នុងខែនីមួយៗ ហើយត្រូវបានបូកបញ្ចូលទៅជាប្រាក់ដើមសម្រាប់គោលបំណងនៃការគណនាការប្រាក់នៅខែបន្ទាប់។
    • ខេប៊ីប្រាសាក់ អាចទាមទារឱ្យអតិថិជនសងត្រលប់មកវិញបានគ្រប់ពេល សម្រាប់គណនីដែលមានសមតុល្យក្រោមសូន្យ។
11. ការប្រើប្រាស់មូលប្បទានប័ត្រ
    • សូមរក្សាទុកសៀវភៅមូលប្បទានប័ត្រ នៅកន្លែងដែលមានសុវត្ថិភាព និងត្រូវជូនដំណឹងមកធនាគារជាបន្ទាន់ករណីបាត់ ឬ ត្រូវបានលួច។
    • ត្រូវមានសមតុល្យសាច់ប្រាក់គ្រប់គ្រាន់ក្នុងគណនី រាល់ពេលចេញផ្សាយមូលប្បទានប័ត្រ។ ការចេញផ្សាយមូលប្បទានប័ត្រ ដែលមិនមានសមតុល្យសាច់ប្រាក់គ្រប់គ្រាន់ គឺជាបទល្មើសព្រហ្មទណ្ឌ។
    • ព័ត៌មានដែលសរសេរដោយដៃ ត្រូវតែច្បាស់ និងអានបាន ព្រមទាំងត្រូវសរសេរដោយប្រើទឹកប៊ិកពណ៌ខ្មៅ ឬ ពណ៌ខៀវចាស់ដែលមិនរលុប ជៀសវាងការប្រើទឹកប៊ិកដែលមានលក្ខណៈចាំងពន្លឺ ឬ អាចលុបបាន ឬ ខ្មៅដៃជាដើម។
    • សូមកុំចុះហត្ថលេខាលើមូលប្បទានប័ត្រទុកមុន ដោយមិនទាន់ប្រើប្រាស់។
    • ទាំងផ្ទៃខាងមុខ និងផ្ទៃខាងក្រោយនៃផ្ទៃលាតសម្រាប់ធនាគារ មិនត្រូវមានការសរសេរ ឬ កាត់ ឬ ហែក ឬ បិទ ឬ កិប ឬ ប្រឡាក់ជាតិគីមីផ្សេងៗ ដែលនាំឱ្យរំខានដល់ការអានរបស់ម៉ាស៊ីនឡើយ។
    • មិនត្រូវកោស ឬ លុបតួលេខ និងសញ្ញាពិសេសនៅលើបន្ទាត់លេខកូដនៅក្នុងផ្ទៃលាតឡើយ។
    • មិនត្រូវបត់ និងធ្វើឱ្យរហែកមូលប្បទានប័ត្រ ជាពិសេសនៅផ្នែកសម្រាប់បន្ទាត់លេខកូដ។
    • ការប្រើប្រាស់ផ្នែកខាងខ្នងនៃមូលប្បទានប័ត្រ ត្រូវបានអនុញ្ញាតតែចំពោះផ្នែក សម្រាប់ធនាគារ និងអតិថិជន តែប៉ុណ្ណោះ។
    • ដើម្បីកែប្រែព័ត៌មានណាមួយលើមូលប្បទានប័ត្រ ម្ចាស់មូលប្បទានប័ត្រត្រូវគូសឆូតចោលព័ត៌មានដែលចង់កែតម្រូវ ហើយចុះហត្ថលេខារបស់ខ្លួននៅពីលើផ្នែកដែលត្រូវបានកែតម្រូវនោះ ជៀសវាងការប្រើទឹកលុប ឬ កោសលុបខុសទ្រង់ទ្រាយដើម។
    •  មូលប្បទានប័ត្រអាចទូទាត់បានដោយមិនគិតពីថ្ងៃចេញផ្សាយ។ សុពលភាពសម្រាប់ប្រើប្រាស់មូលប្បទានប័ត្រមានរយៈពេល 06 ខែ គិតចាប់ពីថ្ងៃចេញមូលប្បទានប័ត្រ។
    • ធនាគារ រក្សាសិទ្ធិក្នុងការបិទ/ផ្អាកគណនី ប្រសិនបើម្ចាស់គណនីចេញផ្សាយមូលប្បទានប័ត្រ ដោយគ្មានសមតុល្យគ្រប់គ្រាន់ ឬ ប្រើប្រាស់មូលប្បទានប័ត្រក្នុងគោលបំណងផ្ទុយពីច្បាប់។
    • រាល់មូលប្បទានប័ត្របញ្ជូនត្រលប់ ឬ បង្វិល ដោយសារគ្មាន ឬ មិនមានទឹកប្រាក់គ្រប់គ្រាន់ក្នុងគណនី នឹងត្រូវគិតកម្រៃដោយយោងតាមលក្ខខណ្ឌរបស់ធនាគារ។ អតិថិជនយល់ព្រមឱ្យធនាគារធ្វើការទូទាត់កម្រៃសេវាចេញពីគណនីរបស់អតិថិជនដោយស្វ័យប្រវត្តិ។
    • ធនាគារនឹងបញ្ចូលព័ត៌មានពាក់ព័ន្ធនឹងការបង្វិលមូលប្បទានប័ត្រត្រលប់ទៅក្នុងប្រព័ន្ធចែករំលែកព័ត៌មានឥណទាន របស់ក្រុមហ៊ុនក្រេឌីត ប្យួរ៉ូ (ខេមបូឌា) ខូ អិលធីឌី(ស៊ីប៊ីស៊ី) ផ្អែកតាមប្រកាសរបស់ធនាគារជាតិ នៃ កម្ពុជា។
    • ធនាគារ នឹងមិនអនុញ្ញាតឱ្យបិទគណនី តាមការស្នើសុំរបស់អតិថិជននោះឡើយ ករណីដែលអតិថិជនបានចេញផ្សាយមូលប្បទានប័ត្រ ហើយមិនទាន់បានទូទាត់ឱ្យបានរួចរាល់មុនពេលស្នើសុំបិទគណនី។
12. សេវាធនាគារអន្តរជាតិ
    • ខេប៊ីប្រាសាក់ ផ្តល់ជូនសេវាធនាគារអន្តរជាតិ រួមមាន សេវាផ្ទេរប្រាក់អន្តរជាតិ សេវាហិរញ្ញប្បទានពាណិជ្ជកម្ម និងសេវាកម្មពាក់ព័ន្ធផ្សេងៗទៀត។
    • អតិថិជនអាចស្នើសុំប្រើប្រាស់ សេវាធនាគារអន្តរជាតិ នៅតាមសាខាណាមួយរបស់ខេប៊ីប្រាសាក់ ឬ តាមបណ្តាញឌីជីថលរបស់ខេប៊ីប្រាសាក់ ឬ មធ្យោបាយផ្សេងៗទៀតដែលត្រូវបានអនុញ្ញាតដោយខេប៊ីប្រាសាក់។
    • ខេប៊ីប្រាសាក់ រក្សាសិទ្ធិក្នុងការកំណត់នូវទំហំនៃការធ្វើប្រតិបត្តិការប្រចាំថ្ងៃ និង/ឬ ទំហំក្នុងមួយប្រតិបត្តិការ លើការប្រើប្រាស់សេវាធនាគារអន្តរជាតិ ដោយយោងទៅតាមលក្ខខណ្ឌ និងប្រភេទប្រតិបត្តិការជាក់លាក់នៃសេវាកម្មនីមួយៗ។
    • អតិថិជនត្រូវធានា និងទទួលខុសត្រូវក្នុងការផ្តល់ព័ត៌មាន និងឯកសារដែលត្រឹមត្រូវ និងច្បាស់លាស់ទៅតាមការស្នើសុំពីខេប៊ីប្រាសាក់ និងទទួលខុសត្រូវស្របទៅតាមរាល់វិធានច្បាប់របស់ ព្រះរាជាណាចក្រកម្ពុជា និងច្បាប់អន្តរជាតិ លើការស្នើសុំធ្វើប្រតិបត្តិការសេវាធនាគារអន្តរជាតិ និងធានាថារាល់សកម្មភាព គឺធ្វើឡើងដោយផ្ទាល់សម្រាប់ខ្លួនឯង។
    • អតិថិជនត្រូវយល់ព្រមដោយគ្មានលក្ខខណ្ឌក្នុងការផ្តល់សំណង ទូទាត់ត្រលប់ និងទូទាត់សងត្រលប់ទៅ ខេប៊ីប្រាសាក់ លើកម្រៃជើងសារ ការទាមទារ ការតម្រូវ ការខាតបង់ ការចំណាយ បំណុល កាតព្វកិច្ច និងសំណងផ្សេងៗដែលកើតឡើងពីប្រតិបត្តិការសេវាធនាគារអន្តរជាតិរបស់ខ្លួន។
    • ខេប៊ីប្រាសាក់ អាចបដិសេធមិនធ្វើ ឬ ពន្យារពេលលើការធ្វើប្រតិបត្តិការណាមួយ ក្នុងករណីដែល ខេប៊ីប្រាសាក់ ជឿជាក់ថាប្រតិបត្តិការនោះ ពាក់ព័ន្ធទៅនឹងទំនិញ/សេវាកម្ម ឬ សកម្មភាព មិនស្របទៅនឹងច្បាប់ជាតិ ឬ ច្បាប់អន្តរជាតិ និង/ឬ ប្រតិបត្តិការជាប់ពាក់ព័ន្ធដោយផ្ទាល់ ឬ ដោយប្រយោលជាមួយ បុគ្គល ឬ អង្គភាព ឬ ប្រទេសណាមួយដែលខុសច្បាប់ ឬ ត្រូវបានដាក់ទណ្ឌកម្ម។
13. ការបញ្ជាទូទាត់
    • អតិថិជនអាចធ្វើការបញ្ជាទូទាត់ជាលាយលក្ខណ៍អក្សរមកខេប៊ីប្រាសាក់ ឬ តាមរយៈកម្មវិធីខេប៊ីប្រាសាក់ម៉ូបាល ឬ សេវាខេប៊ីប្រាសាក់ខបភើរេត ឬ ប័ណ្ណ ឬ ប័ណ្ណឥណពន្ធ ឬ មធ្យោបាយផ្សេងៗ ដែលផ្តល់ដោយខេប៊ីប្រាសាក់ ដោយអតិថិជនត្រូវផ្តល់ព័ត៌មានរបស់អ្នកទទួលផលឱ្យបានគ្រប់គ្រាន់ និងត្រឹមត្រូវ ។
    • ខេប៊ីប្រាសាក់ នឹងមិនទទួលខុសត្រូវ ចំពោះការបាត់បង់ទាំងឡាយណាដែលបង្កឡើងដោយការផ្តល់ព័ត៌មានមិនត្រឹមត្រូវ និង/ឬ មិនគ្រប់គ្រាន់របស់អតិថិជននោះទេ។
14. ការបង្ខាំងគណនី ឬ សមតុល្យគណនី
    ខេប៊ីប្រាសាក់នឹងធ្វើការបង្ខាំងគណនី ឬ សមតុល្យគណនីរបស់អតិថិជនក្នុងករណីដូចខាងក្រោម៖
    • មានការស្នើសុំជាលាយលក្ខណ៍អក្សរពីអតិថិជន
    • មានការស្នើសុំពីអតិថិជនតាមរយៈទូរស័ព្ទមកមន្ត្រីទំនាក់ទំនងអតិថិជន (Call Center) រួមទាំងអតិថិជន ខេប៊ីប្រាសាក់ ឬ អតិថិជននៃធនាគារផ្សេង ក្នុងករណីអតិថិជនធ្វើប្រតិបត្តិការផ្ទេរ ឬ ដាក់ប្រាក់ខុសលេខគណនី
    • តាមសេចក្តីបង្គាប់បញ្ជារបស់ស្ថាប័នតុលាការ ធនាគារជាតិនៃកម្ពុជា ឬ អាជ្ញាធរមានសមត្ថកិច្ចជាដើម។
15. ការដោះបង្ខាំងគណនី ឬ សមតុល្យគណនី
    ខេប៊ីប្រាសាក់នឹងធ្វើការដោះបង្ខាំងគណនី ឬ សមតុល្យគណនីដែលត្រូវបានបង្ខាំងក្នុងករណីណាមួយខាងក្រោម៖
    • មានការស្នើសុំជាលាយលក្ខណ៍អក្សរពីអតិថិជន (ក្នុងករណីអតិថិជនស្នើសុំបង្ខាំងគណនី) ឬ
    • តាមនីតិវិធីនៃការដោះស្រាយបណ្ដឹងរបស់អតិថិជនលើការផ្ទេរ/ដាក់ប្រាក់ខុសលេខគណនី ឬ
    • តាមសេចក្តីបង្គាប់បញ្ជារបស់ស្ថាប័នតុលាការ ធនាគារជាតិនៃកម្ពុជា ឬ អាជ្ញាធរមានសមត្ថកិច្ចជាដើម។
16. កម្រៃសេវាកម្ម
    • អតិថិជន មានកាតព្វកិច្ចបង់កម្រៃសេវាកម្មផ្សេងៗដូចមានចែងនៅក្នុងតារាងតម្លៃសេវាស្តង់ដាររបស់ ខេប៊ីប្រាសាក់ ទៅតាមប្រភេទ និងលក្ខខណ្ឌនីមួយៗពាក់ព័ន្ធនឹងការប្រើប្រាស់ផលិតផល និងសេវាកម្មផ្សេងៗរបស់ខេប៊ីប្រាសាក់។
    • ខេប៊ីប្រាសាក់នឹងកាត់ប្រាក់កម្រៃខាងលើ ចេញពីគណនីដោយមិនចាំបាច់សុំការអនុញ្ញាតពីអតិថិជនឡើយរួមមាន ប្រាក់ពិន័យ ការប្រាក់ ប្រាក់ពន្ធ ប្រាក់កម្រៃជើងសា និងកម្រៃសេវាកម្មនានា ដែលអតិថិជនជំពាក់ ឬ មិនទាន់បានបង់មកឱ្យខេប៊ីប្រាសាក់។
    • ចំពោះតារាងតម្លៃសេវាកម្មស្តង់ដារនេះ អតិថិជនអាចស្វែងរកបាននៅគ្រប់ការិយាល័យ និង/ឬ វេបសាយត៍របស់ខេប៊ីប្រាសាក់ www.kbprasacbank.com.kh ឬ ទាក់ទងមកកាន់មន្ត្រីបម្រើសេវាអតិថិជន តាមរយៈទូរស័ព្ទលេខ 023/086 999 911។
17. អត្រាការប្រាក់លើប្រាក់បញ្ញើ
    • ខេប៊ីប្រាសាក់នឹងគណនា និងទូទាត់ការប្រាក់ជូនទៅអតិថិជនដោយយោងតាមអត្រាការប្រាក់ស្តង់ដារទៅតាមប្រភេទគណនីប្រាក់បញ្ញើសន្សំនីមួយៗ ដែលបានកំណត់ដោយខេប៊ីប្រាសាក់។
    • ការប្រាក់ត្រូវបានគណនាដោយផ្អែកទៅលើសមតុល្យប្រចាំថ្ងៃ ផ្អែកលើរយៈពេល 365 ថ្ងៃ ក្នុងមួយឆ្នាំ និងផ្អែកតាមប្រភេទរូបិយប័ណ្ណនៃគណនីនោះ។
    • ការប្រាក់នឹងត្រូវបញ្ចូលទៅក្នុងគណនីជាប្រចាំខែ ឬ ប្រចាំឆ្នាំ ឬ ពេលគណនីដល់កាលកំណត់ ឬ ពេលបិទគណនី ដោយអាស្រ័យទៅលើប្រភេទគណនីនីមួយៗដែលអតិថិជនបានស្នើសុំបើក។
18. ការកែប្រែកម្រៃសេវា អត្រាការប្រាក់ ទំហំកំណត់ លក្ខខណ្ឌផ្សេងៗ និងការជូនដំណឹងទៅអតិថិជន
    • ខេប៊ីប្រាសាក់ រក្សាសិទ្ធិក្នុងការកែប្រែកម្រៃសេវា អត្រាការប្រាក់ ទំហំកំណត់ និង/ឬ លក្ខខណ្ឌផ្សេងៗដែលត្រូវអនុវត្តចំពោះការប្រើប្រាស់គណនី និង/ឬ សេវាណាមួយ របស់អតិថិជន ដោយខេប៊ីប្រាសាក់នឹងធ្វើការជូនដំណឹងទៅអតិថិជនឱ្យបានត្រឹមត្រូវតាមលក្ខខណ្ឌតម្រូវនៃច្បាប់។
    • ក្នុងរយៈពេលនៃការជូនដំណឹង ករណីមិនមានការតវ៉ាពីសំណាក់អតិថិជន ត្រូវសន្មតថាអតិថិជនបានយល់ព្រម និងទទួលយកការកែប្រែខាងលើមកអនុវត្តភ្លាមៗបន្ទាប់ពីការកែប្រែចូលជាធរមានដែលត្រូវបានផ្សព្វផ្សាយ តាមរយៈមធ្យោបាយណាមួយខាងក្រោម៖
      1. តាមរយៈសាខារបស់ខេប៊ីប្រាសាក់ និង/ឬ
      2. តាមរយៈវេបសាយត៍ និង/ឬ បណ្តាញទំនាក់ទំនងសង្គមផ្លូវការរបស់ខេប៊ីប្រាសាក់ និង/ឬ
      3. ការផ្ញើសារ និង/ឬ អ៊ីម៉ែលទៅកាន់អតិថិជន
      4. តាមរយៈការផ្សព្វផ្សាយនៅលើទំព័រការសែត ទស្សនាវដ្តី កម្មវិធីខេប៊ីប្រាសាក់ម៉ូបាល សេវាខេប៊ីប្រាសាក់ខបភើរេត ឬ មធ្យោបាយផ្សេងៗ ដែលខេប៊ីប្រាសាក់បានជ្រើសរើស។ល។
    •  អតិថិជនត្រូវបានសន្មតថាបានទទួលការជូនដំណឹងស្តីពីការកែប្រែខាងលើភ្លាមៗ បន្ទាប់ពីខេប៊ីប្រាសាក់ បានធ្វើការចុះផ្សាយពីការកែប្រែព័ត៌មាននានារបស់ខ្លួន តាមរយៈមធ្យោបាយណាមួយក្នុងចំណោមមធ្យោបាយខាងលើ។
19. ពន្ធកាត់ទុក (ពន្ធលើការប្រាក់ )
    • អតិថិជន (ម្ចាស់គណនី) បានទទួលស្គាល់ថា ពន្ធកាត់ទុកលើការប្រាក់ដែលទទួលបានពីការដាក់ប្រាក់បញ្ញើជាមួយខេប៊ីប្រាសាក់ជាបន្ទុករបស់ខ្លួន។
    • អតិថិជនយល់ព្រមឱ្យខេប៊ីប្រាសាក់ធ្វើការកាត់ប្រាក់ពន្ធដែលត្រូវបង់ចេញពីគណនីរបស់អតិថិជនដោយផ្ទាល់ និងមិនចាំបាច់មានការយល់ព្រមពីអតិថិជនឡើយ។
    • ការកាត់ប្រាក់ពន្ធនេះនឹងត្រូវធ្វើឡើងរៀងរាល់ពេលដែលខេប៊ីប្រាសាក់ធ្វើការបញ្ចូលការប្រាក់ទៅក្នុងគណនីរបស់អតិថិជនទៅតាមអត្រាពន្ធជាក់ស្តែងដែលត្រូវបានកំណត់ដោយច្បាប់ ឬ លិខិតបទដ្ឋាន គតិយុត្តិជាធរមាន។
20. ទំហំទឹកប្រាក់បញ្ញើ
    • ទំហំទឹកប្រាក់អតិបរមានៃការដាក់ប្រាក់បញ្ញើសន្សំសម្រាប់អតិថិជនម្នាក់ គឺមិនកំណត់។
    • ទំហំទឹកប្រាក់សម្រាប់ការធ្វើប្រតិបត្តិការ គឺត្រូវបានកំណត់ទៅតាមប្រភេទប្រតិបត្តិការនីមួយៗ ដែលអតិថិជនអាចស្វែងរកបាននៅក្នុងលក្ខខណ្ឌជាក់លាក់នៃសេវានីមួយៗ និង/ឬ តាមសាខាខេប៊ីប្រាសាក់ និង/ឬ វេបសាយត៍ផ្លូវការរបស់ខេប៊ីប្រាសាក់។
21. ប្រភេទរូបិយប័ណ្ណ
    • អតិថិជនអាចបើកគណនី ឬ ធ្វើប្រតិបត្តិការ ជាមួយរូបិយប័ណ្ណដូចខាងក្រោម៖
      • ខ្មែររៀល (KHR) និង
      • ដុល្លារអាមេរិក (USD)
    • អតិថិជនអាចធ្វើប្រតិបត្តិការឆ្លងរូបិយប័ណ្ណបាន ដោយត្រូវយោងទៅតាមអត្រាប្តូរប្រាក់ជាក់ស្តែង របស់ ខេប៊ីប្រាសាក់នៅថ្ងៃធ្វើប្រតិបត្តិការនោះ។
22. អត្រាប្តូរប្រាក់
    • អតិថិជនអាចស្វែងរកអត្រាប្តូរប្រាក់ប្រចាំថ្ងៃរបស់ខេប៊ីប្រាសាក់ ដែលមានបិទផ្សាយនៅតាមបណ្តាសាខាខេប៊ីប្រាសាក់ ឬ វេបសាយត៍ផ្លូវការរបស់ខេប៊ីប្រាសាក់ ឬ កម្មវិធីខេប៊ីប្រាសាក់ម៉ូបាល ឬ សេវាខេប៊ីប្រាសាក់ខបភើរេត ឬ តាមមធ្យោបាយផ្សេងៗដែលផ្តល់ដោយខេប៊ីប្រាសាក់។
    •  រាល់ពេលធ្វើប្រតិបត្តិការលើគណនី ឬ ប្រើប្រាស់សេវាកម្មណាមួយជាមួយខេប៊ីប្រាសាក់ដោយឆ្លងរូបិយប័ណ្ណ អតិថិជនយល់ព្រមទទួលយកអត្រាប្តូរប្រាក់ស្តង់ដារ ដែលខេប៊ីប្រាសាក់បានកំណត់នៅក្នុងពេលដែលធ្វើប្រតិបត្តិការនោះ។
23. ការស្នើសុំបិទគណនី
    • រាល់ការស្នើសុំបិទគណនី ត្រូវធ្វើឡើងដោយផ្ទាល់ពីអតិថិជនជាម្ចាស់គណនី ឬ តាមការកំណត់ដោយច្បាប់ ឬ អាជ្ញាធរមានសមត្ថកិច្ច។
    • ចំពោះការស្នើសុំបិទគណនីដែលមានកាលកំណត់ មុនកាលកំណត់ អតិថិជនយល់ព្រមចំពោះការខាតបង់ការប្រាក់ដែលនឹងត្រូវទទួលបាន ហើយខេប៊ីប្រាសាក់រក្សាសិទ្ធិគ្រប់បែបយ៉ាងក្នុងការកំណត់ អត្រាការប្រាក់ ដែលត្រូវផ្តល់ជូនអតិថិជន។
24. ឯកសារគណនី (សៀវភៅគណនីសន្សំ/វិញ្ញាបនបត្រប្រាក់បញ្ញើមានកាលកំណត់/ប័ណ្ណព័ត៌មានគណនី)
    • អតិថិជនអាចស្នើសុំ សៀវភៅគណនីសន្សំ ឬ ប័ណ្ណព័ត៌មានគណនីសម្រាប់ប្រភេទគណនីបញ្ញើសន្សំ និង/ឬ វិញ្ញាបនបត្រដាក់ប្រាក់បញ្ញើសន្សំ សម្រាប់ប្រភេទគណនីបញ្ញើមានកាលកំណត់ ហើយរាល់កម្រៃសេវាត្រូវបានកំណត់ដោយខេប៊ីប្រាសាក់។
    • អតិថិជនត្រូវត្រួតពិនិត្យរបាយការណ៍គណនីរបស់ខ្លួនដែលបានបង្ហាញនៅក្នុងសៀវភៅគណនីសន្សំ និង /ឬ របាយការណ៍គណនី នឹងត្រូវជូនដំណឹងមកខេប៊ីប្រាសាក់ភ្លាមៗក្នុងអំឡុងពេល ១៤ថ្ងៃ បន្ទាប់ពីកាលបរិច្ឆេទនៃការបោះពុម្ពទិន្នន័យ ក្នុងករណីរកឃើញនូវភាពមិនប្រក្រតី មិនត្រឹមត្រូវ ឬ មានការកោសលុបផ្សេងៗ។
    • ករណីមិនមានការជូនដំណឹងពីអតិថិជន របាយការណ៍សមតុល្យនោះនឹងត្រូវបានចាត់ទុកថាត្រឹមត្រូវ ហើយអតិថិជនមិនមានសិទិ្ធជំទាស់ ឬ ប្តឹងទាមទារសំណងពីខេប៊ីប្រាសាក់ឡើយ។
    • ខេប៊ីប្រាសាក់មានសិទ្ធិក្នុងការកែតម្រូវទិន្នន័យដែលខុសនៅក្នុងសៀវភៅគណនីសន្សំ ហើយទិន្នន័យដែលបានកែតម្រូវនោះនឹងមានសុពលភាពសម្រាប់អតិថិជន។
    • នៅពេលបាត់សៀវភៅគណនីសន្សំ និង/ឬ វិញ្ញាបនបត្រប្រាក់បញ្ញើមានកាលកំណត់ អតិថិជនត្រូវជូនដំណឹងមកខេប៊ីប្រាសាក់ជាលាយលក្ខណ៍អក្សរជាបន្ទាន់ ដោយបញ្ជាក់ឱ្យបានច្បាស់ពី កាលបរិច្ឆេទ និងទីកន្លែងដែលបាត់។
    • អតិថិជននឹងត្រូវបានផ្តល់នូវសៀវភៅគណនីសន្សំ ឬ វិញ្ញាបនបត្រប្រាក់បញ្ញើមានកាលកំណត់ថ្មី ជំនួសឯកសារគណនីដែលបានបាត់ ប៉ុន្តែត្រូវយល់ព្រមបង់កម្រៃសេវាទៅតាមកម្រៃសេវាស្តង់ដាររបស់ខេប៊ីប្រាសាក់។
    • ខេប៊ីប្រាសាក់មិនទទួលខុសត្រូវចំពោះអតិថិជន ឬ ភាគីទីបីណាមួយ ប្រសិនបើមានប្រតិបត្តិការគណនីណាមួយ កើតឡើងទាក់ទងទៅនឹងគណនីនោះ មុនពេលអតិថិជនជូនដំណឹងមកខេប៊ីប្រាសាក់ឡើយ។
25. របាយការណ៍គណនី
    • ខេប៊ីប្រាសាក់នឹងផ្តល់របាយការណ៍គណនីទាក់ទងទៅនឹងប្រតិបត្តិការចេញ ឬ ចូលក្នុងគណនីរបស់អតិថិជនទៅតាមការស្នើសុំជាក់ស្តែងពីអតិថិជន។
    • អតិថិជនអាចធ្វើការស្នើសុំរបាយការណ៍គណនីនៅតាមបណ្តាសាខាណាមួយរបស់ខេប៊ីប្រាសាក់ ឬទាញយកតាមរយៈកម្មវិធីខេប៊ីប្រាសាក់ម៉ូបាល ឬ សេវាខេប៊ីប្រាសាក់ខបភើរេត ឬ មធ្យោបាយផ្សេងទៀតផ្តល់ដោយខេប៊ីប្រាសាក់។
    • អតិថិជនត្រូវត្រួតពិនិត្យរបាយការណ៍គណនីរបស់ខ្លួនដែលបង្ហាញក្នុងរបាយការណ៍គណនីនោះ និងត្រូវជូនដំណឹងមកខេប៊ីប្រាសាក់ភ្លាមក្នុងអំឡុងពេល 14 ថ្ងៃ បន្ទាប់ពីកាលបរិច្ឆេទនៃការបោះពុម្ពទិន្ន ន័យ ក្នុងករណីឃើញភាពមិនប្រក្រតី ឬ មិនត្រឹមត្រូវ ឬ មានការកោសលុបផ្សេងៗ។
26. សិទ្ធិក្នុងការទូទាត់
    • បន្ថែមលើការព្រមព្រៀងផ្សេងៗ ខេប៊ីប្រាសាក់មានសិទ្ធិក្នុងការទូទាត់ទឹកប្រាក់នៅក្នុងគណនី ដើម្បីទូទាត់បំណុលដោយពុំតម្រូវឱ្យធ្វើការជូនដំណឹងដល់អតិថិជនជាមុនឡើយ។ ខេប៊ីប្រាសាក់នឹងធ្វើការទូទាត់ទឹកប្រាក់ចេញពីគណនីនូវចំនួនទឹកប្រាក់ដែលអតិថិជនជំពាក់ខេប៊ីប្រាសាក់ ទោះជាបំណុលរួម ឬ ដាច់ដោយឡែកក៏ដោយ។
    • ខេប៊ីប្រាសាក់រក្សាសិទិ្ធក្នុងការកែតម្រូវ ឬ ទូទាត់ចេញពីគណនីអតិថិជន ចំពោះប្រតិបត្តិការដាក់ប្រាក់ ដកប្រាក់ ផ្ទេរប្រាក់ ឬ ការទូទាត់ទាំងឡាយណា ដែលធើ្វឡើងដោយកំហុសបច្ចេកទេស ឬ ការដោះស្រាយបណ្ដឹងលើការផ្ទេរ/ដាក់ប្រាក់ខុសលេខគណនី ដោយពុំតម្រូវឱ្យធ្វើការស្នើសុំការអនុញ្ញាតពីអតិថិជនឡើយ។
27. ការរំខានដល់សេវាកម្ម និងប្រធានសក្តិ
    • ខេប៊ីប្រាសាក់នឹងមិនទទួលរ៉ាប់រងលើការខាតបង់ទាំងឡាយណា ដែលបណ្តាលមកពីការរអាក់រអួលរបស់ប្រព័ន្ធ ឬ ឧបករណ៍ដំណើរការមិនប្រក្រតីឡើយ។
    • ដូចគ្នានេះដែរ ខេប៊ីប្រាសាក់ក៏នឹងមិនទទួលខុសត្រូវចំពោះការខូចខាតទាំងឡាយណា ដែលបណ្តាល មកពីការខកខានមិនបានបំពេញសេវាកម្ម ឬ កាតព្វកិច្ចរបស់ខ្លួនដោយសារករណីប្រធានសក្តិ រួមមាន គ្រោះទឹកជំនន់ ខ្យល់ព្យុះ គ្រោះរាំងស្ងួត ភេរវកម្ម កុប្បកម្ម សង្គ្រាម ឬ ក៏មូលហេតុផ្សេងទៀតដែលហួសពីលទ្ធភាពគ្រប់គ្រងបានរបស់ខេប៊ីប្រាសាក់។
28. ការរក្សាព័ត៌មានអតិថិជនជាការសម្ងាត់
    • ខេប៊ីប្រាសាក់នឹងរក្សារាល់ព័ត៌មានទាំងអស់របស់អតិថិជនជាការសម្ងាត់។
    • ខេប៊ីប្រាសាក់នឹងមិនបញេ្ចញព័ត៌មានរបស់អតិថិជនទៅកាន់ភាគីទីបី ដោយមិនមានការអនុញ្ញាតពីអតិថិជនឡើយ លើកលែងតែការស្នើសុំនោះតម្រូវដោយច្បាប់ ឬ ធ្វើឡើងដោយស្ថាប័នមានសមត្ថកិច្ច។
    • អតិថិជន ធានាអះអាងថា ខ្លួនគោរពទៅតាមគោលការណ៍ សេចក្តីណែនាំនានាលើការប្រើប្រាស់សេវាកម្មរបស់ខេប៊ីប្រាសាក់ ហើយត្រូវយកចិត្តទុកដាក់លើការគ្រប់គ្រង ថែរក្សានូវព័ត៌មានផ្ទាល់ខ្លួន ទ្រព្យសម្បត្តិ និងឯកសារពាក់ព័ន្ធនឹងគណនី និងការប្រើប្រាស់សេវានានារបស់ធនាគារ ដោយមិនត្រូវផ្ទេរ ឬ ផ្តល់ឱ្យទៅបុគ្គលណាម្នាក់នោះឡើយ។ អតិថិជន គឺជាអ្នកទទួលខុសត្រូវដោយផ្ទាល់ លើរាល់ការខូចខាតនានា កើតចេញពីការធ្វេសប្រហែស ការចែករំលែក ការផ្ទេរ ឬ ផ្តល់ឱ្យនូវព័ត៌មានផ្ទាល់ខ្លួន ទ្រព្យសម្បត្តិ និងឯកសារទាំងនោះ។
29. ការប្រឆាំងការសម្អាតប្រាក់ ហិរញ្ញប្បទានភេរវកម្ម និងបទឧក្រិដ្ឋផ្សេងៗ
    • ខេប៊ីប្រាសាក់ត្រូវបានតម្រូវឱ្យអនុវត្តឱ្យបានត្រឹមត្រូវតាមច្បាប់ និងបទប្បញ្ញតិ ជាធរមាន ពាក់ព័ន្ធនឹងការប្រឆាំងការសម្អាតប្រាក់ និងហិរញ្ញប្បទានភេរវកម្ម និងបទឧក្រិដ្ឋផេ្សងៗ។
    • ខេប៊ីប្រាសាក់អាចចាត់វិធានការនានាតាមឆន្ទានុសិទិ្ធរបស់ខ្លួនដើម្បីគោរពតាមច្បាប់ និងបទប្បញ្ញាតិជាធរមាន។
    • អតិថិជនយល់ព្រមជាមួយខេប៊ីប្រាសាក់ថា ខេប៊ីប្រាសាក់អាចនឹងពន្យារពេល ឬ បង្ខាំងទុក ឬ បដិសេធ មិនឱ្យដំណើរការនូវប្រតិបត្តិការណាមួយដោយមិនមានការទទួលខុសត្រូវ ប្រសិនបើខេប៊ីប្រាសាក់ សង្ស័យថា៖
      • ប្រតិបត្តិការដែលបានធ្វើឡើងនោះអាចផ្ទុយនឹងច្បាប់នៃព្រះរាជាណាចក្រកម្ពុជា ឬ ច្បាប់អន្តរជាតិ
      •  ប្រតិបត្តិការដែលបានធ្វើឡើងនោះអាចនឹងពាក់ព័ន្ធដោយផ្ទាល់ និង/ឬ ដោយប្រយោលទៅនឹងដំណើរការ ឬ គោលបំណងនៃការប្រព្រឹត្តសកម្មភាពខុសច្បាប់។
30. ច្បាប់អនុវត្ត
    • រាល់លក្ខខណ្ឌទាំងឡាយដែលមានចែងនៅក្នុងលក្ខខណ្ឌទូទៅនេះ ត្រូវអនុវត្តឱ្យស្របតាមច្បាប់ គោលការណ៍ និងនីតិវិធីរបស់ខេប៊ីប្រាសាក់។
    • ប្រសិនបើលក្ខខណ្ឌណាមួយនៅក្នុងលក្ខខណ្ឌទូទៅនេះ មិនអាចអនុវត្តបាន ឬ គ្មានសុពលភាពស្របតាមផ្លូវច្បាប់ លក្ខខណ្ឌទាំងនោះនឹងអស់សុពលភាពត្រឹមកម្រិតដែលលក្ខខណ្ឌនោះមិនអាចអនុវត្តបាន ឬ អសុពលភាពនៃលក្ខខណ្ឌនោះតែប៉ុណ្ណោះ ចំណែកលក្ខខណ្ឌផ្សេងៗទៀតនៃលក្ខខណ្ឌទូទៅនេះនៅតែបន្តមានសុពលភាពអនុវត្តដដែល។
    • រាល់វិវាទដែលកើតចេញពីការបកស្រាយខ្លឹមសារផ្សេងគ្នារវាងអតិថិជន (ម្ចាស់គណនី) និងខេប៊ីប្រាសាក់ គឺត្រូវបកស្រាយដោយអនុលោមទៅតាមច្បាប់នៃព្រះរាជាណាចក្រកម្ពុជា។
    • រាល់ផលិតផល និងសេវាកម្មទាំងអស់របស់ខេប៊ីប្រាសាក់ ត្រូវអនុវត្តតាមលក្ខខណ្ឌទូទៅនេះ។ ក្នុងករណីលក្ខខណ្ឌទាំងឡាយណា ដែលមានចែងនៅក្នុងលក្ខខណ្ឌទូទៅនេះផ្ទុយទៅនឹងលក្ខខណ្ឌលម្អិត ឬ លក្ខខណ្ឌជាក់លាក់នៃផលិតផលនីមួយៗ នោះលក្ខខណ្ឌលម្អិត ឬ លក្ខខណ្ឌជាក់លាក់របស់ផលិតផល នោះត្រូវយកជាគោល។
    • លក្ខខណ្ឌទូទៅនេះត្រូវបានធ្វើឡើងជាភាសាខែ្មរ និងអង់គ្លេស។ ករណីមានចំណុចណាមួយរវាងអត្ថបទ ទាំងពីរមានន័យមិនស្រប ឬ មិនស៊ីគ្នា នោះអត្ថបទជាភាសារខែ្មរចាត់ទុកជាផ្លូវការ។

1. សេចក្តីផ្តើម
   • លក្ខខណ្ឌនៃការប្រើប្រាស់សេវាខេប៊ីប្រាសាក់ម៉ូបាល តទៅហៅថា “លក្ខខណ្ឌប្រើប្រាស់” គឺជាកិច្ចព្រមព្រៀងរវាង លោក-លោកស្រី ជាមួយ ធនាគារ ខេប៊ីប្រាសាក់ ម.ក តទៅហៅថា “ខេប៊ីប្រាសាក់” ទាក់ទងទៅនឹងការប្រើប្រាស់សេវាខេប៊ីប្រាសាក់ម៉ូបាល។
   • សូម លោក-លោកស្រី អាន លក្ខខណ្ឌប្រើប្រាស់ នេះដោយប្រុងប្រយ័ត្ន មុននឹងចុច “យល់ព្រម” ដើម្បីបន្តចុះឈ្មោះប្រើប្រាស់សេវាខេប៊ីប្រាសាក់ម៉ូបាល។
   • នៅពេល លោក-លោកស្រី បានចុច “យល់ព្រម” មានន័យថា លោក-លោកស្រី បានអាន បានយល់ និងព្រមអនុវត្តនូវគ្រប់លក្ខខណ្ឌដែលបានចែងនៅក្នុងលក្ខខណ្ឌប្រើប្រាស់នេះ ព្រមទាំងលក្ខខណ្ឌទូទៅនៃការប្រើប្រាស់ផលិតផល និងសេវាកម្ម របស់ខេប៊ីប្រាសាក់ ហើយ លោក-លោកស្រី យល់ព្រមទទួលខុសត្រូវលើការប្រើប្រាស់សេវាខេប៊ីប្រាសាក់ម៉ូបាល។
2. និយមន័យនៃពាក្យគន្លឹះ
   

   ពាក្យ “លោក-លោកស្រី”	សំដៅដល់អតិថិជនជា ម្ចាស់គណនី ដែលបានចុះឈ្មោះប្រើប្រាស់សេវាខេប៊ីប្រាសាក់ម៉ូបាល។
   សេវាខេប៊ីប្រាសាក់ម៉ូបាល	សំដៅលើកម្មវិធីតាមរយៈទូរស័ព្ទចល័ត ដែលអនុញ្ញាតឱ្យ លោក-លោកស្រី អាចធ្វើការបើកគណនី និង/ឬ ចុះឈ្មោះប្រើប្រាស់កម្មវិធីខេប៊ីប្រាសាក់ម៉ូបាល (ករណីមានគណនីស្រាប់) និងអាចធ្វើប្រតិបត្តិការហិរញ្ញវត្ថុលើគណនីរបស់ខ្លួនបានដោយសុវត្ថិភាពនៅគ្រប់ទីកន្លែង និងគ្រប់ពេលវេលា (24/7) ដែលប្រតិបត្តិការរួមមាន៖ ផ្ទេរប្រាក់ ទូទាត់វិក្កយបត្រ ទិញកាតទូរស័ព្ទ ទូទាត់ទំនិញ/សេវាកម្ម ពិនិត្យព័ត៌មានគណនី ស្នើសុំកម្ចី ឬ បើកគណនីបញ្ញើមានកាលកំណត់។ល។
   កម្មវិធីខេប៊ីប្រាសាក់ម៉ូបាល	សំដៅលើកម្មវិធីនៅលើទូរស័ព្ទចល័តរបស់ខេប៊ីប្រាសាក់ ដែលអនុញ្ញាតឱ្យអតិថិជនប្រើប្រាស់ដើម្បីធ្វើប្រតិបត្តិការហិញ្ញវត្ថុលើគណនីបញ្ញើសន្សំរបស់ខ្លួនបានគ្រប់ពេលវេលា (24/7) និងគ្រប់ទីកន្លែង។
   គណនី	សំដៅលើគណនីប្រាក់បញ្ញើសន្សំ និង/ឬគណនីចរន្តទាំងឡាយណាដែល លោក-លោកស្រីបានបើកជាមួយ ខេប៊ីប្រាសាក់ អាចជា៖ គណនីសន្សំ ឬ គណនីចម្រើនគ្មានកាលកំណត់ ឬ គណនីចម្រើនតាមលំដាប់ ឬ គណនីបើកប្រាក់បៀវត្ស ឬ គណនីសន្សំពាណិជ្ជករ ឬ គណនីចរន្ត ឬ គណនីចរន្តព្រីមៀម។ល។
   គណនីឌីជីថល	ជាគណនីប្រាក់បញ្ញើសន្សំមួយប្រភេទ ដែលអតិថិជនអាចធ្វើការបើកគណនីបានដោយខ្លួនឯង (សម្រាប់អតិថិជនថ្មី ដែលមិនទាន់មានគណនីជាមួយខេប៊ីប្រាសាក់) និងប្រើប្រាស់ដើម្បីធ្វើប្រតិបត្តិការហិរញ្ញវត្ថុបានភ្លាមៗតាមរយៈកម្មវិធីខេប៊ីប្រាសាក់ម៉ូបាល។
   គណនីឯកត្តជន	ជាប្រភេទគណនី សម្រាប់បើកជូនអតិថិជនជារូបវន្តបុគ្គលប្រើប្រាស់ និងធ្វើប្រតិបត្តិការសាច់ប្រាក់ទៅតាមតម្រូវការផ្ទាល់ខ្លួន។
   គណនីឯកត្តជនផ្ទាល់ខ្លួន	ជាប្រភេទគណនីឯកត្តជន ដែលមានម្ចាស់គណនីតែម្នាក់គត់។
   គណនីឯកត្តជនរួម	ជាប្រភេទគណនីឯកត្តជន ដែលមានសមាជិករួមគណនី (គណនី) ចាប់ពី 02 នាក់ឡើងទៅ។
   លេខកូដសម្ងាត់ (PIN)	គឺជាលេខកូដសម្ងាត់ផ្ទាល់ខ្លួនចំនួន 06 ខ្ទង់ (ជាលេខសុទ្ធ) ដែលត្រូវបានកំណត់ដោយផ្ទាល់ពីលោក-លោកស្រី នៅពេលចុះឈ្មោះប្រើប្រាស់កម្មវិធីខេប៊ីប្រាសាក់ម៉ូបាល។ លេខកូដសម្ងាត់នេះត្រូវបានប្រើដើម្បីចូលទៅប្រើប្រាស់ (Login) កម្មវិធីខេប៊ីប្រាសាក់ម៉ូបាល។
   លេខកូដ OTP	មានពាក្យពេញគឺ One Time Password (OTP) ដែលជាលេខកូដសម្ងាត់ចំនួន 06 ខ្ទង់ ផ្សេងមួយទៀត ដែលត្រូវបានបង្កើតឡើងដោយស្វ័យប្រវត្តិពីប្រព័ន្ធធនាគារ និងត្រូវបានផ្ញើសារទៅកាន់លេខទូរស័ព្ទ ឬ អ៊ីម៉ែល របស់លោក-លោកស្រី ដើម្បីអនុម័តលើការចុះឈ្មោះប្រើប្រាស់កម្មវិធី ឬ ការធ្វើប្រតិបត្តិការហិរញ្ញវត្ថុផ្សេងៗតាមរយៈកម្មវិធីខេប៊ីប្រាសាក់ម៉ូបាល។ លេខកូដ OTP នេះមានសុពលភាពប្រើប្រាស់បានតែមួយដង ឬ មួយប្រតិបត្តិការគត់។
   ការស្កេនស្នាមខ្ចៅដៃ/ផ្ទៃមុខ	សំដៅដល់ប្រព័ន្ធសុវត្ថិភាពនៃការស្កេនស្នាមខ្ចៅដៃ ឬ ផ្ទៃមុខនៅលើទូរស័ព្ទចល័ត (Fingerprint / Facial Recognition) សម្រាប់បញ្ជាក់អត្តសញ្ញាណអតិថិជននៅពេលចូលប្រើទូរស័ព្ទ ឬ កម្មវិធីខេប៊ីប្រាសាក់ម៉ូបាល បន្ថែមពីលើការប្រើប្រាស់ដោយ “លេខកូដសម្ងាត់ (PIN)“។ លោក-លោកស្រី អាចកំណត់ការចូលប្រើប្រាស់កម្មវីធីខេប៊ីប្រាសាក់ម៉ូបាល ដោយប្រើការស្កេនស្នាមខ្ចៅដៃ/ផ្ទៃមុខ លុះត្រាតែ លោក-លោកស្រី បានកំណត់ លក្ខខណ្ឌសុវត្ថិភាពនេះសម្រាប់ការចូលទៅប្រើប្រាស់ទូរស័ព្ទចល័តរបស់ លោក-លោកស្រី ជាមុន។
   KHQR Code	ជាឃ្យូអរកូត ដែលតំណាងឱ្យលេខគណនីរបស់ លោក-លោកស្រី ឬ ភាគីផ្សេងទៀត ប្រើសម្រាប់ទទួលប្រាក់ ឬ ទូទាត់ថ្លៃទំនិញ/សេវាកម្មតាមរយៈមុខងារស្កេន KHQR Code។
   ផ្ទេរប្រាក់តាមលេខកូដសម្ងាត់	ជាប្រតិបត្តិការផ្ទេរប្រាក់ពី គណនី ទៅ លេខទូរស័ព្ទ ហើយទទួលបានលេខកូដចំនួន 06 ខ្ទង់ ដើម្បីយកទៅដកប្រាក់តាមម៉ាស៊ីនអេធីអឹម ឬ ម៉ាស៊ីនដាក់ប្រាក់ ឬ ម៉ាស៊ីនឆូតកាតខេប៊ីប្រាសាក់ (មិនតម្រូវប្រើប័ណ្ណអេធីអឹម)។
   ផ្ទេរប្រាក់អន្តរជាតិ	ជាប្រតិបត្តិការផ្ទេរប្រាក់ទៅក្រៅប្រទេស ទូទាំងពិភពលោក តាមរយៈប្រព័ន្ធ SWIFT (The Society for Worldwide Interbank Financial Telecommunication)។
   របាយការណ៍គណនី​	សំដៅលើកំណត់ត្រានៃប្រតិបត្តិការចេញ ឬ ចូលទំាងឡាយនៅក្នុងគណនី ដែលលោក-លោកស្រីអាចពិនិត្យ និងទាញយកតាមរយៈកម្មវិធីខេប៊ីប្រាសាក់ម៉ូបាល។
   ករណីប្រធានសក្តិ	សំដៅលើអំពើទាំងឡាយណា ដែលកើតឡើងក្រៅពីឆន្ទៈ ដោយមិនអាចប៉ាន់ស្មានជាមុន និងមិនអាចជំនះបាន ឬ ដែលមិនអនុញ្ញាតឱ្យភាគីណាមួយ ឬ ទាំងពីរអាចបន្តបំពេញកាតព្វកិច្ចរបស់ខ្លួនជាប្រក្រតីបានដូចជា៖ បន្ទុះភ្នំភ្លើង ទឹកជំនន់ គ្រោះរញ្ជួយដី ព្យុះសង្ឃរា ភេរវកម្ម កុបកម្ម សង្គ្រាម។ល។

3. ប្រភេទមុខងារសំខាន់ៗនៃកម្មវិធីខេប៊ីប្រាសាក់ម៉ូបាល
   • បើកគណនីឌីជីថល (សម្រាប់អតិថិជនថ្មីមិនទាន់មានគណនីជាមួយខេប៊ីប្រាសាក់)
   • ចុះឈ្មោះប្រើប្រាស់កម្មវិធីខេប៊ីប្រាសាក់ម៉ូបាលដោយខ្លួនឯង សម្រាប់អតិថិជនមានគណនីស្រាប់ (Online Self-Registration) ដូចជា៖
     1. គណនីឯកត្តជន (Single Account) ឬ
     2. គណនីឯកត្តជនរួម (Joint Account) ដែលមានលក្ខខណ្ឌចុះហត្ថលេខា “ម្នាក់ក្នុងចំណោមអ្នករួមគណនីមានសិទ្ធិចុះហត្ថលេខា“
   • បើកគណនីប្រាក់បញ្ញើសន្សំបន្ថែម
   • ភ្ជាប់គណនី និងដកគណនីដោយខ្លួនឯង
   • ផ្ទេរប្រាក់ពីគណនី ទៅ គណនី នៅខេប៊ីប្រាសាក់
   • ផ្ទេរប្រាក់គណនី ទៅ គណនីធនាគារផ្សេង
   • ផ្ទេរប្រាក់ពីគណនី ទៅ គណនីបាគង (ក្នុងគ្រឹះស្ថានតែមួយ ឬ ឆ្លងគ្រឹះស្ថានធនាគារនិងហិរញ្ញវត្ថុ)
   • ផ្ទេរប្រាក់តាមលេខកូដសម្ងាត់
   • ផ្ទេរប្រាក់អន្តរជាតិ (International Fund Transfer)
   • ទូទាត់ទំនិញ / សេវាកម្មតាមរយៈការស្កេន QR Code / KHQR Code (ក្នុងគ្រឹះស្ថានតែមួយ ឬ ឆ្លងគ្រឹះស្ថានធនាគារ និងហិរញ្ញវត្ថុ)
   • ដកប្រាក់តាមរយៈការស្កេន QR លើម៉ាស៊ីនអេធីអឹម
   • ដាក់ប្រាក់តាមរយៈការស្កេន QR លើម៉ាស៊ីនអេធីអឹម
   • ទូទាត់វិក្កយបត្រទឹក ភ្លើង សំរាម ថ្លៃសិក្សា។ល។
   • បញ្ចូលទឹកប្រាក់ក្នុងទូរស័ព្ទដៃ
   • បើកគណនីបញ្ញើមានកាលកំណត់
   • កែប្រែលក្ខខណ្ឌបន្តគណនីបញ្ញើមានកាលកំណត់ (Change Rollover Option)
   • កំណត់កាលវិភាគផ្ទេរប្រាក់
   • កំណត់កាលវិភាគទូទាត់វិក្កយបត្រ (Schedule Payment)
   • លាក់ និងបង្ហាញគណនីដោយខ្លួនឯង
   •  ចែករំលែកព័ត៌មានគណនី និង Deep link សម្រាប់ផ្ទេរប្រាក់
   • កែប្រែឈ្មោះគណនីនៅក្នុងកម្មវិធីខេប៊ីប្រាសាក់ម៉ូបាល (Rename account title)
   • ដោះបង្ខាំងគណនីគ្មានប្រតិបត្តិការ (Reactivation Dormant Account)
   • បង្ខាំងគណនី (Block Account)
   • ផ្ទេរប្រាក់ម្ដងទៀត និងផ្ទេរត្រលប់ (Repeat & Return)
   • ពិនិត្យព័ត៌មានប័ណ្ណអេធីអឹម
   • ស្នើសុំប័ណ្ណអេធីអឹមថ្មី
   • បើកឱ្យដំណើរការប័ណ្ណអេធីអឹមដោយខ្លួនឯង
   • កំណត់លេខសម្ងាត់ប័ណ្ណអេធីអឹម ករណីភ្លេច
   • បង្ខាំង ឬ ដោះបង្ខាំងប័ណ្ណអេធីអឹម
   • បញ្ចូល (Upload) KHQR Code របស់ខេប៊ីប្រាសាក់ ឬ គ្រឹះស្ថានធនាគារ និងហិរញ្ញវត្ថុផ្សេង ដែលបានរក្សាទុក (Save) ក្នុង Photos/Gallery ដើម្បីទូទាត់
   • ពិនិត្យសមតុល្យ ឬ របាយការណ៍គណនី និងទាញយករបាយការណ៍គណនី (Account Statement and download)
   • ពិនិត្យព័ត៌មានគណនីបញ្ញើមានកាលកំណត់ និងព័ត៌មានកម្ចី
   • ទាញយកកាលវិភាគសងប្រាក់ (Download Loan Repayment Schedule)
   • ស្នើសុំកម្ចី (Loan Submit Request: Loan Against TD, Smart Loan, Payroll Loan & Loan Submit Request)
   • មុខងារ Data Sponsor របស់ក្រុមហ៊ុន Smart និង Metfone ដែលអតិថិជនអាចប្រើប្រាស់កម្មវិធីខេប៊ីប្រាសាក់ម៉ូបាល ករណីគ្មានសមតុល្យក្នុង Sim Card
   • ពិនិត្យអត្រាប្តូរប្រាក់
   • ប្តូរលេខកូដសម្ងាត់ (PIN) សម្រាប់ចូលប្រើប្រាស់កម្មវិធីខេប៊ីប្រាសាក់ម៉ូបាល
   • កំណត់លេខកូដសម្ងាត់ថ្មី ករណីភ្លេច
   • ពិនិត្យទីតាំងម៉ាស៊ីនអេធីអឹម ទីតាំងហាងរបស់ពាណិជ្ជករ និងសាខាខេប៊ីប្រាសាក់
   • បង្កើតទម្រង់ផ្ទេរប្រាក់ និង ទូទាត់វិក្កយបត្រ (Create Template) និង
   • មុខងារថ្មីផ្សេងៗទៀត ដែលនឹងដាក់ឱ្យប្រើប្រាស់នាពេលអនាគត។ល។
4. ការបើកគណនីឌីជីថល (សម្រាប់អតិថិជនថ្មីមិនទាន់មានគណនីនៅខេប៊ីប្រាសាក់)
   • អតិថិជនអាចធ្វើការបើកគណនីឌីជីថលបានដោយខ្លួនឯង តាមរយៈ កម្មវិធីខេប៊ីប្រាសាក់ម៉ូបាល នៅលើទូរស័ព្ទចល័តរបស់ខ្លួនបានគ្រប់ពេលវេលា (24/7) និង គ្រប់ទីកន្លែង
   • អតិថិជនត្រូវមានលក្ខណៈសម្បត្តិដូចខាងក្រោម៖
     • មានអាយុចាប់ពី 16 ឆ្នាំ ឡើងទៅ
     • ជាជនជាតិខ្មែរ
     • មានប្រើប្រាស់ទូរស័ព្ទជាលេខផ្ទាល់ខ្លួន
     • មានអត្តសញ្ញាណប័ណ្ណសញ្ជាតិខ្មែរ ច្បាប់ដើម និងមានសុពលភាព
     • បំពេញព័ត៌មានផ្ទាល់ខ្លួន រួមមាន លេខទូរស័ព្ទ ឈ្មោះ ថ្ងៃខែឆ្នាំកំណើត ភេទ លេខអត្តសញ្ញាណប័ណ្ណ កាលបរិច្ឆេទផុតសុពលភាព និងអាសយដ្ឋានច្បាស់លាស់
     • ថតរូបផ្ទាល់ខ្លួន និងថតរូបអត្តសញ្ញាណប័ណ្ណសញ្ជាតិខ្មែរ ទៅតាមលក្ខខណ្ឌតម្រូវនៅក្នុងកម្មវិធីខេប៊ីប្រាសាក់ម៉ូបាល
     • ត្រូវយល់ព្រមគោរពតាម “លក្ខខណ្ឌនៃការប្រើប្រាស់សេវាខេប៊ីប្រាសាក់ម៉ូបាល” នេះ។
   • បន្ទាប់ពីចុះឈ្មោះបើកគណនីឌីជីថលបានដោយជោគជ័យ អតិថិជននឹងទទួលបានគណនីឌីជីថលចំនួន 02 គណនី ដោយស្វ័យប្រវត្តិ គឺ គណនីជាប្រាក់រៀល (KHR) និង គណនីជាប្រាក់ដុល្លារអាមេរិក (USD)
   • អតិថិជនដែលបានចុះឈ្មោះបើកគណនីដោយខ្លួនឯងនេះត្រូវបានចាត់ថ្នាក់អតិថិជននៅក្នុងកម្រិត “អតិថិជនថ្នាក់មធ្យម / Partial KYC” ដែលទំហំទឹកប្រាក់បញ្ញើនៅក្នុងគណនី និងទំហំនៃការធ្វើប្រតិបត្តិការត្រូវបានកំណត់ទៅតាមលក្ខខណ្ឌនៃការប្រើប្រាស់គណនី ដូចខាងក្រោម៖
     • អត្រាការប្រាក់ប្រចាំឆ្នាំ៖ ចន្លោះពី 1.50% ទៅ 4.00% យោងទៅតាមសមតុល្យគណនីជាក់ស្តែង
     • ការប្រាក់ត្រូវបានបង្គរជាប្រចាំថ្ងៃ និងបញ្ចូលក្នុងគណនីអតិថិជនជាប្រចាំខែ
     • អត្រាពន្ធកាត់ទុក៖ 4% លើការប្រាក់សរុបដែលទទួលបាន
     • មិនតម្រូវសមតុល្យអប្បបរមាដាក់ដំបូង (Initial Deposit) និងសមតុល្យអប្បបរមាក្នុងគណនី (Minimum Deposit)
     • ទំហំទឹកប្រាក់បញ្ញើអតិបរមាសម្រាប់អតិថិជនម្នាក់៖ USD 10,000 ឬ សមមូលប្រាក់រៀល
     • ទំហំទឹកប្រាក់សម្រាប់ធ្វើប្រតិបត្តិការតាមរយៈកម្មវិធីខេប៊ីប្រាសាក់ម៉ូបាល ក្នុងមួយថ្ងៃ ឬ ក្នុងមួយប្រតិបត្តិការសម្រាប់អតិថិជនម្នាក់៖ USD 3,000 ឬ KHR 12,000,00
   • អតិថិជនអាចប្តូរចំណាត់ថ្នាក់ពីអតិថិជន “អតិថិជនថ្នាក់មធ្យម / Partial KYC” ទៅ “អតិថិជនពេញលេញ /Full KYC” ដោយត្រូវអញ្ជើញមកកាន់សាខាណាមួយរបស់ ខេប៊ីប្រាសាក់ ដើម្បីអនុញ្ញាតឱ្យ ខេប៊ីប្រាសាក់ ធ្វើបច្ចុប្បន្នភាព និងធ្វើការផ្ទៀងផ្ទាត់អត្តសញ្ញាណទៅតាម “វិធាននៃការយកចិត្តទុកដាក់ស្គាល់អតិថិជន (Know Your Customer)“។
   • បន្ទាប់ពីអតិថិជនបានធ្វើការផ្លាស់ប្តូរទៅជា “អតិថិជនពេញលេញ / Full KYC” អតិថិជនអាចប្រើប្រាស់គណនីពេញលេញបាន ដោយមិនកំណត់ទំហំលើការដាក់ប្រាក់ និងអាចប្រើប្រាស់សេវា និងធ្វើប្រតិបត្តិការបានទូលំទូលាយទៅតាមលក្ខខណ្ឌ និងសេវាកម្មនីមួយៗរបស់ខេប៊ីប្រាសាក់។
   • សុវត្ថិភាពនៃការបើកគណនីឌីជីថល៖
     • នៅក្នុងដំណើរការនៃការបើកគណនីឌីជីថលតាមរយៈកម្មវិធីខេប៊ីប្រាសាក់ម៉ូបាល អតិថិជននឹងទទួលបានលេខកូដ One-Time Password (OTP) ចំនួន 06 ខ្ទង់ ដែលប្រព័ន្ធនឹងផ្ញើចូលទៅកាន់សារទូរស័ព្ទចល័តរបស់អតិថិជន (លេខទូរស័ព្ទដែលអតិថិជនប្រើប្រាស់សម្រាប់បើកគណនីឌីជីថល) ដើម្បីអនុម័តលើការបើកគណនីនោះ
     • លេខកូដ One-Time Password (OTP) នឹងត្រូវបានបញ្ចូលដោយស្វ័យប្រវត្តិ (Auto Refill) គឺមិនតម្រូវឱ្យអតិថិជនធ្វើការវាយបញ្ចូលដោយខ្លួនឯងឡើយ
     • ខេប៊ីប្រាសាក់នឹងផ្ញើសារជូនដំណឹងបន្ថែមទៀតទៅកាន់ទូរស័ព្ទ (SMS to Phone Number) របស់អតិថិជនដែលប្រើប្រាស់សម្រាប់ចុះឈ្មោះប្រើប្រាស់គណនីឌីជីថល បន្ទាប់ពីគណនីបើកបានជោគជ័យ
     • ឯកសារបញ្ជាក់អត្តសញ្ញាណអតិថិជនត្រូវបានផ្ទៀងផ្ទាត់ជាមួយប្រព័ន្ធ Cambodia Data Exchange (CamDX) ដើម្បីធានាពីសុពលភាព និងភាពពិតប្រាកដនៃឯកសារ។
   • ការដាក់ប្រាក់ទៅក្នុងគណនីឌីជីថល៖
     • ដាក់ប្រាក់នៅតាមបញ្ជរបេឡា នៃសាខាណាមួយរបស់ ខេប៊ីប្រាសាក់
     • ដាក់ប្រាក់តាមរយៈម៉ាស៊ីនដាក់ប្រាក់ របស់ខេប៊ីប្រាសាក់
     • ផ្ទេរប្រាក់ចូលតាមរយៈកម្មវិធីខេប៊ីប្រាសាក់ម៉ូបាល ឬ កម្មវិធីធនាគារចល័តរបស់ធនាគារផ្សេង ឬ
     • តាមរយៈមធ្យោបាយផ្សេងៗទៀតផ្តល់ដោយខេប៊ីប្រាសាក់។
   • ការដកប្រាក់ ឬ ការធ្វើប្រតិបត្តិការផ្សេងៗ៖
     • អាចធ្វើគ្រប់ប្រភេទនៃប្រតិបត្តិការតាមរយៈកម្មវិធីខេប៊ីប្រាសាក់ម៉ូបាល
     • ករណីចង់ដកជាសាច់ប្រាក់ (Cash out) អតិថិជនអាចធ្វើប្រតិបត្តិការ ផ្ទេរប្រាក់តាមលេខកូដសម្ងាត់ (Cash -Code) ដើម្បីទទួលបានលេខកូដសម្ងាត់ចំនួន 06 ខ្ទង់ ឬ ធ្វើប្រតិបត្តិការស្កេន QR ដើម្បីធ្វើការដកប្រាក់តាមរយៈម៉ាស៊ីនអេធីអឹម ឬ ម៉ាស៊ីនដាក់ប្រាក់
     • អាចធ្វើប្រតិបត្តិការតាមបញ្ជរបេឡា ឬ ប្រើប្រាស់ប័ណ្ណ លុះត្រាតែបានធ្វើបច្ចុប្បន្នភាពទៅជា “អតិថិជនពេញលេញ / Full KYC” ជាមុនសិន។
   • គណនីឌីជីថល ដែលមិនមានប្រតិបត្តិការលើសពី 365 ថ្ងៃ នឹងក្លាយជាគណនីគ្មានប្រតិបត្តិការ ដែលត្រូវអនុវត្តការកាត់កម្រៃសេវាជាប្រចាំខែ ទៅតាមកម្រៃដូចមានបង្ហាញនៅក្នុងវេបសាយត៍ផ្លូវការរបស់ខេប៊ីប្រាសាក់។គណនីគ្មានប្រតិបត្តិការ ដែលមានសមតុល្យសូន្យ នឹងត្រូវបានបិទជាស្វ័យប្រវត្តិដោយប្រព័ន្ធ។
   • សម្រាប់ការស្នើសុំធ្វើបច្ចុប្បន្នភាពព័ត៌មាន ឬ សិទ្ធិប្រើប្រាស់គណនី (បន្ថែមអ្នករួមគណនី…) ឬ បិទគណនី (Close Account) អតិថិជនត្រូវអញ្ជើញមកកាន់សាខាណាមួយរបស់ខេប៊ីប្រាសាក់ ដោយភ្ជាប់មកជាមួយនូវឯកសារបញ្ជាក់អត្តសញ្ញាណច្បាប់ដើម និងមានសុពលភាពសម្រាប់ការផ្ទៀងផ្ទាត់ពី ខេប៊ីប្រាសាក់។
5. ការចុះឈ្មោះប្រើប្រាស់កម្មវិធីខេប៊ីប្រាសាក់ម៉ូបាល (សម្រាប់អតិថិជនមានគណនីស្រាប់)
   • លក្ខខណ្ឌតម្រូវនៃការចុះឈ្មោះប្រើប្រាស់
     • ជាអតិថិជនឯកត្តជន (Individual) ដែលមានអាយុចាប់ពី 16 ឆ្នាំ ឡើងទៅ
     • មានគណនីប្រាក់បញ្ញើសន្សំនៅ ខេប៊ីប្រាសាក់ (គណនីឯកត្តជនផ្ទាល់ខ្លួន ឬ គណនីរួម)
     • មានទូរស័ព្ទចល័តឆ្លាតវៃ (Smart Phone) ដែលប្រតិបត្តិដោយប្រព័ន្ធ iOS ឬ Android និងលេខទូរស័ព្ទប្រើប្រាស់ជាកម្មសិទ្ធិផ្ទាល់ខ្លួន ហើយទូរស័ព្ទ និងលេខទូរស័ព្ទនេះត្រូវនៅជាមួយគ្នា
     • ត្រូវដំឡើង កម្មវិធីខេប៊ីប្រាសាក់ម៉ូបាល នៅលើទូរស័ព្ទជាមួយលេខទូរស័ព្ទដែលមានសុពលភាព និងជាលេខដែលបានផ្តល់មក ខេប៊ីប្រាសាក់ ពេលស្នើសុំបើកគណនី
     • ត្រូវបញ្ចូលព័ត៌មានចាំបាច់មួយចំនួនរួមមាន លេខគណនី ថ្ងៃខែឆ្នាំកំណើត និង លេខទូរស័ព្ទ ឱ្យបានត្រឹមត្រូវទៅតាមនីតិវិធីតម្រូវនៃប្រព័ន្ធសម្រាប់ការចុះឈ្មោះប្រើប្រាស់
     • ត្រូវកំណត់ លេខកូដសម្ងាត់ (PIN) ផ្ទាល់ខ្លួន ចំនួន 06 ខ្ទង់ សម្រាប់ចូលប្រើប្រាស់ (Login) កម្មវិធីខេប៊ីប្រាសាក់ម៉ូបាល ដោយខ្លួនឯង និង/ឬ អាចកំណត់ការស្កេនស្នាមខ្ចៅដៃ/ផ្ទៃមុខ (Fingerprint /Facial Recognition) ដើម្បីបង្កើនសុវត្ថិភាពនៃការចូលប្រើប្រាស់កម្មវិធីខេប៊ីប្រាសាក់ម៉ូបាល
     • ត្រូវយល់ព្រមគោរពតាម “លក្ខខណ្ឌនៃការប្រើប្រាស់សេវាខេប៊ីប្រាសាក់ម៉ូបាល” នេះ។
   • នៅក្នុងដំណើរការនៃការចុះឈ្មោះប្រើប្រាស់កម្មវិធីខេប៊ីប្រាសាក់ម៉ូបាល លោក-លោកស្រីនឹងទទួលបាន លេខកូដ One-Time Password (OTP) ចំនួន 06 ខ្ទង់ ដែលប្រព័ន្ធនឹងផ្ញើចូលទៅកាន់ប្រអប់សារលេខទូរស័ព្ទចល័តរបស់ លោក-លោកស្រី ដែលផ្តល់មក ខេប៊ីប្រាសាក់ ចុងក្រោយបំផុត ដើម្បីអនុម័តលើប្រតិបត្តិការនៃការស្នើសុំចុះឈ្មោះប្រើប្រាស់កម្មវិធីខេប៊ីប្រាសាក់ម៉ូបាលតាមរយៈទូរស័ព្ទចល័ត។
   • បន្ទាប់ពីបានចុះឈ្មោះប្រើប្រាស់កម្មវិធីខេប៊ីប្រាសាក់ម៉ូបាល ជោគជ័យ លោក-លោកស្រី អាចប្រើប្រាស់កម្មវិធីខេប៊ីប្រាសាក់ម៉ូបាល ដើម្បីធ្វើគ្រប់ប្រតិបត្តិការហិរញ្ញវត្ថុជាមួយនឹងគណនីប្រាក់បញ្ញើសន្សំ ដែលលោក-លោកស្រី ប្រើដើម្បីចុះឈ្មោះប្រើប្រាស់កម្មវិធីខេប៊ីប្រាសាក់ម៉ូបាល។
   • រាល់ការចូលប្រើប្រាស់ (Login) កម្មវិធីខេប៊ីប្រាសាក់ម៉ូបាល លោក-លោកស្រី អាចប្រើលេខទូរស័ព្ទ (លេខទូរស័ព្ទចុងក្រោយបំផុតដែលផ្តល់មក ខេប៊ីប្រាសាក់) ឬ អ៊ីម៉ែល (ករណីអតិថិជនមិនមានប្រើប្រាស់លេខទូរស័ព្ទ) និងលេខកូដសម្ងាត់ (PIN) ចំនួន 06 ខ្ទង់ ឬ ការស្កេនស្នាមខ្ចៅដៃ/ផ្ទៃមុខ (Fingerprint/Facial Recognition) ដែលលោក-លោកស្រីបានកំណត់ដោយខ្លួនឯងនៅពេលចុះឈ្មោះប្រើប្រាស់កម្មវិធីខេប៊ីប្រាសាក់ម៉ូបាល។
   • លក្ខខណ្ឌប្រើប្រាស់គណនីភ្ជាប់ជាមួយកម្មវិធីខេប៊ីប្រាសាក់ម៉ូបាល
     • កម្រិតសិទ្ធិប្រើប្រាស់គណនីភ្ជាប់ជាមួយកម្មវិធីខេប៊ីប្រាសាក់ម៉ូបាល ចែកចេញជា 02 ប្រភេទគឺ៖
       • កម្រិតសិទ្ធិ “ពេញលេញ / Full Access“៖ ជាកម្រិតសិទ្ធិនៃការប្រើប្រាស់គណនីនៅក្នុងកម្មវិធីខេប៊ីប្រាសាក់ម៉ូបាល ដែលអនុញ្ញាតឱ្យ លោក-លោកស្រី អាចធ្វើប្រតិបត្តិការហិរញ្ញវត្ថុបានគ្រប់មុខងារប្រតិបត្តិការដូចជា ផ្ទេរប្រាក់ ទូទាត់ ពិនិត្យព័ត៌មានគណនី ពិនិត្យព័ត៌មានកម្ចី ស្នើសុំកម្ចី ពិនិត្យអត្រាប្តូរប្រាក់ ឬ មុខងារផ្សេងៗទៀត។
       • កម្រិតសិទ្ធិ “ពិនិត្យព័ត៌មាន / View Only“៖ ជាកម្រិតសិទ្ធិនៃការប្រើប្រាស់គណនីនៅក្នុងកម្មវិធីខេប៊ីប្រាសាក់ម៉ូបាល ដែលអនុញ្ញាតឱ្យ លោក-លោកស្រី មានសិទ្ធិត្រឹមតែពិនិត្យព័ត៌មានគណនីពិនិត្យព័ត៌មានកម្ចី អត្រាប្តូរប្រាក់ ឬ ព័ត៌មានផ្សេងៗ ដោយមិនអាចធ្វើប្រតិបត្តិការហិរញ្ញវត្ថុដូច ផ្ទេរប្រាក់ ឬ ទូទាត់ បានឡើយ។
     • គណនីឯកត្តជនផ្ទាល់ខ្លួន (Single Account) ឬ គណនីឯកត្តជនរួម (Joint Account) ដែលបានកំណត់លក្ខខណ្ឌចុះហត្ថលេខា “ម្នាក់ក្នុងចំណោមអ្នករួមគណនីមានសិទ្ធិចុះហត្ថលេខា / Anyone to sign” ដែលលោក-លោកស្រីបានប្រើប្រាស់ ដើម្បីធ្វើការចុះឈ្មោះប្រើប្រាស់កម្មវិធីខេប៊ីប្រាសាក់ម៉ូបាល នឹងត្រូវបានកំណត់កម្រិតសិទ្ធិប្រើប្រាស់គណនី “ពេញលេញ/Full Access” ដោយស្វ័យប្រវត្តិ។
     • ករណី លោក-លោកស្រី ចង់ប្តូរកម្រិតសិទ្ធិប្រើប្រាស់គណនីពី “ពេញលេញ / Full Access” ទៅ/មក “ពិនិត្យព័ត៌មាន / View Only” លោក-លោកស្រី អាចស្នើសុំប្តូរបាន ជាលាយលក្ខណ៍អក្សរនៅតាមសាខាខេប៊ីប្រាសាក់ ណាមួយដែលនៅជិតបំផុត។
     • ករណី លោក-លោកស្រី មានបំណងចង់ភ្ជាប់គណនីបន្ថែមទៅក្នុងកម្មវិធីខេប៊ីប្រាសាក់ម៉ូបាល នោះលោក-លោកស្រី អាចធ្វើការភ្ជាប់គណនីបន្ថែមបាន (សម្រាប់គណនីឯកត្តជនផ្ទាល់ខ្លួន ឬ គណនីឯកត្តជនរួម ដែលមានលក្ខខណ្ឌចុះហត្ថលេខា “ម្នាក់ក្នុងចំណោមអ្នករួមគណនីមានសិទ្ធិចុះហត្ថលេខា / Anyone to sign”) ដោយខ្លួនឯងតាមរយៈកម្មវិធីខេប៊ីប្រាសាក់ម៉ូបាល ដោយត្រូវអនុវត្តតាមនីតិវិធីតម្រូវពីប្រព័ន្ធ ឬ ត្រូវស្នើសុំជាលាយលក្ខណ៍អក្សរមកកាន់សាខាខេប៊ីប្រាសាក់ណាមួយដែលនៅជិតលោក-លោកស្រី។
     • ករណីស្នើសុំភ្ជាប់ គណនីឯកត្តជនរួម (Joint Account) ដែលមានលក្ខខណ្ឌចុះហត្ថលេខាខុសពី “ម្នាក់ក្នុងចំណោមអ្នករួមគណនីមានសិទ្ធិចុះហត្ថលេខា / Anyone to sign” ទៅក្នុងកម្មវិធីខេប៊ីប្រាសាក់ម៉ូបាល លោក-លោកស្រីអាចស្នើសុំភ្ជាប់បានជាលាយលក្ខណ៍អក្សរនៅតាមសាខាខេប៊ីប្រាសាក់ណាមួយដែលនៅជិតបំផុត ដោយយោងទៅតាមលក្ខខណ្ឌចុះហត្ថលេខានៃគណនីជាក់ស្តែង។
     • គណនីបញ្ញើមានកាលកំណត់ (Term Deposit Account) និងគណនីសន្សំតាមផែនការ (Savings Plan Account) នឹងត្រូវបានភ្ជាប់ដោយស្វ័យប្រវត្តិទៅក្នុងកម្មវិធីខេប៊ីប្រាសាក់ម៉ូបាល ករណីគណនីប្រភព ត្រូវបានភ្ជាប់ទៅក្នុងកម្មវិធីខេប៊ីប្រាសាក់ម៉ូបាល។
     • គណនីកម្ចី (Loan Account) ត្រូវបានភ្ជាប់ដោយស្វ័យប្រវត្តិទៅក្នុងកម្មវិធីខេប៊ីប្រាសាក់ម៉ូបាល ករណីអ្នកឈរឈ្មោះខ្ចី ឬ អ្នករួមខ្ចីបានចុះឈ្មោះប្រើប្រាស់កម្មវិធីខេប៊ីប្រាសាក់ម៉ូបាល ដោយភ្ជាប់គណនីសន្សំសម្រាប់ទូទាត់សងកម្ចី ជាមួយកម្មវិធីខេប៊ីប្រាសាក់ម៉ូបាល។
   • លក្ខខណ្ឌដកគណនីភ្ជាប់កម្មវិធីខេប៊ីប្រាសាក់ម៉ូបាល
     •  លោក-លោកស្រី អាចដកគណនីដែលភ្ជាប់ជាមួយកម្មវិធីខេប៊ីប្រាសាក់ម៉ូបាល បានដោយខ្លួនឯងតាមរយៈទូរស័ព្ទ (សម្រាប់គណនីឯកត្តជនផ្ទាល់ខ្លួន ឬ គណនីឯកត្តជនរួម ដែលមានលក្ខខណ្ឌចុះហត្ថលេខា “ម្នាក់ក្នុងចំណោមអ្នករួមគណនីមានសិទ្ធិចុះហត្ថលេខា / Anyone to sign”) ដោយត្រូវអនុវត្តតាមនីតិវិធីតម្រូវពីប្រព័ន្ធ ឬ ត្រូវស្នើសុំជាលាយលក្ខណ៍អក្សរនៅសាខាខេប៊ីប្រាសាក់ ណាមួយដែលនៅជិតលោក-លោកស្រី
     • សម្រាប់ គណនីឯកត្តជនរួម (Joint Account) ដែលមានលក្ខខណ្ឌចុះហត្ថលេខាខុសពី “ម្នាក់ក្នុងចំណោមអ្នករួមគណនីមានសិទ្ធិចុះហត្ថលេខា / Anyone to sign” ត្រូវធ្វើការស្នើសុំជាលាយលក្ខណ៍អក្សរនៅសាខាខេប៊ីប្រាសាក់ ណាមួយដែលនៅជិតលោក-លោកស្រី។
6. ការបើកគណនីបញ្ញើសន្សំបន្ថែម
   • លោក-លោកស្រី អាចបើកគណនីសន្សំបន្ថែមទៀតបានតាមរយៈកម្មវិធីខេប៊ីប្រាសាក់ម៉ូបាល ហើយប្រភេទគណនី ដែលអតិថិជនអាចជ្រើសរើសបើកដោយខ្លួនឯងមានដូចជា៖
     • គណនីសន្សំ / Savings Account
     • គណនីចម្រើនគ្មានកាលកំណត់ / Unfixed Deposit Account
     • គណនីចម្រើនតាមលំដាប់ / Flexi Growth Savings Account
     • គណនីឌីជីថល / Digital Account
   • លោក-លោកស្រី អាចជ្រើសរើសប្រភេទរូបិយប័ណ្ណនៃគណនីចំនួន ០២ គឺ៖
     • ប្រាក់រៀល (KHR) និង
     • ប្រាក់ដុល្លារអាមេរិក (USD)
   • សមតុល្យអប្បបរមាដាក់ដំបូង (Initial Deposit)៖ មិនតម្រូវ។
   • សមតុល្យអប្បបរមាក្នុងគណនី (Minimum Deposit)៖ តម្រូវតាមប្រភេទគណនីនីមួយៗ
   • ទំហំទឹកប្រាក់បញ្ញើ ដែលអតិថិជនអាចដាក់សន្សំបាន និងការធ្វើប្រតិបត្តិការហិរញ្ញវត្ថុផ្សេងលើគណនី គឺអាស្រ័យលើប្រភេទអតិថិជនជា Partial KYC ឬ Full KYC ។
   • លោក-លោកស្រីអាចយកគណនីនេះ ធ្វើជាគណនីប្រភព នៃគណនីបញ្ញើមានកាលកំណត់បាន។
   • លោក-លោកស្រីអាចស្នើសុំបិទគណនីនេះបាន ដោយត្រូវអញ្ជើញមកស្នើសុំបិទជាលាយលក្ខណ៍អក្សរនៅសាខាណាមួយរបស់ខេប៊ីប្រាសាក់។
7. ការស្នើសុំប័ណ្ណខេប៊ីប្រាសាក់
   • លោក-លោកស្រី ដែលប្រើប្រាស់គណនីប្រាក់បញ្ញើសន្សំ ប្រភេទ “គណនីឯកត្តជនផ្ទាល់ខ្លួន/Single Account” ឬ គណនីរួម (លក្ខខណ្ឌចុះហត្ថលេខា “ម្នាក់មានសិទ្ធិចុះហត្ថលេខា-Anyone to Sign)” អាចធ្វើការស្នើសុំ ប័ណ្ណខេប៊ីប្រាសាក់តាមរយៈកម្មវិធីខេប៊ីប្រាសាក់ម៉ូបាល បានដោយខ្លួនឯង នៅគ្រប់ពេលវេលា និងទីកន្លែង។
   • លោក-លោកស្រីអាចជ្រើសរើសការទទួលយកប័ណ្ណជា 02 ជម្រើស៖
     • ទៅទទួលប័ណ្ណនៅតាមសាខាខេប៊ីប្រាសាក់ណាមួយដែលនៅជិតបំផុត (Pick up at Bank) ឬ
     • ស្នើសុំធនាគារបញ្ជូនប័ណ្ណទៅទីតាំងអតិថិជន (Bank Delivery)។
8. ម៉ោងប្រតិបត្តិការ
   • លោក-លោកស្រី អាចធ្វើប្រតិបត្តិការតាមរយៈកម្មវិធីខេប៊ីប្រាសាក់ម៉ូបាល បាន 24 ម៉ោង ជាប្រចាំថ្ងៃ (24/7) លើកលែងតែមានការផ្អាកជាបណ្តោះអាសន្នដោយមានការជូនដំណឹងពី ខេប៊ីប្រាសាក់។
   • ខេប៊ីប្រាសាក់ នឹងធ្វើការជូនដំណឹងដល់ លោក-លោកស្រី ករណីមានការផ្អាកប្រតិបត្តិការដើម្បីជួសជុល ឬ ធ្វើបច្ចុប្បន្នភាពប្រព័ន្ធ។
   • ខេប៊ីប្រាសាក់ រក្សាសិទ្ធិក្នុងការផ្អាកប្រតិបត្តិការពេលមានបញ្ហាផ្សេងៗ ឬ ពេលមានការចាំបាច់ណាមួយ។
9. រូបិយប័ណ្ណ និងអតា្រប្តូរប្រាក់
   • លោក-លោកស្រី អាចធ្វើប្រតិបត្តិការតាមរយៈកម្មវិធីខេប៊ីប្រាសាក់ម៉ូបាល ជាមួយរូបិយប័ណ្ណចំនួន 02 (ពីរ) ប្រភេទ រួមមាន៖
     • ប្រាក់រៀល (KHR) និង
     • ប្រាក់ដុល្លារអាមេរិក (USD)
   • រាល់ប្រតិបត្តិការឆ្លងរូបិយប័ណ្ណ អត្រាប្ដូរប្រាក់ត្រូវយោងទៅតាមអត្រាប្តូរប្រាក់ជាក់ស្តែងរបស់ ខេប៊ីប្រាសាក់ នៅក្នុងថ្ងៃ និងម៉ោងនៃការធ្វើប្រតិបត្តិការ ឬ យោងតាមអត្រាប្តូរប្រាក់នៃធនាគារអ្នកទទួលផល ករណីផ្ទេរឆ្លងរូបិយ ប័ណ្ណទៅគ្រឹះស្ថានធនាគារ និងហិរញ្ញវត្ថុផ្សេង។
10. ទំហំកំណត់នៃប្រតិបត្តិការ និងកម្រៃសេវា
    • លោក-លោកស្រី អាចធ្វើប្រតិបត្តិការហិរញ្ញវត្ថុបាននៅពេលណាដែលគណនីរបស់ លោក-លោកស្រី មានសមតុល្យគ្រប់គ្រាន់ និងត្រូវគោរពទៅតាមទំហំកំណត់ដោយខេប៊ីប្រាសាក់។
    • លោក-លោកស្រី យល់ព្រម បង់កម្រៃសេវាផ្សេងៗ ពាក់ព័ន្ធទៅនឹងការប្រើប្រាស់ និង/ឬ ធ្វើប្រតិបត្តិការតាមរយៈកម្មវិធីខេប៊ីប្រាសាក់ម៉ូបាល ព្រមទាំងយល់ព្រមឱ្យខេប៊ីប្រាសាក់ ទូទាត់កម្រៃសេវាដោយផ្ទាល់ចេញពីគណនីរបស់ លោក-លោកស្រី ដោយពុំចាំបាច់ធ្វើការជូនដំណឹងជាមុនឡើយ។
    • លោក-លោកស្រីអាចស្វែងរកព័ត៌មានស្តីអំពីកម្រៃសេវា និង/ឬ ទំហំកំណត់ក្នុងមួយប្រតិបត្តិការ និងក្នុងមួយថ្ងៃ ទៅតាមប្រភេទប្រតិបត្តិការនីមួយៗ នៅលើគេហទំព័រផ្លូវការរបស់ ខេប៊ីប្រាសាក់ និង/ឬ គ្រប់សាខាខេប៊ីប្រាសាក់ និង/ឬ កម្មវិធីខេប៊ីប្រាសាក់ម៉ូបាល។
11. សារជូនដំណឹងស្តីពីប្រតិបត្តិការកើតឡើងក្នុងគណនី (Push Notification)
    លោក-លោកស្រី នឹងទទួលបានសារជូនដំណឹងតាមរយៈកម្មវិធីខេប៊ីប្រាសាក់ម៉ូបាល (Push Notification) ស្តីអំពីការចុះឈ្មោះប្រើប្រាស់កម្មវិធីខេប៊ីប្រាសាក់ម៉ូបាល ការភ្ជាប់គណនីបន្ថែម ការបើកគណនីបន្ថែម និងការធ្វើប្រតិបត្តិការហិរញ្ញវត្ថុ ដែលបានកើតឡើងនៅក្នុងគណនីរបស់លោក-លោកស្រី លើកលែងតែមានភាពរអាក់រអួលពីប្រព័ន្ធ។
12. លក្ខណៈពិសេសផ្សេងៗពីប្រតិបត្តិការតាមរយៈកម្មវិធីខេប៊ីប្រាសាក់ម៉ូបាល
    1. រាល់ការបញ្ចូលលេខកូដសម្ងាត់ (PIN) ឬ លេខកូដ OTP ខុស 03 ដង នោះកម្មវិធីខេប៊ីប្រាសាក់ម៉ូបាល នឹងត្រូវបានបង្ខាំងដោយស្វ័យប្រវត្តិ។ លោក-លោកស្រី អាចទាក់ទងមក ខេប៊ីប្រាសាក់ តាមរយៈលេខ 023/086 999 911 ឬ អញ្ជើញមកសាខា ខេប៊ីប្រាសាក់ ណាមួយដើម្បីស្នើសុំដោះបង្ខាំង។
    2. រាល់ការបញ្ចូលព័ត៌មាន ដើម្បីចុះឈ្មោះប្រើប្រាស់កម្មវិធីខេប៊ីប្រាសាក់ម៉ូបាល (Online Self-Registration) ឬ ការកំណត់លេខកូដសម្ងាត់ថ្មី (Self PIN Reset) ខុសចំនួន 03 ដង នោះមុខងារនៃការចុះឈ្មោះប្រើប្រាស់កម្មវិធីខេប៊ីប្រាសាក់ម៉ូបាល ឬ មុខងារកំណត់លេខកូដសម្ងាត់ថ្មី (Self PIN Reset) នឹងត្រូវបានបង្ខាំងដោយស្វ័យប្រវត្តិ។ ករណីនេះ លោក-លោកស្រី អាចទាក់ទងមក ខេប៊ីប្រាសាក់ តាមរយៈលេខ 023/086 999 911 ឬ អញ្ជើញមកសាខា ខេប៊ីប្រាសាក់ណាមួយដើម្បីស្នើសុំដោះបង្ខាំង។
    3. រាល់ការ ផ្ទេរប្រាក់តាមលេខសម្ងាត់ (Cash-Code) លោក-លោកស្រី នឹងទទួលបានលេខកូដសម្ងាត់ចំនួន 06 ខ្ទង់ ដើម្បីធ្វើការដកប្រាក់តាមរយៈម៉ាស៊ីនអេធីអឹម ឬ ម៉ាស៊ីនដាក់ប្រាក់ ឬ ម៉ាស៊ីនឆូតកាតខេប៊ីប្រាសាក់ ក្នុង រយៈពេល 48 ម៉ោង។ ករណីហួសរយៈពេល 48 ម៉ោង ទឹកប្រាក់ផ្ទេរនឹងបង្វិលចូលទៅក្នុងគណនីដើមរបស់លោក-លោកស្រីវិញដោយស្វ័យប្រវត្តិ។
13. ការស្នើសុំបង្ខាំង ឬ ដោះបង្ខាំងកម្មវិធីខេប៊ីប្រាសាក់ម៉ូបាល
    • លោក-លោកស្រី អាចស្នើសុំបង្ខាំង (Block) កម្មវិធីខេប៊ីប្រាសាក់ម៉ូបាល តាមរយៈទូរស័ព្ទមកមន្ត្រីបម្រើសេវាអតិថិជន (023/086 999 911) ឬ អញ្ជើញមកកាន់សាខាខេប៊ីប្រាសាក់ណាមួយដែលនៅជិតបំផុត។
    • ករណីស្នើសុំដោះបង្ខាំង (Unblock) កម្មវិធីខេប៊ីប្រាសាក់ម៉ូបាល ឡើងវិញ លោក-លោកស្រី ត្រូវអញ្ជើញមកស្នើសុំជាលាយលក្ខណ៍អក្សរនៅសាខាខេប៊ីប្រាសាក់ ណាមួយដែលនៅជិតបំផុត។
14. ការបញ្ឈប់ការប្រើប្រាស់ខេប៊ីប្រាសាក់ម៉ូបាល
    លោក-លោកស្រី អាចស្នើសុំបញ្ឈប់ការប្រើប្រាស់កម្មវិធីខេប៊ីប្រាសាក់ម៉ូបាល ជាលាយលក្ខណ៍អក្សរបាន ដោយត្រូវអញ្ជើញទៅកាន់សាខាខេប៊ីប្រាសាក់ ណាមួយដែលនៅជិតបំផុត។
15. សុវត្ថិភាពលើការប្រើប្រាស់កម្មវិធីខេប៊ីប្រាសាក់ម៉ូបាល
    • សុវត្ថិភាពលើទូរស័ព្ទ
      • សូមកំណត់លេខសម្ងាត់ (Password) ឬ កំណត់ការស្កេនស្នាមខ្ចៅដៃ/ផ្ទៃមុខ (Fingerprint / Facial Recognition) ដើម្បីការពារទូរស័ព្ទដៃ របស់លោក-លោកស្រី ពីការចូលមើល ឬ ប្រើប្រាស់ពីបុគ្គលផ្សេងដោយគ្មានការអនុញ្ញាត។
      • មិនត្រូវផ្តល់ ឬ បង្ហាញ លេខសម្ងាត់ (Password) ឬ អនុញ្ញាតឱ្យបុគ្គលណាម្នាក់ធ្វើការកំណត់លេខសម្ងាត់ ឬ ស្កេនស្នាមខ្ចៅដៃ / ផ្ទៃមុខ ឬ ចូលប្រើប្រាស់ទូរស័ព្ទដៃ ជំនួស លោក-លោកស្រី ជាដាច់ខាត បើទោះបីជាបុគ្គលនោះជា អ្នករួមគណនី ឬ សាច់ញាតិ ឬ មិត្តភក្កិ ឬ បុគ្គលិកខេប៊ីប្រាសាក់ ក៏ដោយ។ល។
      • មិនត្រូវកត់ត្រាលេខសម្ងាត់ (Password) ដើម្បីចូលប្រើប្រាស់ទូរស័ព្ទដៃនៅក្នុងទូរស័ព្ទជាដាច់ខាត។
      • ត្រូវប្រាកដថារាល់ការបញ្ចូល លេខសម្ងាត់ (Password) ដើម្បីចូលប្រើប្រាស់ទូរស័ព្ទដៃ របស់លោក-លោកស្រី មិនត្រូវបានលួចមើល ឬ ដឹងដោយបុគ្គលណាម្នាក់ឡើយ។
      • ត្រូវធ្វើការផ្លាស់ប្តូរ លេខសម្ងាត់ (Password) ទូរស័ព្ទដៃ របស់លោក-លោកស្រី ឱ្យបានញឹកញាប់ ឬ ករណីសង្ស័យថាលេខសម្ងាត់ត្រូវបានដឹងដោយបុគ្គលណាម្នាក់។
      • សូមកុំប្រើទូរស័ព្ទដៃ ដែលប្រើប្រាស់កម្មវិធីខេប៊ីប្រាសាក់ម៉ូបាល ទៅភ្ជាប់ជាមួយសេវាអ៊ីនធឺណែតសាធារណៈ ឬ ប្រើរួមជាមួយអ្នកដទៃ ដើម្បីចៀសវាងពីការបន្លំលួចដោយ Hacker។
      • មិនត្រូវភ្ជាប់ប្រព័ន្ធ ឬ បញ្ចូលកម្មវិធី ដែលមិនស្គាល់ក្នុងទូរស័ព្ទ ឡើយ។ ករណីបានភ្ជាប់ ត្រូវផ្ដាច់ ឬ លុបចេញ និងសម្អាតភ្លាមៗ ដើម្បីចៀសវាងការឆ្លងមេរោគ ឬ ការបន្លំលួចប្រាក់របស់លោក-លោកស្រី (Virus and/or Hacker)។
      • ត្រូវដំឡើងកម្មវិធីខេប៊ីប្រាសាក់ និងធ្វើបច្ចុប្បន្នភាពលើកម្មវិធីទូរស័ព្ទ ដោយផ្ទាល់ពី Play Store ឬ App Store។
      • សូមកុំទុកទូរស័ព្ទដៃ ដែលកំពុងបើកកម្មវិធីខេប៊ីប្រាសាក់ម៉ូបាល ចោលនៅទីសាធារណៈ និងត្រូវ ចាក់សោទូរស័ព្ទ (Lock Phone) ភ្លាមៗករណីឈប់ប្រើប្រាស់។
      • សូមចាកចេញ (Logout) ឬ លុបប្រតិបត្តិការ (Clear History) និងបិទកម្មវិធីខេប៊ីប្រាសាក់ម៉ូបាល នៅពេល លោក-លោកស្រីធ្វើប្រតិបត្តិការរួចរាល់។
      • ករណីលោក-លោកស្រី លក់ ឬ ជួសជុល ឬ ផ្ទេរទូរស័ព្ទ ឬ កុំព្យូទ័រ ឱ្យអ្នកផ្សេង ត្រូវលុបកម្មវិធីខេប៊ីប្រាសាក់ម៉ូបាល ឬ ព័ត៌មានពាក់ព័ន្ធផ្សេងៗចេញពីក្នុងទូរស័ព្ទដៃ ឱ្យបានរួចរាល់ជាមុន។
      • ករណីបាត់ទូរស័ព្ទ ឬ សង្ស័យមានអ្នកផ្សេងស្គាល់លេខសម្ងាត់ចូលប្រើប្រាស់ទូរស័ព្ទដៃ ត្រូវជូនដំណឹងមកខេប៊ីប្រាសាក់ជាបន្ទាន់តាមរយៈលេខ 023/086 999 911 ដើម្បីបង្ខាំងកម្មវិធីខេប៊ីប្រាសាក់ម៉ូបាល ឬ ចាត់វិធានការផ្សេងៗតាមលក្ខណៈបច្ចេកទេស ដើម្បីទប់ស្កាត់ការបន្លំធ្វើប្រតិបត្តិការ។
    • សុវត្ថិភាពលើលេខកូដសម្ងាត់ ឬ លេខកូដ OTP និងព័ត៌មានពាក់ព័ន្ធ
      • សូមចងចាំលេខកូដសម្ងាត់ (PIN) របស់លោក-លោកស្រី ហើយកុំកត់ត្រាលើអ្វីមួយ ឬ ឱ្យអ្នកដទៃដឹង។
      • សូមរក្សាលេខកូដសម្ងាត់ (PIN) ឬ លេខកូដ OTP និងព័ត៌មានផ្សេងៗរបស់លោក-លោកស្រីឱ្យមានសុវត្ថិភាព។ រាល់ការខូចខាតដែលកើតចេញពីការធ្វេសប្រហែសក្នុងការរក្សាព័ត៌មានសម្ងាត់ខាងលើ គឺជាការទទួលខុសត្រូវទាំងស្រុងរបស់លោក-លោកស្រី។
      • សូមកុំផ្តល់ ឬ ផ្ញើលេខកូដសម្ងាត់(PIN) ឬ លេខកូដ OTP ឬ ព័ត៌មានផ្ទាល់ខ្លួនដល់នរណាម្នាក់ឡើយ ទោះដោយផ្ទាល់មាត់ ឬ តាមរយៈការផ្ញើសារអេឡិចត្រូនិកអាចជា អ៊ីម៉ែល Facebook Messenger ឬ តេឡេក្រាម(Telegram)… ជាដើម។
      • សូមកុំប្រើ ថ្ងៃខែឆ្នាំកំណើត ឬ លេខទូរស័ព្ទ ឬ លេខគណនី ឬ លេខអត្តសញ្ញាណប័ណ្ណ ឬ លេខរៀងដែលងាយស្រួលចាំ ឬ ស្រួលស្មានដឹង (ឧ. 111111 ឬ 123456…) មកធ្វើជា លេខកូដសម្ងាត់ (PIN) ដើម្បីចូលប្រើប្រាស់កម្មវិធីខេប៊ីប្រាសាក់ម៉ូបាល។
      • ប្រសិនបើមានការកត់សម្គាល់ណាមួយដែលបង្ហាញថា ស្រោមសំបុត្រលេខកូដសម្ងាត់របស់លោក-លោកស្រីត្រូវគេហែកមើលនោះ សូមទាក់ទងមកសាខាខេប៊ីប្រាសាក់ ដែលនៅជិតលោក-លោកស្រីជាបន្ទាន់។
      • លោក-លោកស្រី ត្រូវត្រួតពិនិត្យ និងផ្ទៀងផ្ទាត់លេខទូរស័ព្ទ ឬ អាសយដ្ឋាន Email ដែលបានបោះពុម្ពលើសារសម្ងាត់ PIN Mailer នៅពេលទទួលបានពីបុគ្គលិកខេប៊ីប្រាសាក់។
      • សូមធ្វើការផ្លាស់ប្តូរលេខកូដសម្ងាត់ខេប៊ីប្រាសាក់ម៉ូបាល នៅពេលទទួលបាន ឬ ពេលចូលទៅប្រើប្រាស់កម្មវិធីលើកដំបូង និងត្រូវធ្វើការបំផ្លាញឯកសារ ដែលមានព័ត៌មានទាក់ទងនឹងលេខកូដសម្ងាត់នេះចោលភ្លាមៗ។
      • ត្រូវធានាឱ្យច្បាស់ថា រាល់ពេល លោក-លោកស្រី បញ្ចូលលេខកូដសម្ងាត់ (PIN) ដើម្បីចូលប្រើប្រាស់កម្មវិធីខេប៊ីប្រាសាក់ម៉ូបាល មិនត្រូវបានអ្នកដទៃឃ្លាំមើល ឬ ក៏មានមនុស្សនៅក្បែរអ្នកឡើយ។
      • សូមធ្វើការផ្លាស់ប្តូរលេខកូដសម្ងាត់ (PIN) ឱ្យបានញឹកញាប់ និង/ឬ ក្នុងករណីសង្ស័យថា លេខកូដសម្ងាត់ (PIN) ត្រូវបានដឹងដោយអ្នកដទៃ។
      • លោក-លោកស្រី គួរកំណត់លេខកូដសម្ងាត់ (PIN) ចូលប្រើប្រាស់កម្មវិធីខេប៊ីប្រាសាក់ម៉ូបាល ឱ្យខុសពី លេខសម្ងាត់ (Password) បើកសោទូរស័ព្ទដៃរបស់ខ្លួន។
      • ត្រូវជូនដំណឹងមក ខេប៊ីប្រាសាក់ ជាបន្ទាន់ប្រសិនបើ លោក-លោកស្រី ភ្លេចលេខកូដសម្ងាត់ (PIN) ឬ សង្ស័យអ្នកផ្សេងបានដឹង។
    • សារបោកបញ្ឆោតតាមរយៈអ៊ីម៉ែល ឬ ទូរស័ព្ទ
      • សូមប្រុងប្រយ័ត្នការបោកបញ្ឆោតយកព័ត៌មាន តាមរយៈទូរស័ព្ទ អ៊ីម៉ែល វេបសាយត៍ កម្មវិធីដែលលោតផ្ទាំងមក (pop-up window) ឬ សារ (SMS) ដែលជាល្បិច ឱ្យ លោក-លោកស្រី បញ្ចូលព័ត៌មានសំខាន់ៗ ដូចជា៖ លេខកូដសម្ងាត់ (PIN) ឬ លេខកូដ OTP ឬ លេខទូរស័ព្ទ (Phone) ឬ ថ្ងៃខែឆ្នាំកំណើត (Date of Birth) ឬ ព័ត៌មានផ្ទាល់ខ្លួនផ្សេងៗជាដើម។ល។
      • ខេប៊ីប្រាសាក់ នឹងមិនស្នើសុំ លោក-លោកស្រី ឱ្យប្រាប់ពី លេខកូដសម្ងាត់ (PIN) និង/ឬ លេខកូដ OTP ដើម្បីចូលប្រើប្រាស់កម្មវិធីខេប៊ីប្រាសាក់ម៉ូបាលឡើយ ទោះបីជាសុំដោយផ្ទាល់មាត់ តាមទូរស័ព្ទ អ៊ីម៉ែល ឬ តាមមធ្យោបាយទំនាក់ទំនងណាមួយ។
      • ប្រសិនបើ លោក-លោកស្រី ទទួលបានអ៊ីម៉ែល ឬ សារទូរស័ព្ទ ឬ ការហៅទូរស័ព្ទ ដែលស្នើសុំព័ត៌ មានខាងលើ សូមលុបចោល ឬ បដិសេធជាបន្ទាន់ និង/ឬ មិនត្រូវចុចលើតំណភ្ជាប់បណ្តាញ (Link) ឬ បើកឯកសារភ្ជាប់ណាមួយដែលមាននៅក្នុងអ៊ីម៉ែលនោះឡើយ។
      • ប្រសិនបើ លោក-លោកស្រី មានចម្ងល់ ឬ ក៏មានមន្ទិលសង្ស័យលើវេបសាយត៍ ឬ អ៊ីម៉ែលណាមួយ សូមទាក់ទងមកយើងខ្ញុំតាមរយៈ info@kbprasacbank.com.kh ឬ ទូរស័ព្ទលេខ 023/086 999 911។
16. សិទ្ធិ និងកាតព្វកិច្ចរបស់អតិថិជន
    • លោក-លោកស្រី ត្រូវធានាថាគ្រប់ព័ត៌មានដែលបានផ្តល់មក ខេប៊ីប្រាសាក់ ជាព័ត៌មានត្រឹមត្រូវ និង ថ្មីបំផុត។ ករណី លោក-លោកស្រី ផ្តល់ព័ត៌មានមិនពិត ឬ ក្លែងក្លាយ នោះ លោក-លោកស្រី ត្រូវទទួលខុសត្រូវទាំងស្រុងចំពោះមុខច្បាប់។
    • លោក-លោកស្រី ត្រូវធ្វើការត្រួតពិនិត្យកម្រៃសេវា និងព័ត៌មាននៃការទូទាត់ឱ្យបានត្រឹមត្រូវមុននឹងបញ្ជាការទូទាត់នៅក្នុងកម្មវិធីខេប៊ីប្រាសាក់ម៉ូបាល។ រាល់ការបញ្ចូលព័ត៌មាន ឬ លេខគណនីខុស ឬ ផ្ទេរសមតុល្យលើស ឬ ខ្វះ ជាដើម ជាការទទួលខុសត្រូវទាំងស្រុងរបស់លោក-លោកស្រី។
    • លោក-លោកស្រី ត្រូវទទួលខុសត្រូវលើការប្រើប្រាស់កម្មវិធីខេប៊ីប្រាសាក់ម៉ូបាល។ រាល់ការបាត់បង់ទឹកប្រាក់ក្នុងគណនីផ្ទាល់ខ្លួន ឬ គណនីរបស់អ្នកផេ្សង ដែលប្រព្រឹត្តដោយចេតនា ឬ អចេតនា ឬ ដោយការធ្វេសប្រហែស ឬ ដោយការសាកល្បងធ្វើប្រតិបតិ្តការផ្សេងៗ ការលុកលុយរុករក ការកែបន្លំទិន្នន័យ ការលួចបន្លំដោយផ្ទាល់ ឬ ដោយប្រយោលតែម្នាក់ឯង ឬ ដោយមានការចូលរួមពីអ្នកដទៃ លោក-លោកស្រី ត្រូវទទួលខុសត្រូវចំពោះមុខច្បាប់។
    • លោក-លោកស្រី យល់ព្រមដោយឥតលក្ខខណ្ឌក្នុងការទូទាត់សំណងមក ខេប៊ីប្រាសាក់ ករណីមានការប្តឹងតវ៉ា ការទាមទារ ការទទួលខុសត្រូវ ការខាតបង់ ឬ ការចំណាយផ្សេងៗ ដែលខេប៊ីប្រាសាក់ទទួលរងទាក់ទងនឹងប្រតិបត្តិការតាមកម្មវិធីខេប៊ីប្រាសាក់ម៉ូបាល ដោយការអនុវត្តបំពានរបស់ លោក-លោកស្រី លើលក្ខខណ្ឌនៃការប្រើប្រាស់សេវាកម្មនេះ រួមទាំងការខកខានមិនបានចាត់វិធានការទប់ស្កាត់ ការធើ្វប្រតិបត្តិការដោយគ្មានការអនុញ្ញាត ឬ ប្រតិបត្តិការកែ្លងបន្លំ។ល។
    • លោក-លោកស្រី ត្រូវធានាពីការរក្សាសុវត្ថិភាពទូរស័ព្ទ និងព័ត៌មានសម្ងាត់ ដើម្បីចូលប្រើប្រាស់កម្មវិធីខេប៊ីប្រាសាក់ម៉ូបាល ដូចជាលេខកូដសម្ងាត់ និងព័ត៌មានផ្ទាល់ខ្លួន។ល។
    • លោក-លោកស្រី ត្រូវធានាថាបានដំឡើង ឬ ធ្វើបច្ចុប្បន្នភាព កម្មវិធីខេប៊ីប្រាសាក់ម៉ូបាល (KB PRASAC Mobile Application) ដោយផ្ទាល់ពី Play Store ឬ App Store និងធានាថាបានប្រើប្រាស់កម្មវិធីខេប៊ីប្រាសាក់ម៉ូបាល ជំនាន់ថ្មីបំផុត ដែលបានដាក់ឱ្យប្រើប្រាស់ ឬ ធ្វើបច្ចុប្បន្នភាពពីខេប៊ីប្រាសាក់។
    • លោក-លោកស្រី ត្រូវជូនដំណឹងមក ខេប៊ីប្រាសាក់ ជាលាយលក្ខណ៍អក្សរឱ្យបានទាន់ពេលវេលា ក្នុងករណីមានការផ្លាស់ប្តូរលេខទូរស័ព្ទ អ៊ីម៉ែល និង/ឬព័ត៌មានផ្ទាល់ខ្លួនផ្សេងៗ ដែលបានផ្តល់មក ខេប៊ីប្រាសាក់។ រាល់ការខាតបង់ ឬ ការពន្យារពេលផ្សេងៗដែលអាចកើតមកពីការខកខានមិនបានជូនដំណឹងមក ខេប៊ីប្រាសាក់ ជាការទទួលខុសត្រូវទាំងស្រុងរបស់ លោក-លោកស្រី។
    • លោក-លោកស្រី មិនត្រូវធ្វើប្រតិបត្តិការណាមួយដែលខុសច្បាប់ ឬ សកម្មភាពអាជីវកម្មណាមួយ ដែលត្រូវបានហាមឃាត់តាមរយៈកម្មវិធីខេប៊ីប្រាសាក់ម៉ូបាល ឡើយ។
    • លោក-លោកស្រី មានសិទ្ធិក្នុងការផ្ទៀងផ្ទាត់ព័ត៌មាននៅក្នុងរបាយការណ៍គណនីរបស់ខ្លួន និងសាកសួរមកខេប៊ីប្រាសាក់ ក្នុងករណីមានភាពមិនប្រក្រតីណាមួយកើតឡើង។
    • ក្នុងករណី លោក-លោកស្រី មានបញ្ហាផ្សេងៗពាក់ព័ន្ធនឹងការប្រើប្រាស់កម្មវិធីខេប៊ីប្រាសាក់ម៉ូបាល លោក-លោកស្រី ត្រូវជូនដំណឹងជាបន្ទាន់មក ខេប៊ីប្រាសាក់ តាមរយៈទូរស័ព្ទ 023/086 999 911។
    • លោក-លោកស្រី ត្រូវអនុវត្តឱ្យបានខ្ជាប់ខ្ជួននូវគ្រប់ចំណុចនៅលើ “លក្ខខណ្ឌនៃការប្រើប្រាស់ខេប៊ីប្រាសាក់ម៉ូបាល” នេះ។
17. សិទ្ធិ និងកាតព្វកិច្ចរបស់ខេប៊ីប្រាសាក់
    • ខេប៊ីប្រាសាក់ មានសិទ្ធិផ្ទៀងផ្ទាត់ព័ត៌មានរបស់ លោក-លោកស្រី និងសម្រេចក្នុងការផ្តល់ជូននូវសេវាខេប៊ីប្រាសាក់ម៉ូបាលដល់ លោក-លោកស្រី។
    • ខេប៊ីប្រាសាក់ នឹងអនុវត្តតាមការបញ្ជាលើប្រតិបត្តិការទូទាត់តាមរយៈកម្មវិធីខេប៊ីប្រាសាក់ម៉ូបាលរបស់លោក-លោកស្រី ប៉ុន្តែខេប៊ីប្រាសាក់ មិនទទួលខុសត្រូវ ក្នុងករណីដែល លោក-លោកស្រី បានបញ្ចូលព័ត៌មាន ឬ លេខគណនីខុស ឬ ផ្ទេរសមតុល្យលើស ឬ ខ្វះ ជាដើម។
    • ខេប៊ីប្រាសាក់ មានសិទ្ធិសហការជាមួយអាជ្ញាធរមានសមត្ថកិច្ចក្នុងការស៊ើបអង្កេត បង្ខាំង ឬ បញ្ឈប់ការប្រើប្រាស់កម្មវិធីខេប៊ីប្រាសាក់ម៉ូបាល របស់ លោក-លោកស្រី ដោយយោងលើច្បាប់/បទបញ្ញត្តិ ឬ ដីកាពីតុលាការ។
    • ខេប៊ីប្រាសាក់ នឹងរក្សាការសម្ងាត់នូវរាល់ព័ត៌មានរបស់ លោក-លោកស្រី លើកលែងមានការយល់ព្រមពី លោក-លោកស្រី ឬ ច្បាប់តម្រូវ ឬ មានដីកាពីតុលាការបង្គាប់ឱ្យបង្ហាញព័ត៌មានសម្ងាត់ទាំងនោះ។
    • ខេប៊ីប្រាសាក់ រក្សាសិទ្ធិក្នុងការកែប្រែ ឬ អនុវត្តការយកកម្រៃសេវាប្រចំាឆ្នាំ/ប្រចាំខែ និង/ឬ កម្រៃសេវាពាក់ព័ន្ធលើការប្រើប្រាស់ និង/ឬ ធ្វើប្រតិបត្តិការតាមរយៈកម្មវិធីខេប៊ីប្រាសាក់ម៉ូបាល អាស្រ័យលើលក្ខខណ្ខ និងស្ថានភាពអាជីវកម្មជាក់ស្តែង។
    • ខេប៊ីប្រាសាក់ រក្សាសិទ្ធិក្នុងការធ្វើបច្ចុប្បន្នភាពជាប្រចាំលើកម្មវិធីខេប៊ីប្រាសាក់ម៉ូបាល ទៅជំនាន់ថ្មីៗ ដោយ ខេប៊ីប្រាសាក់ អាចនឹង៖
      • ដាក់បន្ថែមនូវមុខងារប្រតិបត្តិការថ្មីៗ ដោយយោងទៅតាមនិន្នាការទីផ្សារ និង/ឬ ការប្រែប្រួលបច្ចេកវិទ្យា ឬ
      • លុប ឬ ផ្អាកជាបណ្តោះអាសន្នលើមុខងារណាមួយ ប្រសិនបើមានបញ្ហាបច្ចេកទេសណាមួយកើតឡើងដែលអាចមានផលប៉ះពាល់ដល់ប្រព័ន្ធធនាគារ ឬ ក្នុងគោលបំណងថែទាំប្រព័ន្ធ ឬ ផ្សេងៗ។
    • នៅក្នុងដំណាក់កាលណាមួយ ខេប៊ីប្រាសាក់ អាចនឹងជំរុញឱ្យ លោក-លោកស្រី ធ្វើបច្ចុប្បន្នភាពកម្មវិធីខេប៊ីប្រាសាក់ម៉ូបាល មកជំនាន់ថ្មីចុងក្រោយបង្អស់ (Update Last Version) ដើម្បីបង្កើនសុវត្ថិភាព និងភាពដូចគ្នាលើការប្រើប្រាស់កម្មវិធីខេប៊ីប្រាសាក់ម៉ូបាល។
    • ប្រសិនបើ កម្មវិធីខេប៊ីប្រាសាក់ម៉ូបាល របស់លោក-លោកស្រី មិនអាចប្រើប្រាស់បានដោយករណីប្រធានសក្តិ ខេប៊ីប្រាសាក់ នឹងជួយដល់ លោក-លោកស្រី ក្នុងការរកដំណោះស្រាយ ឬ ផ្តល់ជំនួយការចាំបាច់ណាមួយយោងលើហេតុផលជាក់ស្តែង ប៉ុន្តែខេប៊ីប្រាសាក់មិនទទួលខុសត្រូវទៅលើហេតុការណ៍ទាំងនោះទេ។
    • ខេប៊ីប្រាសាក់រក្សាសិទ្ធិក្នុងការផ្អាកប្រតិបត្តិការពេលមានបញ្ហាផ្សេងៗ និងពេលមានការចាំបាច់ជាដើម។
    • ខេប៊ីប្រាសាក់ ផ្តល់លេខទូរស័ព្ទសម្រាប់បម្រើសេវាប្រឹក្សាអំពីសេវាកម្ម និងការរាយការណ៍ពីការភ្លេចលេខសម្ងាត់ ឬ បញ្ហាផ្សេងៗដែលកើតមាន តាមរយៈលេខ 023/086 999 911។
18. ការកែប្រែកម្រៃសេវា ទំហំកំណត់ លក្ខខណ្ឌផ្សេងៗ និងការជូនដំណឹង
    • ខេប៊ីប្រាសាក់ រក្សាសិទ្ធិក្នុងការកែប្រែកម្រៃសេវា ទំហំកំណត់ និង/ឬ លក្ខខណ្ឌផ្សេងៗដែលត្រូវអនុវត្តចំពោះការប្រើប្រាស់កម្មវិធីខេប៊ីប្រាសាក់ម៉ូបាល របស់ លោក-លោកស្រី ដោយ ខេប៊ីប្រាសាក់ នឹងធ្វើការជូនដំណឹងទៅអតិថិជនឱ្យបានត្រឹមត្រូវតាមលក្ខខណ្ឌតម្រូវនៃច្បាប់។
    • ក្នុងរយៈពេលនៃការជូនដំណឹងខាងលើ ករណីមិនមានការតវ៉ាពី លោក-លោកស្រី ត្រូវសន្មតថា លោក-លោកស្រីបានយល់ព្រម និងទទួលយកការកែប្រែទាំងនោះមកអនុវត្តភ្លាមៗបន្ទាប់ពីការកែប្រែចូលជាធរមានដែលត្រូវបានផ្សព្វផ្សាយតាមរយៈមធ្យោបាយណាមួយខាងក្រោម៖
      • សាខាខេប៊ីប្រាសាក់ និង/ឬ
      • វេបសាយត៍ និង/ឬ បណ្តាញទំនាក់ទំនងសង្គមផ្លូវការរបស់ ខេប៊ីប្រាសាក់ និង/ឬ
      • ការផ្ញើសារ និង/ឬ អ៊ីម៉ែលទៅកាន់ លោក-លោកស្រី
      • ការផ្សព្វផ្សាយនៅលើទំព័រការសែត ទស្សនាវដ្តី កម្មវិធីខេប៊ីប្រាសាក់ម៉ូបាល ឬ មធ្យោបាយផ្សេងៗ ដែលខេប៊ីប្រាសាក់ បានជ្រើសរើស។ល។
    • អតិថិជនត្រូវបានសន្មតថាបានទទួលការជូនដំណឹងស្តីពីការកែប្រែខាងលើភ្លាមៗ បន្ទាប់ពីខេប៊ីប្រាសាក់បានធ្វើការចុះផ្សាយពីការកែប្រែព័ត៌មាននានារបស់ខ្លួនតាមរយៈមធ្យោបាយណាមួយក្នុងចំណោមមធ្យោបាយខាងលើ។
19. ការទប់ស្កាត់ការសម្អាតប្រាក់ និងហិរញ្ញប្បទានភេរវកម្ម
    អនុលោមតាមបទប្បញ្ញត្តិទាំងឡាយនៃព្រះរាជាណាចក្រកម្ពុជា ស្តីពីការប្រឆាំងការសម្អាតប្រាក់ និងហិរញ្ញប្បទានភេរវកម្ម ខេប៊ីប្រាសាក់ អាចនឹងពន្យារពេល ឬ មិនធ្វើប្រតិបត្តិការជូន លោក-លោកស្រី ប្រសិនបើ ខេប៊ីប្រាសាក់ មានការជឿជាក់ដោយផ្អែកលើមូលហេតុដូចខាងក្រោម៖
    • ខេប៊ីប្រាសាក់ មានការសង្ស័យចំពោះប្រភពដើមនៃប្រាក់បញ្ញើនោះ
    • ប្រតិបត្តិការ ឬ គណនីនោះមានទំនាក់ទំនង ឬ ពាក់ព័ន្ធដោយផ្ទាល់ ឬ ដោយប្រយោលជាមួយនឹងសកម្មភាពល្មើសច្បាប់ណាមួយក្នុងព្រះរាជាណាចក្រកម្ពុជា ឬ ច្បាប់អន្តរជាតិ
    • មានការបង្គាប់បញ្ជាពីតុលាការ ឬ ធនាគារជាតិ នៃ កម្ពុជា។ល។
20. ច្បាប់ និងការដោះស្រាយវិវាទ
    • លក្ខខណ្ឌប្រើប្រាស់នេះ ត្រូវបានគ្រប់គ្រង និងបកស្រាយដោយយោងតាមច្បាប់នៃព្រះរាជាណាចក្រកម្ពុជា។
    • ករណីមានវិវាទកើតឡើង ភាគីទាំងពីរត្រូវដោះស្រាយដោយសន្តិវិធី។ ករណីវិវាទមិនអាចដោះស្រាយបានដោយសន្តិវិធី ឬ ក្រៅប្រព័ន្ធតុលាការ នោះវិវាទត្រូវដោះស្រាយទៅតាមប្រព័ន្ធតុលាការដោយយោងទៅតាមច្បាប់នៃព្រះរាជាណាចក្រកម្ពុជា។
    • លក្ខខណ្ឌផ្សេងៗដែលមិនមានចែងនៅក្នុង “លក្ខខណ្ឌប្រើប្រាស់” នេះ ត្រូវអនុវត្តតាមគោលនយោបាយរបស់ខេប៊ីប្រាសាក់ និង/ឬ ច្បាប់នៃព្រះរាជាណាចក្រកម្ពុជា។
21. វិភាគភាព
    ប្រសិនបើប្រការណាមួយនៃលក្ខខណ្ឌប្រើប្រាស់នេះ មិនអាចអនុវត្តបាន ឬ គ្មានសុពលភាពតាមផ្លូវច្បាប់ ប្រការទាំងនោះនឹងអស់សុពលភាពត្រឹមកម្រិតដែលប្រការនោះមិនអាចអនុវត្តបាន ឬ អសុពលភាពនៃប្រការនោះតែប៉ុណ្ណោះ ចំណែកប្រការផ្សេងៗទៀតនៃលក្ខខណ្ឌប្រើប្រាស់នេះនៅតែបន្តមានសុពលភាពអនុវត្តដដែល។
22. ភាសា
    លក្ខខណ្ឌប្រើប្រាស់នេះ ត្រូវបានធ្វើឡើងជាភាសាខ្មែរ និងអង់គ្លេស។ ករណីមានចំណុចណាមួយរវាងអត្ថបទទាំងពីរមានន័យមិនស្រប ឬ មិនស៊ីគ្នា នោះអត្ថបទជាភាសារខ្មែរចាត់ទុកជាផ្លូវការ៕

1. សេចក្តីផ្តើម
   • លក្ខខណ្ឌនៃការប្រើប្រាស់សេវាខេប៊ីប្រាសាក់ខបភើរេត (KB PRASAC Corporate) តទៅហៅថា “លក្ខខណ្ឌប្រើប្រាស់” គឺជាកិច្ចព្រមព្រៀងរវាង លោក-លោកស្រី ជាមួយ ធនាគារ ខេប៊ីប្រាសាក់ ម.ក តទៅហៅថា “ខេប៊ីប្រាសាក់“ទាក់ទងទៅនឹងការប្រើប្រាស់សេវាខេប៊ីប្រាសាក់ខបភើរេត។
   • សូម លោក-លោកស្រី អាន លក្ខខណ្ឌប្រើប្រាស់ នេះដោយប្រុងប្រយ័ត្ន មុននឹងលោក-លោកស្រីយល់ព្រមបំពេញពាក្យស្នើសុំប្រើប្រាស់សេវាខេប៊ីប្រាសាក់ខបភើរេត។
   • នៅពេល លោក-លោកស្រី បានបំពេញ និងចុះហត្ថលេខា ឬ ផ្តិតស្នាមមេដៃលើពាក្យស្នើសុំប្រើប្រាស់សេវាខេប៊ីប្រាសាក់ខបភើរេត នោះសបញ្ជាក់ថា លោក-លោកស្រី បានអាន បានយល់ និងព្រមអនុវត្តនូវគ្រប់លក្ខខណ្ឌទាំងអស់ ដែលបានចែងនៅក្នុងលក្ខខណ្ឌប្រើប្រាស់នេះ រួមទាំង “លក្ខខណ្ឌទូទៅនៃការប្រើប្រាស់ផលិតផល និងសេវាកម្ម របស់ខេប៊ីប្រាសាក់” ហើយ លោក-លោកស្រី យល់ព្រមទទួលខុសត្រូវទាំងស្រុងលើប្រតិបត្តិការដែលធ្វើតាមរយៈសេវាខេប៊ីប្រាសាក់ខបភើរេត។
2. និយមន័យនៃពាក្យគន្លឹះ
   

   ពាក្យ “លោក-លោកស្រី”	សំដៅដល់អតិថិជនជា ម្ចាស់គណនី ឬ អ្នកមានសិទ្ធិនៅក្នុងគណនី  ឯកត្តជន ឬ នីតិបុគ្គល ឬ គ្រឹះស្ថានធនាគារ និងហិរញ្ញវត្ថុ ដែលបានចុះឈ្មោះប្រើប្រាស់សេវាខេប៊ីប្រាសាក់ខបភើរេត។
   សេវាខេប៊ីប្រាសាក់ខបភើរេត	សំដៅលើ សេវាមួយប្រភេទដែលអនុញ្ញាតឱ្យ លោក-លោកស្រី អាចធ្វើប្រតិបត្តិការហិរញ្ញវត្ថុ និងមិនមែនហិរញ្ញវត្ថុ លើគណនីរបស់ខ្លួនបានដោយសុវត្ថិភាពនៅគ្រប់ទីកន្លែង និងគ្រប់ពេលវេលា (24/7) តាមរយៈ៖ ខេប៊ីប្រាសាក់ខបភើរេតវេប (KB PRASAC Corporate Web) សម្រាប់អតិថិជនប្រើប្រាស់តាមរយៈ Internet Browser ដូចជា Google Chrome, Microsoft Edge, Apple Safari… ដើម្បីធ្វើប្រ​តិ​បត្តិការហិញ្ញវត្ថុ និងមិនមែនហិរញ្ញវត្ថុនៅលើគណនីរបស់ខ្លួន និង ខេប៊ីប្រាសាក់ខបភើរេតអេប (KB PRASAC Corporate App) សម្រាប់ អតិថិជនប្រើប្រាស់តាមរយៈកម្មវិធី ដែលទាញចេញពី App Store ឬ Play Store នៅក្នុងទូរស័ព្ទដៃ (Smart Phone) ប្រើប្រាស់សម្រាប់ទទួល លេខកូដ OTP ដើម្បីចូលប្រើប្រាស់ និងអនុម័តលើប្រតិបត្តិការដែលបានធ្វើនៅក្នុង ខេប៊ីប្រាសាក់ខបភើរេតវេប (KB Corporate​ Web)។
   លេខកូដ OTP	មានពាក្យពេញ One-Time Password ជាលេខកូដសម្ងាត់ចំនួន 06 ខ្ទង់ ដែលត្រូវបានបង្កើតឡើងដោយស្វ័យប្រវត្តិពី “ខេប៊ីប្រាសាក់ខបភើរេត​អេប (KB PRASAC Corporate App)” និងត្រូវប្រើដើម្បីចូលប្រើប្រាស់សេវា និង/ឬ អនុម័តលើ ប្រតិបត្តិការផ្សេងៗនៅក្នុង “ខេប៊ីប្រាសាក់ខបភើរេតវេប (KB PRASAC Corporate Web)” ។ លេខកូដ OTP នេះមានសុពលភាពប្រើប្រាស់បានតែមួយដង ឬ មួយប្រតិបត្តិការគត់។
   គណនី	សំដៅលើគណនីប្រាក់បញ្ញើសន្សំទាំងឡាយណាដែល លោក-លោកស្រីបានបើកជាមួយ ធនាគារ ខេប៊ីប្រាសាក់ ម.ក អាចជា គណនីសន្សំ ឬ គណនីចរន្ត និងគណនីផ្សេងៗ ដែលអនុញ្ញាតនៅពេលស្នើសុំ។ល។
   គណនីនីតិបុគ្គល	ជាប្រភេទគណនី បើកជូនអតិថិជនប្រភេទជាក្រុមហ៊ុន អង្គការ ស្ថាប័នប្រើប្រាស់ដើម្បីធ្វើប្រតិបត្តិការទៅតាមតម្រូវការជាក់ស្តែង។
   គណនីឯកត្តជន	ជាប្រភេទគណនី សម្រាប់បើកជូនអតិថិជនជារូបវន្តបុគ្គលប្រើប្រាស់ ដើម្បីធ្វើប្រតិបត្តិការទៅតាមតម្រូវការផ្ទាល់ខ្លួន។
   គណនីឯកត្តជនផ្ទាល់ខ្លួន	ជាប្រភេទគណនីឯកត្តជន ដែលមានម្ចាស់គណនីតែម្នាក់គត់។
   គណនីឯកត្តជនរួម	ជាប្រភេទគណនីឯកត្តជន ដែលមានសមាជិករួមគណនី (គណនី) ចាប់ពី 02 នាក់ ឡើងទៅ។
   អត្តលេខអ្នកប្រើប្រាស់ (User ID)	ជាអត្តលេខសម្គាល់អ្នកប្រើប្រាស់ មានចំនួនចាប់ 08 ទៅ 16 ខ្ទង់  ដែលបង្កើតសម្រាប់ចូលប្រើប្រាស់សេវាខេប៊ីប្រាសាក់ខបភើរេត។
   លេខសម្ងាត់ (Password)	គឺជាលេខសម្ងាត់ផ្ទាល់ខ្លួនមានចំនួនចាប់ពី 8 ទៅ 16 ខ្ទង់ ដែលត្រូវបានកំណត់ដោយផ្ទាល់ពី លោក-លោកស្រី សម្រាប់ចូលប្រើប្រាស់សេវាខេប៊ីប្រាសាក់ខបភើរេត។
   ការស្កេនស្នាមខ្ចៅដៃ/ផ្ទៃមុខ	សំដៅដល់ប្រព័ន្ធសុវត្ថិភាពនៃការស្កេនស្នាមខ្ចៅដៃ ឬ ផ្ទៃមុខនៅលើទូរស័ព្ទចល័ត (Fingerprint / Facial Recognition) សម្រាប់បញ្ជាក់អត្តសញ្ញាណអតិថិជននៅពេលចូលទៅប្រើ “ខេប៊ីប្រាសាក់ខបភើរេត​អេប/KB PRASAC Corporate App” បន្ថែមពីលើការប្រើប្រាស់  លេខកូដសម្ងាត់ (Password)។ លោក-លោកស្រី អាចកំណត់ការចូលទៅប្រើប្រាស់ខេប៊ីប្រាសាក់ខបភើរេតអេប ដោយប្រើការស្កេនស្នាមខ្ចៅដៃ/ផ្ទៃមុខ លុះត្រាតែ លោក-លោកស្រី បានកំណត់ លក្ខខណ្ឌសុវត្ថិភាពនេះសម្រាប់ការចូលទៅប្រើប្រាស់ទូរស័ព្ទចល័តរបស់ លោក-លោកស្រី ជាមុន។
   ប្រតិបត្តិការស្វ័យប្រវត្តិ​ (Straight Through Process)	ជាប្រតិបត្តិការបានសម្រេចភ្លាមៗ បន្ទាប់ពីប្រតិបត្តិការនោះបានបញ្ចូល និងអនុម័តដោយ លោក-លោកស្រី ដោយមិនតម្រូវឱ្យឆ្លងកាត់ការត្រួតពិនិត្យ និងការអនុម័តពី ខេប៊ីប្រាសាក់ ឡើយ។
   ប្រតិបត្តិការមិនស្វ័យប្រវត្តិ​ (Non-Straight Through Process)	ជាប្រតិបត្តិការ ដែលលោក-លោកស្រីបញ្ចូល និងអនុម័តរួចរាល់ ប៉ុន្តែ តម្រូវឱ្យឆ្លងកាត់ការត្រួតពិនិត្យ និងការអនុម័តពី ខេប៊ីប្រាសាក់ ដើម្បីឱ្យប្រតិបត្តិការសម្រេចបានជោគជ័យ។
   បន្ទាត់អនុម័តប្រតិបត្តិការ (Authorization Line)	ជាលក្ខខណ្ឌប្រើប្រាស់សេវាខេប៊ីប្រាសាក់ខបភើរេត ដោយមានអ្នកប្រើប្រាស់ច្រើន (User) ដូចជា៖ អ្នកធ្វើប្រតិបត្តិការ (Maker) អ្នកត្រួតពិនិត្យ (Checker) អ្នកអនុម័ត (Authorizer) និង អ្នកអនុម័តចុងក្រោយ (Final Authorizer) ហើយគ្រប់ប្រតិបត្តិការទាំងអស់ គឺត្រូវចាប់ផ្តើមពី អ្នកធ្វើប្រតិបត្តិការ (Maker) និងបញ្ចប់ប្រតិបត្តិការដោយ អ្នកអនុម័តចុងក្រោយ (Final Authorizer)។
   Non-Authorization Line	ជាលក្ខខណ្ឌប្រើប្រាស់សេវាខេប៊ីប្រាសាក់ខបភើរេត ដោយមានអ្នកប្រើប្រាស់តែម្នាក់ ហើយគ្រប់ប្រតិបត្តិការទាំងអស់គឺចាប់ផ្តើម និងបញ្ចប់ប្រតិបត្តិការដោយ អ្នកប្រើប្រាស់តែម្នាក់ប៉ុណ្ណោះ។
   របាយការណ៍គណនី​ (Bank Statement)	គឺជាកំណត់ត្រានៃប្រតិបត្តិការចេញ ឬ ចូលនៅក្នុងគណនី ដែលលោក-លោកស្រីអាចពិនិត្យតាមរយៈសេវាខេប៊ីប្រាសាក់ខបភើរេត។
   ករណីប្រធានសក្តិ	សំដៅលើអំពើទាំងឡាយណា ដែលកើតឡើងក្រៅពីឆន្ទៈ ដោយមិនអាចប៉ាន់ស្មានជាមុន និងមិនអាចជំនះបាន ឬ ដែលមិនអនុញ្ញាតឱ្យភាគីណាមួយ ឬ ទាំងពីរអាចបន្តបំពេញកាតព្វកិច្ចរបស់ខ្លួនជាប្រក្រតីបានដូចជា៖ បន្ទុះភ្នំភ្លើង ទឹកជំនន់ គ្រោះរញ្ជួយដី ព្យុះសង្ឃរា ភេរវកម្ម កុបកម្ម សង្គ្រាម។ល។

3. ប្រភេទមុខងារសំខាន់ៗនៃសេវាខេប៊ីប្រាសាក់ខបភើរេត
   • ផ្ទេរប្រាក់រវាងគណនីផ្ទាល់ខ្លួន នៅខេប៊ីប្រាសាក់
   • ផ្ទេរប្រាក់ពីគណនី ទៅ គណនីផ្សេង នៅខេប៊ីប្រាសាក់
   • ផ្ទេរប្រាក់ពីគណនី ទៅ គណនីនៅធនាគារផ្សេងក្នុងប្រទេស
   • ផ្ទេរប្រាក់ពីគណនី ទៅគណនី នៅខេប៊ីប្រាសាក់ (ជាកញ្ចប់)
   • ផ្ទេរប្រាក់អន្តរជាតិ (តាមប្រព័ន្ធ SWIFT)
   • ស្នើសុំកែប្រែព័ត៌មាននៃការផ្ទេរប្រាក់អន្តរជាតិតាមរយៈប្រព័ន្ធ SWIFT
   • ស្នើសុំមោឃភាពនៃការផ្ទេរប្រាក់អន្តរជាតិតាមរយៈប្រព័ន្ធ SWIFT
   • ការបើកប្រាក់បៀវត្ស
   • ការទូរទាត់វិក្កយបត្រ
   • ការទូរទាត់វិក្កយបត្រ (ជាកញ្ចប់)
   • ការបញ្ចូលទឹកប្រាក់ក្នុងទូរស័ព្ទ
   • ការបញ្ចូលទឹកប្រាក់កាតទូរស័ព្ទ (ជាកញ្ចប់)
   • ពិនិត្យអត្រាប្តូរប្រាក់
   • ពិនិត្យព័ត៌មានគណនីសន្សំ ដូចជា សមតុល្យគណនី របាយការណ៍គណនី ទាញយករបាយការណ៍គណនី
   • ពិនិត្យព័ត៌មានគណនីបញ្ញើមានកាលកំណត់
   • បើកគណនីបញ្ញើមានកាលកំណត់
   • បញ្ជូនសំណើស្នើសុំបិទគណនីបញ្ញើមានកាលកំណត់
   • ពិនិត្យមើល បង្កើត និងលុបទម្រង់គំរូ
   • ពិនិត្យមើល បង្កើត បញ្ឈប់ ដំណើរការ និងលុបកាលវិភាគ
   • ពិនិត្យព័ត៌មានកម្ចី និងកាលវិភាគសងប្រាក់កម្ចី
   • ស្នើសុំកម្ចី
   • ស្នើសុំទិញមូលប្បទានប័ត្រ
   • បញ្ឈប់ការទូទាត់មូលប្បទានប័ត្រ
   • ពិនិត្យព័ត៌មានមូលប្បទានប័ត្រ
   • ពិនិត្យព័ត៌មាននៃសេវាហិរញ្ញប្បទានពាណិជ្ជកម្ម
   • ការគណនាប្រាក់បញ្ញើតាមកាលកំណត់
   • ការគណនាប្រាក់កម្ចី និង
   • មុខងារផ្សេងៗជាច្រើនទៀត។ល។
4. ការស្នើសុំប្រើប្រាស់សេវាខេប៊ីប្រាសាក់ខបភើរេត
   • លក្ខខណ្ឌនៃការស្នើសុំប្រើប្រាស់សេវាខេប៊ីប្រាសាក់ខបភើរេត
     • លោក-លោកស្រី អាចស្នើសុំប្រើប្រាស់សេវាខេប៊ីប្រាសាក់ខបភើរេត ជាលាយលក្ខណ៍អក្សរនៅសាខាណាមួយរបស់ខេប៊ីប្រាសាក់ ឬ តាមរយៈបុគ្គលិករបស់ខេប៊ីប្រាសាក់ ឬ បញ្ជូនការស្នើសុំតាមរយៈ “ខេប៊ីប្រាសាក់ខបភើរេតវេប“។
     • លោក-លោកស្រី ត្រូវមានគណនីប្រាក់បញ្ញើសន្សំជាមួយខេប៊ីប្រាសាក់ អាចជាគណនីសន្សំ ឬ គណនីចម្រើនគ្មានកាលកំណត់ ឬ គណនីសន្សំតាមលំដាប់ ឬ គណនីចរន្ត ឬ គណនីចរន្តព្រីមៀម ឬ គណនីសន្សំពាណិជ្ជករ។ល។ និងត្រូវរក្សាសមតុល្យអប្បបរមា (Minimum Balance) ទៅតាមប្រភេទគណនីនីមួយៗ។
     • អ្នកមានសិទ្ធិស្នើសុំ គឺជាម្ចាស់គណនី ឬ អ្នកមានសិទ្ធិក្នុងគណនី ឬ យោងតាមសេចក្តីសម្រេចចេញពីក្រុមប្រឹក្សាភិបាលរបស់ក្រុមហ៊ុនជាដើម។
   • ប្រភេទអ្នកប្រើប្រាស់ សេវាខេប៊ីប្រាសាក់ខបភើរេត (Type of User)
     អ្នកប្រើប្រាស់ (User Type) សេវាខេប៊ីប្រាសាក់ខបភើរេត ចែកចេញជា 05 ប្រភេទរួមមាន៖
     

     ល.រ	ប្រភេទអ្នកប្រើប្រាស់	តួនាទី	អ្នកមានសិទ្ធិ
     1	អ្នកពិនិត្យ (Viewer)	មានសិទ្ធិត្រឹមពិនិត្យព័ត៌មានគណនី ឬ ទាញរបាយការណ៍គណនី	ជា ម្ចាស់គណនី (Account Holder) ឬ  អ្នកមានសិទ្ធិក្នុងគណនី (Account’s Signatory) ឬ  ភាគីទីបី (Third Party)
     2	អ្នកធ្វើប្រតិបត្តិការ (Maker)	ជាអ្នកបង្កើតប្រតិបត្តិការនៅក្នុង “ខេប៊ីប្រាសាក់ខបភើរេតវេប“
     3	អ្នកត្រួតពិនិត្យ (Checker)	ជាអ្នកត្រួតពិនិត្យរាល់ប្រតិបត្តិការដែលបានបញ្ជូនពី “អ្នកធ្វើប្រតិបត្តិការ (Maker)“
     4	អ្នកអនុម័ត (Authorizer)	ជាអ្នកធ្វើការអនុម័តប្រតិបត្តិការដែលបានបញ្ជូនពី “អ្នកត្រួតពិនិត្យ (Checker)“
     5	អ្នកអនុម័តចុងក្រោយ  (Final Authorizer)	ជាអ្នកធ្វើការអនុម័តប្រតិបត្តិការដែលបានបញ្ជូនពី “អ្នកអនុម័ត (Authorizer)” ​ដើម្បីបញ្ចប់ប្រតិបត្តិការ	ជាម្ចាស់គណនី (Account Holder) ឬ  អ្នកមានសិទ្ធិក្នុងគណនី (Account’s Signatory)

   • ការកំណត់បន្ទាត់អនុម័តប្រតិបត្តិការ (Authorization Line)
     • ក្នុងការស្នើសុំប្រើប្រាស់សេវាខេប៊ីប្រាសាក់ខបភើរេត លោក-លោកស្រីត្រូវធ្វើការជ្រើសរើសយក Authorization Line ឬ Non-Authorization Line ដើម្បីធ្វើប្រតិបត្តិការតាមរយៈសេវាខេប៊ីប្រាសាក់ខបភើរេត។
     • ករណីលោក-លោកស្រីជ្រើសរើសយក Authorization Line លោក-លោកស្រីត្រូវធ្វើការកំណត់សិទ្ធិអ្នកប្រើប្រាស់ (User) សេវាខេប៊ីប្រាសាក់ខបភើរេត ផ្សេងៗទៀតរួមមាន អ្នកធ្វើប្រតិបត្តិការ (Maker) អ្នកត្រួតពិនិត្យ (Checker) និង/ឬ អ្នកអនុម័ត (Authorizer)។
     • ករណីលោក-លោកស្រីជ្រើសរើសយក Non-Authorization Line លោក-លោកស្រីមិនតម្រូវឱ្យធ្វើការកំណត់សិទ្ធិអ្នកប្រើប្រាស់សេវាខេប៊ីប្រាសាក់ខបភើរេត ផ្សេងៗទៀតរួមមាន អ្នកធ្វើប្រតិបត្តិការ (Maker) អ្នកត្រួតពិនិត្យ (Checker) និង/ឬ អ្នកអនុម័ត (Authorizer) ដោយលោក-លោកស្រី គឺជាអ្នកធ្វើប្រតិបត្តិការ (Maker) និងជាអ្នកអនុម័តចុងក្រោយ (Final Authorizer) សម្រាប់គ្រប់ការធ្វើប្រតិបត្តិការតាមរយៈសេវាខេប៊ីប្រាសាក់ខបភើរេត។
   • ការបើកដំណើរការសេវាខេប៊ីប្រាសាក់ខបភើរេត (Activate KB PRASAC Corporate)
     • លោក-លោកស្រី (រួមទាំងអ្នកប្រើប្រាស់ផ្សេងទៀតដែលមានតួនាទីជា Maker, Checker, Authorizer, Viewer) ត្រូវធ្វើការបើកឱ្យដំណើរការសេវាខេប៊ីប្រាសាក់ខបភើរេត (Activate KB PRASAC Corporate) ដោយខ្លួនឯង ទៅតាមតំណភ្ជាប់ (Activation Link) ដែលខេប៊ីប្រាសាក់ផ្ញើជូនតាមរយៈអ៊ីម៉ែល និង/ឬ លេខទូរស័ព្ទ។
     • លោក-លោកស្រីត្រូវបញ្ចូលព័ត៌មានឱ្យបានត្រឹមត្រូវទៅតាមព័ត៌មានតម្រូវពីប្រព័ន្ធ និងត្រូវធ្វើការកំណត់លេខសម្ងាត់ (Password) ដោយខ្លួនឯង សម្រាប់ចូលទៅប្រើប្រាស់សេវាខេប៊ីប្រាសាក់ខបភើរេត។
   • ការចូលប្រើប្រាស់សេវាខេប៊ីប្រាសាក់ខបភើរេត
     • ដើម្បីចូលទៅប្រើប្រាស់សេវាខេប៊ីប្រាសាក់ខបភើរេត លោក-លោកស្រីត្រូវចូលទៅកាន់ Web browser ដោយបញ្ចូល https://corporate.kbprasacbank.com.kh
     • ត្រូវបញ្ចូលនូវ “អត្តលេខអ្នកប្រើប្រាស់/ User ID)” ដែលលោក-លោកស្រីទទួលបានតាមរយៈអ៊ីម៉ែល ឬ SMS ពីខេប៊ីប្រាសាក់
     • ត្រូវបញ្ចូល លេខសម្ងាត់(Password) ដែលបានបង្កើតដោយខ្លួនឯង និង
     • បញ្ចូល លេខកូដ OTP ដែលត្រូវបានបង្កើតឡើងដោយស្វ័យប្រវត្តិតាមរយៈ “ខេប៊ីប្រាសាក់ខបភើរេតអេប/KB PRASAC Corporate App” នៅលើទូរស័ព្ទឱ្យបានត្រឹមត្រូវ។
   • ការស្នើសុំភ្ជាប់គណនីបញ្ញើសន្សំ
     • លោក-លោកស្រីអាចធ្វើការស្នើសុំភ្ជាប់គណនីបន្ថែម ដោយជ្រើសរើសកម្រិតសិទ្ធិប្រើប្រាស់គណនី “ពេញលេញ/Full Access” ឬ “ពិនិត្យព័ត៌មាន/View Only” ជាលាយលក្ខណ៍អក្សរនៅសាខាណាមួយរបស់ខេប៊ីប្រាសាក់។
     • ការស្នើសុំភ្ជាប់គណនីបន្ថែម ត្រូវគោរពទៅតាមលក្ខខណ្ឌចុះហត្ថលេខានៃគណនី (Account Signing Condition) ដែលស្នើសុំភ្ជាប់នោះ។
   • ការស្នើសុំដកគណនីបញ្ញើសន្សំ
     • លោក-លោកស្រីអាចធ្វើការស្នើសុំដកគណនីចេញពីសេវាខេប៊ីប្រាសាក់ខបភើរេត ជាលាយលក្ខណ៍អក្សរនៅតាមសាខាណាមួយរបស់ខេប៊ីប្រាសាក់។
     • ការស្នើសុំដកគណនី ត្រូវគោរពតាមលក្ខខណ្ឌចុះហត្ថលេខានៃគណនី (Account Signing Condition)។
   • ការស្នើសុំភ្ជាប់គណនីបញ្ញើមានកាលកំណត់
     • គណនីបញ្ញើមានកាលកំណត់ (Term Deposit Account) នឹងត្រូវបានភ្ជាប់ដោយស្វ័យប្រវត្តិទៅក្នុងសេវាខេប៊ីប្រាសាក់ខបភើរេត ករណី គណនីប្រភព ត្រូវបានភ្ជាប់នៅក្នុងសេវាខេប៊ីប្រាសាក់ខបភើរេត។
     • ករណីគណនីប្រភព ត្រូវបានដកចេញពីសេវាខេប៊ីប្រាសាក់ខបភើរេត នោះគណនីបញ្ញើមានកាលកំណត់ (Term Deposit Account) នឹងត្រូវបានដកចេញដោយស្វ័យប្រវត្តិ។
   • ការស្នើសុំភ្ជាប់គណនីកម្ចី
     • គណនីកម្ចី (Loan Account) ត្រូវបានភ្ជាប់ដោយស្វ័យប្រវត្តិទៅក្នុងសេវាខេប៊ីប្រាសាក់ខបភើរេត ករណីអ្នកឈរឈ្មោះខ្ចី ឬ អ្នករួមខ្ចីបានចុះឈ្មោះប្រើប្រាស់សេវាខេប៊ីប្រាសាក់ខបភើរេត ដោយភ្ជាប់គណនីសន្សំសម្រាប់ទូទាត់សងកម្ចី ទៅក្នុងសេវាខេប៊ីប្រាសាក់ខបភើរេត។
     • ករណីគណនីសន្សំសម្រាប់ទូទាត់សងកម្ចី ត្រូវបានដកចេញពីសេវាខេប៊ីប្រាសាក់ខបភើរេត នោះគណនីកម្ចី នឹងដកចេញដោយស្វ័យប្រវត្តិ។
   • ការស្នើសុំលេខកូដសម្ងាត់ថ្មីករណីភ្លេច (Password) និង/ឬ អត្តលេខអ្នកប្រើប្រាស់ (User ID)
     លោក-លោកស្រី អាចស្នើសុំលេខកូដសម្ងាត់ថ្មីករណីភ្លេច (Password) និង/ឬ អត្តលេខអ្នកប្រើប្រាស់ (User ID) ជាលាយលក្ខណ៍អក្សរនៅតាមសាខារបស់ខេប៊ីប្រាសាក់ ដោយត្រូវភ្ជាប់ជាមួយឯកសារបញ្ជាក់អត្តសញ្ញាណ។
   • ការស្នើសុំកែប្រែព័ត៌មានអ្នកប្រើប្រាស់ និង/ឬ សិទ្ធិអ្នកប្រើប្រាស់សេវាខេប៊ីប្រាសាក់ខបភើរេត
     • លោក-លោកស្រី អាចស្នើសុំកែប្រែព័ត៌មានផ្ទាល់ខ្លួន រួមមានលេខទូរស័ព្ទ និង/ឬ អ៊ីម៉ែល និង/ឬ ដកសិទ្ធិ និង/ឬ បន្ថែមសិទ្ធិអ្នកប្រើប្រាស់សម្រាប់ Maker, Checker, Authorizer បាន នៅតាមសាខាណាមួយរបស់ខេប៊ីប្រាសាក់ ឬ តាមរយៈមន្ត្រីពាក់ព័ន្ធផ្នែកលក់។
     • ការស្នើសុំត្រូវគោរពទៅតាមលក្ខខណ្ឌកំណត់ដោយខេប៊ីប្រាសាក់។
5. កម្រិតសិទ្ធិប្រើប្រាស់គណនីភ្ជាប់សេវាខេប៊ីប្រាសាក់ខបភើរេត
   • លោក-លោកស្រីអាចជ្រើសរើសកម្រិតសិទ្ធិប្រើប្រាស់គណនីភ្ជាប់សេវាខេប៊ីប្រាសាក់ខបភើរេត ដោយត្រូវកំណត់នៅលើពាក្យស្នើសុំប្រើប្រាស់សេវាខេប៊ីប្រាសាក់ខបភើរេត ឱ្យបានត្រឹមត្រូវទៅតាមជម្រើសដូចខាងក្រោម៖
     • “ពេញលេញ / Full Access”៖ ជាកម្រិតសិទ្ធិនៃការប្រើប្រាស់គណនី នៅក្នុងសេវាខេប៊ីប្រាសាក់ខបភើរេត ដែលអនុញ្ញាតឱ្យលោក-លោកស្រីអាចធ្វើប្រតិបត្តិការហិរញ្ញវត្ថុ (ផ្ទេរប្រាក់/ទូទាត់…) និងប្រតិបត្តិការមិនមែនហិរញ្ញវត្ថុបាន (ពិនិត្យព័ត៌មានគណនី កម្ចី អត្រាប្តូរប្រាក់ ឬ ព័ត៌មានផ្សេងៗ)
     • “ពិនិត្យព័ត៌មាន / View Only“៖ ជាកម្រិតសិទ្ធិនៃការប្រើប្រាស់គណនី នៅក្នុងសេវាខេប៊ីប្រាសាក់ខបភើរេត ដែលអាចត្រឹមតែពិនិត្យព័ត៌មានគណនី ព័ត៌មានកម្ចី អត្រាប្តូរប្រាក់ ឬ ព័ត៌មានផ្សេងៗ ដោយមិនអាចធ្វើប្រតិបត្តិការហិរញ្ញវត្ថុ (ផ្ទេរប្រាក់/ទូទាត់…) បានឡើយ។
   • ករណីលោក-លោកស្រី ចង់ប្តូរកម្រិតសិទ្ធិប្រើប្រាស់គណនីពី “ពេញលេញ / Full Access” ទៅ/មក “ពិនិត្យព័ត៌មាន / View Only” លោក-លោកស្រី អាចធ្វើការស្នើសុំជាលាយលក្ខណ៍អក្សរនៅតាមសាខាខេប៊ីប្រាសាក់ ណាមួយដែលនៅជិតបំផុត។
6. ម៉ោងប្រតិបត្តិការ
   • លោក-លោកស្រី អាចធ្វើប្រតិបត្តិការតាមរយៈសេវាខេប៊ីប្រាសាក់ខបភើរេត បាន 24 ម៉ោង ជាប្រចាំថ្ងៃ (24/7) លើកលែងតែមានការផ្អាកជាបណ្តោះអាសន្នដោយមានការជូនដំណឹងពី ខេប៊ីប្រាសាក់។
   • ខេប៊ីប្រាសាក់ នឹងធ្វើការជូនដំណឹងដល់ លោក-លោកស្រី ករណីមានការផ្អាកប្រតិបត្តិការដើម្បីជួសជុល ឬ ធ្វើបច្ចុប្បន្នភាពប្រព័ន្ធ។
   • ខេប៊ីប្រាសាក់ រក្សាសិទ្ធិក្នុងការផ្អាកប្រតិបត្តិការពេលមានបញ្ហាផ្សេងៗ ឬ ពេលមានការចាំបាច់ណាមួយ។
7. រូបិយប័ណ្ណ និងអតា្រប្តូរប្រាក់
   • លោក-លោកស្រី អាចធ្វើប្រតិបត្តិការតាមរយៈសេវាខេប៊ីប្រាសាក់ខបភើរេត ជាមួយរូបិយប័ណ្ណចំនួន 02 (ពីរ) ប្រភេទ រួមមាន៖
     • ប្រាក់រៀល (KHR) និង
     • ប្រាក់ដុល្លារអាមេរិក (USD)
   • រាល់ប្រតិបត្តិការឆ្លងរូបិយប័ណ្ណ អត្រាប្ដូរប្រាក់ត្រូវយោងទៅតាមអត្រាប្តូរប្រាក់ជាក់ស្តែងរបស់ ខេប៊ីប្រាសាក់ នៅក្នុងថ្ងៃ និងម៉ោងនៃការធ្វើប្រតិបត្តិការ ឬ យោងតាមអត្រាប្តូរប្រាក់នៃធនាគារអ្នកទទួលផល ករណីផ្ទេរឆ្លងរូបិយប័ណ្ណទៅគ្រឹះស្ថានធនាគារ និងហិរញ្ញវត្ថុផ្សេង។
8. ទំហំកំណត់នៃប្រតិបត្តិការ និងកម្រៃសេវា
   • លោក-លោកស្រី អាចធ្វើប្រតិបត្តិការហិរញ្ញវត្ថុបាននៅពេលណាដែលគណនីរបស់ លោក-លោកស្រី មានសមតុល្យគ្រប់គ្រាន់ និងត្រូវគោរពទៅតាមទំហំកំណត់ដោយខេប៊ីប្រាសាក់។
   • លោក-លោកស្រី យល់ព្រម បង់កម្រៃសេវាផ្សេងៗ ពាក់ព័ន្ធទៅនឹងការប្រើប្រាស់ និង/ឬ ធ្វើប្រតិបត្តិការតាមរយៈសេវាខេប៊ីប្រាសាក់ខបភើរេត ព្រមទាំងយល់ព្រមឱ្យខេប៊ីប្រាសាក់ ទូទាត់កម្រៃសេវាដោយផ្ទាល់ចេញពីគណនីរបស់ លោក-លោកស្រី ដោយពុំចាំបាច់ធ្វើការជូនដំណឹងជាមុនឡើយ។
   • លោក-លោកស្រីអាចស្វែងរកព័ត៌មានស្តីអំពីកម្រៃសេវា និង/ឬ ទំហំកំណត់ក្នុងមួយប្រតិបត្តិការ និងក្នុងមួយថ្ងៃ ទៅតាមប្រភេទប្រតិបត្តិការនីមួយៗ នៅលើគេហទំព័រផ្លូវការរបស់ ខេប៊ីប្រាសាក់ និង/ឬ គ្រប់សាខាខេប៊ីប្រាសាក់ និង/ឬ សេវាខេប៊ីប្រាសាក់ខបភើរេត។
9. សារជូនដំណឹងស្តីពីប្រតិបត្តិការកើតឡើងក្នុងគណនី (Push Notification)
   លោក-លោកស្រី នឹងទទួលបានសារជូនដំណឹងតាមរយៈសេវាខេប៊ីប្រាសាក់ខបភើរេត (Push Notification) ស្តីអំពីប្រតិបត្តិការហិរញ្ញវត្ថុ ដែលបានកើតឡើងនៅក្នុងគណនីរបស់លោក-លោកស្រី លើកលែងតែមានភាពរអាក់រអួលពីប្រព័ន្ធ។
10. លក្ខណៈពិសេសផ្សេងៗពីប្រតិបត្តិការតាមរយៈសេវាខេប៊ីប្រាសាក់ខបភើរេត
    • ការបញ្ចូលលេខសម្ងាត់ (Password) ឬ លេខកូដ OTP ខុស 03 ដង នោះសេវាខេប៊ីប្រាសាក់ខបភើរេត នឹងត្រូវបានបង្ខាំងដោយស្វ័យប្រវត្តិ។
    • លោក-លោកស្រីអាចទាក់ទងមក ខេប៊ីប្រាសាក់ តាមរយៈលេខ 023/086 999 911 ឬ អញ្ជើញមកសាខាខេប៊ីប្រាសាក់ ណាមួយដើម្បីស្នើសុំដោះបង្ខាំង។
11. ការស្នើសុំបង្ខាំង ឬ ដោះបង្ខាំងសេវាខេប៊ីប្រាសាក់ខបភើរេត
    • លោក-លោកស្រី អាចស្នើសុំបង្ខាំង (Block) អ្នកប្រើប្រាស់ (User ID) ឬ សេវាខេប៊ីប្រាសាក់ខបភើរេត តាមរយៈទូរស័ព្ទមកមន្ត្រីបម្រើសេវាអតិថិជន (023/086 999 911) ឬ អញ្ជើញមកកាន់សាខាខេប៊ីប្រាសាក់ណាមួយដែលនៅជិតបំផុត។
    • ករណីស្នើសុំដោះបង្ខាំង (Unblock) សេវាខេប៊ីប្រាសាក់ខបភើរេត ឬ អ្នកប្រើប្រាស់ លោក-លោកស្រី ត្រូវអញ្ជើញមកស្នើសុំជាលាយលក្ខណ៍អក្សរនៅតាមសាខាខេប៊ីប្រាសាក់ណាមួយដែលនៅជិតបំផុត។
12. ការបញ្ឈប់ការប្រើប្រាស់សេវាខេប៊ីប្រាសាក់ខបភើរេត
    លោក-លោកស្រី អាចស្នើសុំបញ្ឈប់ការប្រើប្រាស់សេវាខេប៊ីប្រាសាក់ខបភើរេត ជាលាយលក្ខណ៍អក្សរបាន ដោយត្រូវអញ្ជើញទៅកាន់សាខាខេប៊ីប្រាសាក់ ណាមួយដែលនៅជិតបំផុត។
13. សុវត្ថិភាពលើការប្រើប្រាស់សេវាខេប៊ីប្រាសាក់ខបភើរេត
    • សុវត្ថិភាពលើទូរស័ព្ទ កុំព្យូទ័រ ឬ ឧបករណ៍ផ្សេង
      • សូមកំណត់លេខសម្ងាត់ (Password) ឬ កំណត់ការស្កេនស្នាមខ្ចៅដៃ/ផ្ទៃមុខ (Fingerprint / Facial Recognition) ដើម្បីការពារទូរស័ព្ទ ឬ កុំព្យូទ័រ ឬ ឧបករណ៍ពាក់ព័ន្ធ របស់លោក-លោកស្រីពីការចូលមើល ឬ ប្រើប្រាស់ពីបុគ្គលផ្សេងដោយគ្មានការអនុញ្ញាត។
      • មិនត្រូវផ្តល់ ឬ បង្ហាញ លេខសម្ងាត់ (Password) ឬ អនុញ្ញាតឱ្យបុគ្គលណាម្នាក់ធ្វើការកំណត់លេខសម្ងាត់ ឬ ស្កេនស្នាមខ្ចៅដៃ / ផ្ទៃមុខ ឬ ចូលប្រើប្រាស់ទូរស័ព្ទចល័ត ឬ កុំព្យូទ័រ ឬ ឧបករណ៍ពាក់ព័ន្ធជំនួសលោក-លោកស្រីជាដាច់ខាត បើទោះបីជាបុគ្គលនោះជា អ្នករួមគណនី ឬ សាច់ញាតិ ឬ មិត្តភក្កិ ឬ បុគ្គលិកខេប៊ីប្រាសាក់ ក៏ដោយ។ល។
      • មិនត្រូវកត់លេខសម្ងាត់ (Password) ដើម្បីចូលទូរស័ព្ទចល័ត ឬ កុំព្យូទ័រ ឬ ឧបករណ៍ពាក់ព័ន្ធ ឬ កម្មវិធីផ្សេងៗ នៅក្នុងទូរស័ព្ទចល័ត ឬ កុំព្យូទ័រ ជាដាច់ខាត។
      • ត្រូវប្រាកដថារាល់ការបញ្ចូល លេខសម្ងាត់ (Password) ដើម្បីចូលប្រើប្រាស់ទូរស័ព្ទ ឬ កុំព្យូទ័រ ឬ ឧបករណ៍ពាក់ព័ន្ធរបស់លោក-លោកស្រី មិនត្រូវបានលួចមើល ឬ ដឹងដោយបុគ្គលណាម្នាក់ឡើយ។
      • ត្រូវធ្វើការផ្លាស់ប្តូរ លេខសម្ងាត់ (Password) ទូរស័ព្ទចល័ត ឬ កុំព្យូទ័រ ឬ ឧបករណ៍ពាក់ព័ន្ធរបស់លោក-លោកស្រី ឱ្យបានញឹកញាប់ ឬ ករណីសង្ស័យថាលេខសម្ងាត់ត្រូវបានដឹងដោយបុគ្គលណាម្នាក់។
      • សូមកុំប្រើទូរស័ព្ទចល័ត ឬ កុំព្យូទ័រ ឬ ឧបករណ៍ពាក់ព័ន្ធ ដែលភ្ជាប់សេវាខេប៊ីប្រាសាក់ខបភើរេត ជាមួយសេវាអ៊ីនធឺណិតសាធារណៈ ឬ ប្រើរួមជាមួយអ្នកដទៃ ដើម្បីចៀសវាងពីការបន្លំលួចដោយ Hacker ។
      • មិនត្រូវភ្ជាប់ប្រព័ន្ធ ឬ បញ្ចូលកម្មវិធី ដែលមិនស្គាល់ក្នុងទូរស័ព្ទ ឬ កុំព្យូទ័រ ឬ ឧបករណ៍ពាក់ព័ន្ធ ឡើយ។ ករណីបានភ្ជាប់ ត្រូវផ្ដាច់ ឬ លុបចេញ និងសម្អាតភ្លាមៗ ដើម្បីចៀសវាងការឆ្លងមេរោគ ឬ ការបន្លំលួចប្រាក់របស់លោក-លោកស្រី (Virus and/or Hacker)។
      • ត្រូវមានកម្មវិធីកម្ចាត់មេរោគ និងធ្វើបច្ចុប្បន្នភាពឱ្យបានទៀងទាត់លើកុំព្យូទ័រ ឬ ឧបករណ៍ពាក់ព័ន្ធ របស់លោក-លោកស្រី។
      • ត្រូវដំឡើងកម្មវិធីខេប៊ីប្រាសាក់ខបភើរេតអេប (KB PRASAC Corporate App) និងធ្វើបច្ចុប្បន្នភាពកម្មវិធីទូរស័ព្ទ ដោយផ្ទាល់ពី Google Play Store ឬ App Store។
      • សូមកុំទុកទូរស័ព្ទចល័ត ឬ កុំព្យូទ័រ ឬ ឧបករណ៍ពាក់ព័ន្ធ ដែលកំពុងបើកសេវាខេប៊ីប្រាសាក់ខបភើរេត ចោលនៅទីសាធារណៈ និងត្រូវ ចាក់សោទូរស័ព្ទ (Lock Phone) ឬ កុំព្យូទ័រ ភ្លាមៗករណីឈប់ប្រើប្រាស់។
      • សូមចាកចេញ (Log out) លុបប្រតិបត្តិការ (Clear History) និងបិទកម្មវិធី Internet Browser ឬ បិទសេវាខេប៊ីប្រាសាក់ខបភើរេត នៅពេល លោក-លោកស្រីធ្វើប្រតិបត្តិការរួចរាល់។
      • ក្នុងករណីលោក-លោកស្រី លក់ ឬ ជួសជុល ឬ ផ្ទេរទូរស័ព្ទ ឬ កុំព្យូទ័រ ឱ្យអ្នកផ្សេង លោក-លោកស្រីត្រូវលុបកម្មវិធីខេប៊ីប្រាសាក់ខបភើរេតអេប ឬ ព័ត៌មានពាក់ព័ន្ធផ្សេងៗចេញពីក្នុងទូរស័ព្ទ ឬ កុំព្យូទ័រ ឱ្យបានរួចរាល់ជាមុន។
      • ករណីបាត់ទូរស័ព្ទ ឬ កុំព្យូទ័រ ឬ សង្ស័យមានអ្នកផ្សេងស្គាល់លេខសម្ងាត់ចូលប្រើប្រាស់ទូរស័ព្ទ ឬ កុំព្យូទ័រត្រូវជូនដំណឹងមក ខេប៊ីប្រាសាក់ ជាបន្ទាន់តាមរយៈលេខ 023/086 999 911 ដើម្បីបង្ខាំងសេវាខេប៊ីប្រាសាក់ខបភើរេត ឬ ចាត់វិធានការផ្សេងៗតាមលក្ខណៈបច្ចេកទេស ដើម្បីទប់ស្កាត់ការបន្លំធ្វើប្រតិបត្តិការ។
    • សុវត្ថិភាពលើអត្តលេខអ្នកប្រើប្រាស់ និងលេខសម្ងាត់
      • សូមចងចាំអត្តលេខអ្នកប្រើប្រាស់ និងលេខសម្ងាត់ (Password) របស់លោក-លោកស្រី និងមិនត្រូវកត់ត្រាលើអ្វីមួយ ឬ ឱ្យអ្នកដទៃដឹងឡើយ។
      • សូមរក្សាអត្តលេខអ្នកប្រើប្រាស់ (User ID) ឬ លេខសម្ងាត់ (Password) ឬ លេខកូដ OTP និងព័ត៌មានផ្សេងៗរបស់លោក-លោកស្រីឱ្យមានសុវត្ថិភាព។ រាល់ការខូចខាតដែលកើតចេញពីការធ្វេសប្រហែសក្នុងការរក្សាព័ត៌មានសម្ងាត់ខាងលើ គឺជាការទទួលខុសត្រូវទាំងស្រុងរបស់លោក-លោកស្រី។
      • សូមកុំផ្តល់ ឬ ផ្ញើអត្តលេខអ្នកប្រើប្រាស់ ឬ លេខសម្ងាត់ (Password) ឬ លេខកូដ OTP ឬ ព័ត៌មានផ្ទាល់ខ្លួនដល់នរណាម្នាក់ឡើយ ទោះដោយផ្ទាល់មាត់ ឬ តាមរយៈផ្ញើសារអេឡិចត្រូនិកអាចជា អ៊ីម៉ែល Facebook Messenger, Telegram… ជាដើម។
      • សូមកុំប្រើ ថ្ងៃខែឆ្នាំកំណើត ឬ លេខទូរស័ព្ទ ឬ លេខគណនី ឬ លេខអត្តសញ្ញាណប័ណ្ណ ឬ លេខរៀងដែលងាយស្រួលចាំ ឬ ស្រួលស្មានដឹង (ឧ. 111111 ឬ 123456…) មកធ្វើជា លេខសម្ងាត់ (Password) ដើម្បីចូលប្រើប្រាស់សេវាខេប៊ីប្រាសាក់ខបភើរេតឡើយ។
      • ត្រូវធានាឱ្យច្បាស់ថា រាល់ពេល លោក-លោកស្រី បញ្ចូលអត្តលេខអ្នកប្រើប្រាស់ (User ID) ឬ លេខសម្ងាត់ (Password) ដើម្បីចូលប្រើប្រាស់សេវា គឺមិនត្រូវបានអ្នកដទៃឃ្លាំមើល ឬ ក៏មានមនុស្សនៅក្បែរអ្នកឡើយ។
      • សូមធ្វើការផ្លាស់ប្តូរលេខសម្ងាត់ (Password) ឱ្យបានញឹកញាប់ និងក្នុងករណីសង្ស័យថា លេខសម្ងាត់ (Password) ត្រូវបានដឹងដោយអ្នកដទៃ។
      • លោក-លោកស្រី គួរកំណត់លេខសម្ងាត់ (Password) ចូលប្រើប្រាស់សេវាខេប៊ីប្រាសាក់ខបភើរេត ឱ្យខុសពីលេខសម្ងាត់ (Password) បើកសោទូរស័ព្ទ ឬ កុំព្យូទ័ររបស់ខ្លួន។
      • ត្រូវជូនដំណឹងមក ខេប៊ីប្រាសាក់ ជាបន្ទាន់ប្រសិនបើ លោក-លោកស្រី ភ្លេចលេខសម្ងាត់ (Password) និង/ឬ អត្តលេខអ្នកប្រើប្រាស់ (User ID) ឬ សង្ស័យអ្នកផ្សេងបានដឹង។
    • សារបោកបញ្ឆោតតាមរយៈអ៊ីម៉ែល ឬ ទូរស័ព្ទ
      • សូមចូលប្រើប្រាស់សេវាខេប៊ីប្រាសាក់ខបភើរេត តាមរយៈអាសយដ្ឋាន https://corporate.kbprasacbank.com.kh តែមួយគត់។ សូមកុំចុចលើអាសយដ្ឋានតំណភ្ជាប់ (Hyperlink) ពីវេបសាយដទៃ។
      • សូមប្រុងប្រយ័ត្នការបោកបញ្ឆោតយកព័ត៌មាន តាមរយៈទូរស័ព្ទ អ៊ីម៉ែល វេបសាយត៍ កម្មវិធីដែលលោតផ្ទាំងមក (pop-up window) ឬ សារ (SMS) ដែលជាល្បិច ឱ្យ លោក-លោកស្រី បញ្ចូលព័ត៌មានសំខាន់ៗ ដូចជា៖ អត្តលេខអ្នកប្រើប្រាស់ (User ID) ឬ លេខសម្ងាត់ (Password) ឬ លេខកូដ OTP ឬ លេខទូរស័ព្ទ (Phone) ឬ ថ្ងៃខែឆ្នាំកំណើត (Date of Birth) ឬ ព័ត៌មានផ្ទាល់ខ្លួនផ្សេងៗជាដើម។ល។
      • ខេប៊ីប្រាសាក់ នឹងមិនស្នើសុំ លោក-លោកស្រី ឱ្យប្រាប់ពី លេខសម្ងាត់ (Password) និង/ឬ លេខកូដ OTP ដើម្បីចូលប្រើប្រាស់សេវាខេប៊ីប្រាសាក់ខបភើរេតឡើយ ទោះបីជាស្នើសុំដោយផ្ទាល់មាត់ ឬ ទូរស័ព្ទ ឬ អ៊ីម៉ែល ឬ តាមមធ្យោបាយទំនាក់ទំនងណាមួយឡើយ។
      • ប្រសិនបើ លោក-លោកស្រី ទទួលបានអ៊ីម៉ែល ឬ សារទូរស័ព្ទ ឬ ការហៅទូរស័ព្ទ ដែលស្នើសុំព័ត៌ មានខាងលើ សូមលុបចោល ឬ បដិសេធជាបន្ទាន់ និង/ឬ មិនត្រូវចុចលើតំណភ្ជាប់បណ្តាញ (Link) ឬ បើកឯកសារភ្ជាប់ណាមួយដែលមាននៅក្នុងអ៊ីម៉ែលនោះឡើយ។
      • ប្រសិនបើ លោក-លោកស្រី មានចម្ងល់ ឬ ក៏មានមន្ទិលសង្ស័យលើវេបសាយត៍ ឬ អ៊ីម៉ែលណាមួយ សូមទាក់ទងមកយើងខ្ញុំតាមរយៈ info@kbprasacbank.com.kh ឬ ទូរស័ព្ទលេខ 023/086 999 911 ។
14. សិទ្ធិ និងកាតព្វកិច្ចរបស់អតិថិជន
    • លោក-លោកស្រី ត្រូវធានាថាគ្រប់ព័ត៌មានដែលបានផ្តល់មក ខេប៊ីប្រាសាក់ ជាព័ត៌មានត្រឹមត្រូវ និង ថ្មីបំផុត។ ករណី លោក-លោកស្រី ផ្តល់ព័ត៌មានមិនពិត ឬ ក្លែងក្លាយ នោះ លោក-លោកស្រី ត្រូវទទួលខុសត្រូវទាំង ស្រុងចំពោះមុខច្បាប់។
    • លោក-លោកស្រី ត្រូវធ្វើការត្រួតពិនិត្យកម្រៃសេវា និងព័ត៌មាននៃការទូទាត់ឱ្យបានត្រឹមត្រូវមុននឹងបញ្ជាការទូទាត់នៅក្នុងសេវាខេប៊ីប្រាសាក់ខបភើរេត។ រាល់ការបញ្ចូលព័ត៌មាន ឬ លេខគណនីខុស ឬ ផ្ទេរសមតុល្យលើស ឬ ខ្វះ ជាដើម ជាការទទួលខុសត្រូវទាំងស្រុងរបស់លោក-លោកស្រី។
    • លោក-លោកស្រី ត្រូវទទួលខុសត្រូវលើការប្រើប្រាស់សេវាខេប៊ីប្រាសាក់ខបភើរេត។ រាល់ការបាត់បង់ទឹកប្រាក់ក្នុងគណនីផ្ទាល់ខ្លួន ឬ គណនីរបស់អ្នកផេ្សង ដែលប្រព្រឹត្តដោយចេតនា ឬ អចេតនា ឬ ដោយការធ្វេសប្រហែស ឬ ដោយការសាកល្បងធ្វើប្រតិបតិ្តការផ្សេងៗ ការលុកលុយរុករក ការកែបន្លំទិន្នន័យ ការលួចបន្លំដោយផ្ទាល់ ឬ ដោយប្រយោលតែម្នាក់ឯង ឬ ដោយមានការចូលរួមពីអ្នកដទៃ លោក-លោកស្រី ត្រូវទទួលខុសត្រូវចំពោះមុខច្បាប់។
    • លោក-លោកស្រី យល់ព្រមដោយឥតលក្ខខណ្ឌក្នុងការទូទាត់សំណងមក ខេប៊ីប្រាសាក់ ករណីមានការប្តឹងតវ៉ា ការទាមទារ ការទទួលខុសត្រូវ ការខាតបង់ ឬ ការចំណាយផ្សេងៗ ដែលខេប៊ីប្រាសាក់ទទួលរងទាក់ទងនឹងប្រតិបត្តិការសេវាខេប៊ីប្រាសាក់ខបភើរេត ដោយការអនុវត្តបំពានរបស់ លោក-លោកស្រី លើលក្ខខណ្ឌនៃការប្រើប្រាស់សេវាកម្មនេះ រួមទាំងការខកខានមិនបានចាត់វិធានការទប់ស្កាត់ ការធើ្វប្រតិបត្តិការដោយគ្មានការអនុញ្ញាត ឬ ប្រតិបត្តិការកែ្លងបន្លំ។ល។
    • លោក-លោកស្រី ត្រូវធានាពីការរក្សាសុវត្ថិភាពទូរស័ព្ទ និងព័ត៌មានសម្ងាត់ ដើម្បីចូលប្រើប្រាស់សេវាខេប៊ីប្រាសាក់ខបភើរេត ដូចជាលេខសម្ងាត់ និងព័ត៌មានផ្ទាល់ខ្លួន។ល។
    • លោក-លោកស្រី ត្រូវធានាថាបានដំឡើង ឬ ធ្វើបច្ចុប្បន្នភាព កម្មវិធីខេប៊ីប្រាសាក់ខបភើរេតអេប ដោយផ្ទាល់ពី Play Store ឬ App Store និងធានាថាបានប្រើប្រាស់ កម្មវិធីខេប៊ីប្រាសាក់ខបភើរេតវេប ជំនាន់ថ្មីបំផុត ដែលបានដាក់ឱ្យប្រើប្រាស់ ឬ ធ្វើបច្ចុប្បន្នភាពពីខេប៊ីប្រាសាក់។
    • លោក-លោកស្រី ត្រូវជូនដំណឹងមក ខេប៊ីប្រាសាក់ ជាលាយលក្ខណ៍អក្សរឱ្យបានទាន់ពេលវេលា ក្នុងករណីមានការផ្លាស់ប្តូរលេខទូរស័ព្ទ អុីម៉ែល និង/ឬ ព័ត៌មានផ្ទាល់ខ្លួនផ្សេងៗ ដែលបានផ្តល់មកខេប៊ីប្រាសាក់។ រាល់ការខាតបង់ ឬ ការពន្យារពេលផ្សេងៗដែលអាចកើតមកពីការខកខានមិនបានជូនដំណឹងមកខេប៊ីប្រាសាក់ ជាការទទួលខុសត្រូវទាំងស្រុងរបស់លោក-លោកស្រី។
    • លោក-លោកស្រីមិនត្រូវធ្វើប្រតិបត្តិការណាមួយ ដែលខុសច្បាប់ ឬ សកម្មភាពអាជីវកម្មណាមួយ ដែលត្រូវបានហាមឃាត់តាមរយៈសេវាខេប៊ីប្រាសាក់ខបភើរេតឡើយ។
    • លោក-លោកស្រីមានសិទ្ធិក្នុងការផ្ទៀងផ្ទាត់ព័ត៌មាននៅក្នុងរបាយការណ៍គណនីរបស់ខ្លួន និងសាកសួរមកខេប៊ីប្រាសាក់ ក្នុងករណីមានភាពមិនប្រក្រតីណាមួយកើតឡើង។
    • ក្នុងករណី លោក-លោកស្រី មានបញ្ហាផ្សេងៗពាក់ព័ន្ធនឹងការប្រើប្រាស់សេវាខេប៊ីប្រាសាក់ខបភើរេត លោក-លោកស្រី ត្រូវជូនដំណឹងជាបន្ទាន់មក ខេប៊ីប្រាសាក់ តាមរយៈទូរស័ព្ទ 023/086 999 911។
    •  លោក-លោកស្រី ត្រូវអនុវត្តឱ្យបានខ្ជាប់ខ្ជួននូវគ្រប់ចំណុចនៅលើ លក្ខខណ្ឌនៃការប្រើប្រាស់សេវាខេប៊ីប្រាសាក់ខបភើរេត នេះ។
15. សិទ្ធិ និងកាតព្វកិច្ចរបស់ខេប៊ីប្រាសាក់
    • ខេប៊ីប្រាសាក់មានសិទ្ធិផ្ទៀងផ្ទាត់ព័ត៌មានរបស់លោក-លោកស្រី និងសម្រេចក្នុងការផ្តល់ជូននូវសេវាខេប៊ីប្រាសាក់ខបភើរេតជូនលោក-លោកស្រី។
    • ខេប៊ីប្រាសាក់នឹងអនុវត្តតាមការបញ្ជាលើប្រតិបត្តិការទូទាត់តាមរយៈសេវាខេប៊ីប្រាសាក់ខបភើរេតរបស់លោក-លោកស្រី ប៉ុន្តែខេប៊ីប្រាសាក់ មិនទទួលខុសត្រូវ ក្នុងករណីដែល លោក-លោកស្រី បានបញ្ចូលព័ត៌មាន ឬ លេខគណនីខុស ឬ ផ្ទេរសមតុល្យលើស ឬ ខ្វះ ជាដើម។
    • ខេប៊ីប្រាសាក់ មានសិទ្ធិសហការជាមួយអាជ្ញាធរមានសមត្ថកិច្ចក្នុងការស៊ើបអង្កេត បង្ខាំង ឬ បញ្ឈប់ការប្រើប្រាស់សេវាខេប៊ីប្រាសាក់ខបភើរេតរបស់ លោក-លោកស្រី ដោយយោងលើច្បាប់/បទបញ្ញត្តិ ឬ ដីកាពីតុលាការ។
    • ខេប៊ីប្រាសាក់ នឹងរក្សាការសម្ងាត់នូវរាល់ព័ត៌មានរបស់ លោក-លោកស្រី លើកលែងមានការយល់ព្រមពី លោក-លោកស្រី ឬ ច្បាប់តម្រូវ ឬ មានដីកាពីតុលាការបង្គាប់ឱ្យបង្ហាញព័ត៌មានសម្ងាត់ទាំងនោះ។
    • ខេប៊ីប្រាសាក់ រក្សាសិទ្ធិក្នុងការកែប្រែ ឬ អនុវត្តការយកកម្រៃសេវាប្រចំាឆ្នាំ/ប្រចាំខែ និង/ឬ កម្រៃសេវាពាក់ព័ន្ធលើការប្រើប្រាស់ និង/ឬ ធ្វើប្រតិបត្តិការតាមរយៈសេវាខេប៊ីប្រាសាក់ខបភើរេត អាស្រ័យលើលក្ខខណ្ខ និងស្ថានភាពអាជីវកម្មជាក់ស្តែង។
    • ខេប៊ីប្រាសាក់ រក្សាសិទ្ធិក្នុងការធ្វើបច្ចុប្បន្នភាពជាប្រចាំលើសេវាខេប៊ីប្រាសាក់ខបភើរេត ទៅជំនាន់ថ្មីៗ ដោយខេប៊ីប្រាសាក់អាចនឹង៖
      • ដាក់បន្ថែមនូវមុខងារប្រតិបត្តិការថ្មីៗ ដោយយោងទៅតាមនិន្នាការទីផ្សារ និង/ឬ ការប្រែប្រួលបច្ចេកវិទ្យា ឬ
      • លុប ឬ ផ្អាកជាបណ្តោះអាសន្នលើមុខងារណាមួយ ប្រសិនបើមានបញ្ហាបច្ចេកទេសណាមួយកើតឡើងដែលអាចមានផលប៉ះពាល់ដល់ប្រព័ន្ធធនាគារ ឬ ក្នុងគោលបំណងថែទាំប្រព័ន្ធ ឬ ផ្សេងៗ។
    • នៅក្នុងដំណាក់កាលណាមួយខេប៊ីប្រាសាក់អាចនឹងជំរុញឱ្យ លោក-លោកស្រី ធ្វើបច្ចុប្បន្នភាពសេវាខេប៊ីប្រាសាក់ខបភើរេត មកជំនាន់ថ្មីចុងក្រោយបង្អស់ (Update Last Version) ដើម្បីបង្កើនសុវត្ថិភាព និងភាពដូចគ្នាលើការប្រើប្រាស់សេវា។
    • ប្រសិនបើសេវាខេប៊ីប្រាសាក់ខបភើរេតរបស់លោក-លោកស្រី មិនអាចប្រើប្រាស់បានដោយករណីប្រធានសក្តិ ខេប៊ីប្រាសាក់នឹងជួយដល់ លោក-លោកស្រី ក្នុងការរកដំណោះស្រាយ ឬ ផ្តល់ជំនួយការចាំបាច់ណាមួយយោងលើហេតុផលជាក់ស្តែង ប៉ុន្តែខេប៊ីប្រាសាក់មិនទទួលខុសត្រូវទៅលើហេតុការណ៍ទាំងនោះទេ។
    • ខេប៊ីប្រាសាក់រក្សាសិទ្ធិក្នុងការផ្អាកប្រតិបត្តិការពេលមានបញ្ហាផ្សេងៗ និងពេលមានការចាំបាច់ជាដើម។
    • ខេប៊ីប្រាសាក់ផ្តល់លេខទូរស័ព្ទសម្រាប់បម្រើសេវាប្រឹក្សាអំពីសេវាកម្ម និងការរាយការណ៍ពីការភ្លេចលេខសម្ងាត់ ឬ បញ្ហាផ្សេងៗដែលកើតមាន តាមរយៈលេខ 023/086 999 911។
16. ការកែប្រែកម្រៃសេវា ទំហំកំណត់ លក្ខខណ្ឌផ្សេងៗ និងការជូនដំណឹង
    • ខេប៊ីប្រាសាក់ រក្សាសិទ្ធិក្នុងការកែប្រែកម្រៃសេវា ទំហំកំណត់ និង/ឬ លក្ខខណ្ឌផ្សេងៗដែលត្រូវអនុវត្តចំពោះការប្រើប្រាស់សេវាខេប៊ីប្រាសាក់ខបភើរេត របស់លោក-លោកស្រី ដោយខេប៊ីប្រាសាក់នឹងធ្វើការជូនដំណឹងទៅលោក-លោកស្រីឱ្យបានត្រឹមត្រូវតាមលក្ខខណ្ឌតម្រូវនៃច្បាប់។
    • ក្នុងរយៈពេលនៃការជូនដំណឹងខាងលើ ករណីមិនមានការតវ៉ាពីលោក-លោកស្រី ត្រូវសន្មតថា លោក-លោកស្រីបានយល់ព្រម និងទទួលយកការកែប្រែទាំងនោះមកអនុវត្តភ្លាមៗបន្ទាប់ពីការកែប្រែចូលជាធរមានដែលត្រូវបានផ្សព្វផ្សាយតាមរយៈមធ្យោបាយណាមួយខាងក្រោម៖
      • តាមរយៈសាខារបស់ខេប៊ីប្រាសាក់ និង/ឬ
      • តាមរយៈវេបសាយត៍ និង/ឬ បណ្តាញទំនាក់ទំនងសង្គមផ្លូវការរបស់ខេប៊ីប្រាសាក់ និង/ឬ
      • ការផ្ញើសារ និង/ឬ អ៊ីម៉ែលទៅកាន់លោក-លោកស្រី
      • តាមរយៈការផ្សព្វផ្សាយនៅលើទំព័រការសែត ទស្សនាវដ្តី កម្មវិធីខេប៊ីប្រាសាក់ម៉ូបាល សេវាខេប៊ីប្រាសាក់ខបភើរេត ឬ មធ្យោបាយផ្សេងៗដែលខេប៊ីប្រាសាក់ បានជ្រើសរើស។ល។
    • លោក-លោកស្រីត្រូវបានសន្មតថាបានទទួលការជូនដំណឹងស្តីពីការកែប្រែខាងលើភ្លាមៗ បន្ទាប់ពីខេប៊ីប្រាសាក់បានធ្វើការចុះផ្សាយពីការកែប្រែព័ត៌មាននានារបស់ខ្លួនតាមរយៈមធ្យោបាយណាមួយក្នុងចំណោមមធ្យោបាយខាងលើ។
17. ការទប់ស្កាត់ការសម្អាតប្រាក់ និងហិរញ្ញប្បទានភេរវកម្ម
    អនុលោមតាមបទប្បញ្ញត្តិទាំងឡាយនៃព្រះរាជាណាចក្រកម្ពុជា ស្តីពីការប្រឆាំងការសម្អាតប្រាក់ និងហិរញ្ញប្បទានភេរវកម្ម ខេប៊ីប្រាសាក់ អាចនឹងពន្យារពេល ឬ មិនធ្វើប្រតិបត្តិការជូន លោក-លោកស្រី បាន ប្រសិនបើ ខេប៊ីប្រាសាក់ មានការជឿជាក់ដោយផ្អែកលើមូលហេតុដូចខាងក្រោម៖
    • ខេប៊ីប្រាសាក់មានការសង្ស័យចំពោះប្រភពដើមនៃប្រាក់បញ្ញើនោះ
    • ប្រតិបត្តិការ ឬ គណនីនោះមានទំនាក់ទំនង ឬ ពាក់ព័ន្ធដោយផ្ទាល់ ឬ ដោយប្រយោលជាមួយនឹងសកម្មភាពល្មើសច្បាប់ណាមួយក្នុងព្រះរាជាណាចក្រកម្ពុជា ឬ ច្បាប់អន្តរជាតិ
    • មានការបង្គាប់បញ្ជាពីតុលាការ ឬ ធនាគារជាតិ នៃ កម្ពុជា។ល។
18. ច្បាប់ និងការដោះស្រាយវិវាទ
    • លក្ខខណ្ឌប្រើប្រាស់នេះ ត្រូវបានគ្រប់គ្រង និងបកស្រាយដោយយោងតាមច្បាប់នៃព្រះរាជាណាចក្រកម្ពុជា។
    • ករណីមានវិវាទកើតឡើង ភាគីទាំងពីរត្រូវដោះស្រាយដោយសន្តិវិធី។ ករណីវិវាទមិនអាចដោះស្រាយបានដោយសន្តិវិធី ឬ ក្រៅប្រព័ន្ធតុលាការ នោះវិវាទត្រូវដោះស្រាយទៅតាមប្រព័ន្ធតុលាការដោយយោងទៅតាមច្បាប់នៃព្រះរាជាណាចក្រកម្ពុជា។
    • លក្ខខណ្ឌផ្សេងៗដែលមិនមានចែងនៅក្នុង “លក្ខខណ្ឌប្រើប្រាស់” នេះ ត្រូវអនុវត្តតាមគោលនយោបាយរបស់ខេប៊ីប្រាសាក់ និង/ឬ ច្បាប់នៃព្រះរាជាណាចក្រកម្ពុជា។
19. វិភាគភាព
    ប្រសិនបើប្រការណាមួយនៃលក្ខខណ្ឌប្រើប្រាស់នេះ មិនអាចអនុវត្តបាន ឬ គ្មានសុពលភាពតាមផ្លូវច្បាប់ ប្រការទាំងនោះនឹងអស់សុពលភាពត្រឹមកម្រិតដែលប្រការនោះមិនអាចអនុវត្តបាន ឬ អសុពលភាពនៃប្រការនោះតែប៉ុណ្ណោះ ចំណែកប្រការផ្សេងៗទៀតនៃលក្ខខណ្ឌប្រើប្រាស់នេះនៅតែបន្តមានសុពលភាពអនុវត្តដដែល។
20. ភាសា
    លក្ខខណ្ឌប្រើប្រាស់នេះ ត្រូវបានធ្វើឡើងជាភាសាខ្មែរ និងអង់គ្លេស។ ករណីមានចំណុចណាមួយរវាងអត្ថបទទាំងពីរមានន័យមិនស្រប ឬ មិនស៊ីគ្នា នោះអត្ថបទជាភាសារខ្មែរចាត់ទុកជាផ្លូវការ៕

1. សេចក្តីផ្តើម
   • លក្ខខណ្ឌនៃការប្រើប្រាស់សេវាខេប៊ីប្រាសាក់ពាណិជ្ជករ តទៅហៅថា “លក្ខខណ្ឌប្រើប្រាស់” គឺជាកិច្ចព្រមព្រៀងរវាង លោក-លោកស្រី ជាមួយ ធនាគារ ខេប៊ីប្រាសាក់ ម.ក តទៅហៅថា “ខេប៊ីប្រាសាក់” ទាក់ទងទៅនឹងការប្រើប្រាស់សេវាខេប៊ីប្រាសាក់ពាណិជ្ជករ និងការធ្វើជាពាណិជ្ជកររបស់ខេប៊ីប្រាសាក់។
   • សូម លោក-លោកស្រី អាន លក្ខខណ្ឌប្រើប្រាស់ នេះដោយប្រុងប្រយ័ត្ន មុននឹងចុច “យល់ព្រម” ដើម្បីបន្តការចុះឈ្មោះប្រើប្រាស់សេវាខេប៊ីប្រាសាក់ពាណិជ្ជករ។
   • នៅពេលលោក-លោកស្រីបានចុច “យល់ព្រម” មានន័យថាលោក-លោកស្រីបានអាន បានយល់ និងព្រមអនុវត្តនូវគ្រប់លក្ខខណ្ឌ ដែលបានចែងនៅក្នុងលក្ខខណ្ឌប្រើប្រាស់នេះ ព្រមទាំងលក្ខខណ្ឌទូទៅនៃការប្រើប្រាស់ផលិតផល និងសេវាកម្ម របស់ធនាគារ ខេប៊ីប្រាសាក់ ហើយ លោក-លោកស្រី យល់ព្រមទទួលខុសត្រូវលើការប្រើប្រាស់សេវាខេប៊ីប្រាសាក់ពាណិជ្ជករ និងយល់ព្រមធ្វើជាពាណិជ្ជកររបស់ខេប៊ីប្រាសាក់។
   • លក្ខខណ្ឌ នៃ ការប្រើប្រាស់នេះមានប្រសិទ្ធភាពចាប់ពីពេល ដែលកម្មវិធីខេប៊ីប្រាសាក់ពាណិជ្ជករ ត្រូវបានដំឡើងនៅលើទូរស័ព្ទរបស់លោក-លោកស្រី រហូតដល់ពេលលុបកម្មវិធីនេះចេញ ឬ រហូតដល់លោក-លោកស្រី ធ្វើការស្នើសុំបញ្ឈប់ការប្រើប្រាស់ជាលាយលក្ខណ៍អក្សរ។
   • លក្ខខណ្ឌ នៃ ការប្រើប្រាស់នេះអនុញ្ញាតឱ្យ លោក-លោកស្រី អាចប្រើប្រាស់សេវាខេប៊ីប្រាសាក់ពាណិជ្ជករ នៅក្នុងមធ្យោបាយ និងសម្រាប់គោលបំណងដូចខាងក្រោម៖
     • ដោនឡូដ និងដំឡើងកម្មវិធីខេប៊ីប្រាសាក់ពាណិជ្ជករ លើទូរស័ព្ទដៃ
     • ទទួលការទូទាត់ដោយការបង្ហាញ និងស្កេនខេអេចឃ្យូអរកូតតាមរយៈទូរស័ព្ទដៃរបស់ លោក-លោកស្រី ឬ ស្កេនខេអេចឃ្យូអរកូត ជាជើងបញ្ឈរ ខ្សែកាត ដែលបានផ្ដល់ដោយខេប៊ីប្រាសាក់ ឬ មធ្យោបាយទូទាត់មិនប្រើសាច់ប្រាក់ផ្សេងៗទៀត ដែលបង្កលក្ខណៈងាយស្រួល សុវត្ថិភាព និងទំនើបទាន់សម័យ។
   • វិសាលភាពនៃលក្ខខណ្ឌ និង ការប្រើប្រាស់នេះត្រូវរួមបញ្ចូលទាំងការធ្វើបច្ចុប្បន្នភាពបន្តបន្ទាប់ និងកំណែថ្មីទាំងអស់ របស់សេវាខេប៊ីប្រាសាក់ពាណិជ្ជករ។ តាមរយៈការយល់ព្រមដំឡើងបច្ចុប្បន្នភាព ឬ កំណែថ្មីៗរបស់កម្មវិធីនេះ លោក-លោកស្រី យល់ព្រមទទួលយកលក្ខខណ្ឌនេះសម្រាប់បច្ចុប្បន្នភាព និងកំណែថ្មីៗ ដែលពាក់ព័ន្ធ។
2. និយមន័យនៃពាក្យគន្លឹះ
   

   ពាក្យ “លោក-លោកស្រី”	សំដៅដល់អតិថិជនជា ម្ចាស់គណនី ឬ ជាម្ចាស់អាជីវកម្ម ដែលបានចុះឈ្មោះប្រើប្រាស់សេវាខេប៊ីប្រាសាក់ពាណិជ្ជករ។
   កិច្ចព្រមព្រៀង	សំដៅដល់កិច្ចសន្យាស្របច្បាប់ និងចងកាតព្វកិច្ចរវាង លោក-លោកស្រី និងធនាគារ ខេប៊ីប្រាសាក់ ម.ក។ កិច្ចព្រមព្រៀងនេះកំណត់នូវការប្រើប្រាស់សេវាខេប៊ីប្រាសាក់ពាណិជ្ជករ សម្រាប់លោក-លោកស្រី  ដែលបានចុះឈ្មោះប្រើប្រាស់។
   សេវាខេប៊ីប្រាសាក់ពាណិជ្ជករ	សំដៅលើ កម្មវិធី ក្នុងទូរស័ព្ទ ដែលអនុញ្ញាតឱ្យ លោក-លោកស្រី អាចធ្វើការចុះឈ្មោះប្រើប្រាស់សេវា​ខេប៊ីប្រាសាក់ពាណិជ្ជករ​ និងអាចគ្រប់គ្រងអាជីវកម្មតាមរយៈការបង្កើតអាជីវកម្ម ហាងទំនិញ ការចាត់ចែងបុគ្គលិកទទួលខុសត្រូវ ក្នុងការទទួលការទូទាត់ពីគ្រប់អតិថិជន តាមរយៈស្កេនខេអេចឃ្យូអរកូត និងត្រួតពិនិត្យរបាយការណ៍នៃការលក់ បានដោយសុវត្ថិភាព នៅគ្រប់ទីកន្លែង និងគ្រប់ពេលវេលា។
   ម្ចាស់អាជីវកម្ម	សំដៅលើម្ចាស់ហាងលក់ទំនិញ ឬ ដេប៉ូបោះដុំ ឬ លក់រាយ ឬ ម្ចាស់ភោជនីយដ្ឋាន ឬ សណ្ឋាគារ  ឬ សេវាកម្មផ្សេងៗ ដែលមានគណនីនៅ ខេប៊ីប្រាសាក់ និងបានចុះឈ្មោះប្រើប្រាស់សេវាខេប៊ីប្រាសាក់ពាណិជ្ជករ។
   សហពាណិជ្ជករ	សំដៅលើដៃគូសហការ ឬ ជាម្ចាស់អាជីវកម្មរួមគ្មា នៃហាងលក់ទំនិញ ឬ ដេប៉ូបោះដុំ ឬ លក់រាយ ឬ ភោជនីយដ្ឋាន ឬ សណ្ឋាគារ …ដែលម្ចាស់អាជីវកម្មនោះមានគណនីនៅខេប៊ីប្រាសាក់ និងបានចុះឈ្មោះប្រើប្រាស់សេវាខេប៊ីប្រាសាក់ពាណិជ្ជករ ដើម្បីត្រួតពិនិត្យរបាយការណ៍ និងទទួលការទូទាត់។
   អ្នកគ្រប់គ្រងហាង	សំដៅលើបុគ្គលិក ដែលម្ចាស់អាជីវកម្ម បានជួលមកគ្រប់គ្រងហាងទំនិញ ឬ សេវាកម្ម… ហើយត្រូវបានម្ចាស់អាជីវកម្មអនុញ្ញាតឱ្យចុះឈ្មោះប្រើប្រាស់កម្មវិធីខេប៊ីប្រាសាក់ពាណិជ្ជករ ក្នុងសិទ្ធិជា អ្នកគ្រប់គ្រងហាង (Supervisor)។
   អ្នកគិតលុយ	សំដៅលើបុគ្គលិក ដែលម្ចាស់អាជីវកម្ម បានជួលមកដើម្បីទទួលការទូទាត់ថ្លៃទំនិញ ឬ សេវា នៅក្នុងហាងលក់ទំនិញ ឬ សេវាកម្ម… ហើយត្រូវបានម្ចាស់អាជីវកម្មអនុញ្ញាតឱ្យចុះឈ្មោះប្រើប្រាស់កម្មវិធីខេប៊ីប្រាសា់ពាណិជ្ជករ ក្នុងសិទ្ធិជា អ្នកគិតលុយ (Cashier)។
   បញ្ជរ	គឺជាកន្លែងទូទាត់ថ្លៃទំនិញ ឬ សេវាកម្ម ដែលអតិថិជនបានទិញ ឬ ប្រើប្រាស់សេវា ដែលអាចទូទាត់ជាសាច់ប្រាក់ ឬ ស្កេនទូទាត់ជាមួយខេអេចឃ្យូអរកូត។
   ខេអេចឃ្យូអរកូត	ជាខេអេចឃ្យូអរកូត ដែលតំណាងឱ្យលេខគណនីរបស់ លោក-លោកស្រី ឬ   ភាគីផ្សេងទៀត ប្រើប្រាស់សម្រាប់ទទួលប្រាក់ ឬ ទូទាត់ថ្លៃទំនិញ/សេវាកម្មតាម  រយៈមុខងារស្កេនខេអេចឃ្យូអរកូត។
   គណនី	សំដៅលើគណនីប្រាក់បញ្ញើសន្សំទាំងឡាយណាដែល លោក-លោកស្រីបានបើកជាមួយ ខេប៊ីប្រាសាក់ អាចជា៖ គណនីសន្សំពាណិជ្ជករ ឬ គណនីសន្សំ ឬ គណនីចម្រើនគ្មានកាលកំណត់ ឬ គណនីចម្រើនតាមលំដាប់ ឬ គណនីចរន្ត ឬ គណនីចរន្តព្រីមៀម។ល។
   គណនីឯកត្តជន	ជាប្រភេទគណនី សម្រាប់បើកជូនអតិថិជនជារូបវន្តបុគ្គលប្រើប្រាស់ និងធ្វើប្រតិបត្តិការសាច់ប្រាក់ទៅតាមតម្រូវការផ្ទាល់ខ្លួន។
   គណនីឯកត្តជនផ្ទាល់ខ្លួន	ជាប្រភេទគណនីឯកត្តជន ដែលមានម្ចាស់តែម្នាក់គត់។
   គណនីឯកត្តជនរួម	ជាប្រភេទគណនីឯកត្តជន ដែលមានសមាជិករួមគណនី (គណនី) ចាប់ពី 02 នាក់ឡើងទៅ។
   គណនីនីតិបុគ្គល	ជាប្រភេទគណនី សម្រាប់បើកជូនអតិថិជនជានីតិបុគ្គល (បើកគណនីក្រោមឈ្មោះស្ថាប័ន) ប្រើប្រាស់ និងធ្វើប្រតិបត្តិការសាច់ប្រាក់ទៅតាមតម្រូវការ។
   លេខកូដសម្ងាត់ (PIN)	គឺជាលេខកូដសម្ងាត់ផ្ទាល់ខ្លួនចំនួន 06 ខ្ទង់ (ជាលេខសុទ្ធ) ដែលត្រូវបានកំណត់ដោយផ្ទាល់ពីលោក-លោកស្រី នៅពេលចុះឈ្មោះប្រើប្រាស់កម្មវិធីខេប៊ីប្រាសាក់ពាណិជ្ជករ។ លេខកូដសម្ងាត់នេះត្រូវបានប្រើដើម្បីចូលទៅប្រើប្រាស់ (Login) កម្មវិធីខេប៊ីប្រាសាក់ពាណិជ្ជករ។
   លេខកូដ OTP	មានពាក្យពេញគឺ One Time Password (OTP) ដែលជាលេខកូដសម្ងាត់ចំនួន 06 ខ្ទង់ ផ្សេងមួយទៀត ដែលត្រូវបានបង្កើតឡើងដោយស្វ័យប្រវត្តិពីប្រព័ន្ធ និងត្រូវបានផ្ញើសារទៅកាន់លេខទូរស័ព្ទ របស់លោក-លោកស្រី ដើម្បីអនុម័តលើការចុះឈ្មោះប្រើប្រាស់កម្មវិធីខេប៊ីប្រាសាក់ពាណិជ្ជករ។ លេខកូដ នេះមានសុពលភាពប្រើប្រាស់បានតែមួយដង ឬ មួយប្រតិបត្តិការគត់។
   ការស្កេនស្នាមខ្ចៅដៃ/ផ្ទៃមុខ	សំដៅដល់ប្រព័ន្ធសុវត្ថិភាពនៃការស្កេនស្នាមខ្ចៅដៃ ឬ ផ្ទៃមុខនៅលើទូរស័ព្ទចល័ត (Fingerprint / Facial Recognition) សម្រាប់បញ្ជាក់អត្តសញ្ញាណអតិថិជននៅពេលចូលប្រើទូរស័ព្ទ ឬ សេវាខេប៊ីប្រាសាក់ពាណិជ្ជករ បន្ថែមពីលើការប្រើប្រាស់ លេខកូដសម្ងាត់ (PIN)។ លោក-លោកស្រី អាចកំណត់ការចូលប្រើប្រាស់កម្មវីធីខេប៊ីប្រាសាក់ពាណិជ្ជករ ដោយប្រើការស្កេនស្នាមខ្ចៅដៃ/ផ្ទៃមុខ លុះត្រាតែ លោក-លោកស្រី បានកំណត់ លក្ខខណ្ឌសុវត្ថិភាពនេះសម្រាប់ការចូលទៅប្រើប្រាស់ទូរស័ព្ទចល័តរបស់ លោក-លោកស្រី ជាមុន។
   ផ្ទេរត្រឡប់	សំដៅដល់ប្រតិបត្ដិការផ្ទេរប្រាក់ត្រលប់ទៅកាន់អតិថិជនវិញ ករណីទូទាត់លើស ឬ ស្ទួន ឬ មានការស្នើសុំមោឃភាពប្រតិបត្ដិការទូទាត់ពីអតិថិជន ដែលបានទិញទំនិញ ឬ ប្រើប្រាស់សេវាកម្មផ្សេងៗ ដែលកើតមានឡើងក្នុងថ្ងៃ។
   របាយការណ៍លក់	សំដៅលើកំណត់ត្រានៃប្រតិបត្តិការលក់ចេញ ឬ ចូលទំាងឡាយនៅក្នុងគណនី ដែលលោក-លោកស្រីអាចពិនិត្យតាមរយៈកម្មវិធីខេប៊ីប្រាសាក់ពាណិជ្ជករ។
   ករណីប្រធានសក្តិ	សំដៅលើអំពើទាំងឡាយណា ដែលកើតឡើងក្រៅពីឆន្ទៈ ដោយមិនអាចប៉ាន់ស្មានជាមុន និងមិនអាចជំនះបាន ឬ ដែលមិនអនុញ្ញាតឱ្យភាគីណាមួយ ឬ ទាំងពីរអាចបន្តបំពេញកាតព្វកិច្ចរបស់ខ្លួនជាប្រក្រតីបានដូចជា៖ បន្ទុះភ្នំភ្លើង ទឹកជំនន់ គ្រោះរញ្ជួយដី ព្យុះសង្ឃរា ភេរវកម្ម កុបកម្ម សង្គ្រាម។ល។

3. ប្រភេទមុខងារសំខាន់ៗនៃសេវាខេប៊ីប្រាសាក់ពាណិជ្ជករ
   • ចុះឈ្មោះប្រើប្រាស់សេវាខេប៊ីប្រាសាក់ពាណិជ្ជករដោយខ្លួនឯង សម្រាប់អតិថិជនមានគណនីស្រាប់ (Online Self-Registration) ដូចជា៖
     • គណនីឯកត្តជន (Individual Single Account) ឬ
     • គណនីរួម (Joint Account) ជាមួយលក្ខខណ្ឌចុះហត្ថលេខា “ម្នាក់ក្នុងចំណោមអ្នកមានសិទ្ធិចុះហត្ថលេខា (Anyone to Signing)“
     • គណនីនីតិបុគ្គល
   • បង្កើតហាងដោយខ្លួនឯងបានយ៉ាងងាយស្រួល
   • ភ្ជាប់គណនីដោយខ្លួនឯង សម្រាប់ការទូទាត់ទំនិញ និងសេវាកម្ម
   • ធ្វើការផ្លាស់ប្ដូរគណនីសន្សំ ឬ គណនីចម្រើនគ្មានកាលកំណត់ ឬ គណនីចម្រើនតាមលំដាប់ ឬ គណនីឌីជីថល ទៅជាគណនីសន្សំពាណិជ្ជករ
   • គ្រប់គ្រង ចាត់ចែង និងរៀបចំបុគ្គលិកទៅតាមតួនាទីដូចជា សហពាណិជ្ជករ អ្នកគ្រប់គ្រងហាង និងអ្នកគិតលុយ
   • ផ្លាស់ប្តូរបុគ្គលិក (បន្ថែម ឬ ដកចេញ) រួមមាន សហពាណិជ្ជករ អ្នកគ្រប់គ្រងហាង និងអ្នកគិតលុយ
   • បើកដំណើរការ ឬ បិទបញ្ជរ
   • បើកដំណើរការ ឬ បិទហាងទំនិញ
   • កែប្រែឈ្មោះហាង ឬ ព័ត៌មានផ្សេងៗ
   • បើក ឬ បិទមុខងារផ្ទេរត្រឡប់
   • បើក ឬ បិទមុខងារប្រាក់ធីប (Tipping)
   • ពិនិត្យរបាយការណ៍លក់របស់បុគ្គលិកនីមួយៗ តាមបញ្ជរ ជាប្រចាំថ្ងៃ ប្រចាំខែ ឬ កាលបរិច្ឆេទណាមួយ
   • ស្នើសុំសម្ភារៈជាខេអេចឃ្យូអរកូតពី ខេប៊ីប្រាសាក់
   • ទទួលការទូទាត់ថ្លៃទំនិញ/សេវាកម្មតាមរយៈការស្កេនខេអេចឃ្យូអរកូត (ក្នុងគ្រឹះស្ថានតែមួយ ឬ ឆ្លងគ្រឹះស្ថានធនាគារ និងហិរញ្ញវត្ថុ)
   •  ចែករំលែក KHQR Code និង Deep link
   • ប្តូរលេខកូដសម្ងាត់ (PIN)
   • កំណត់លេខកូដសម្ងាត់ថ្មី ករណីភ្លេច
   • មុខងារផ្សេងៗ។
4. ការចុះឈ្មោះប្រើប្រាស់សេវាខេប៊ីប្រាសាក់ពាណិជ្ជករ
   • លក្ខខណ្ឌតម្រូវនៃការចុះឈ្មោះប្រើប្រាស់
     • ជាអតិថិជនឯកត្តជន (Individual) ឬ នីតិបុគ្គល (Legal Entity)
     • ត្រូវមានគណនីប្រាក់បញ្ញើសន្សំនៅ ខេប៊ីប្រាសាក់ (គណនីឯកត្តជនផ្ទាល់ខ្លួន ឬ គណនីរួម ឬ គណនីនីតិបុគ្គល)
     • ត្រូវមានទូរស័ព្ទចល័តឆ្លាតវៃ (Smart Phone) ដែលប្រតិបត្តិដោយប្រព័ន្ធ iOS ឬ Android និងលេខទូរស័ព្ទប្រើប្រាស់ជាកម្មសិទ្ធិផ្ទាល់ខ្លួន ហើយទូរស័ព្ទ និងលេខទូរស័ព្ទនេះត្រូវនៅជាមួយគ្នា
     • ត្រូវដំឡើង កម្មវិធីខេប៊ីប្រាសាក់ពាណិជ្ជករ (KB PRASAC Merchant App) នៅលើទូរស័ព្ទជាមួយលេខទូរស័ព្ទដែលមានសុពលភាព និងជាលេខដែលបានផ្តល់មក ខេប៊ីប្រាសាក់ ពេលស្នើសុំបើកគណនី ឬ បានធ្វើបច្ចុប្បន្នភាពចុងក្រោយជាមួយ ខេប៊ីប្រាសាក់
     • ត្រូវបញ្ចូលព័ត៌មានចាំបាច់មួយចំនួនរួមមាន លេខទូរស័ព្ទ និង លេខគណនី ឱ្យបានត្រឹមត្រូវទៅតាមនីតិវិធីតម្រូវនៃប្រព័ន្ធសម្រាប់ការចុះឈ្មោះប្រើប្រាស់
     • ត្រូវកំណត់ លេខកូដសម្ងាត់ (PIN) ផ្ទាល់ខ្លួន ចំនួន 06 ខ្ទង់ សម្រាប់ចូលប្រើប្រាស់ (Login) សេវាខេប៊ីប្រាសាក់ពាណិជ្ជករដោយខ្លួនឯង និង/ឬ អាចកំណត់ការស្កេនស្នាមខ្ចៅដៃ/ផ្ទៃមុខ (Fingerprint/Facial Recognition) ដើម្បីបង្កើនសុវត្ថិភាពនៃការចូលប្រើប្រាស់សេវាខេប៊ីប្រាសាក់ពាណិជ្ជករ
     • ត្រូវយល់ព្រមគោរពតាម លក្ខខណ្ឌនៃការប្រើប្រាស់សេវាខេប៊ីប្រាសាក់ពាណិជ្ជករ នេះ។
   • នៅក្នុងដំណើរការនៃការចុះឈ្មោះប្រើប្រាស់សេវាខេប៊ីប្រាសាក់ពាណិជ្ជករ លោក-លោកស្រីនឹងទទួលបាន លេខកូដ One-Time Password (OTP) ចំនួន 06 ខ្ទង់ ដែលប្រព័ន្ធនឹងផ្ញើចូលទៅកាន់ប្រអប់សារលេខទូរស័ព្ទចល័តរបស់ លោក-លោកស្រី ដែលផ្តល់មក ខេប៊ីប្រាសាក់ ចុងក្រោយបំផុត ដើម្បីអនុម័តលើប្រតិបត្តិការនៃការស្នើសុំចុះឈ្មោះប្រើប្រាស់សេវាខេប៊ីប្រាសាក់ពាណិជ្ជករ តាមរយៈទូរស័ព្ទចល័ត។
   • បន្ទាប់ពីបានចុះឈ្មោះប្រើប្រាស់សេវាខេប៊ីប្រាសាក់ពាណិជ្ជករ ជោគជ័យ លោក-លោកស្រី អាចប្រើប្រាស់កម្មវិធីខេប៊ីប្រាសាក់ពាណិជ្ជករទៅតាមមុខងារនីមួយៗនៃកម្មវិធីសេវាខេប៊ីប្រាសាក់ពាណិជ្ជករ។
   • ការបង្កើតហាង
     • លោក-លោកស្រី អាចធ្វើការបង្កើតហាង/អាជីវកម្ម នៅក្នុងកម្មវិធីខេប៊ីប្រាសាក់ពាណិជ្ជករ ដោយមិនកំណត់។
     • ករណីលោក-លោកស្រី មានហាងច្រើន នោះការកំណត់ឈ្មោះហាង គឺត្រូវកំណត់ឈ្មោះផ្សេងៗគ្នា នៅក្នុងកម្មវិធីខេប៊ីប្រាសាក់ពាណិជ្ជករ ដោយ លោក-លោកស្រីអាចកំណត់ ឈ្មោះហាង បូក សាខាទី១ ឬ ផ្សេងៗ។
     • លោក-លោកស្រី អាចកំណត់បុគ្គលិកដើម្បីគ្រប់គ្រងហាង ដូចជា សហពាណិជ្ជករ អ្នកគ្រប់គ្រងហាង អ្នកគិតលុយ ដោយមិនកំណត់ និងបត់បែនទៅតាមតម្រូវការអាជីវកម្មជាក់ស្ដែង។
   •  លក្ខខណ្ឌភ្ជាប់គណនីទៅសេវាខេប៊ីប្រាសាក់ពាណិជ្ជករ
     • អាចភ្ជាប់គណនីយ៉ាងតិច 01 ឬ ច្រើនបំផុត 02 សម្រាប់ហាងមួយ ជាមួយរូបិយប័ណ្ណគណនីខុសគ្នា គឺ ប្រាក់រៀល និងប្រាក់ដុល្លារ។ លោក-លោកស្រី មិនអាចភ្ជាប់គណនី ដែលមានរូបិយប័ណ្ណដូចគ្នាសម្រាប់ហាងមួយបានទេ។
     • ជាគណនីនៅដំណើរការ និងជាគណនីផ្ទាល់ខ្លួន ឬ គណនីរួម ឬ គណនីនីតិបុគ្គល
     • គណនីមួយ អាចភ្ជាប់ជាមួយហាង/អាជីវកម្មមួយ ឬ ហាងផ្សេងទៀតបានដោយមិនកំណត់។
     • អ្នកមានសិទ្ធិភ្ជាប់គណនីទៅក្នុងកម្មវិធីខេប៊ីប្រាសាក់ពាណិជ្ជករ គឺជាម្ចាស់គណនី (Account Holder) ឬ អ្នកមានសិទ្ធិក្នុងគណនី (Account Signatory)។
5. ការស្នើសុំ និងទទួលខេអេចឃ្យូអរកូត និងសម្ភារៈពាកព័ន្ធ
   1. លោក-លោកស្រី អាចស្នើសុំខេអេចឃ្យូអរកូតពី ខេប៊ីប្រាសាក់ តាមរយៈកម្មវិធីខេប៊ីប្រាសាក់ពាណិជ្ជករ សម្រាប់ហាងនីមួយៗ ដោយអាចកំណត់ចំនួនស្នើសុំ ប្រភេទ និងលក្ខខណ្ឌប្រគល់ទទួលដូចខាងក្រោម៖
      • ប្រភេទខេអេចឃ្យូអរកូត៖ ជើងបញ្ឈរដាក់លើតុ ខ្សែកាត ស្ទីកគ័រទំហំ A6
      • ចំនួនខេអេចឃ្យូអរកូត៖ មិនកំណត់ និងស្នើសុំបានតាមតម្រូវការជាក់ស្ដែង
      • ការប្រគល់ទទួល៖ ដឹកជញ្ជូនដល់ទីកន្លែង ឬ មកទទួលយកនៅសាខា។
   2. លោក-លោកស្រី តម្រូវឱ្យធ្វើការត្រួតពិនិត្យព័ត៌មាននៅលើខេអេចឃ្យូអរកូតដែលប្រគល់ជូនឱ្យបានត្រឹមត្រូវមុនទទួលយក។
   3. រាល់ការទទួលយកខេអេចឃ្យូអរកូតដែលមានព័ត៌មានខុសពីការស្នើសុំរបស់លោក-លោកស្រី ជាការទទួលខុសត្រូវទាំងស្រុងរបស់លោក-លោកស្រី។
6. ការទូទាត់ទំនិញ/សេវាកម្ម
   • អាចទទួលការទូទាត់ពីគ្រប់អតិថិជន (អតិថិជនរបស់ខេប៊ីប្រាសាក់ និងអតិថិជនធនាគារផ្សេង) តាមរយៈការស្កេនខេអេចឃ្យូអរកូត ដែលបានបង្កើតតាមរយៈកម្មវិធីខេប៊ីប្រាសាក់ពាណិជ្ជករ
   • អាចទទួលការទូទាត់ពីគ្រប់អតិថិជន តាមរយៈការស្កេន ខេអេចឃ្យូអរកូត នៅក្នុងជើងបញ្ឈរ ឬ ខ្សែកាត ឬ ស្ទីកគ័រ ដែលបានស្នើសុំដោយផ្ទាល់តាមសាខាខេប៊ីប្រាសាក់
   • អាចកំណត់ចំនួនទឹកប្រាក់ សម្រាប់ទទួលការទូទាត់ នៅក្នុងខេអេចឃ្យូអរកូត ដែលបង្កើតចេញពីក្នុងសេវាខេប៊ីប្រាសាក់ពាណិជ្ជករបាន។ល។
7. ប្រតិបត្តិការទូទាត់ពីខេប៊ីប្រាសាក់
   • ខេប៊ីប្រាសាក់នឹងធ្វើការទូទាត់នូវប្រតិបត្តិការទាំងឡាយណា ដែលបានទទួលតាមរយៈការស្កេនខេអេចឃ្យូអរកូត ទៅក្នុងគណនីរបស់លោក-លោកស្រីភ្លាមៗ។
   • ខេប៊ីប្រាសាក់ មានសិទ្ធិពេញលេញក្នុងការបង្ខាំងទុកសាច់ប្រាក់ទូទាត់ ដែលមានជម្លោះ ឬ ប្រតិបត្តិការមិនប្រក្រតីណាមួយ ដើម្បីធ្វើការដោះស្រាយតាមគោលការណ៍ខេប៊ីប្រាសាក់ និងតាមផ្លូវច្បាប់។
   • លោក-លោកស្រីបានផ្តល់សិទ្ធិដល់ខេប៊ីប្រាសាក់ក្នុងការទូទាត់សាច់ប្រាក់ដោយស្វ័យប្រវត្តិដោយកាត់ចេញពី គណនីរបស់លោក-លោកស្រី ក្នុងករណីដូចខាងក្រោម៖
     • កម្រៃសេវាផ្សេងៗដែលខេប៊ីប្រាសាក់បានជូនដំណឹងទៅលោក-លោកស្រី
     • សាច់ប្រាក់បង្វិលសងមកខេប៊ីប្រាសាក់វិញ (Reversal) ប្រសិនបើមាន
     • ទឹកប្រាក់ដែលខេប៊ីប្រាសាក់បានបញ្ចូលទៅក្នុងគណនីរបស់លោក-លោកស្រី ពាក់ព័ន្ធនឹងប្រតិបត្តិការភាន់ច្រលំ
     • ទឹកប្រាក់ប្រតិបត្តិការ ដែលអ្នកផ្ទេរ ឬ អ្នកទូទាត់មិនព្រមទូទាត់ ហើយ លោក-លោកស្រី មិនមានឯកសារគំាទ្រគ្រប់គ្រាន់ ឬ ផ្តល់ឯកសារគាំទ្រនោះយឺតយ៉ាវបន្ទាប់ពីខេប៊ីប្រាសាក់បានជូនដំណឹង
     • ទឹកប្រាក់នៃប្រតិបត្តិការ ដែលអ្នកផ្ទេរ ឬ អ្នកទូទាត់ ឬ ខេប៊ីប្រាសាក់មិនទទួលស្គាល់ដោយសារជាប្រតិបត្តិការក្លែងបន្លំ (Fraud Transaction) ដោយលោក-លោកស្រីមិនមានឯកសារគាំទ្រលក់ត្រឹមត្រូវ ឬ ឯកសារ បន្លំ។ល។
8. ការផ្ទៀងផ្ទាត់ប្រតិបត្តិការ
   • លោក-លោកស្រីត្រូវត្រួតពិនិត្យប្រតិបត្តិការ និងរបាយការណ៍គណនីរបស់ខ្លួនឱ្យបានជាប្រចាំ។ ករណីមានភាពមិនត្រឹមត្រូវ លោក-លោកស្រីត្រូវជូនដំណឹងជាបន្ទាន់មកខេប៊ីប្រាសាក់។
   • ករណីប្រតិបត្តិការទូទាត់ពីខេប៊ីប្រាសាក់មិនត្រឹមត្រូវ លោក-លោកស្រីត្រូវជូនដំណឹងមកខេប៊ីប្រាសាក់ និងត្រូវភ្ជាប់ជាមួយវិក្កយប័ត្រ ឬ ឯកសារផ្សេងៗពាក់ព័ន្ធនឹងការលក់ (ករណីមាន) ដើម្បីធ្វើការផ្ទៀងផ្ទាត់ប្រតិបត្តិការឡើងវិញ។
9. ម៉ោងប្រតិបត្តិការ
   • អាចធ្វើប្រតិបត្តិការតាមរយៈសេវាខេប៊ីប្រាសាក់ពាណិជ្ជករបាន 24 ម៉ោង ជាប្រចាំថ្ងៃ (24/7) លើកលែងតែមានការផ្អាកជាបណ្តោះអាសន្នដោយមានការជូនដំណឹងពីខេប៊ីប្រាសាក់។
   • ខេប៊ីប្រាសាក់ នឹងធ្វើការជូនដំណឹងដល់ លោក-លោកស្រី ករណីមានការផ្អាកប្រតិបត្តិការដើម្បីជួសជុល ឬ ធ្វើបច្ចុប្បន្នភាពប្រព័ន្ធ។
   • ខេប៊ីប្រាសាក់ រក្សាសិទ្ធិក្នុងការផ្អាកប្រតិបត្តិការពេលមានបញ្ហាផ្សេងៗ ឬ ពេលមានការចាំបាច់ណាមួយ។
10. រូបិយប័ណ្ណ និងអតា្រប្តូរប្រាក់
    • លោក-លោកស្រី អាចប្រើប្រាស់សេវាខេប៊ីប្រាសាក់ពាណិជ្ជករ ដើម្បីទទួលការទូទាត់ជាមួយរូបិយប័ណ្ណចំនួន 02 (ពីរ) ប្រភេទ រួមមាន៖
      • ប្រាក់រៀល (KHR) និង
      • ប្រាក់ដុល្លារអាមេរិក (USD)
    • រាល់ប្រតិបត្តិការទូទាត់ឆ្លងរូបិយប័ណ្ណ អត្រាប្ដូរប្រាក់ត្រូវយោងទៅតាមអត្រាប្តូរប្រាក់ប្រចាំថ្ងៃរបស់ ខេប៊ីប្រាសាក់ នៅក្នុងថ្ងៃ និងម៉ោងនៃការធ្វើប្រតិបត្តិការ។
11. ទំហំកំណត់នៃប្រតិបត្តិការ និងកម្រៃសេវា
    • លោក-លោកស្រី អាចស្វែងរកព័ត៌មានស្តីអំពីកម្រៃសេវា និង/ឬ ទំហំកំណត់ នៅលើគេហទំព័រផ្លូវការរបស់ ខេប៊ីប្រាសាក់ និង/ឬ គ្រប់សាខាខេប៊ីប្រាសាក់ និង/ឬ សេវាខេប៊ីប្រាសាក់ពាណិជ្ជករ។
    • លោក-លោកស្រី យល់ព្រម បង់កម្រៃសេវាផ្សេងៗ ពាក់ព័ន្ធទៅនឹងការប្រើប្រាស់សេវាខេប៊ីប្រាសាក់ពាណិជ្ជករ ព្រមទាំងយល់ព្រមឱ្យខេប៊ីប្រាសាក់ ទូទាត់កម្រៃសេវាដោយផ្ទាល់ចេញពីគណនីរបស់ លោក-លោកស្រី ដោយពុំចាំបាច់ធ្វើការជូនដំណឹងជាមុនឡើយ។
12. សារជូនដំណឹង
    លោក-លោកស្រី នឹងទទួលបានសារជូនដំណឹងតាមរយៈសេវាខេប៊ីប្រាសាក់ពាណិជ្ជករ ស្តីអំពីការចុះឈ្មោះប្រើប្រាស់ពាណិជ្ជករ និងប្រតិបត្តិការទូទាត់ និងការជូនដំណឹងផ្សេងៗ លើកលែងតែមានភាពរអាក់រអួលពីប្រព័ន្ធ។
13. លក្ខណៈផ្សេងៗសម្រាប់ការប្រើប្រាស់សេវាខេប៊ីប្រាសាក់ពាណិជ្ជករ
    រាល់ការបញ្ចូលលេខកូដសម្ងាត់ (PIN) ឬ លេខកូដ OTP ខុស 03 ដង នោះសេវាខេប៊ីប្រាសាក់ពាណិជ្ជករ នឹងត្រូវបានបង្ខាំងរយៈ 05 នាទី។ ករណីអតិថិជនបញ្ចូលលេខកូដសម្ងាត់ខុសលើកទី២ឡើងទៅ រយៈពេលនៃការបង្ខាំងនឹងត្រូវកើនឡើងចំនួន 2 ដងនៃ រយៈពេលនៃការបង្ខាំងលើកទី១។ លោក-លោកស្រី អាចទាក់ទងមក ខេប៊ីប្រាសាក់ តាមរយៈលេខ 023/086 999 911 ឬ អញ្ជើញមកសាខា ខេប៊ីប្រាសាក់ ណាមួយដើម្បីស្នើសុំដោះបង្ខាំង។
14. ការបញ្ឈប់ការប្រើប្រាស់សេវាខេប៊ីប្រាសាក់ពាណិជ្ជករ
    លោក-លោកស្រី អាចស្នើសុំបញ្ឈប់ការប្រើប្រាស់សេវាខេប៊ីប្រាសាក់ពាណិជ្ជករ ជាលាយលក្ខណ៍អក្សរបាន ដោយត្រូវអញ្ជើញទៅកាន់សាខាខេប៊ីប្រាសាក់ ណាមួយដែលនៅជិតបំផុត។
15. ការប្តូរប្រភេទគណនី
    • លោក-លោកស្រី ដែលជាម្ចាស់គណនីឯកត្តជន (Individual) និងជាប្រភេទគណនីឯកត្តជនផ្ទាល់ខ្លួន (Single Account) អាចធ្វើការផ្លាស់ប្តូរប្រភេទគណនីប្រាក់បញ្ញើសន្សំរបស់ខ្លួន (អាចជា គណនីសន្សំ ឬ គណនីចម្រើនគ្មានកាលកំណត់ ឬ គណនីចម្រើនតាមលំដាប់ ឬ គណនីឌីជីថល) ទៅជា គណនីសន្សំពាណិជ្ជករ (Merchant Savings Account) បានដោយខ្លួនឯង តាម រយៈសេវាខេប៊ីប្រាសាក់ពាណិជ្ជករ។
    • បន្ទាប់ពីបានធ្វើការផ្លាស់ប្តូរប្រភេទគណនីរួចរាល់តាមរយៈសេវាខេប៊ីប្រាសាក់ពាណិជ្ជករ លោក-លោកស្រី យល់ព្រមគោរព និងប្រើប្រាស់គណនីសន្សំពាណិជ្ជករឱ្យបានត្រឹមត្រូវទៅតាមលក្ខណៈ និងលក្ខខណ្ឌនៃការប្រើប្រាស់គណនីសន្សំពាណិជ្ជករ ដែលអាចស្វែងរកបាននៅតាមសាខាខេប៊ីប្រាសាក់ និង/ឬ វេបសាយត៍ផ្លូវការរបស់ខេប៊ីប្រាសាក់។
    • រាល់ការទូទាត់ដែលទទួលបានតាមរយៈសេវាខេប៊ីប្រាសាក់ពាណិជ្ជករ នឹងត្រូវបញ្ចូលទៅក្នុងគណនីសន្សំពាណិជ្ជករដោយស្វ័យប្រវត្តិ។
16. សុវត្ថិភាពលើការប្រើប្រាស់សេវាខេប៊ីប្រាសាក់ពាណិជ្ជករ
    1. សុវត្ថិភាពលើទូរស័ព្ទ
       • សូមកំណត់លេខសម្ងាត់ (Password) ឬ កំណត់ការស្កេនស្នាមខ្ចៅដៃ/ផ្ទៃមុខ (Fingerprint / Facial Recognition) ដើម្បីការពារទូរស័ព្ទដៃ របស់លោក-លោកស្រី ពីការចូលមើល ឬ ប្រើប្រាស់ពីបុគ្គលផ្សេងដោយគ្មានការអនុញ្ញាត។
       • មិនត្រូវផ្តល់ ឬ បង្ហាញ លេខសម្ងាត់ (Password) ឬ អនុញ្ញាតឱ្យបុគ្គលណាម្នាក់ធ្វើការកំណត់លេខសម្ងាត់ ឬ ស្កេនស្នាមខ្ចៅដៃ / ផ្ទៃមុខ ឬ ចូលប្រើប្រាស់ទូរស័ព្ទដៃ ជំនួស លោក-លោកស្រី ជាដាច់ខាត បើទោះបីជាបុគ្គលនោះជា អ្នករួមគណនី ឬ សាច់ញាតិ ឬ មិត្តភក្កិ ឬ បុគ្គលិកខេប៊ីប្រាសាក់ ក៏ដោយ។
       • មិនត្រូវកត់ត្រាលេខសម្ងាត់ (Password) ដើម្បីចូលប្រើប្រាស់ទូរស័ព្ទដៃនៅក្នុងទូរស័ព្ទជាដាច់ខាត។
       • ត្រូវប្រាកដថារាល់ការបញ្ចូលលេខសម្ងាត់ (Password) ដើម្បីចូលប្រើប្រាស់ទូរស័ព្ទដៃ របស់លោក-លោកស្រី មិនត្រូវបានលួចមើល ឬ ដឹងដោយបុគ្គលណាម្នាក់ឡើយ។
       • ត្រូវធ្វើការផ្លាស់ប្តូរ លេខសម្ងាត់ (Password) ទូរស័ព្ទដៃ របស់លោក-លោកស្រី ឱ្យបានញឹកញាប់ ឬ ករណីសង្ស័យថាលេខសម្ងាត់ត្រូវបានដឹងដោយបុគ្គលណាម្នាក់។
       • សូមកុំប្រើទូរស័ព្ទដៃ ដែលប្រើប្រាស់សេវាខេប៊ីប្រាសាក់ពាណិជ្ជករ ទៅភ្ជាប់ជាមួយសេវាអ៊ីនធឺណែតសាធារណៈ ឬ ប្រើរួមជាមួយអ្នកដទៃ ដើម្បីចៀសវាងពីការបន្លំលួចដោយ Hacker។
       • មិនត្រូវភ្ជាប់ប្រព័ន្ធ ឬ បញ្ចូលកម្មវិធី ដែលមិនស្គាល់ក្នុងទូរស័ព្ទ ឡើយ។ ករណីបានភ្ជាប់ ត្រូវផ្ដាច់ ឬ លុបចេញ និងសម្អាតភ្លាមៗ ដើម្បីចៀសវាងការឆ្លងមេរោគ ឬ ការបន្លំលួចប្រាក់របស់លោក-លោកស្រី (Virus and/or Hacker)។
       • ត្រូវដំឡើងសេវាខេប៊ីប្រាសាក់ពាណិជ្ជករ និងធ្វើបច្ចុប្បន្នភាពលើកម្មវិធីទូរស័ព្ទ ដោយផ្ទាល់ពី Play Store ឬ App Store ។
       • សូមកុំទុកទូរស័ព្ទដៃ ដែលកំពុងបើកសេវាខេប៊ីប្រាសាក់ពាណិជ្ជករ ចោលនៅទីសាធារណៈ និងត្រូវ ចាក់សោទូរស័ព្ទ (Lock Phone) ភ្លាមៗករណីឈប់ប្រើប្រាស់។
       • ករណីលោក-លោកស្រី លក់ ឬ ជួសជុល ឬ ផ្ទេរទូរស័ព្ទ ឱ្យអ្នកផ្សេង ត្រូវលុបសេវាខេប៊ីប្រាសាក់ពាណិជ្ជករ ឬ ព័ត៌មានពាក់ព័ន្ធផ្សេងៗចេញពីក្នុងទូរស័ព្ទដៃ ឱ្យបានរួចរាល់ជាមុន ។
       • ករណីបាត់ទូរស័ព្ទ ឬ សង្ស័យមានអ្នកផ្សេងស្គាល់លេខសម្ងាត់ចូលប្រើប្រាស់ទូរស័ព្ទដៃ ត្រូវជូនដំណឹងមក ខេប៊ីប្រាសាក់ ជាបន្ទាន់តាមរយៈលេខ 023/086 999 911 ដើម្បីបង្ខាំងសេវាខេប៊ីប្រាសាក់ពាណិជ្ជករ ឬ ចាត់វិធានការផ្សេងៗតាមលក្ខណៈបច្ចេកទេស ដើម្បីទប់ស្កាត់ការបន្លំធ្វើប្រតិបត្តិការ។
    2. សុវត្ថិភាពលើលេខកូដសម្ងាត់
       • សូមចងចាំលេខកូដសម្ងាត់ (PIN) របស់លោក-លោកស្រី ហើយកុំកត់ត្រាលើអ្វីមួយ ឬ ឱ្យអ្នកដទៃដឹង។
       • សូមរក្សាលេខកូដសម្ងាត់ (PIN) ឬ លេខកូដ OTP និងព័ត៌មានផ្សេងៗរបស់លោក-លោកស្រីឱ្យមានសុវត្ថិភាព។ រាល់ការខូចខាតដែលកើតចេញពីការធ្វេសប្រហែសក្នុងការរក្សាព័ត៌មានសម្ងាត់ខាងលើ គឺជាការទទួលខុសត្រូវទាំងស្រុងរបស់លោក-លោកស្រី។
       • សូមកុំផ្តល់ ឬ ផ្ញើលេខកូដសម្ងាត់(PIN) ឬ លេខកូដ OTP ឬ ព័ត៌មានផ្ទាល់ខ្លួនដល់នរណាម្នាក់ឡើយ ទោះដោយផ្ទាល់មាត់ ឬ តាមរយៈផ្ញើសារអេឡិចត្រូនិកអាចជា អ៊ីម៉ែល Facebook Messenger ឬ តេលេក្រាម(Telegram)… ជាដើម។
       • សូមកុំប្រើ ថ្ងៃខែឆ្នាំកំណើត ឬ លេខទូរស័ព្ទ ឬ លេខគណនី ឬ លេខអត្តសញ្ញាណប័ណ្ណ ឬ លេខរៀងដែលងាយស្រួលចាំ ឬ ស្រួលស្មានដឹង (ឧ. 111111 ឬ 123456…) មកធ្វើជា លេខកូដសម្ងាត់ (PIN) ដើម្បីចូលប្រើប្រាស់សេវាខេប៊ីប្រាសាក់ពាណិជ្ជករ។
       • ប្រសិនបើមានការកត់សម្គាល់ណាមួយដែលបង្ហាញថា ស្រោមសំបុត្រលេខកូដសម្ងាត់របស់លោក-លោកស្រីត្រូវគេហែកមើលនោះ សូមទាក់ទងមកសាខាខេប៊ីប្រាសាក់ ដែលនៅជិតលោក-លោកស្រីជាបន្ទាន់។
       • ត្រូវធានាឱ្យច្បាស់ថា រាល់ពេល លោក-លោកស្រី បញ្ចូលលេខកូដសម្ងាត់ (PIN) ដើម្បីចូលប្រើប្រាស់សេវាខេប៊ីប្រាសាក់ពាណិជ្ជករ មិនត្រូវបានអ្នកដទៃឃ្លាំមើល ឬ ក៏មានមនុស្សនៅក្បែរអ្នកឡើយ។
       • សូមធ្វើការផ្លាស់ប្តូរលេខកូដសម្ងាត់ (PIN) ឱ្យបានញឹកញាប់ និង/ឬ ក្នុងករណីសង្ស័យថា លេខកូដសម្ងាត់ (PIN) ត្រូវបានដឹងដោយអ្នកដទៃ។
       • លោក-លោកស្រី គួរកំណត់លេខកូដសម្ងាត់ (PIN) ចូលប្រើប្រាស់សេវាខេប៊ីប្រាសាក់ពាណិជ្ជករ ឱ្យខុសពី លេខសម្ងាត់ (Password) បើកសោទូរស័ព្ទដៃរបស់ខ្លួន។
       • ត្រូវជូនដំណឹងមក ខេប៊ីប្រាសាក់ ជាបន្ទាន់ប្រសិនបើ លោក-លោកស្រី ភ្លេចលេខកូដសម្ងាត់ (PIN) ឬ សង្ស័យអ្នកផ្សេងបានដឹង។
    3. សារបោកបញ្ឆោតតាមរយៈអ៊ីម៉ែល ឬ ទូរស័ព្ទ
       • សូមប្រុងប្រយ័ត្នការបោកបញ្ឆោតយកព័ត៌មាន តាមរយៈទូរស័ព្ទ អ៊ីម៉ែល វេបសាយត៍ កម្មវិធីដែលលោតផ្ទាំងមក (pop-up window) ឬ សារ (SMS) ដែលជាល្បិច ឱ្យ លោក-លោកស្រី បញ្ចូលព័ត៌មានសំខាន់ៗ ដូចជា៖ លេខកូដសម្ងាត់ (PIN) ឬ លេខកូដ OTP ឬ លេខទូរស័ព្ទ (Phone) ឬ ថ្ងៃខែឆ្នាំកំណើត (Date of Birth) ឬ ព័ត៌មានផ្ទាល់ខ្លួនផ្សេងៗជាដើម។ល។
       • ខេប៊ីប្រាសាក់ នឹងមិនស្នើសុំ លោក-លោកស្រី ឱ្យប្រាប់ពី លេខកូដសម្ងាត់ (PIN) និង/ឬ លេខកូដ OTP ដើម្បីចូលប្រើប្រាស់សេវាខេប៊ីប្រាសាក់ពាណិជ្ជករឡើយ ទោះបីជាសុំដោយផ្ទាល់មាត់ តាម រយៈទូរស័ព្ទ ឬ អ៊ីម៉ែល ឬ តាមមធ្យោបាយទំនាក់ទំនងណាមួយ។
       • ប្រសិនបើ លោក-លោកស្រី ទទួលបានអ៊ីម៉ែល ឬ សារទូរស័ព្ទ ឬ ការហៅទូរស័ព្ទ ដែលស្នើសុំព័ត៌ មានខាងលើ សូមលុបចោល ឬ បដិសេធជាបន្ទាន់ និង/ឬ មិនត្រូវចុចលើតំណភ្ជាប់បណ្តាញ (Link) ឬ បើកឯកសារភ្ជាប់ណាមួយដែលមាននៅក្នុងអ៊ីម៉ែលនោះឡើយ។
       • ប្រសិនបើ លោក-លោកស្រី មានចម្ងល់ ឬ ក៏មានមន្ទិលសង្ស័យលើវេបសាយត៍ ឬ អ៊ីម៉ែលណាមួយ សូមទាក់ទងមកយើងខ្ញុំតាមរយៈ info@kbprasacbank.com.kh ឬ ទូរស័ព្ទលេខ 023/086 999 911។
17. សិទ្ធិ និងកាតព្វកិច្ចរបស់លោក-លោកស្រី
    • ត្រូវរៀបចំទីតាំងឱ្យបានសមរម្យសម្រាប់ដាក់ខេអេចឃ្យូអរកូតខេប៊ីប្រាសាក់ ដើម្បីផ្តល់ភាពងាយស្រួល និងមានសុវត្ថិភាពដល់អ្នកទូទាត់នៅពេលធ្វើប្រតិបត្តិការទូទាត់ទំនិញ ឬ សេវាកម្មផ្សេងៗ។
    • ត្រូវជួយសហការក្នុងការផ្សព្វផ្សាយជាសាធារណៈ ពីសេវាទូទាត់តាមរយៈសេវាខេប៊ីប្រាសាក់ពាណិជ្ជករ ឬ ខេអេចឃ្យូអរកូតរបស់ខេប៊ីប្រាសាក់ទៅដល់អតិថិជនរបស់ខ្លួន។
    • លោក-លោកស្រី ត្រូវធានាថាគ្រប់ព័ត៌មានដែលបានផ្តល់មក ខេប៊ីប្រាសាក់ ជាព័ត៌មានត្រឹមត្រូវ និង ថ្មីបំផុត។ ករណី លោក-លោកស្រី ផ្តល់ព័ត៌មានមិនពិត ឬ ក្លែងក្លាយ នោះ លោក-លោកស្រី ត្រូវទទួលខុសត្រូវទាំងស្រុងចំពោះមុខច្បាប់។
    • រាល់ប្រតិបត្តិការធ្វើឡើងតាមរយៈសេវាខេប៊ីប្រាសាក់ពាណិជ្ជករ ត្រូវអនុលោមត្រឹមត្រូវទៅតាម លក្ខខណ្ឌប្រើប្រាស់ ដែលបានព្រមព្រៀងជាមួយខេប៊ីប្រាសាក់ និងស្របតាមប្រភេទអាជីវកម្មពិតប្រាកដរបស់ខ្លួន។
    • លោក-លោកស្រី ត្រូវធានាថា មិនបានលក់ផលិតផលក្លែងក្លាយ ឬ ក្លែងបន្លំទំនិញដល់អតិថិជន ដែលបានទូទាត់តាមរយៈសេវាខេប៊ីប្រាសាក់ពាណិជ្ជករ ឬ ខេអេចឃ្យូអរកូតខេប៊ីប្រាសាក់ឡើយ។ ករណីមានបណ្តឹងកើតឡើង លោក-លោកស្រី ត្រូវទទួលខុសត្រូវចំពោះមុខច្បាប់ទាំងស្រុង។
    • ត្រូវរក្សាព័ត៌មាន និងឯកសារយោងផ្សេងៗ ពាក់ព័ន្ធនឹងប្រតិបត្តិការទូទាត់ជាការសម្ងាត់ លើកលែងតែមានការស្នើសុំពីខេប៊ីប្រាសាក់។
    • មិនត្រូវប្រព្រឹត្ត ឬ សហការជាមួយជនទុច្ចរិតក្នុងការបំពាក់ឧបករណ៍ផ្សេងៗ ដើម្បីថតចម្លង (Skim) យកព័ត៌មានសំខាន់ៗរបស់សេវាខេប៊ីប្រាសាក់ពាណិជ្ជករ ឬ កម្មវិធីផ្សេងៗរបស់ខេប៊ីប្រាសាក់ឡើយ។
    • លោក-លោកស្រីត្រូវធ្វើការត្រួតពិនិត្យកម្រៃសេវា និងព័ត៌មាននៃការទូទាត់ឱ្យបានត្រឹមត្រូវមុននឹងបញ្ជាការទូទាត់ត្រឡប់នៅក្នុងសេវាខេប៊ីប្រាសាក់ពាណិជ្ជករ។ រាល់ការបញ្ជាការទូទាត់ត្រឡប់ខុស ឬ លើស ឬ ខ្វះ ជាដើម ជាការទទួលខុសត្រូវទាំងស្រុងរបស់លោក-លោកស្រី។
    • លោក-លោកស្រី យល់ព្រមទូទាត់សងមកខេប៊ីប្រាសាក់ នូវចំនួនទឹកប្រាក់តាមទំហំខូចខាត និងរាល់ការចំណាយដែលកើតឡើងដោយការមិនគោរពច្បាប់ ឬ មិនបានគោរពតាមលក្ខខណ្ឌប្រើប្រាស់នេះ ឬ លក្ខខណ្ឌប្រើប្រាស់ទូទៅនៃផលិតផល និងសេវាកម្មរបស់ខេប៊ីប្រាសាក់។
    • លោក-លោកស្រី ត្រូវទទួលខុសត្រូវលើការប្រើប្រាស់សេវាខេប៊ីប្រាសាក់ពាណិជ្ជករ។ រាល់ការបាត់បង់ទឹកប្រាក់ក្នុងគណនី ដែលប្រព្រឹត្តដោយចេតនា ឬ អចេតនា ឬ ដោយការធ្វេសប្រហែស ឬ ដោយការសាកល្បងធ្វើប្រតិបតិ្តការផ្សេងៗ ការលុកលុយរុករក ការកែបន្លំទិន្នន័យ ការលួចបន្លំដោយផ្ទាល់ ឬ ដោយប្រយោលតែម្នាក់ឯង ឬ ដោយមានការចូលរួមពីអ្នកដទៃ លោក-លោកស្រី ត្រូវទទួលខុសត្រូវចំពោះមុខច្បាប់។
    • លោក-លោកស្រី យល់ព្រមដោយឥតលក្ខខណ្ឌក្នុងការទូទាត់សំណងមក ខេប៊ីប្រាសាក់ ករណីមានការប្តឹងតវ៉ា ការទាមទារ ការទទួលខុសត្រូវ ការខាតបង់ ឬ ការចំណាយផ្សេងៗ ដែលខេប៊ីប្រាសាក់ទទួលរងទាក់ទងនឹងប្រតិបត្តិការតាមសេវាខេប៊ីប្រាសាក់ពាណិជ្ជករ ដោយការអនុវត្តបំពានរបស់ លោក-លោកស្រី លើលក្ខខណ្ឌនៃការប្រើប្រាស់សេវាកម្មនេះ រួមទាំងការខកខានមិនបានចាត់វិធានការទប់ស្កាត់ ការធើ្វប្រតិបត្តិការដោយគ្មានការអនុញ្ញាត ឬ ប្រតិបត្តិការកែ្លងបន្លំ។ល។
    • លោក-លោកស្រី ត្រូវធានាពីការរក្សាសុវត្ថិភាពទូរស័ព្ទ និងព័ត៌មានសម្ងាត់ ដើម្បីចូលប្រើប្រាស់សេវាខេប៊ីប្រាសាក់ពាណិជ្ជករ ដូចជាលេខកូដសម្ងាត់ និងព័ត៌មានផ្ទាល់ខ្លួន។ល។
    • លោក-លោកស្រី ត្រូវធានាថាបានដំឡើង ឬ ធ្វើបច្ចុប្បន្នភាព កម្មវិធីខេប៊ីប្រាសាក់ពាណិជ្ជករ (KB PRASAC Merchant App) ដោយផ្ទាល់ពី Play Store ឬ App Store និងធានាថាបានប្រើប្រាស់សេវាខេប៊ីប្រាសាក់ពាណិជ្ជករ ជំនាន់ថ្មីបំផុត ដែលបានដាក់ឱ្យប្រើប្រាស់ ឬ ធ្វើបច្ចុប្បន្នភាពពីខេប៊ីប្រាសាក់។
    • លោក-លោកស្រី ត្រូវជូនដំណឹងមក ខេប៊ីប្រាសាក់ ជាលាយលក្ខណ៍អក្សរឱ្យបានទាន់ពេលវេលា ក្នុងករណីមានការផ្លាស់ប្តូរលេខទូរស័ព្ទ អ៊ីម៉ែល និង/ឬព័ត៌មានផ្ទាល់ខ្លួនផ្សេងៗ ដែលបានផ្តល់មក ខេប៊ីប្រាសាក់។ រាល់ការខាតបង់ ឬ ការពន្យារពេលផ្សេងៗដែលអាចកើតមកពីការខកខានមិនបានជូនដំណឹងមក ខេប៊ីប្រាសាក់ ជាការទទួលខុសត្រូវទាំងស្រុងរបស់ លោក-លោកស្រី។
    • លោក-លោកស្រី មិនត្រូវធ្វើប្រតិបត្តិការណាមួយដែលខុសច្បាប់ ឬ សកម្មភាពអាជីវកម្មណាមួយ ដែលត្រូវបានហាមឃាត់តាមរយៈសេវាខេប៊ីប្រាសាក់ពាណិជ្ជករ ឡើយ។
    • លោក-លោកស្រី មានសិទ្ធិក្នុងការផ្ទៀងផ្ទាត់ព័ត៌មាននៅក្នុងរបាយការណ៍គណនីរបស់ខ្លួន និងសាកសួរមកខេប៊ីប្រាសាក់ ក្នុងករណីមានភាពមិនប្រក្រតីណាមួយកើតឡើង។
    • ការគ្រប់គ្រងហាង លោក-លោកស្រី អាចបង្កើតហាងបានច្រើនកន្លែង ដោយអាចបន្ថែម ឬ បិទហាងបានតាមការចាំបាច់។ អនុញ្ញាតឱ្យអ្នកគិតលុយ ចូលប្រើប្រាស់សេវាខេប៊ីប្រាសាក់ពាណិជ្ជករបាន តាមរយៈការណែនាំពីលោក-លោកស្រី នឹងអាចត្រួតពិនិត្យការលក់នៅតាមហាង ឬ បញ្ជរគិតលុយនីមួយៗ។
    • ក្នុងករណី លោក-លោកស្រី មានបញ្ហាផ្សេងៗពាក់ព័ន្ធនឹងការប្រើប្រាស់សេវាខេប៊ីប្រាសាក់ពាណិជ្ជករ លោក-លោកស្រី ត្រូវជូនដំណឹងជាបន្ទាន់មក ខេប៊ីប្រាសាក់ តាមរយៈទូរស័ព្ទ 023/086 999 911។
    • លោក-លោកស្រី ត្រូវធានាថា រាល់បុគ្គលិកដែលលោក-លោកស្រីបានចាត់តាំងក្នុងការប្រើប្រាស់សេវាខេប៊ីប្រាសាក់ពាណិជ្ជករ ជាបុគ្គលស្របច្បាប់ និងមានសិទ្ធិពេញលេញក្នុងការប្រើប្រាស់សេវាខេប៊ីប្រាសាក់ពាណិជ្ជករ។
    • លោក-លោកស្រី ត្រូវអនុវត្តឱ្យបានខ្ជាប់ខ្ជួននូវគ្រប់ចំណុចនៅលើ លក្ខខណ្ឌនៃការប្រើប្រាស់សេវាខេប៊ីប្រាសាក់ពាណិជ្ជករ នេះ។
18. សិទ្ធិ និងកាតព្វកិច្ចរបស់ខេប៊ីប្រាសាក់
    • ខេប៊ីប្រាសាក់ មានសិទ្ធិផ្ទៀងផ្ទាត់ព័ត៌មានរបស់ លោក-លោកស្រី និងសម្រេចក្នុងការផ្តល់ជូននូវសេវាពាណិជ្ជករដល់ លោក-លោកស្រី។
    • ខេប៊ីប្រាសាក់ នឹងអនុវត្តតាមការបញ្ជាលើប្រតិបត្តិការនៃការទទួលការទូទាត់តាមរយៈសេវាខេប៊ីប្រាសាក់ពាណិជ្ជកររបស់លោក-លោកស្រី ប៉ុន្តែខេប៊ីប្រាសាក់ មិនទទួលខុសត្រូវ ក្នុងករណីដែល លោក-លោកស្រី បានបញ្ចូលព័ត៌មាន ឬ លេខគណនីខុស ឬ កំណត់សមតុល្យលើស ឬ ខ្វះ ជាដើម។
    • ខេប៊ីប្រាសាក់ មានសិទ្ធិសហការជាមួយអាជ្ញាធរមានសមត្ថកិច្ចក្នុងការស៊ើបអង្កេត បង្ខាំង ឬ បញ្ឈប់ការប្រើប្រាស់សេវាខេប៊ីប្រាសាក់ពាណិជ្ជករ របស់ លោក-លោកស្រី ដោយយោងលើច្បាប់/បទបញ្ញត្តិ ឬ ដីកាពីតុលាការ។
    • ខេប៊ីប្រាសាក់ នឹងរក្សាការសម្ងាត់នូវរាល់ព័ត៌មានរបស់ លោក-លោកស្រី លើកលែងមានការយល់ព្រមពី លោក-លោកស្រី ឬ ច្បាប់តម្រូវ ឬ មានដីកាពីតុលាការបង្គាប់ឱ្យបង្ហាញព័ត៌មានសម្ងាត់ទាំងនោះ។
    • ខេប៊ីប្រាសាក់ រក្សាសិទ្ធិក្នុងការកែប្រែ ឬ អនុវត្តការយកកម្រៃសេវាប្រចំាឆ្នាំ/ប្រចាំខែ និង/ឬ កម្រៃសេវាពាក់ព័ន្ធលើការប្រើប្រាស់ និង/ឬ ប្រតិបត្តិការតាមរយៈសេវាខេប៊ីប្រាសាក់ពាណិជ្ជករ អាស្រ័យលើលក្ខខណ្ខ និងស្ថានភាពអាជីវកម្មជាក់ស្តែង។
    • ខេប៊ីប្រាសាក់ រក្សាសិទ្ធិក្នុងការធ្វើបច្ចុប្បន្នភាពជាប្រចាំលើសេវាខេប៊ីប្រាសាក់ពាណិជ្ជករ ទៅជំនាន់ថ្មីៗ ដោយ ខេប៊ីប្រាសាក់ អាចនឹង៖
      • ដាក់បន្ថែមនូវមុខងារប្រតិបត្តិការថ្មីៗ ដោយយោងទៅតាមនិន្នាការទីផ្សារ និង/ឬ ការប្រែប្រួលបច្ចេកវិទ្យា ឬ
      • លុប ឬ ផ្អាកជាបណ្តោះអាសន្នលើមុខងារណាមួយ ប្រសិនបើមានបញ្ហាបច្ចេកទេសណាមួយកើតឡើងដែលអាចមានផលប៉ះពាល់ដល់ប្រព័ន្ធធនាគារ ឬ ក្នុងគោលបំណងថែទាំប្រព័ន្ធ ឬ ផ្សេងៗ។
    • នៅក្នុងដំណាក់កាលណាមួយ ខេប៊ីប្រាសាក់ អាចនឹងជំរុញឱ្យ លោក-លោកស្រី ធ្វើបច្ចុប្បន្នភាពសេវាខេប៊ីប្រាសាក់ពាណិជ្ជករ មកជំនាន់ថ្មីចុងក្រោយបង្អស់ (Update Last Version) ដើម្បីបង្កើនសុវត្ថិភាព និងភាពដូចគ្នាលើការប្រើប្រាស់សេវាខេប៊ីប្រាសាក់ពាណិជ្ជករ។
    • ប្រសិនបើ សេវាខេប៊ីប្រាសាក់ពាណិជ្ជករ របស់លោក-លោកស្រី មិនអាចប្រើប្រាស់បានដោយករណីប្រធានសក្តិ ខេប៊ីប្រាសាក់ នឹងជួយដល់ លោក-លោកស្រី ក្នុងការរកដំណោះស្រាយ ឬ ផ្តល់ជំនួយការចាំបាច់ណាមួយយោងលើហេតុផលជាក់ស្តែង ប៉ុន្តែខេប៊ីប្រាសាក់មិនទទួលខុសត្រូវទៅលើហេតុការណ៍ទាំងនោះទេ។
    • ខេប៊ីប្រាសាក់រក្សាសិទ្ធិក្នុងការផ្អាកប្រតិបត្តិការពេលមានបញ្ហាផ្សេងៗ និងពេលមានការចាំបាច់ជាដើម។
    • ខេប៊ីប្រាសាក់ ផ្តល់លេខទូរស័ព្ទសម្រាប់បម្រើសេវាប្រឹក្សាអំពីសេវាកម្ម និងការរាយការណ៍ពីការភ្លេចលេខសម្ងាត់ ឬ បញ្ហាផ្សេងៗដែលកើតមាន តាមរយៈលេខ 023/086 999 911។
19. ការកែប្រែកម្រៃសេវា ទំហំកំណត់ លក្ខខណ្ឌផ្សេងៗ និងការជូនដំណឹង
    • ខេប៊ីប្រាសាក់ រក្សាសិទ្ធិក្នុងការកែប្រែកម្រៃសេវា ទំហំកំណត់ និង/ឬ លក្ខខណ្ឌផ្សេងៗដែលត្រូវអនុវត្តចំពោះការប្រើប្រាស់សេវាខេប៊ីប្រាសាក់ពាណិជ្ជករ របស់ លោក-លោកស្រី ដោយ ខេប៊ីប្រាសាក់ នឹងធ្វើការជូនដំណឹងទៅអតិថិជនឱ្យបានត្រឹមត្រូវតាមលក្ខខណ្ឌតម្រូវនៃច្បាប់។
    • ក្នុងរយៈពេលនៃការជូនដំណឹងខាងលើ ករណីមិនមានការតវ៉ាពី លោក-លោកស្រី ត្រូវសន្មតថា លោក-លោកស្រីបានយល់ព្រម និងទទួលយកការកែប្រែទាំងនោះមកអនុវត្តភ្លាមៗបន្ទាប់ពីការកែប្រែចូលជាធរមានដែលត្រូវបានផ្សព្វផ្សាយតាមរយៈមធ្យោបាយណាមួយខាងក្រោម៖
      • សាខាខេប៊ីប្រាសាក់ និង/ឬ
      • វេបសាយត៍ និង/ឬ បណ្តាញទំនាក់ទំនងសង្គមផ្លូវការរបស់ ខេប៊ីប្រាសាក់ និង/ឬ
      • ការផ្ញើសារ និង/ឬ អ៊ីម៉ែលទៅកាន់ លោក-លោកស្រី
      • ការផ្សព្វផ្សាយនៅលើទំព័រការសែត ទស្សនាវដ្តី សេវាខេប៊ីប្រាសាក់ពាណិជ្ជករ ឬ មធ្យោបាយផ្សេងៗ ដែលខេប៊ីប្រាសាក់ បានជ្រើសរើស។ល។
    • អតិថិជនត្រូវបានសន្មតថាបានទទួលការជូនដំណឹងស្តីពីការកែប្រែខាងលើភ្លាមៗ បន្ទាប់ពីខេប៊ីប្រាសាក់បានធ្វើការចុះផ្សាយពីការកែប្រែព័ត៌មាននានារបស់ខ្លួនតាមរយៈមធ្យោបាយណាមួយក្នុងចំណោមមធ្យោបាយខាងលើ។
20. ការទប់ស្កាត់ការសម្អាតប្រាក់ និងហិរញ្ញប្បទានភេរវកម្ម
    អនុលោមតាមបទប្បញ្ញត្តិទាំងឡាយនៃព្រះរាជាណាចក្រកម្ពុជា ស្តីពីការប្រឆាំងការសម្អាតប្រាក់ និងហិរញ្ញប្បទានភេរវកម្ម ខេប៊ីប្រាសាក់ អាចនឹងពន្យារពេល ឬ មិនធ្វើប្រតិបត្តិការជូន លោក-លោកស្រី បាន ប្រសិនបើ ខេប៊ីប្រាសាក់ មានការជឿជាក់ដោយផ្អែកលើមូលហេតុដូចខាងក្រោម៖
    • ខេប៊ីប្រាសាក់ មានការសង្ស័យចំពោះប្រភពដើមនៃប្រាក់បញ្ញើនោះ
    • ប្រតិបត្តិការ ឬ គណនីនោះមានទំនាក់ទំនង ឬ ពាក់ព័ន្ធដោយផ្ទាល់ ឬ ដោយប្រយោលជាមួយនឹងសកម្មភាពល្មើសច្បាប់ណាមួយក្នុងព្រះរាជាណាចក្រកម្ពុជា ឬ ច្បាប់អន្តរជាតិ
    • មានការបង្គាប់បញ្ជាពីតុលាការ ឬ ធនាគារជាតិ នៃ កម្ពុជា។ល។
21. ច្បាប់ និងការដោះស្រាយវិវាទ
    • លក្ខខណ្ឌប្រើប្រាស់នេះ ត្រូវបានគ្រប់គ្រង និងបកស្រាយដោយយោងតាមច្បាប់នៃព្រះរាជាណាចក្រកម្ពុជា។
    • ករណីមានវិវាទកើតឡើង ភាគីទាំងពីរត្រូវដោះស្រាយដោយសន្តិវិធី។ ករណីវិវាទមិនអាចដោះស្រាយបានដោយសន្តិវិធី ឬ ក្រៅប្រព័ន្ធតុលាការ នោះវិវាទត្រូវដោះស្រាយទៅតាមប្រព័ន្ធតុលាការដោយយោងទៅតាមច្បាប់នៃព្រះរាជាណាចក្រកម្ពុជា។
    • លក្ខខណ្ឌផ្សេងៗដែលមិនមានចែងនៅក្នុង “លក្ខខណ្ឌប្រើប្រាស់” នេះ ត្រូវអនុវត្តតាមគោលការណ៍របស់ខេប៊ីប្រាសាក់ និង/ឬ ច្បាប់នៃព្រះរាជាណាចក្រកម្ពុជា។
22. វិភាគភាព
    ប្រសិនបើប្រការណាមួយនៃលក្ខខណ្ឌប្រើប្រាស់នេះ មិនអាចអនុវត្តបាន ឬ គ្មានសុពលភាពតាមផ្លូវច្បាប់ ប្រការទាំងនោះនឹងអស់សុពលភាពត្រឹមកម្រិតដែលប្រការនោះមិនអាចអនុវត្តបាន ឬ អសុពលភាពនៃប្រការនោះតែប៉ុណ្ណោះ ចំណែកប្រការផ្សេងៗទៀតនៃលក្ខខណ្ឌប្រើប្រាស់នេះនៅតែបន្តមានសុពលភាពអនុវត្តដដែល។
23. ភាសា
    លក្ខខណ្ឌប្រើប្រាស់នេះ ត្រូវបានធ្វើឡើងជាភាសាខ្មែរ និងអង់គ្លេស។ ករណីមានចំណុចណាមួយរវាងអត្ថបទទាំងពីរមានន័យមិនស្រប ឬ មិនស៊ីគ្នា នោះអត្ថបទជាភាសារខ្មែរចាត់ទុកជាផ្លូវការ៕

1. លក្ខខណ្ឌទូទៅ
   • លក្ខខណ្ឌនៃការបើក និងបិទគណនីបញ្ញើមានកាលកំណត់តាមរយៈសេវាខេប៊ីប្រាសាក់ខបភើរេត ហៅកាត់ថា “លក្ខខណ្ឌ” គឺជាកិច្ចព្រមព្រៀងរវាង លោក-លោកស្រី ជាមួយ ធនាគារ ខេប៊ីប្រាសាក់ ម.ក ហៅកាត់ថា “ខេប៊ីប្រាសាក់” ក្នុងការប្រើប្រាស់សេវាកម្មនេះជាមួយខេប៊ីប្រាសាក់។
   • លោក-លោកស្រី ត្រូវអានលក្ខខណ្ឌទូទៅនេះដោយប្រុងប្រយ័ត្ន មុននឹងចុច “យល់ព្រម” ដើម្បីបន្តលើការបើក និង បិទគណនីបញ្ញើមានកាលកំណត់ តាមរយៈសេវាខេប៊ីប្រាសាក់ខបភើរេត។
   • នៅពេល លោក-លោកស្រី បានចុច “យល់ព្រម” មានន័យថា លោក-លោកស្រី បានអាន បានយល់ និងព្រមអនុវត្តនូវគ្រប់លក្ខខណ្ឌដែលបានចែងនៅក្នុងកិច្ចព្រមព្រៀងនេះ និងទទួលខុសត្រូវលើការប្រើប្រាស់គណនីបញ្ញើមានកាលកំណត់រួមមាន ការបើក ការកែប្រែ និងការបិទគណនីបញ្ញើមានកាលកំណត់តាមរយៈសេវាខេប៊ីប្រាសាក់ខបភើរេត
2. និយមន័យនៃពាក្យគន្លឹះ
   

   ពាក្យ “លោក-លោកស្រី”	សំដៅដល់ ម្ចាស់គណនី ឬ អ្នកមានសិទ្ធិក្នុងគណនី ដែលប្រើប្រាស់គណនីបញ្ញើមានកាលកំណត់តាមរយៈសេវាខេប៊ីប្រាសាក់ខបភើរេត។
   សេវាខេប៊ីប្រាសាក់ខបភើរេត	សំដៅលើ សេវាមួយប្រភេទដែលអនុញ្ញាតឱ្យ លោក-លោកស្រី អាចធ្វើប្រតិបត្តិការហិរញ្ញវត្ថុ និងមិនមែនហិរញ្ញវត្ថុ លើគណនីរបស់ខ្លួនបានដោយសុវត្ថិភាពនៅគ្រប់ទីកន្លែង និងគ្រប់ពេលវេលា (24/7) តាមរយៈ ខេប៊ីប្រាសាក់ខបភើរេតវេប (Internet Browser)។
   គណនីបញ្ញើមានកាលកំណត់	គឺជាគណនីប្រាក់បញ្ញើសន្សំ ដែលមានរយៈពេលជាក់លាក់ក្នុងការដាក់ប្រាក់បញ្ញើ ហើយគណនីនេះទទួលបានអត្រាការប្រាក់ខ្ពស់ទៅតាមរយៈពេលដាក់ប្រាក់បញ្ញើនីមួយៗ។
   គណនីប្រភព	គឺជាគណនីគោល សម្រាប់ការដកប្រាក់ដើមនៅពេលបើកគណនី ឬ ទូទាត់ការប្រាក់ និងប្រាក់ដើមចូលវិញនៅពេលបិទគណនីបញ្ញើមានកាលកំណត់ ឬ ទទួលការប្រាក់ប្រចាំខែជាដើម។ សម្រាប់ការបើក ឬ បិទគណនី ឬ ធ្វើប្រតិបត្តិការផ្សេងៗនៅលើគណនីបញ្ញើមានកាលកំណត់ នៅតាមបញ្ជរបេឡា គឺត្រូវគោរពទៅតាម គំរូហត្ថលេខា និងលក្ខខណ្ឌចុះហត្ថលេខា នៃ គណនីប្រភព ជាគោល។
   របាយការណ៍គណនី	សំដៅលើកំណត់ត្រានៃប្រតិបត្តិការចេញ ឬ ចូលទំាងឡាយនៅក្នុងគណនី។
   លក្ខខណ្ឌបន្តតែប្រាក់ដើម	នៅពេលដល់កាលកំណត់នៃគណនីបញ្ញើមានកាលកំណត់ ការប្រាក់នឹងផ្ទេរចូលទៅក្នុងគណនីប្រភព ហើយប្រាក់ដើមនឹងបន្តទៅវគ្គបន្ទាប់ដោយស្វ័យប្រវត្តិ។
   លក្ខខណ្ឌបន្តទាំងប្រាក់ដើម និងការប្រាក់	នៅពេលដល់កាលកំណត់នៃគណនីបញ្ញើមានកាលកំណត់ ប្រាក់ដើម និងការប្រាក់ ត្រូវបានបង្គរជាប្រាក់ដើម ហើយបន្តទៅវគ្គបន្ទាប់ដោយស្វ័យប្រវត្តិ។
   លក្ខខណ្ឌមិនបន្តគណនី	នៅពេលគណនីដល់កាលកំណត់ គណនីបញ្ញើមានកាលកំណត់នឹងត្រូវបានបិទដោយស្វ័យប្រវត្តិ ហើយប្រាក់ដើម និងការប្រាក់ នឹងត្រូវផ្ទេរចូលទៅក្នុងគណនីប្រភពដោយស្វ័យប្រវត្តិ។

3. លក្ខខណ្ឌបើកគណនីបញ្ញើមានកាលកំណត់
   លោក-លោកស្រី ត្រូវបញ្ចូលព័ត៌មាន និងជ្រើសរើសលក្ខខណ្ឌសម្រាប់ការបើកគណនីបញ្ញើមានកាលកំណត់ឱ្យបានត្រឹមត្រូវ និងគ្រប់គ្រាន់ទៅតាមលក្ខខណ្ឌដូចខាងក្រោម៖
   • ម៉ោងប្រតិបត្តិការ
     លោក-លោកស្រី អាចបើកគណនីបញ្ញើមានកាលកំណត់តាមរយៈសេវាខេប៊ីប្រាសាក់ខបភើរេត បានគ្រប់ពេលវេលា (24/7) និងគ្រប់ទីកន្លែង លើកលែងតែមានការជូនដំណឹង ស្តីពីការផ្អាកជាបណ្តោះអាសន្នពីខេប៊ីប្រាសាក់។
   • លក្ខខណ្ឌតម្រូវនៃគណនីប្រភព
     • ដើម្បីបើកគណនីបញ្ញើមានកាលកំណត់បាន លោក-លោកស្រី ត្រូវជ្រើសរើស គណនីប្រភព ដែលជាគណនីប្រាក់បញ្ញើសន្សំ ភ្ជាប់នឹងសេវាខេប៊ីប្រាសាក់ខបភើរេត ជាមួយកម្រិតសិទ្ធិប្រើប្រាស់គណនី “ពេញលេញ/Full Access” ដែលអនុញ្ញាតឱ្យ លោក-លោកស្រី អាចធ្វើប្រតិបត្តិការគណនីបានគ្រប់ប្រភេទ។
     • គណនីប្រភព អាចជា គណនីសន្សំ ឬ គណនីចម្រើនគ្មានកាលកំណត់ ឬ គណនីចម្រើនតាមលំដាប់ ឬ គណនីចរន្ត ឬ គណនីចរន្តព្រីមៀម ឬ គណនីឌីជីថល ឬ គណនីសន្សំពាណិជ្ជករ។ល។
     • គណនីប្រភព មិនត្រូវបានអនុញ្ញាតឱ្យស្នើសុំបិទឡើយ ប្រសិនបើគណនីនេះមានភ្ជាប់គណនីបញ្ញើមានកាលកំណត់ដែលកំពុងនៅដំណើរការ។
     •  លោក-លោកស្រី យល់ព្រម និងអនុញ្ញាតឱ្យ ខេប៊ីប្រាសាក់ យក គំរូហត្ថលេខា និងលក្ខខណ្ឌចុះហត្ថលេខា នៃគណនីប្រភព ជាគោល ដើម្បីធ្វើការផ្ទៀងផ្ទាត់ពីភាពជាម្ចាស់គណនី ករណីមានការស្នើសុំបិទគណនីបញ្ញើមានកាលកំណត់ ឬ ធ្វើប្រតិបត្តិការពាក់ព័ន្ធផ្សេងៗនៅតាមបញ្ជរបេឡា (អាចជាការស្នើសុំលិខិតបញ្ជាក់សមតុល្យគណនី ឬ របាយការណ៍គណនី។ល។)។
     • ករណីគណនីប្រភព គឺជាគណនីរួម ឬ គណនីនីតិបុគ្គល ដែលមានអ្នកមានសិទ្ធិក្នុងគណនី ចាប់ពី 02 (ពីរ) នាក់ឡើងទៅ នោះ លោក-លោកស្រី ត្រូវទទួលស្គាល់ និងយល់ព្រមថាសមាជិកផ្សេងទៀតក្នុងគណនីរបស់ លោក-លោកស្រី មានសិទ្ធិក្នុងការស្នើសុំបិទគណនីបញ្ញើមានកាលកំណត់ ឬ ធ្វើប្រតិបត្តិការពាក់ព័ន្ធផ្សេងៗបាន ដោយគោរពទៅតាម គំរូហត្ថលេខា និង លក្ខខណ្ឌចុះហត្ថលេខា នៃគណនីប្រភព។
   • រូបិយប័ណ្ណ
     • លោក-លោកស្រី អាចជ្រើសរើសការបើកគណនីបញ្ញើមានកាលកំណត់ជាមួយរូបិយប័ណ្ណចំនួន 02 (ពីរ) ប្រភេទ រួមមាន៖
       • គណនីប្រាក់រៀល (KHR) និង
       • គណនីប្រាក់ដុល្លារអាមេរិក (USD)
     •  ប្រភេទរូបិយប័ណ្ណនឹងត្រូវបានកំណត់ដោយផ្អែកទៅតាមប្រភេទរូបិយប័ណ្ណនៃគណនីប្រភព។ ដូច្នេះ លោក-លោកស្រី មិនអាចជ្រើសរើសប្រភេទរូបិយប័ណ្ណខុសពីរូបិយប័ណ្ណនៃគណនីប្រភពបានឡើយ។
   • ទំហំទឹកប្រាក់ដាក់បញ្ញើ និងចំនួនគណនី
     • ទំហំទឹកប្រាក់បញ្ញើអប្បបរមា សម្រាប់ការបើកគណនីបញ្ញើមានកាលកំណត់ គឺចាប់ពីចំនួន 200,000 រៀល ឬ 50 ដុល្លារអាមេរិក និងមិនកំណត់សម្រាប់អតិថិជនម្នាក់។
     • មិនមានការកំណត់ទៅលើចំនួនគណនីបញ្ញើមានកាលកំណត់ ដែលត្រូវបានបើកដោយលោក-លោកស្រី តាមរយៈសេវាខេប៊ីប្រាសាក់ខបភើរេត ឡើយ។
   • រយៈពេលដាក់ប្រាក់បញ្ញើ
     លោក-លោកស្រី អាចជ្រើសរើសរយៈពេលដាក់ប្រាក់បញ្ញើចាប់ពី 01 ខែ រហូតដល់ 60 ខែ ទៅតាមតម្រូវការ និងការបង្វិលសាច់ប្រាក់ជាក់ស្តែង។
   • អត្រាការប្រាក់
     • លោក-លោកស្រី នឹងទទួលបានអត្រាការប្រាក់ទៅតាមជម្រើសនៃរយៈពេលដាក់ប្រាក់បញ្ញើនីមួយៗដែលបានជ្រើសរើស។
     • ការប្រាក់នឹងត្រូវបានបង្គរជាប្រចាំថ្ងៃ និងទូទាត់ចូលទៅក្នុងគណនីប្រភពរបស់លោក-លោកស្រី ជាប្រចាំខែ ឬ នៅចុងគ្រា (ដល់កាលកំណត់) ទៅតាមប្រភេទគណនីបញ្ញើមានកាលកំណត់ដែលលោក-លោកស្រី បានជ្រើសរើស ។
     • លោក-លោកស្រីអាចស្វែងរកព័ត៌មានអំពីអត្រាការប្រាក់នៃគណនីបញ្ញើមានកាលកំណត់បាននៅពេលបើកគណនីតាមរយៈសេវាខេប៊ីប្រាសាក់ខបភើរេត ឬ តាមរយៈវេបសាយត៍ផ្លូវការរបស់ខេប៊ីប្រាសាក់ ឬ សាខាខេប៊ីប្រាសាក់ ណាមួយដែលនៅជិត លោក-លោកស្រី បំផុត។
   • ពន្ធកាត់ទុក (ពន្ធលើការប្រាក់)
     • លោក-លោកស្រី ទទួលស្គាល់ថារាល់ការប្រាក់ដែលទទួលបានពីការដាក់ប្រាក់បញ្ញើសន្សំនឹងត្រូវជាប់កាតព្វកិច្ចពន្ធកាត់ទុក ឬ ពន្ធផ្សេងៗតាមច្បាប់ ឬ លិខិតបទដ្ឋានគតិយុត្តិជាធរមាន។
     • លោក-លោកស្រី ទទួលស្គាល់ថា ពន្ធកាត់ទុក ជាបន្ទុករបស់ លោក-លោកស្រី និងយល់ព្រមឱ្យ ខេប៊ីប្រាសាក់ ធ្វើការទូទាត់ ពន្ធកាត់ទុក ចេញពីគណនីបញ្ញើមានកាលកំណត់របស់ លោក-លោកស្រី ដោយស្វ័យប្រវត្តិនៅរាល់ពេលដែល ខេប៊ីប្រាសាក់ បានបញ្ចូលការប្រាក់ទៅក្នុងគណនីនីមួយៗរបស់លោក-លោកស្រី។
     • អត្រាពន្ធកាត់ទុកត្រូវបានកំណត់ ទៅតាមអត្រាពន្ធ ដូចខាងក្រោម៖
       • 6% សម្រាប់និវាសនជន ឬ
       • 14% សម្រាប់អនិវាសនជន
   • ប្រភេទគណនីបញ្ញើមានកាលកំណត់
     លោក-លោកស្រី អាចជ្រើសរើសបើកគណនីបញ្ញើមានកាលកំណត់ ចំនួន 02 (ពីរ) ប្រភេទរួមមាន៖
     • គណនីបញ្ញើមានកាលកំណត់-ចម្រើនការប្រាក់ប្រចាំខែ៖ ជាប្រភេទគណនីដែលលោក-លោកស្រី នឹងទទួលបានការប្រាក់ជាប្រចាំខែ ដែលការប្រាក់នឹងបញ្ចូលដោយស្វ័យប្រវត្តិទៅក្នុងគណនីប្រភព។
     • គណនីបញ្ញើមានកាលកំណត់-ចម្រើនការប្រាក់ចុងគ្រា៖ លោក-លោកស្រី នឹងទទួលបានការប្រាក់នៅពេលគណនីដល់កាលកំណត់ ហើយការប្រាក់នឹងបញ្ចូលទៅក្នុងគណនីប្រភព ឬ បង្គរជាប្រាក់ដើម អាស្រ័យទៅលើការជ្រើសរើស លក្ខខណ្ឌបន្តគណនីបញ្ញើមានកាលកំណត់។
   • លក្ខខណ្ឌបន្តគណនីបញ្ញើមានកាលកំណត់
     • នៅពេលបើកគណនី លោក-លោកស្រី អាចជ្រើសរើសលក្ខខណ្ឌបន្តគណនីបញ្ញើមានកាលកំណត់ ទៅតាមជម្រើសដូចខាងក្រោម៖
       • បន្តប្រាក់ដើម និងការប្រាក់ (Rollover Principle and Interest)
       • បន្តតែប្រាក់ដើម (Rollover Principle only)
       • មិនបន្តគណនី (Close on Maturity)
     • ករណីលោក-លោកស្រី ជ្រើសរើសលក្ខខណ្ឌបន្តគណនីដោយស្វ័យប្រវត្តិ (បន្តប្រាក់ដើម និងការប្រាក់ ឬ បន្តតែប្រាក់ដើម) ប្រសិនបើពុំមានការស្នើសុំផ្លាស់ប្តូរលក្ខខណ្ឌផ្សេងៗនៅពេលគណនីដល់កាលកំណត់ នោះមានន័យថា លោក-លោកស្រី យល់ព្រមបន្តគណនីបញ្ញើមានកាលកំណត់ទៅវគ្គបន្ទាប់ ទៅតាមរយៈពេល និងលក្ខខណ្ឌដាក់ប្រាក់បញ្ញើដូចមុន ហើយព្រមទទួលយកអត្រាការប្រាក់ស្តង់ដារដែល ខេប៊ីប្រាសាក់ កំពុងមានជាធរមាន។
     • ករណី លោក-លោកស្រី ជ្រើសរើសប្រភេទ “គណនីបញ្ញើមានកាលកំណត់-ចម្រើនការប្រាក់ចុងគ្រា” នោះ លោក-លោកស្រី អាចជ្រើសរើសលក្ខខណ្ឌបន្ត ឬ មិនបន្តគណនីណាមួយក្នុងចំណោមលក្ខខណ្ឌបន្តទាំង 03 (បី) ដូចបញ្ជាក់ក្នុងចំណុច “លក្ខខណ្ឌបន្តគណនីបញ្ញើមានកាលកំណត់” ខាងលើ។
     • ករណីលោក-លោកស្រី ជ្រើសរើសប្រភេទ “គណនីបញ្ញើមានកាលកំណត់-ចម្រើនការប្រាក់ប្រចាំខែ” នោះលោក-លោកស្រី អាចជ្រើសរើសលក្ខខណ្ឌបន្តគណនីបានតែ 02 (ពីរ) ជម្រើសប៉ុណ្ណោះ គឺបន្តតែប្រាក់ដើម (Rollover Principle only) ឬ មិនបន្តគណនី (Close on Maturity)។ ករណីនេះ លោក-លោកស្រី មិនអាចជ្រើសរើសលក្ខខណ្ឌ បន្តប្រាក់ដើម និង ការប្រាក់ បានឡើយ ពីព្រោះការប្រាក់ត្រូវបានបញ្ចូលទៅក្នុងគណនីប្រភពជាប្រចាំខែរួចរាល់។
   • ការផ្លាស់ប្តូរលក្ខខណ្ឌបន្តគណនីបញ្ញើមានកាលកំណត់
     • លោក-លោកស្រី អាចធ្វើការផ្លាស់ប្ដូរលក្ខខណ្ឌបន្តគណនីបញ្ញើមានកាលកំណត់បានដោយខ្លួនឯងតាមរយៈសេវាខេប៊ី​ប្រាសាក់ខបភើរេត រួមទាំងគណនីបញ្ញើមានកាលកំណត់ដែលបានបើកនៅតាមសាខាខេប៊ីប្រាសាក់ និងបើកតាមរយៈសេវាខេប៊ីប្រាសាក់ខបភើរេត ដោយលោក-លោកស្រីអាចធ្វើការប្ដូរដូចខាងក្រោម៖
       1. គណនីបញ្ញើមានកាលកំណត់-ចម្រើនការប្រាក់ចុងគ្រា អតិថិជនអាច៖
          • ប្តូរពីលក្ខខណ្ឌ “បន្តប្រាក់ដើម និងការប្រាក់ (Rollover Principle and Interest)” ទៅ/មក “បន្តតែប្រាក់ដើម (Rollover Principle only)” ឬ “មិនបន្តគណនី (Close on Maturity)”
          • ប្តូរពីលក្ខខណ្ឌ “បន្តតែប្រាក់ដើម/Rollover Principal only” ទៅ/មក “មិនបន្តគណនី/Close on Maturity”
       2. គណនីបញ្ញើមានកាលកំណត់-ចម្រើនការប្រាក់ប្រចាំខែ អតិថិជនអាច៖
          1. ប្តូរពីលក្ខខណ្ឌ “បន្តតែប្រាក់ដើម (Rollover Principle only)” ទៅ “មិនបន្តគណនី (Close on Maturity)”
          2. ប្តូរពីលក្ខខណ្ឌ “មិនបន្តគណនី (Close on Maturity)” ទៅ “បន្តតែប្រាក់ដើម (Rollover Principal only)”
     • មិនអនុញ្ញាតឱ្យធ្វើការផ្លាស់ប្តូរលក្ខខណ្ឌបន្តគណនីបញ្ញើមានកាលកំណត់ ដែលកំពុងជាប់បង្ខាំង ឬបង្កកឡើយ។
   • ថ្ងៃប្រសិទ្ធភាពនៃការបើកគណនី
     • ថ្ងៃប្រសិទ្ធភាព (Effective Date) នៃការបើកគណនីបញ្ញើមានកាលកំណត់ គឺនៅថ្ងៃជាក់ស្តែងដែល លោក-លោកស្រី បានបើកគណនីបញ្ញើមានកាលកំណត់ តាមរយៈសេវាខេប៊ីប្រាសាក់ខបភើរេត។
     • ករណី លោក-លោកស្រី បើកគណនីបញ្ញើមានកាលកំណត់នៅថ្ងៃចុងសប្តាហ៍ ឬ ថ្ងៃឈប់សម្រាក ឬ បន្ទាប់ពីប្រព័ន្ធធនាគារស្នូលរបស់ ខេប៊ីប្រាសាក់ បានធ្វើការបិទបញ្ជីជាប្រចាំថ្ងៃ (EOD / Closing Business Day) នោះថ្ងៃប្រសិទ្ធភាពនៃការបើកគណនី (Effective Date) នឹងត្រូវ លើកទៅថ្ងៃធ្វើការបន្ទាប់ (Next Working Day) ដោយស្វ័យប្រវត្តិ។
   • កាលបរិច្ឆេទដល់កាលកំណត់នៃគណនី
     • កាលបរិច្ឆេទដល់កាលកំណត់ ឬ ថ្ងៃផុតកំណត់ (Maturity Date) នៃគណនីបញ្ញើមានកាលកំណត់ ត្រូវបានកំណត់ដោយស្វ័យប្រវត្តិពីប្រព័ន្ធ ដោយផ្អែកទៅតាម “រយៈពេលដាក់ប្រាក់បញ្ញើ” នីមួយៗ ដែលលោក-លោកស្រី បានជ្រើសរើស។
     • ករណី កាលបរិច្ឆេទដល់កាលកំណត់ ប៉ះចំថ្ងៃចុងសប្តាហ៍ ឬ ថ្ងៃឈប់សម្រាក នោះកាលបរិច្ឆេទដល់កាលកំណត់ (Maturity Date) នឹងត្រូវលើកថយក្រោយឱ្យចំថ្ងៃធ្វើការ ដោយស្វ័យប្រវត្តិ។
   • វិញ្ញាបនបត្រប្រាក់បញ្ញើមានកាលកំណត់ ឬ របាយការណ៍គណនី
     • លោក-លោកស្រី អាចពិនិត្យព័ត៌មាននៃគណនីបញ្ញើមានកំណត់ដែលបានបើក ឬ ប្រតិបត្តិការគណនីផ្សេងៗតាមរយៈសេវាខេប៊ីប្រាសាក់ខបភើរេត បានគ្រប់ពេលវេលា និងគ្រប់ទីកន្លែង។
     • លោក-លោកស្រី អាចធ្វើការបោះពុម្ព វិញ្ញាបនបត្រប្រាក់បញ្ញើមានកាលកំណត់ ដែលជាព័ត៌មានលម្អិតនៃគណនីបញ្ញើមានកាលកំណត់ បានដោយខ្លួនឯង ដោយគ្រាន់តែទាញយកព័ត៌មាននៃគណនីបញ្ញើមានកាលកំណត់នីមួយៗពីសេវាខេប៊ីប្រាសាក់ខបភើរេតរបស់ខ្លួន។
     • ករណី លោក-លោកស្រី មានបំណងស្នើសុំ វិញ្ញាបនបត្រប្រាក់បញ្ញើមានកាលកំណត់ ឬ របាយការណ៍គណនី ជាច្បាប់ដើម នោះ លោក-លោកស្រី អាចអញ្ជើញមកស្នើសុំនៅសាខា ខេប៊ីប្រាសាក់ ណាមួយដែលនៅជិតបំផុត ដោយការស្នើសុំត្រូវគោរពទៅតាមលក្ខខណ្ឌកំណត់ដោយខេប៊ីប្រាសាក់។
4. ការដាក់ប្រាក់
   • ការដាក់ប្រាក់បន្ថែមទៅក្នុងគណនីបញ្ញើមានកាលកំណត់ដែលបានបើករួចរាល់ មិនត្រូវបានអនុញ្ញាតនោះទេ។
   • រាល់ការដាក់ប្រាក់បន្ថែម គឺស្មើនឹងការបើកគណនីបញ្ញើមានកាលកំណត់ថ្មីបន្ថែមទៀត ដោយការបើកគណនីត្រូវអនុវត្តទៅតាមលក្ខខណ្ឌបើកគណនីដូចមានចែងនៅក្នុងលក្ខខណ្ឌនេះ។
5. ការដកប្រាក់
   រាល់ការស្នើសុំដកប្រាក់ដោយផ្នែកណាមួយ ឬ ទាំងស្រុង ចេញពីគណនីបញ្ញើមានកាលកំណត់ គឺស្មើនឹងការស្នើសុំបិទគណនីបញ្ញើមានកាលកំណត់ ដោយត្រូវអនុលោមទៅតាម “លក្ខខណ្ឌនៃការស្នើសុំបិទគណនីគណនីបញ្ញើមានកាលកំណត់” ដូចមានចែងនៅក្នុងលក្ខខណ្ឌនេះ។
6. លក្ខខណ្ឌនៃការស្នើសុំបិទគណនីបញ្ញើមានកាលកំណត់
   លោក-លោកស្រី អាចស្នើសុំបិទគណនីបញ្ញើមានកាលកំណត់ទៅតាមមធ្យោបាយណាមួយខាងក្រោម៖
   • 1. ស្នើសុំជាលាយលក្ខណ៍អក្សរនៅតាមសាខាខេប៊ីប្រាសាក់ណាមួយ ឬ
     2. បញ្ជូនសំណើស្នើសុំបិទគណនីតាមរយៈសេវាខេប៊ីប្រាសាក់ខបភើរេត ឬ
     3. គណនីត្រូវបានបិទដោយស្វ័យប្រវត្តិនៅពេលគណនីដល់កាលកំណត់ ករណី លោក-លោកស្រី បានជ្រើសរើសប្រភេទលក្ខខណ្ឌមិនបន្តគណនី (Close on Mature)។
   • ការស្នើសុំបិទគណនីនៅតាមសាខាខេប៊ីប្រាសាក់
     • លោក-លោកស្រី អាចស្នើសុំបិទគណនីបញ្ញើមានកាលកំណត់ជាលាយលក្ខណ៍អក្សរនៅតាមសាខាណាមួយរបស់ខេប៊ី​ប្រាសាក់ ។
     • អ្នកមានសិទ្ធិស្នើសុំបិទគណនី អាចជា លោក-លោកស្រី និង/ឬ អ្នករួមគណនី (ករណីគណនីរួម) និង/ឬ អ្នកមានសិទ្ធិក្នុងគណនីផ្សេងទៀត បើទោះបីជាគណនីបញ្ញើមានកាលកំណត់ត្រូវបានបើកដោយ លោក-លោកស្រី ក៏ដោយ។
     • ការស្នើសុំបិទគណនី គឺត្រូវយោងទៅតាម គំរូហត្ថលេខា និង លក្ខខណ្ឌចុះហត្ថលេខា នៃ គណនីប្រភព។
     • លោក-លោកស្រី នឹងទទួលបានការប្រាក់ពេញ ករណីស្នើសុំបិទគណនី ដែលដល់កាលកំណត់។
     • ករណី លោក-លោកស្រី ស្នើសុំបិទគណនី មុនកាលកំណត់ លោក-លោកស្រី យល់ព្រមចំពោះការខាតបង់ការប្រាក់ដែលនឹងទទួលបាន ហើយ ខេប៊ីប្រាសាក់ រក្សាសិទ្ធិគ្រប់បែបយ៉ាងក្នុងការកំណត់ អត្រាការប្រាក់ដែលត្រូវផ្តល់ជូន លោក-លោកស្រី នៅពេលស្នើសុំបិទគណនី។
     • បន្ទាប់ពីបិទគណនី ប្រាក់ដើម និងការប្រាក់ នឹងត្រូវបង្វិលចូលទៅក្នុងគណនីប្រភពរបស់លោក-លោកស្រី ហើយ លោក-លោកស្រី អាចធ្វើការត្រួតពិនិត្យបានតាមរយៈរបាយការណ៍គណនី។
     • ករណី លោក-លោកស្រី ស្នើសុំបិទ គណនីបញ្ញើមានកាលកំណត់-ចម្រើនការប្រាក់ប្រចាំខែ មុនកាលកំណត់ នោះ លោក-លោកស្រី ត្រូវទូទាត់នូវរាល់ការប្រាក់ទាំងអស់ដែលបានទទួលជាប្រចាំខែត្រលប់មក ខេប៊ីប្រាសាក់ វិញ ដោយយល់ព្រមឱ្យ ខេប៊ីប្រាសាក់ ធ្វើការទូទាត់សាច់ប្រាក់ចេញពីសមតុល្យនៃគណនីបញ្ញើមានកាលកំណត់របស់ លោក-លោកស្រី ដោយស្វ័យប្រវត្តិ។
     • ប្រសិនបើ លោក-លោកស្រី មានជាប់កាតព្វកិច្ចកម្ចី ដោយដាក់ សមតុល្យនៃគណនីបញ្ញើមានកាលកំណត់ណាមួយជាទ្រព្យធានាកម្ចី នោះ លោក-លោកស្រី អាចស្នើសុំបិទគណនីនោះបាន លុះត្រាតែបានបំពេញកាតព្វកិច្ចទូទាត់សងកម្ចីទាំងមូលរួចរាល់ជាមុនសិន។
   • ការស្នើសុំបិទគណនីតាមរយៈសេវាខេប៊ីប្រាសាក់ខបភើរេត
     • លោក-លោកស្រីអាចស្នើសុំបិទគណនីបញ្ញើមានកាលកំណត់តាមរយៈសេវាខេប៊ី​ប្រាសាក់ខបភើរេត (KB PRASAC Corporate) បានគ្រប់ពេល (24/7) និងគ្រប់ទីកន្លែង ដោយការស្នើសុំត្រូវយោងទៅតាមនីតិវិធីនៃការប្រើប្រាស់សេវាខេប៊ី​ប្រាសាក់ខបភើរេត។
     • លោក-លោកស្រីអាចស្នើសុំបិទគណនីបញ្ញើមានកាលកំណត់ ដែលបានបើកនៅ៖
       1. តាមសាខាខេប៊ីប្រាសាក់ណាមួយ ឬ
       2. តាមរយៈសេវាខេប៊ីប្រាសាក់ខបភើរេត ឬ
       3. តាមរយៈកម្មវិធីខេប៊ីប្រាសាក់ម៉ូបាល។
     • សំណើសុំបិទគណនីបញ្ញើមានកាលកំណត់របស់លោក-លោកស្រីតាមរយៈសេវាខេប៊ីប្រាសាក់ខបភើរេត នឹងត្រូវបានត្រួតពិនិត្យ និងអនុម័ត ដោយ ខេប៊ីប្រាសាក់ នៅរៀងរាល់ម៉ោង និងថ្ងៃធ្វើការ។
     • ករណីលោក-លោកស្រីស្នើសុំបិទគណនីបញ្ញើមានកាល ចំថ្ងៃឈប់សម្រាក ឬ ថ្ងៃចុងសប្តាហ៍ ឬ ផុតម៉ោងធ្វើការរបស់ខេប៊ីប្រាសាក់ នោះសំណើរបស់លោក-លោកស្រីនឹងត្រូវពិនិត្យ និងអនុម័តនៅថ្ងៃ និងម៉ោងធ្វើការបន្ទាប់ (Next working Day)។
     • លោក-លោកស្រីមិនអាចស្នើសុំបិទគណនីបញ្ញើមានកាលកំណត់ដែលបានបង្ខាំង ឬ បង្កក ឬ ដាក់ជាទ្រព្យធានាកម្ចីបានឡើយ។
     • លក្ខខណ្ឌផ្សេងៗ គឺអនុវត្តដូចលក្ខខណ្ឌមានចែងនៅក្នុងលក្ខខណ្ឌនៃការស្នើសុំបិទគណនីនៅតាមសាខាខេប៊ីប្រាសាក់។
7. សិទ្ធិ និងកាតព្វកិច្ចរបស់លោក-លោកស្រី
   • លោក-លោកស្រី ត្រូវអនុវត្តឱ្យបានខ្ជាប់ខ្ជួននូវគ្រប់ចំណុចនៅលើលក្ខខណ្ឌនេះ។
   • លោក-លោកស្រី ត្រូវប្រាកដថា លោក-លោកស្រី មានសិទ្ធិគ្រប់គ្រាន់ក្នុងការបើក និងស្នើសុំបិទគណនីបញ្ញើមានកាលកំណត់តាមរយៈសេវាខេប៊ីប្រាសាក់ខបភើរេត និងបានផ្តល់ព័ត៌មានត្រឹមត្រូវ និងថ្មីបំផុតមកខេប៊ីប្រាសាក់។
   • លោក-លោកស្រី ត្រូវប្រាកដថា គណនីប្រភព មានសមតុល្យគ្រប់គ្រាន់ក្នុងការស្នើសុំបើកគណនីបញ្ញើមានកាលកំណត់។
   • លោក-លោកស្រី ត្រូវធ្វើការត្រួតពិនិត្យព័ត៌មាន និងលក្ខខណ្ឌនៃការបើកគណនីបញ្ញើមានកាលកំណត់ឱ្យបានត្រឹមត្រូវ មុននឹងសម្រេចលើការអនុម័តប្រតិបត្តិការបើកគណនីបញ្ញើមានកាលកំណត់។ រាល់ការបញ្ចូល ឬ ជ្រើសរើសលក្ខខណ្ឌបើកគណនីខុសពីគោលបំណងរបស់ខ្លួន ដូចជាការជ្រើសរើសលេខគណនីប្រភពខុស ឬ កំណត់ទំហំទឹកប្រាក់បញ្ញើលើស ឬ ខ្វះ។ល។ គឺជាការទទួលខុសត្រូវទាំងស្រុងរបស់លោក-លោកស្រី។
   • លោក-លោកស្រី យល់ព្រមពិនិត្យ និងជូនដំណឹងមក ខេប៊ីប្រាសាក់ ស្តីអំពីកំហុសបច្ចេកទេស ឬ ភាពមិនប្រក្រតីណាមួយដែលបានកើតឡើងនៅក្នុងកំឡុង ឬ ក្រោយពេលបើក ឬ បិទគណនីបញ្ញើមានកាលកំណត់។
   • លោក-លោកស្រី មានសិទ្ធិទទួលបានព័ត៌មានពាក់ព័ន្ធនឹងប្រតិបត្តិការបើក ឬ បិទគណនីបញ្ញើមានកាលកំណត់ កម្រៃសេវា អត្រាការប្រាក់ ពន្ធកាត់ទុក ជាដើម។
   • លោក-លោកស្រី មានសិទ្ធិសាកសួរព័ត៌មាន និងការបញ្ជាក់បន្ថែម ក្នុងករណីដែលលោក-លោកស្រីពិនិត្យឃើញពីភាពមិនស៊ីគ្នានៃរបាយការណ៍គណនី ឬ មានចម្ងល់នានាពាក់ព័ន្ធនឹងការបើក ឬ ប្រើប្រាស់គណនីបញ្ញើមានកាលកំណត់ បាននៅគ្រប់សាខាខេប៊ីប្រាសាក់ ឬ តាមមធ្យោបាយផ្សេងៗដែលផ្តល់ដោយខេប៊ីប្រាសាក់។
8. សិទ្ធិ និងកាតព្វកិច្ចរបស់ខេប៊ីប្រាសាក់
   • ខេប៊ីប្រាសាក់ មានសិទ្ធិផ្ទៀងផ្ទាត់ និងពិនិត្យពីប្រវត្តិរូបរបស់ លោក-លោកស្រី ហើយអាចទាមទារព័ត៌មានផ្ទាល់ខ្លួនបន្ថែមរបស់លោក-លោកស្រី និងមានសិទ្ធិសម្រេចលើការផ្តល់ ឬ មិនផ្តល់សេវាជូន លោក-លោកស្រី។
   • ខេប៊ីប្រាសាក់ នឹងអនុវត្តតាមការបញ្ជាលើប្រតិបត្តិការរបស់លោក-លោកស្រី តែ ខេប៊ីប្រាសាក់ មិនទទួលខុសត្រូវករណី លោក-លោកស្រី បានបញ្ចូល និង/ឬ ជ្រើសរើសខុស លេខគណនីប្រភព និង/ឬ ទំហំទឹកប្រាក់បញ្ញើ និង/ឬ ការខាតបង់ការប្រាក់ដែលបណ្តាលមកពីការស្នើសុំបិទគណនីមុនកាលកំណត់ និង/ឬ ខុសលក្ខខណ្ឌផ្សេងៗជាដើម។ល។
   • ខេប៊ីប្រាសាក់ រក្សាសិទ្ធិក្នុងការបង្ខាំង ឬ ដោះបង្ខាំង ឬ មិនអនុញ្ញាតឱ្យបន្ត ឬ បន្ត ឬ បិទគណនីមុនកាលកំណត់ ករណី លោក-លោកស្រី មិនបានបំពេញព័ត៌មាន និង/ឬ លក្ខខណ្ឌ ឱ្យបានត្រឹមត្រូវ និងគ្រប់គ្រាន់ ទៅតាមលក្ខខណ្ឌតម្រូវពី ខេប៊ីប្រាសាក់ និង/ឬ តាមឆន្ទានុសិទ្ធិរបស់ ខេប៊ីប្រាសាក់ ដោយខេប៊ីប្រាសាក់ នឹងមិនទទួលខុសត្រូវលើការខាតបង់ការប្រាក់ និង/ឬ ផលប្រយោជន៍ផ្សេងៗដែលអាចបណ្តាលមកពីការអនុវត្តសិទ្ធិទាំងអស់នេះទេ។
   • ខេប៊ីប្រាសាក់ មានសិទ្ធិសហការជាមួយអាជ្ញាធរមានសមត្ថកិច្ចក្នុងការស៊ើបអង្កេត បង្ខាំង ឬ បញ្ឈប់ការអនុញ្ញាតឱ្យបើក និង/ឬ បិទគណនីបញ្ញើមានកាលកំណត់ ដោយយោងលើវិធាននៃច្បាប់ ឬ ដីការពីតុលាការ។
   • ខេប៊ីប្រាសាក់ រក្សាសិទ្ធិក្នុងផ្អាកប្រតិបត្តិការលើការបើក និង/ឬ បិទគណនីបញ្ញើមានកាលកំណត់ ករណីមានបញ្ហាបច្ចេក ទេស និង/ឬ ពេលមានការចាំបាច់ណាមួយជាដើម។
   • ខេប៊ីប្រាសាក់ រក្សាសិទ្ធិក្នុងការកែប្រែ អត្រាការប្រាក់ កម្រៃសេវា និង/ឬ លក្ខខណ្ឌផ្សេងៗ អាស្រ័យលើស្ថានភាពនៃអាជីវកម្មជាក់ស្តែង។
   • ខេប៊ីប្រាសាក់ នឹងរក្សាការសម្ងាត់នូវរាល់ព័ត៌មានរបស់លោក-លោកស្រី លើកលែងតែច្បាប់តម្រូវ ឬ ដីការពីតុលាការ ឬ មានការយល់ព្រមពីលោក-លោកស្រី។
   • ខេប៊ីប្រាសាក់ ផ្តល់លេខទូរស័ព្ទសម្រាប់បម្រើសេវាកម្ម 24 ម៉ោង ហើយផ្តល់សេវាប្រឹក្សាអំពីសេវាកម្ម ឬ ការរាយការណ៍ ឬ បញ្ហាផ្សេងៗដែលកើតមានឡើង។
9. ការទប់ស្កាត់ការសម្អាតប្រាក់ និងហិរញ្ញប្បទានភេរវកម្ម
   អនុលោមតាមបទប្បញ្ញត្តិទាំងឡាយ នៃ ព្រះរាជាណាចក្រម្ពុជា ស្តីពីការប្រឆាំងការសម្អាតប្រាក់ និងហិរញ្ញប្បទាន ភេរវកម្ម ខេប៊ីប្រាសាក់ អាចនឹងពន្យារពេល ឬ មិនធ្វើប្រតិបត្តិការជូនម្ចាស់គណនីបាន ប្រសិនបើ ខេប៊ីប្រាសាក់មានការជឿជាក់ដោយផ្អែកលើមូលហេតុដូចខាងក្រោម៖
   • ខេប៊ីប្រាសាក់ មានការសង្ស័យចំពោះប្រភពដើមនៃប្រាក់បញ្ញើនោះ
   • ប្រតិបត្តិការ ឬ គណនីនោះមានទំនាក់ទំនង ឬ ពាក់ព័ន្ធដោយផ្ទាល់ ឬ ដោយប្រយោលជាមួយនឹងសកម្មភាពល្មើសច្បាប់ណាមួយក្នុងព្រះរាជាណាចក្រកម្ពុជា ឬ ច្បាប់អន្តរជាតិ
   • មានការបង្គាប់បញ្ជាពីតុលាការ ឬ ធនាគារជាតិ នៃ កម្ពុជា។
10. ការកែប្រែអត្រាការប្រាក់ កម្រៃសេវា លក្ខខណ្ឌ និងការជូនដំណឹង
    • ខេប៊ីប្រាសាក់ រក្សាសិទ្ធិក្នុងការកែប្រែ អត្រាការប្រាក់ កម្រៃសេវា និងលក្ខខណ្ឌផ្សេងៗដែលត្រូវអនុវត្តចំពោះការប្រើប្រាស់គណនីរបស់ លោក-លោកស្រី ដោយ ខេប៊ីប្រាសាក់ នឹងធ្វើការជូនដំណឹងទៅលោក-លោកស្រី ឱ្យបានត្រឹមត្រូវតាមលក្ខខណ្ឌតម្រូវនៃច្បាប់។
    • ក្នុងរយៈពេលនៃការជូនដំណឹង ករណីមិនមានការតវ៉ាពីលោក-លោកស្រី ត្រូវសន្មតថាអតិថិជនបានយល់ព្រម និងទទួលយកការកែប្រែខាងលើមកអនុវត្តភ្លាមៗបន្ទាប់ពីការកែប្រែចូលជាធរមាន ដែលត្រូវបានផ្សព្វផ្សាយតាមរយៈមធ្យោបាយណាមួយខាងក្រោម៖
      1. តាមរយៈសាខារបស់ ខេប៊ីប្រាសាក់ និង/ឬ
      2. តាមរយៈវេបសាយត៍ និង/ឬ បណ្តាញទំនាក់ទំនងសង្គមផ្លូវការរបស់ ខេប៊ីប្រាសាក់ និង/ឬ
      3. ការផ្ញើសារ និង/ឬ អ៊ីម៉ែលទៅកាន់ លោក-លោកស្រី
      4. តាមរយៈការផ្សព្វផ្សាយនៅលើទំព័រការសែត ទស្សនាវដ្តី សេវាខេប៊ីប្រាសាក់ម៉ូបាល សេវាខេប៊ីប្រាសាក់ខបភើរេត ឬ មធ្យោបាយផ្សេងៗដែល ខេប៊ីប្រាសាក់ បានជ្រើសរើស។ល។
    • អតិថិជនត្រូវបានសន្មតថាបានទទួលការជូនដំណឹងស្តីពីការកែប្រែខាងលើភ្លាមៗ បន្ទាប់ពី ខេប៊ីប្រាសាក់បានធ្វើការចុះផ្សាយពីការកែប្រែព័ត៌មាននានារបស់ខ្លួន តាមរយៈមធ្យោបាយណាមួយក្នុងចំណោមមធ្យោបាយខាងលើ។
11. ច្បាប់ និងការដោះស្រាយវិវាទ
    • លក្ខខណ្ឌទូទៅនេះ ត្រូវបានគ្រប់គ្រង និងបកស្រាយដោយយោងតាមច្បាប់នៃព្រះរាជាណាចក្រកម្ពុជា។
    • ករណីមានវិវាទកើតឡើង ភាគីទាំងពីរត្រូវដោះស្រាយដោយសន្តិវិធី។ ករណីវិវាទមិនអាចដោះស្រាយបានដោយសន្តិវិធី ឬ ក្រៅប្រព័ន្ធតុលាការ នោះវិវាទត្រូវដោះស្រាយទៅតាមប្រព័ន្ធតុលាការដោយយោងទៅតាមច្បាប់ នៃ ព្រះរាជាណាចក្រកម្ពុជា។
    • បញ្ហាផ្សេងៗដែលមិនមានចែងនៅក្នុងប្រការទាំងនេះ ត្រូវអនុវត្តតាមច្បាប់នៃព្រះរាជាណាចក្រកម្ពុជា។
    • រាល់លក្ខខណ្ឌផ្សេងៗដែលមិនមានចែងនៅក្នុងលក្ខខណ្ឌទូទៅនេះ ត្រូវអនុវត្តដោយយោងទៅតាម “លក្ខខណ្ឌទូទៅនៃការប្រើប្រាស់ផលិតផល និងសេវាកម្មរបស់ ខេប៊ីប្រាសាក់” ដែល លោក-លោកស្រី អាចស្វែងរកបាននៅតាមវេបសាយត៍ផ្លូវការរបស់ខេប៊ីប្រាសាក់ www.kbprasacbank.com.kh ឬ តាមសាខា ខេប៊ីប្រាសាក់ ណាមួយដែលនៅជិត លោក-លោកស្រី បំផុត។
12. វិភាគភាព
    ប្រសិនបើប្រការណាមួយនៃកិច្ចព្រមព្រៀងនេះ មិនអាចអនុវត្តបាន ឬ គ្មានសុពលភាពតាមផ្លូវច្បាប់ ប្រការទាំងនោះនឹងអស់សុពលភាពត្រឹមកម្រិតដែលប្រការនោះមិនអាចអនុវត្តបាន ឬ អសុពលភាពនៃប្រការនោះតែប៉ុណ្ណោះ ចំណែកប្រការផ្សេងៗទៀតនៃកិច្ចព្រមព្រៀងនេះនៅតែបន្តមានសុពលភាពអនុវត្តដដែល។
13. ភាសា
    លក្ខខណ្ឌនេះ ត្រូវបានធ្វើឡើងជាភាសាខ្មែរ និងអង់គ្លេស។ ករណីមានចំណុចណាមួយរវាងអត្ថបទទាំងពីរមានន័យមិនស្រប ឬ មិនស៊ីគ្នា នោះអត្ថបទជាភាសារខ្មែរចាត់ទុកជាផ្លូវការ៕

1. លក្ខខណ្ឌទូទៅ៖
   • លក្ខខណ្ឌទាំងនេះ គឺជាកិច្ចព្រមព្រៀងរវាងអតិថិជនជាមួយ ធនាគារ ខេប៊ីប្រាសាក់ ម.ក តទៅហៅថា “ខេប៊ីប្រាសាក់” ទាក់ទងទៅនឹងការប្រើប្រាស់ប័ណ្ណខេប៊ីប្រាសាក់។
   • អតិថិជនត្រូវអានលក្ខខណ្ឌខាងក្រោមនេះដោយប្រុងប្រយ័ត្នហើយបញ្ជាក់ឡើងវិញប្រសិនបើចាំបាច់មុនធ្វើប្រតិបត្តិការ។
2. ឯកសារតម្រូវ និងការផ្តល់ព័ត៌មាន៖
   • នៅពេលអតិថិជនស្នើសុំប្រើប្រាស់ប័ណ្ណអេធីអឹមរបស់ខេប៊ីប្រាសាក់ អតិថិជនត្រូវផ្តល់ព័ត៌មានចាំបាច់ដល់ ខេប៊ីប្រាសាក់ ដោយត្រូវបំពេញពាក្យស្នើសុំ និងចុះហត្ថលេខា។ អតិថិជន បានអះអាងថាខ្លួនយល់ព្រមអនុវត្តតាមលក្ខខណ្ឌទាំងឡាយរបស់ ខេប៊ីប្រាសាក់ និងទទួលខុសត្រូវនូវរាល់ព័ត៌មានដែលបានបំពេញ និងគោរពតាមរាល់វិធាន ដែលមានចែងនៅក្នុងលក្ខខណ្ឌស្តីពីការប្រើប្រាស់សេវាកម្មនេះ។
   • អតិថិជនដែលជាអ្នកប្រើប្រាស់ប័ណ្ណអេធីអឹម បានទទួលស្គាល់ និងព្រមព្រៀងតាមការស្នើសុំ របស់អាជ្ញាធរមានសមត្ថកិច្ច ខេប៊ីប្រាសាក់ នឹងផ្តល់ព័ត៌មានដោយយោង តាមដីកាបញ្ជារបស់តុលាការ ឬ អាជ្ញាធរមានសមត្ថកិច្ចពាក់ព័ន្ធ (មិនថាក្នុង ឬ ក្រៅព្រះរាជាណាចក្រកម្ពុជា)។
3. ទំហំកំណត់នៃប្រតិបត្តិការ និងកម្រៃសេវា៖
   • ទំហំកំណត់នៃការធ្វើប្រតិបត្តិការតាមរយៈប័ណ្ណអេធីអឹមរបស់ខេប៊ីប្រាសាក់ គឺត្រូវបានកំណត់ទៅតាមប្រភេទប័ណ្ណនីមួយៗរបស់ខេប៊ីប្រាសាក់ ទៅតាមទំហំមួយដែលបានកំណត់ដោយខេប៊ីប្រាសាក់ ដូចបានបង្ហាញជូននៅតាមសាខាខេប៊ីប្រាសាក់ ឬ វេបសាយត៍ខេប៊ីប្រាសាក់។
   • នៅពេលអតិថិជនប្រើប្រាស់ប័ណ្ណអេធីអឹម ដើម្បីធ្វើប្រតិបត្តិការមួយចំនួនបាន ខេប៊ីប្រាសាក់ អាចតម្រូវឱ្យបង់ថ្លៃសេវាផ្សេងៗ។ អតិថិជនយល់ព្រមបង់ថ្លៃសេវាផ្សេងៗ ហើយយល់ព្រមឱ្យ ខេប៊ីប្រាសាក់ ទូទាត់ថ្លៃសេវាដោយផ្ទាល់ចេញពីគណនីផ្គត់ផ្គង់សាច់ប្រាក់របស់អតិថិជន។
   • រាល់ប្រតិបត្តិការទាំងឡាយណា ដែលច្បាប់ហាមឃាត់នឹងមិនត្រូវបានអនុញ្ញាតឱ្យប្រើប្រាស់ជាមួយប័ណ្ណអេធីអឹមឡើយ ហើយវាជាការទទួលខុសត្រូវទាំងស្រុងរបស់អតិថិជនលើប្រតិបត្តិការទាំងនោះ។
   • អតិថិជនអាចប្រើប័ណ្ណអេធីអឹមខេប៊ីប្រាសាក់ បាននៅពេលដែលគណនីរបស់អតិថិជនមានសមតុល្យគ្រប់គ្រាន់សម្រាប់ធ្វើប្រតិបត្តិការនោះ។
   • តម្លៃសេវាកម្មពាក់ព័ន្ធនឹងប័ណ្ណអេធីអឹមខេប៊ីប្រាសាក់ ត្រូវបានដាក់បង្ហាញលើវេបសាយត៍ និងនៅគ្រប់សាខាខេប៊ីប្រាសាក់។
   • ខេប៊ីប្រាសាក់ មានសិទ្ធិធ្វើការកែប្រែកម្រៃសេវា ឬ ទំហំប្រតិបត្តិការ ដោយខេប៊ីប្រាសាក់ នឹងធ្វើការជូនដំណឹងទៅអតិថិជន ឱ្យបានត្រឹមត្រូវតាមលក្ខខណ្ឌតម្រូវនៃច្បាប់។
4. សុវត្ថិភាពនៃលេខកូដសម្ងាត់ និងប័ណ្ណអេធីអឹម៖
   • អតិថិជនត្រូវរក្សាលេខកូដសម្ងាត់ និងប័ណ្ណអេធីអឹម របស់ខ្លួនឱ្យមានសុវត្ថិភាពខ្ពស់។ រាល់ការខូចខាតដែលកើតចេញពីការធ្វេសប្រហែសក្នុងការរក្សាព័ត៌មានសម្ងាត់ខាងលើ គឺជាការទទួលខុសត្រូវទាំងស្រុងរបស់អតិថិជន។
   • ខេប៊ីប្រាសាក់ លើកទឹកចិត្តឱ្យអតិថិជនប្តូរលេខកូដសម្ងាត់ប័ណ្ណអេធីអឹមរបស់ខ្លួនឱ្យបានញឹកញាប់ តាមដែលអាចធ្វើទៅបាន។
   • ប្រសិនបើប័ណ្ណអេធីអឹម ឬ លេខកូដសម្ងាត់របស់ប័ណ្ណអេធីអឹម របស់អតិថិជនត្រូវបានបាត់បង់ ឬ ត្រូវបានគេលួច ឬ រកឃើញថាមានប្រតិបត្តិការដែលធ្វើឡើងដោយគ្មានការអនុញ្ញាតបានកើតឡើងលើគណនីរបស់ខ្លួន អតិថិជនត្រូវតែជូនដំណឹងមក ខេប៊ីប្រាសាក់ ជាបន្ទាន់ ឬ ទាក់ទងមកកាន់សេវាបម្រើអតិថិជនតាមរយៈលេខ 023 / 086 999 911។
5. សិទ្ធិ និងកាតព្វកិច្ចរបស់អតិថិជន៖
   • អតិថិជន ត្រូវប្រាកដថាគ្រប់ព័ត៌មានដែលបានផ្តល់ឱ្យ ខេប៊ីប្រាសាក់ នៅលើពាក្យស្នើសុំប្រើប្រាស់ប័ណ្ណអេធីអឹម ខេប៊ីប្រាសាក់ ពិតជាព័ត៌មានត្រឹមត្រូវ ពិតប្រាកដ និងថ្មីបំផុត។
   • អតិថិជនមានសិទ្ធិទទួលបានសេវាកម្មគ្រប់ប្រភេទរបស់ប័ណ្ណអេធីអឹម ដែលខេប៊ីប្រាសាក់ បានព្រមព្រៀងផ្តល់ជូន ហើយអតិថិជនមានសិទ្ធិអង្កេតមើលពីគុណភាពសេវាកម្ម និងផ្តល់យោបល់ដល់ ខេប៊ីប្រាសាក់ ចំពោះចំណុចខ្វះខាតនៃសេវាកម្ម។
   • អតិថិជនមានសិទ្ធិទាមទាររបាយការណ៍សមតុល្យគណនីពី ខេប៊ីប្រាសាក់ នៅស្នាក់ការណាមួយ ឬ បោះពុម្ពរបាយការណ៍គណនីលើប្រតិបត្តិការតាមរយៈប័ណ្ណអេធីអឹម នៅក្នុងអំឡុងពេលជាក់លាក់ណាមួយ ដែលកំណត់ដោយ ខេប៊ីប្រាសាក់ ហើយមានសិទ្ធិសាកសួរក្នុងករណីមានភាពមិនស៊ីគ្នារវាងរបាយការណ៍ទាំងនោះ។
   • អតិថិជន ត្រូវធានាពីភាពត្រឹមត្រូវនៃព័ត៌មានដែលបានផ្តល់មក ខេប៊ីប្រាសាក់ ហើយត្រូវជូនដំណឹងមកខេប៊ីប្រាសាក់ ជាលាយលក្ខណ៍អក្សរឱ្យបានទាន់ពេលវេលា ក្នុងករណីមានការផ្លាស់ប្តូរព័ត៌មានទាំងនោះ បើមិនដូច្នេះទេអតិថិជនត្រូវទទួលខុសត្រូវលើរាល់ការខាតបង់ ឬ ការពន្យាពេលផ្សេងៗដែលអាចកើតឡើង។
6. សិទ្ធិ និងកាតព្វកិច្ចរបស់ខេប៊ីប្រាសាក់៖
   • ខេប៊ីប្រាសាក់ មានសិទ្ធិផ្ទៀងផ្ទាត់ និងពិនិត្យប្រវត្តិរូបរបស់អតិថិជន ហើយអាចទាមទារព័ត៌មានផ្ទាល់របស់អតិថិជន និងមានសិទ្ធិសម្រេចក្នុងការផ្តល់ ឬ មិនផ្តល់ជូននូវសេវាប័ណ្ណអេធីអឹមដល់អតិថិជន។
   • ខេប៊ីប្រាសាក់ មានសិទ្ធិសហការជាមួយអាជ្ញាធរមានសមត្ថកិច្ចក្នុងការស៊ើបអង្កេត និងបង្កកប័ណ្ណអេធីអឹម របស់អតិថិជនដោយយោងលើវិធាននៃច្បាប់ ឬ ដីកាពីតុលាការ។
   • នៅក្នុងហេតុការណ៍ ដែលប័ណ្ណអេធីអឹមមិនអាចប្រើប្រាស់បានដោយករណីប្រធានសក្តិ ឬ ដោយហេតុផលជាក់ច្បាស់ណាមួយនោះ ខេប៊ីប្រាសាក់ នឹងជួយដល់អតិថិជន (អ្នកប្រើប្រាស់ប័ណ្ណអេធីអឹម) ក្នុងការរកដំណោះស្រាយលើបញ្ហា ឬផ្តល់ជំនួយការចាំបាច់ណាមួយយោងលើហេតុផលជាក់ស្តែង ប៉ុន្តែ ខេប៊ីប្រាសាក់ មិនទទួលខុសត្រូវទៅលើហេតុការណ៍នោះទាំងស្រុងទេ។
   • ខេប៊ីប្រាសាក់ មានសិទ្ធិយកកម្រៃសេវា និងថ្លៃសេវាពាក់ព័ន្ធអាស្រ័យលើលក្ខខណ្ខនៃអាជីវកម្មខ្លួន។
   • ខេប៊ីប្រាសាក់ នឹងផ្តល់លេខទូរស័ព្ទសម្រាប់បម្រើសេវាកម្ម ២៤ម៉ោង ហើយផ្តល់សេវាប្រឹក្សាយោបល់អំពីគណនី និងការរាយការណ៍ពីការភ្លេចលេខសម្ងាត់ ឬ បញ្ហាផ្សេងៗដែលកើតមាន។
   • ខេប៊ីប្រាសាក់ នឹងរក្សាការសម្ងាត់នូវរាល់ព័ត៌មានរបស់អតិថិជន លើកលែងតែតម្រូវដោយច្បាប់ តុលាការ ឬអាជ្ញាធរមានសមត្ថកិច្ច។
7. ការប្រឆាំងការសម្អាតប្រាក់ និងហិរញ្ញប្បទានភេរវកម្ម៖
   • អតិថិជនយល់ព្រម និងទទួលរ៉ាប់រងចំពោះ ខេប៊ីប្រាសាក់ នូវរាល់ការទូទាត់ប្រាក់តាមរយៈប័ណ្ណអេធីអឹម គឺមិនមានការរំលោភបំពានលើច្បាប់នៃព្រះរាជាណាចក្រកម្ពុជា ឬ ដែនសមត្ថកិច្ចនៃប្រទេសណាមួយផ្សេងទៀតឡើយ។
8. ផ្សេងៗ៖
   • ខេប៊ីប្រាសាក់ មានសិទ្ធិធ្វើការកែប្រែលក្ខខណ្ឌទាំងនេះបានគ្រប់ពេលវេលាដោយមិនចាំបាច់ធ្វើការជូនដំណឹងដល់អតិថិជន។ ក្រោយចូលជាធរមានគ្រប់ភាគីពាក់ព័ន្ធទាំងអស់ ត្រូវអនុវត្តតាមបទបញ្ញត្តិទាំងឡាយដែលមានចែងនៅក្នុងលក្ខខណ្ឌទាំងនេះ។
   • ជម្លោះពាក់ព័ន្ធរវាង ខេប៊ីប្រាសាក់ និងអតិថិជនដែលជាអ្នកប្រើប្រាស់ប័ណ្ណអេធីអឹម ត្រូវបានដោះស្រាយដោយការសម្របសម្រួលគ្នា។ ក្នុងករណីការដោះស្រាយមិនអាចសម្រេចបានដោយការសម្របសម្រួលគ្នា ភាគីទាំងពីរអាចដាក់ពាក្យបណ្តឹងទៅតុលាការនៃព្រះរាជាណាចក្រកម្ពុជាដើម្បីដោះស្រាយតាមផ្លូវច្បាប់។
   • បញ្ហាផ្សេងៗ ដែលមិនមានចែងនៅក្នុងប្រការទាំងនេះ ត្រូវអនុលោមតាមច្បាប់នៃព្រះរាជាណាចក្រកម្ពុជា។
   • លក្ខខណ្ឌនេះត្រូវបានធ្វើឡើងជាភាសាខ្មែរ និងភាសាអង់គ្លេស។ ករណីមានចំណុចណាមួយរវាងអត្ថបទទាំងពីរមានន័យមិនស្រប ឬ មិនស៊ីគ្នា នោះអត្ថបទជាភាសាខ្មែរ នឹងត្រូវចាត់ទុកជាផ្លូវការ។
   • ភាគីដែលពាក់ព័ន្ធត្រូវបានសន្មតថាពិតជាបានអាន និងយល់ព្រមអនុវត្តតាមគ្រប់ចំណុចទាំងអស់ដែលបានចែងនៅក្នុងលក្ខខណ្ឌនេះ។

1. លក្ខខណ្ឌទូទៅ
   • លក្ខខណ្ឌទូទៅសម្រាប់ប្រើប្រាស់សេវាទូទាត់បាគង ហៅកាត់ថា “លក្ខខណ្ឌទូទៅ” គឺជាកិច្ចព្រមព្រៀងរវាងអតិថិជនជាមួយ ធនាគារ ខេប៊ីប្រាសាក់ ម.ក ហៅកាត់ថា “ខេប៊ីប្រាសាក់” ទាក់ទងទៅនឹងការប្រើប្រាស់សេវាទូទាត់បាគង។
   • សូម លោក-លោកស្រី អានលក្ខខណ្ឌទូទៅនេះដោយប្រុងប្រយ័ត្ន មុននឹងចុច “យល់ព្រម” ដើម្បីចុះឈ្មោះប្រើប្រាស់សេវាទូទាត់បាគង។
   • នៅពេល លោក-លោកស្រី បានចុច “យល់ព្រម” មានន័យថា លោក-លោកស្រី បានយល់ព្រមគ្រប់លក្ខខណ្ឌដែលបានចែងនៅក្នុងកិច្ចព្រមព្រៀងនេះ និងទទួលខុសត្រូវលើការប្រើប្រាស់សេវាទូទាត់បាគងរបស់ លោក-លោកស្រី។
2. និយមន័យនៃពាក្យគន្លឹះ
   

   ពាក្យ “លោក-លោកស្រី”	សំដៅដល់អតិថិជនទាំងឡាយដែលបានចុះឈ្មោះប្រើប្រាស់សេវាទូទាត់បាគង នៅលើទូរស័ព្ទចល័តរបស់ខ្លួន។
   ប្រព័ន្ធបាគង	សំដៅលើប្រព័ន្ធទូទាត់ប្រាក់ ដែលអនុញ្ញាតឱ្យធ្វើប្រតិបត្តិការទូទាត់ភ្លាមៗជាអេឡិចត្រូនិកឆ្លងគ្រឹះស្ថានធនាគារ និងហិរញ្ញវត្ថុ ជាសមាជិកប្រព័ន្ធបាគង។
   កម្មវិធីបាគង	សំដៅលើកម្មវិធីទូរស័ព្ទចល័ត ដែលដំណើរការលើប្រព័ន្ធ iOS ឬ Android និងដាក់ឱ្យអតិថិជនអាចទាញយកមកប្រើប្រាស់បាន។
   គណនីបាគង	សំដៅលើគណនីប្រភេទជា អ៊ីវ៉ាឡេត (E-wallet) រក្សាទុកប្រាក់ជាអេឡិចត្រូនិក សម្រាប់ធ្វើការទូទាត់របស់អតិថិជន ដែលបានចុះឈ្មោះប្រើប្រាស់ប្រព័ន្ធបាគងប្រកបដោយភាពជោគជ័យ។ គណនីបាគងនេះ ត្រូវបានបង្កើតឡើងដោយស្វ័យប្រវត្តិចំនួនពីររូបិយប័ណ្ណ (ជាគណនីប្រាក់រៀល និងប្រាក់ដុល្លារអាមេរិក)។
   គណនីធនាគារ	សំដៅលើគណនីប្រាក់បញ្ញើសន្សំ ដែលអតិថិជនបានបើកជាមួយ ខេប៊ីប្រាសាក់។
   ពាក្យសម្ងាត់ ឬ Passcode	គឺជាពាក្យ និងលេខកូដសម្ងាត់ផ្ទាល់ខ្លួន ដែលមានចំនួនចាប់ពី 08 ខ្ទង់ ឡើងទៅ (ដែលរួមមានជា អក្សរធំ បូក អក្សរតូច បូក សញ្ញាពិសេស បូក លេខ)។ ពាក្យសម្ងាត់ ត្រូវបានកំណត់ ឬ ជ្រើសរើសដោយអតិថិជនផ្ទាល់ នៅពេលចូលទៅចុះឈ្មោះប្រើប្រាស់សេវាទូទាត់បាគង។ ពាក្យសម្ងាត់ ឬ Passcode នឹងត្រូវបានប្រើប្រាស់សម្រាប់សង្គ្រោះគណនីបាគងរបស់ លោក-លោកស្រី ករណីប្តូរទូរស័ព្ទចល័ត ឬ ភ្លេចលេខកូដសម្ងាត់សម្រាប់ Log in  ចូលប្រើប្រាស់សេវាទូទាត់បាគងជាដើម។
   លេខកូដសម្ងាត់ ឬ PIN Code	គឺជាលេខកូដសម្ងាត់ផ្ទាល់ខ្លួនចំនួន 06 ខ្ទង់ ដែលត្រូវបានកំណត់ដោយផ្ទាល់ពីអតិថិជន នៅពេលចូលទៅចុះឈ្មោះប្រើប្រាស់សេវាទូទាត់បាគង។ លេខកូដសម្ងាត់នេះ ត្រូវបានប្រើប្រាស់ដើម្បី Log In ចូលទៅប្រើប្រាស់សេវាទូទាត់បាគង។
   QR Code	គឺជាកូដតំណាងឱ្យគណនីបាគងរបស់អតិថិជន ប្រើប្រាស់សម្រាប់ទទួលប្រាក់ ឬ ទូទាត់ថ្លៃទំនិញ-សេវាកម្ម តាមរយៈសេវាទូទាត់បាគង។ QR Code ត្រូវបានបង្កើតឡើងដោយស្វ័យប្រវត្តិ បន្ទាប់ពីអតិថិជនបានចុះឈ្មោះប្រើប្រាស់សេវាទូទាត់បាគង ប្រកបដោយភាពជោគជ័យ។
   លេខកូដគណនី	គឺតំណាងឱ្យ លេខគណនីបាគង របស់អតិថិជន។ លេខកូដគណនី (Account ID) ត្រូវបានបង្កើតឡើងដោយស្វ័យប្រវត្តិនៅពេលអតិថិជនចុះឈ្មោះប្រើប្រាស់សេវាទូទាត់បាគង។
   ករណីប្រធានសក្តិ	សំដៅលើអំពើទាំងឡាយណា ដែលកើតឡើងក្រៅពីឆន្ទៈ ដោយមិនអាចប៉ាន់ស្មានជាមុន និងមិនអាចជំនះបាន ឬ ដែលមិនអនុញ្ញាតឱ្យភាគីណាមួយ ឬ ទាំងពីរអាចបន្តបំពេញកាតព្វកិច្ចរបស់ខ្លួនជាប្រក្រតីបានដូចជា៖ បន្ទុះភ្នំភ្លើង ទឹកជំនន់ គ្រោះរញ្ជួយដី ព្យុះសង្ឃរា ភេរវកម្ម កុប្បកម្ម សង្គ្រាម។ល។

3. លក្ខខណ្ឌតម្រូវពីអតិថិជនសម្រាប់ការចុះឈ្មោះប្រើប្រាស់សេវាទូទាត់បាគង
   • ត្រូវមានអាយុយ៉ាងតិច 16 ឆ្នាំ
   • ត្រូវមានទូរស័ព្ទចល័ត និងលេខទូរស័ព្ទផ្ទាល់ខ្លួន ដែលប្រតិបត្តិការដោយប្រព័ន្ធ iOS ឬ Android
   • ត្រូវបំពេញព័ត៌មានផ្ទាល់ខ្លួន ដែលជាព័ត៌មានត្រឹមត្រូវ និងថ្មីបំផុត
   • ត្រូវថតរូបជាក់ស្តែងរបស់ខ្លួនផ្ទាល់ (Selfie) និងឯកសារបញ្ជាក់អត្តសញ្ញាណ ដូចជា អត្តសញ្ញាណប័ណ្ណសញ្ជាតិខ្មែរ ឬ លិខិតឆ្លងដែន (នៅមានសុពលភាពយ៉ាងតិច 03 ខែមុនថ្ងៃផុតកំណត់)
   • ត្រូវយល់ព្រមតាមលក្ខខណ្ឌទូទៅសម្រាប់ប្រើប្រាស់សេវាទូទាត់បាគង។
4. ការផ្តល់ព័ត៌មានពីអតិថិជន
   • នៅពេល លោក-លោកស្រី បានចុះឈ្មោះប្រើប្រាស់សេវាទូទាត់បាគង លោក-លោកស្រី ត្រូវបំពេញព័ត៌មានចាំបាច់ដែលតម្រូវដោយខេប៊ីប្រាសាក់ និងត្រូវប្រាកដថារាល់ព័ត៌មានដែលផ្តល់ឱ្យសុទ្ធតែជាព័ត៌មានពិតប្រាកដត្រឹមត្រូវ និងថ្មីបំផុត។
   • លោក-លោកស្រី បានអះអាងថាខ្លួនយល់ព្រមអនុវត្តតាមលក្ខខណ្ឌទូទៅនៃការប្រើប្រាស់សេវាកម្មនេះ និងទទួលខុសត្រូវនូវរាល់ព័ត៌មានដែលបានបំពេញ និងគោរពតាមរាល់វិធាន ដែលមានចែងនៅក្នុងលក្ខខណ្ឌទូទៅស្តីពីការប្រើប្រាស់សេវាទូទាត់បាគង។
   • លោក-លោកស្រី បានទទួលស្គាល់ និងព្រមព្រៀងថា តាមការស្នើសុំរបស់អាជ្ញាធរមានសមត្ថកិច្ចខេប៊ីប្រាសាក់ មានសិទ្ធិផ្ទេរព័ត៌មានរបស់ លោក-លោកស្រី ទៅតាមដីការបញ្ជារបស់តុលាការ ឬ អាជ្ញាធរពាក់ព័ន្ធ (មិនថាក្នុង ឬ ក្រៅប្រទេសកម្ពុជា)។
5. លក្ខណៈនៃគណនីបាគង
   • គណនីបាគង នឹងត្រូវបង្កើតឡើងដោយស្វ័យប្រវត្តិជាប្រាក់រៀល និងប្រាក់ដុល្លារអាមេរិក បន្ទាប់ពីអតិថិជនបានចុះឈ្មោះប្រើប្រាស់សេវាទូទាត់បាគងនៅលើទូរស័ព្ទចល័តរបស់ខ្លួនប្រកបដោយភាពជោគជ័យ។
   • មិនមានការផ្តល់ការប្រាក់ ឬ តម្រូវឱ្យដាក់សមតុល្យដំបូង ឬ តម្កល់សមតុល្យអប្បបរមា ចំពោះគណនីបាគងឡើយ។
   • រាល់ការដាក់ ឬ ដកជាសាច់ប្រាក់ចេញពីគណនីបាគង គឺត្រូវធ្វើនៅតាមបញ្ជរបេឡា ឬ តាមមធ្យោបាយផ្សេងៗផ្តល់ដោយ ខេប៊ីប្រាសាក់ ឬ គ្រឹះស្ថានធនាគារដែលជាសមាជិកប្រព័ន្ធបាគង។ រាល់ការបញ្ជាទូទាត់ថ្លៃទំនិញ ឬ ផ្ទេរប្រាក់ គឺត្រូវធ្វើនៅលើទូរស័ព្ទចល័តរបស់អតិថិជនដោយផ្ទាល់។
   • កម្រៃសេវាកម្ម និងទឹកប្រាក់អតិបរមាដាក់ក្នុងគណនីបាគង ត្រូវបានដាក់បង្ហាញលើគេហទំព័រ និង/ឬ គ្រប់សាខាខេប៊ីប្រាសាក់ និង/ឬ កម្មវិធីបាគង។
   • គណនីបាគង ដែលគ្មានប្រតិបត្តិការកើតឡើងក្នុងរយៈពេល 365 ថ្ងៃ (លើកលែងប្រតិបត្តិការដែលធ្វើឡើងដោយ ខេប៊ីប្រាសាក់) ត្រូវចាត់ទុកជា គណនីគ្មានប្រតិបត្តិការ ហើយគណនីនេះនឹងត្រូវបានផ្អាកដោយស្វ័យប្រវត្តិ ដោយមិនអាចបន្តធ្វើប្រតិបត្តិការចេញ-ចូលបានឡើយ។
   • គណនីបាគង ដែលគ្មានប្រតិបត្តិការកើតឡើងក្នុងរយៈពេល ដប់ (10) ឆ្នាំជាប់ៗគ្នា នោះសមតុល្យក្នុងគណនីបាគង ដែលគ្មានប្រតិបត្តិការនោះ នឹងត្រូវផ្ទេរទៅឱ្យធនាគារជាតិ នៃ កម្ពុជា ដើម្បីចាត់ចែងតាមនីតិវិធីនៃច្បាប់។
6. ប្រភេទសេវាកម្មតាមរយៈប្រព័ន្ធបាគង
   • ផ្ទេរប្រាក់ពី គណនីបាគង ទៅ គណនីបាគង រវាងអតិថិជន និងអតិថិជន ក្នុងគ្រឹះស្ថាន ខេប៊ីប្រាសាក់
   • ផ្ទេរប្រាក់ពី គណនីបាគង ទៅ គណនីបាគង រវាងអតិថិជន និងអតិថិជន ឆ្លងគ្រឹះស្ថាន (ជាសមាជិកប្រព័ន្ធបាគង)
   • ផ្ទេរប្រាក់ពី គណនីបាគង ទៅ គណនីធនាគារ ក្នុងគ្រឹះស្ថាន ខេប៊ីប្រាសាក់
   • ផ្ទេរប្រាក់ពី គណនីបាគង ទៅ គណនីធនាគារ ឆ្លងគ្រឹះស្ថាន (ជាសមាជិកប្រព័ន្ធបាគង)
   • ទូទាត់ថ្លៃទំនិញ-សេវាកម្ម តាមរយៈការស្កែន QR Code
   • ពិនិត្យសមតុល្យគណនី និងរបាយការណ៍សង្ខេបគណនីបាគង
   • សេវាកម្មផ្សេងៗទៀត ដែលនឹងដាក់ឱ្យប្រើប្រាស់ជាផ្លូវការទៅតាមស្ថានភាពជាក់ស្ដែង។
7. ការដាក់ ឬ ដកប្រាក់ ពីគណនីបាគង
   • លោក-លោកស្រី អាចស្នើសុំដាក់ប្រាក់ ឬ ដកប្រាក់ចេញពីគណនីបាគងរបស់ លោក-លោកស្រី បាននៅតាមបញ្ជរបេឡា ឬ តាមមធ្យោបាយផ្សេងៗផ្តល់ដោយខេប៊ីប្រាសាក់ ឬ គ្រឹះស្ថានធនាគារជាសមាជិកនៃប្រព័ន្ធបាគង។
   • លោក-លោកស្រី ត្រូវយល់ព្រមទូទាត់កម្រៃសេវានៃការស្នើសុំដាក់ ឬ ដកប្រាក់ទៅតាមកម្រៃសេវាដូចមានបង្ហាញនៅលើគេហទំព័រ និង/ឬ កម្មវិធីបាគង និង/ឬ តាមការិយាល័យខេប៊ីប្រាសាក់ ឬ គ្រឹះស្ថានធនាគារជាសមាជិកនៃប្រព័ន្ធបាគង។
8. ទំហំកំណត់នៃប្រតិបត្តិការ និង កម្រៃសេវា
   • លោក-លោកស្រី យល់ព្រមបង់កម្រៃសេវាផ្សេងៗ ពាក់ព័ន្ធទៅនឹងការប្រើប្រាស់សេវាទូទាត់តាមរយៈប្រព័ន្ធបាគង ហើយយល់ព្រមឱ្យខេប៊ីប្រាសាក់ ទូទាត់ថ្លៃសេវាដោយផ្ទាល់ចេញពី គណនីបាគង របស់លោក-លោកស្រី ដោយពុំចាំបាច់ធ្វើការជូនដំណឹងឡើយ។
   • លោក-លោកស្រី អាចធ្វើប្រតិបត្តិការផ្សេងៗបាននៅពេលណាដែលគណនីរបស់ លោក-លោកស្រី មានសមតុល្យគ្រប់គ្រាន់សម្រាប់ធ្វើប្រតិបត្តិការនោះ និងត្រូវគោរពទៅតាមទំហំកំណត់ដោយ ខេប៊ីប្រាសាក់។
   • កម្រៃសេវាកម្ម និងទំហំកំណត់ ត្រូវបានដាក់បង្ហាញលើគេហទំព័រផ្លូវការរបស់ខេប៊ីប្រាសាក់ www.kbprasacbank.com.kh និង/ឬ គ្រប់សាខាខេប៊ីប្រាសាក់ និង/ឬ កម្មវិធីបាគង។
9. ម៉ោងប្រតិបត្តិការ
   • ​​​​អតិថិជនអាចធ្វើប្រតិបត្តិការទូទាត់តាមរយៈប្រព័ន្ធបាគងបាន 24 ម៉ោង ជាប្រចាំថ្ងៃ (24/7) លើកលែងតែមានការជូនដំណឹងស្តីពីការផ្អាកជាបណ្តោះអាសន្នពីខេប៊ីប្រាសាក់។
   • ខេប៊ីប្រាសាក់ នឹងធ្វើការជូនដំណឹងជាមុន ករណីមានការផ្អាកប្រតិបត្តិការដើម្បីជួសជុល ឬ ធ្វើបច្ចុប្បន្នកម្មប្រព័ន្ធ។
   • ខេប៊ីប្រាសាក់ រក្សាសិទ្ធិក្នុងការផ្អាកប្រតិបត្តិការពេលមានបញ្ហាផ្សេងៗ ឬ ពេលមានការចាំបាច់ផ្សេងៗ
10. ការបញ្ឈប់ការប្រើប្រាស់សេវាទូទាត់បាគង
    • លោក-លោកស្រី អាចធ្វើការបញ្ឈប់ការប្រើប្រាស់សេវាទូទាត់បាគងបាន ដោយប្រតិបត្តិតាមរយៈទូរស័ព្ទចល័តរបស់លោក-លោកស្រីដោយផ្ទាល់ ដោយពុំចាំបាច់អញ្ជើញមកការិយាល័យខេប៊ីប្រាសាក់ ឡើយ។
    • ដើម្បីអាចបញ្ឈប់ការប្រើប្រាស់សេវាទូទាត់បាគងបាន តម្រូវឱ្យ លោក-លោកស្រី ធ្វើការដកប្រាក់ ឬ ផ្ទេរប្រាក់ចេញពីគណនីបាគងឱ្យនៅសល់សមតុល្យសូន្យជាមុនសិន។
11. លក្ខខណ្ឌសុវត្ថិភាពនៃពាក្យសម្ងាត់ (Passcode) និងលេខកូដសម្ងាត់ (PIN Code)
    • ត្រូវជ្រើសរើសពាក្យសម្ងាត់ (Passcode) និង/ឬ លេខកូដសម្ងាត់ (PIN Code) ផ្ទាល់ខ្លួនដោយក្នុងនោះត្រូវមានជាអក្សរធំ អក្សរតូច លេខ និងមានសញ្ញាពិសេសជាដើម ទៅតាមលក្ខខណ្ឌតម្រូវនៃប្រព័ន្ធ។
    • សូមចងចាំពាក្យសម្ងាត់ និង/ឬ លេខកូដសម្ងាត់របស់ លោក-លោកស្រី ហើយកុំកត់ត្រាលើអ្វីមួយ ឬ ឱ្យអ្នកដ៏ទៃដឹង។
    • សូមកុំផ្តល់ពាក្យសម្ងាត់ ឬ លេខកូដសម្ងាត់ និង/ឬ ព័ត៌មានផ្ទាល់ខ្លួនដល់នរណាម្នាក់ឡើយ។
    • សូមធ្វើការផ្លាស់ប្តូរពាក្យសម្ងាត់ និង/ឬ លេខកូដសម្ងាត់របស់លោក-លោកស្រី ឱ្យបានជាប្រចាំ។
    • សូមកុំប្រើ ថ្ងៃខែឆ្នាំកំណើត លេខទូរស័ព្ទ លេខគណនី ឬ លេខរៀងដែលងាយស្រួលចាំ សម្រាប់កំណត់ជាពាក្យសម្ងាត់ និង/ឬ លេខកូដសម្ងាត់ ដើម្បីប្រើប្រាស់ជាមួយសេវាទូទាត់បាគងរបស់ លោក-លោកស្រី។
    • ត្រូវតែធានាឱ្យច្បាស់ថា ពេល លោក-លោកស្រី បញ្ចូល ពាក្យសម្ងាត់ ឬ លេខកូដសម្ងាត់ (PIN Code) មិនអាចត្រូវបានឃ្លាំមើលដោយអ្នកណាម្នាក់ ឬ ក៏មិនមានមនុស្សនៅក្បែអ្នកឡើយ។
    • សូមប្តូរពាក្យសម្ងាត់ ឬ លេខកូដសម្ងាត់ (PIN Code) ប្រសិនបើលោកអ្នកសង្ស័យថា ត្រូវបានដឹង ដោយអ្នកដ៏ទៃ។
    • លោក-លោកស្រី ត្រូវតែរក្សាពាក្យសម្ងាត់ ឬ លេខកូដសម្ងាត់ របស់ លោក-លោកស្រី ឱ្យមានសុវត្ថិភាព។ រាល់ការខូចខាតដែលកើតចេញពីការធ្វេសប្រហែសក្នុងការរក្សាព័ត៌មានសម្ងាត់ខាងលើ គឺជាការទទួលខុសត្រូវទាំងស្រុងរបស់លោក-លោកស្រី។
    • ករណីលោក-លោកស្រី ភ្លេចពាក្យសម្ងាត់ ឬ លេខកូដសម្ងាត់ លោក-លោកស្រី អាចទំនាក់ទំនងមក ខេប៊ីប្រាសាក់ ដើម្បីណែនាំពីវិធីនៃការស្នើសុំពាក្យសម្ងាត់ ឬ លេខកូដសម្ងាត់ ឡើងវិញតាមរយៈមន្ត្រីទំនាក់ទំនងអតិថិជនរបស់យើងលេខ 023/086 999 911។
12. គន្លឹះសុវត្ថិភាពនៃទូរស័ព្ទចល័តដែលភ្ជាប់ប្រព័ន្ធបាគង
    • សូមបង្កើតលេខសម្ងាត់ (Password) ដើម្បីការពារទូរស័ព្ទ របស់លោក-លោកស្រី ពីការចូលប្រើប្រាស់ដោយគ្មានការអនុញ្ញាត។
    • មិនត្រូវភ្ជាប់ប្រព័ន្ធ ឬ បញ្ចូលកម្មវិធី ដែលមិនស្គាល់ក្នុងទូរស័ព្ទឡើយ។ ករណីបានភ្ជាប់ ត្រូវបិទ និងសម្អាតភ្លាមៗដើម្បីចៀសវាងការឆ្លងមេរោគ ឬ ការបន្លំលួច (Virus and/or Hacker)។
    • សូមកុំប្រើទូរស័ព្ទដែលភ្ជាប់ប្រព័ន្ធបាគង ជាមួយសេវាអ៊ីនធឺណែតសាធារណៈ ឬ ប្រើប្រាស់រួមជាមួយអ្នកដ៏ទៃឡើយ ដើម្បីជៀសវាងពីការបន្លំលួចដោយ Hacker។
    • សូមកុំទុកទូរស័ព្ទដែលកំពុងបើកកម្មវិធីប្រព័ន្ធបាគងចោលនៅទីសាធារណៈ។
    • សូមចាកចេញ (Logout) ពីកម្មវិធីនៃប្រព័ន្ធបាគង នៅពេល លោក-លោកស្រី ធ្វើប្រតិបត្តិការរួចរាល់។
    • ត្រូវរក្សាទូរស័ព្ទដែលបានភ្ជាប់ប្រព័ន្ធបាគងឱ្យមានសុវត្ថិភាពល្អ។ ប្រសិនបើទូរស័ព្ទនោះ ខូច ឬ បាត់ ត្រូវជូនដំណឹងមកខេប៊ីប្រាសាក់ ជាបន្ទាន់ដើម្បីបង្ខាំងគណនី ឬ ចាត់វិធានការផ្សេងៗតាមលក្ខណៈបច្ចេកទេស ដើម្បីទប់ស្កាត់ការបន្លំធ្វើប្រតិបត្តិការ។
    • ក្នុងករណី លោក-លោកស្រី លក់ ឬ ផ្ទេរទូរស័ព្ទឱ្យអ្នកផ្សេង ត្រូវលុបកម្មវិធីប្រព័ន្ធបាគងចេញពីក្នុងទូរស័ព្ទឱ្យបានរួចរាល់ជាមុន។
13. សិទ្ធិ និងកាតព្វកិច្ចរបស់អតិថិជន
    • លោក-លោកស្រី ត្រូវប្រាកដថាគ្រប់ព័ត៌មានដែលបានផ្តល់ឱ្យ ដើម្បីប្រើប្រាស់សេវាទូទាត់បាគង ពិតជាព័ត៌មានត្រឹមត្រូវ និងថ្មីបំផុត។ ករណីលោក-លោកស្រី ផ្តល់ព័ត៌មានមិនពិត ឬ ក្លែងក្លាយ នោះលោក-លោកស្រី ត្រូវទទួលខុសត្រូវទាំងស្រុងចំពោះមុខច្បាប់។
    • លោក-លោកស្រី ត្រូវធ្វើការត្រួតពិនិត្យលើព័ត៌មាននៃការទូទាត់ឱ្យបានត្រឹមត្រូវមុននឹងបញ្ជាការទូទាត់នៅក្នុងទូរស័ព្ទរបស់ខ្លួន។ រាល់ការបញ្ចូលព័ត៌មាន ឬ លេខគណនីខុស ឬ ផ្ទេរសមតុល្យលើស ឬ ខ្វះ ជាដើម ជាការទទួលខុសត្រូវទាំងស្រុងរបស់អតិថិជន។
    • លោក-លោកស្រី ត្រូវទទួលខុសត្រូវលើការប្រើប្រាស់សេវាទូទាត់បាគង។ រាល់ការបាត់បង់ទឹកប្រាក់ក្នុងគណនីផ្ទាល់ខ្លួន ឬ គណនីរបស់អ្នកផេ្សង ដែលប្រព្រឹត្តដោយចេតនា ឬ អចេតនា ឬ ដោយការធ្វេសប្រហែស ឬ ដោយការសាកល្បងធ្វើប្រតិបតិ្តការផ្សេងៗ ការលុកលុយរុករក ការកែបន្លំទិន្នន័យ ការលួចបន្លំដោយផ្ទាល់ ឬ ដោយប្រយោល តែម្នាក់ឯង ឬ ដោយមានការចូលរួមពីអ្នកដទៃ លោក-លោកស្រី ត្រូវទទួលខុសត្រូវចំពោះមុខច្បាប់ជាធរមាន។
    • លោក-លោកស្រី ត្រូវអនុវត្តឱ្យបានខ្ជាប់ខ្ជួននូវគ្រប់ចំណុចនៅលើលក្ខខណ្ឌទូទៅនៃការប្រើប្រាស់សេវាទូទាត់បាគងនេះ។
    • លោក-លោកស្រី យល់ព្រមដោយឥតលក្ខខណ្ឌក្នុងការទូទាត់សំណងមកខេប៊ីប្រាសាក់ ករណីមានការប្តឹងតវ៉ា ការទាមទារ ការទទួលខុសត្រូវ ការខាតបង់ ឬ ការចំណាយផ្សេងៗ ដែលខេប៊ីប្រាសាក់ ទទួលរងទាក់ទងនឹងប្រតិបត្តិការសេវាទូទាត់បាគង និងដោយការអនុវត្តបំពានរបស់ លោក-លោកស្រី លើលក្ខខណ្ឌទូទៅនៃការប្រើប្រាស់សេវានេះ រួមទាំងការខកខានមិនបានចាត់វិធានការទប់ស្កាត់ ការធើ្វប្រតិបត្តិការសេវាទូទាត់បាគង ដោយគ្មានការអនុញ្ញាត ឬ ប្រតិបត្តិការកែ្លងបន្លំ ជាដើម។
    • លោក-លោកស្រី មានសិទ្ធិទទួលបានសេវាកម្មគ្រប់ប្រភេទនៃសេវាទូទាត់បាគង ដែលខេប៊ីប្រាសាក់ បានព្រមព្រៀងផ្តល់ជូន ហើយ លោក-លោកស្រី មានសិទ្ធិអង្កេតមើលពីគុណភាពសេវាកម្ម និងផ្តល់យោបល់ដល់ខេប៊ីប្រាសាក់ ដើម្បីកែលម្អ។
    • លោក-លោកស្រី មានសិទ្ធិទទួលបានព័ត៌មានពាក់ព័ន្ធនឹងមុខងារនៃសេវាទូទាត់បាគង វិធីសាស្រ្តនៃការប្រើប្រាស់ កម្រៃសេវាកម្ម អត្រាការប្រាក់ និង របៀបគិតកម្រៃពាក់ព័ន្ធជាដើម។
    • លោក-លោកស្រី មានសិទ្ធិសាកសួរក្នុងករណីមានភាពមិនស៊ីគ្នានៃរបាយការណ៍គណនីបាគង ឬ ប្រតិបត្តិការផ្សេងៗ។
14. សិទ្ធិ និងកាតព្វកិច្ចរបស់ខេប៊ីប្រាសាក់
    • ខេប៊ីប្រាសាក់ មានសិទ្ធិផ្ទៀងផ្ទាត់ និងពិនិត្យពីប្រវត្តិរូបរបស់លោក-លោកស្រី ហើយអាចទាមទារព័ត៌មានផ្ទាល់ខ្លួនបន្ថែមរបស់លោក-លោកស្រី និងមានសិទ្ធិសម្រេចក្នុងការផ្តល់ ឬ មិនផ្តល់ជូននូវសេវាទូទាត់បាគងជូនលោក-លោកស្រី។
    • ខេប៊ីប្រាសាក់ នឹងអនុវត្តតាមការបញ្ជាលើប្រតិបត្តិការទូទាត់តាមរយៈប្រព័ន្ធបាគង របស់លោក-លោកស្រី តែខេប៊ីប្រាសាក់ មិនទទួលខុសត្រូវករណី លោក-លោកស្រី បានបញ្ចូលព័ត៌មាន ឬ លេខគណនីខុស ឬ ផ្ទេរសមតុល្យលើស ឬ ខ្វះ ជាដើម។
    • ខេប៊ីប្រាសាក់ មានសិទ្ធិសហការជាមួយអាជ្ញាធរមានសមត្ថកិច្ចក្នុងការស៊ើបអង្កេត បង្ខាំង ឬ បញ្ឈប់ការប្រើប្រាស់សេវាទូទាត់បាគង របស់ លោក-លោកស្រី ដោយយោងលើវិធាននៃច្បាប់ ឬ ដីការពីតុលាការ។
    • ខេប៊ីប្រាសាក់ រក្សាសិទ្ធិក្នុងការបង្ខាំងគណនីបាគងរបស់ លោក-លោកស្រី ករណី លោក-លោកស្រី មិនបានបំពេញព័ត៌មានឱ្យបានត្រឹមត្រូវ និងគ្រប់គ្រាន់ ទៅតាមលក្ខខណ្ឌតម្រូវរបស់ ខេប៊ីប្រាសាក់។
    • នៅក្នុងហេតុការណ៍ដែលសេវាទូទាត់បាគងរបស់ លោក-លោកស្រី មិនអាចប្រើប្រាស់បានដោយករណីប្រធានសក្តិ ខេប៊ីប្រាសាក់ នឹងជួយដល់ លោក-លោកស្រី ក្នុងការរកដំណោះស្រាយ ឬ ផ្តល់ជំនួយការចាំបាច់ណាមួយយោងលើហេតុផលជាក់ស្តែង ប៉ុន្តែខេប៊ីប្រាសាក់ មិនទទួលខុសត្រូវទៅលើហេតុការណ៍ទាំងនោះទេ។
    • ខេប៊ីប្រាសាក់ មានសិទ្ធិកំណត់កម្រៃសេវាពាក់ព័ន្ធ ឬ ធ្វើការកែប្រែកម្រៃសេវាអាស្រ័យលើលក្ខខណ្ឌនៃអាជីវកម្មជាក់ស្តែង។
    • ខេប៊ីប្រាសាក់ ផ្តល់លេខទូរស័ព្ទសម្រាប់បម្រើសេវាកម្ម 24 ម៉ោង ហើយផ្តល់សេវាប្រឹក្សាអំពីសេវាកម្ម និងការរាយការណ៍ពីការភ្លេចលេខសម្ងាត់ ឬ បញ្ហាផ្សេងៗដែលកើតមាន។
    • ខេប៊ីប្រាសាក់ នឹងរក្សាការសម្ងាត់រាល់ព័ត៌មានរបស់ លោក-លោកស្រី លើកលែងតែច្បាប់តម្រូវ ឬ មានដីការពីតុលាការ។
    • ខេប៊ីប្រាសាក់ រក្សាសិទ្ធិក្នុងការផ្អាកប្រតិបត្តិការពេលមានបញ្ហាផ្សេងៗ និងពេលមានការចាំបាច់ជាដើម។
15. ការទប់ស្កាត់ការសម្អាតប្រាក់ និងហិរញ្ញប្បទានភេរវកម្ម
    • តាមរយៈការទទួលយកនូវលក្ខខណ្ឌប្រើប្រាស់ទាំងអស់នេះ លោក-លោកស្រី យល់ព្រមជាមួយខេប៊ីប្រាសាក់ ថា ខេប៊ីប្រាសាក់ អាចនឹងពន្យាពេល ឬ បង្ខាំងទុក ឬ បដិសេធមិនឱ្យដំណើរការនូវប្រតិបត្តិការណាមួយដែលមិនមានការទទួលខុសត្រូវ ប្រសិនបើខេប៊ីប្រាសាក់ សង្ស័យថា៖
      • ប្រតិបត្តិការដែលបានធ្វើឡើងនោះអាចផ្ទុយនឹងច្បាប់នៃព្រះរាជាណាចក្រកម្ពុជា ឬ ច្បាប់អន្តរជាតិ។
      • ប្រតិបត្តិការដែលបានធ្វើឡើងនោះអាចនឹងពាក់ព័ន្ធដោយផ្ទាល់ និង/ឬ ដោយប្រយោលទៅនឹងដំណើរការ ឬ គោលបំណងនៃការប្រព្រឹត្តសកម្មភាពខុសច្បាប់។
    • លោក-លោកស្រី យល់ព្រម និងទទួលរ៉ាប់រងចំពោះខេប៊ីប្រាសាក់ ថា រាល់ការទូទាត់ប្រាក់តាមរយៈសេវាទូទាត់បាគងរបស់ខេប៊ីប្រាសាក់ មិនរំលោភបំពានលើច្បាប់ នៃ ព្រះរាជាណាចក្រកម្ពុជា ឬ ដែនសមត្ថកិច្ចនៃប្រទេសណាមួយផ្សេងទៀតឡើយ។
16. ការកែប្រែ កម្រៃសេវា ទំហំកំណត់ លក្ខខណ្ឌ និងការជូនដំណឹង
    1. ខេប៊ីប្រាសាក់ រក្សាសិទ្ធិក្នុងការកែប្រែព័ត៌មាន កម្រៃសេវា ទំហំកំណត់ និង/ឬ លក្ខខណ្ឌផ្សេងៗពាក់ព័ន្ធនឹងការប្រើប្រាស់សេវាកម្មនេះ ដោយខេប៊ីប្រាសាក់ នឹងធ្វើការជូនដំណឹងទៅលោក-លោកស្រីឱ្យបានត្រឹមត្រូវតាមលក្ខខណ្ឌនៃច្បាប់។
    2. ក្នុងរយៈពេលនៃការជូនដំណឹងខាងលើ ករណីមិនមានការតវ៉ាពីសំណាក់ លោក-លោកស្រី ត្រូវសន្មត់ថាលោក-លោកស្រីបានយល់ព្រម និងទទួលយកការកែប្រែខាងលើ មកអនុវត្តភ្លាមៗបន្ទាប់ពីការកែប្រែចូលជាធរមានដែលត្រូវបានផ្សព្វផ្សាយតាមរយៈមធ្យោបាយណាមួយខាងក្រោម៖
       • តាមរយៈសាខារបស់ខេប៊ីប្រាសាក់ និង/ឬ
       • តាមរយៈវេបសាយត៍ និង/ឬ បណ្តាញទំនាក់ទំនងសង្គមផ្លូវការរបស់ខេប៊ីប្រាសាក់ និង/ឬ
       • ការផ្ញើសារ និង/ឬ អ៊ីម៉ែលទៅកាន់អតិថិជន
       • តាមរយៈការផ្សព្វផ្សាយនៅលើទំព័រការសែត ទស្សនាវដ្តី កម្មវិធីសេវាធនាគារចល័ត កម្មវិធីបាគង ឬមធ្យោបាយផ្សេងៗដែលខេប៊ីប្រាសាក់ បានជ្រើសរើស។ល។
    3. អតិថិជនត្រូវបានសន្មតថាបានទទួលការជូនដំណឹងស្តីពីការកែប្រែខាងលើភ្លាមៗ បន្ទាប់ពីខេប៊ីប្រាសាក់ បានធ្វើការចុះផ្សាយពីការកែប្រែព័ត៌មាននានារបស់ខ្លួន តាមរយៈមធ្យោបាយណាមួយក្នុងចំណោមមធ្យោបាយខាងលើ។
17. ច្បាប់ និងការដោះស្រាយវិវាទ
    • លក្ខខណ្ឌទូទៅនេះ ត្រូវបានគ្រប់គ្រង និងបកស្រាយដោយយោងតាមច្បាប់នៃព្រះរាជាណាចក្រកម្ពុជា។
    • ករណីមានវិវាទកើតឡើង ភាគីទាំងពីរត្រូវដោះស្រាយដោយសន្តិវិធី។ ករណីវិវាទមិនអាចដោះស្រាយបានដោយសន្តិវិធី ឬ ក្រៅប្រព័ន្ធតុលាការ នោះវិវាទត្រូវដោះស្រាយទៅតាមប្រព័ន្ធតុលាការដោយយោងទៅតាមច្បាប់នៃព្រះរាជាណាចក្រកម្ពុជា។
    • បញ្ហាផ្សេងៗដែលមិនមានចែងនៅក្នុងប្រការទាំងនេះ ត្រូវអនុវត្តតាមច្បាប់នៃព្រះរាជាណាចក្រកម្ពុជា។
18. វិភាគភាព
    ប្រសិនបើប្រការណាមួយនៃកិច្ចព្រមព្រៀងនេះមិនអាចអនុវត្តបាន ឬ គ្មានសុពលភាពតាមផ្លូវច្បាប់ ប្រការទាំងនោះអស់សុពលភាពត្រឹមកម្រិត ដែលប្រការនោះមិនអាចអនុវត្តបាន ឬ អសុពលភាពរបស់ប្រការនោះតែប៉ុណ្ណោះ ចំណែកប្រការផ្សេងទៀតនៃកិច្ចព្រមព្រៀងនេះនៅតែបន្តមានសុពលភាពអនុវត្តដដែល។
19. ភាសា
    លក្ខខណ្ឌទូទៅនេះត្រូវបានធ្វើឡើងជាភាសាខ្មែរ និងភាសាអង់គ្លេស។ ករណីមានចំណុចណាមួយរវាងអត្ថបទទាំងពីរមានន័យមិនស្រប ឬ មិនស៊ីគ្នា នោះអត្ថបទជាភាសាខ្មែរចាត់ទុកជាបានការ។

ខ្ញុំ បានអាន និងយល់ព្រមអនុវត្តតាមលក្ខខណ្ឌទូទៅសម្រាប់ប្រើប្រាស់សេវាទូទាត់បាគង ដូចបានបញ្ជាក់ខាងលើ៕