ភ្នំពេញ ថ្ងៃទី 24 ខែវិច្ឆិកា ឆ្នាំ 2025៖ ក្រុមហ៊ុនធានារ៉ាប់រងអាយុជីវិត និងសុខភាព អេ អាយ អេ ខេមបូឌា និងធនាគារ ខេប៊ីប្រាសាក់ ម.ក បានប្រកាសអំពីភាពជាដៃគូអាជីវកម្មប៊េងកាសួរេន (ធានារ៉ាប់រងនៅតាមធនាគារ) រយៈពេល 10 ឆ្នាំ ដែលជាការចាប់ផ្តើមនៃដំណើររួមគ្នាមួយ ដើម្បីពង្រឹងប្រព័ន្ធអេកូឡូស៊ីហិរញ្ញវត្ថុរបស់ប្រទេសកម្ពុជា និងលើកកម្ពស់គ្រួសារកម្ពុជាដល់រាប់លាន ឱ្យរៀបចំផែនការអនាគតប្រកបដោយទំនុកចិត្ត។

ពិធីបើកសម្ពោធជាផ្លូវការនៃភាពជាដៃគូនេះ ទទួលបានការចូលរួមជាកិត្តិយសពីតំណាងនិយ័តករធានារ៉ាប់រងកម្ពុជា សមាគមធានារ៉ាប់រងកម្ពុជា និងថ្នាក់គ្រប់គ្រងជាន់ខ្ពស់មកពី អេ អាយ អេ គ្រុប (AIA Group) អេ អាយ អេ ខេមបូឌា និងធនាគារ ខេប៊ីប្រាសាក់។

តាមរយៈកិច្ចសហការនេះ អតិថិជនធនាគារ ខេប៊ីប្រាសាក់ នឹងរីករាយជាមួយបទពិសោធន៍ហិរញ្ញវត្ថុពេញលេញកាន់តែសម្បូរបែប ដែលរួមបញ្ចូលគ្នានូវសេវាធនាគារដែលគួរឱ្យទុកចិត្តរបស់ធនាគារ ខេប៊ីប្រាសាក់ ជាមួយនឹងដំណោះស្រាយធានារ៉ាប់រងអាយុជីវិត និងសុខភាពឈានមុខគេដ៏ទូលំទូលាយរបស់ អេ អាយ អេ ខេមបូឌា។ នោះមានន័យថា អតិថិជនរបស់ធនាគារឥឡូវអាចពង្រឹងផែនការហិរញ្ញវត្ថុ និងការពារគ្រួសាររបស់ពួកគេពីហេតុការណ៍អកុសលណាមួយដែលមើលមិនឃើញ។ ក្រៅពីការការពារ កិច្ចសហការនេះធានានូវភាពងាយស្រួលក្នុងការទទួលយក និងប្រើប្រាស់សេវាធានារ៉ាប់រងសម្រាប់ប្រជាជនកម្ពុជាក្នុងការការពារទាំងសុខភាព និងទ្រព្យធន។

ក្នុងជំហានដំបូងនៃកិច្ចចាប់ផ្តើមភាពជាដៃគូនេះ អតិថិជនអាចអញ្ជើញទៅទទួលការប្រឹក្សាអំពីដំណោះស្រាយធានារ៉ាប់រងអាយុជីវិត និងសុខភាពរបស់ អេ អាយ អេ ខេមបូឌា ដើម្បីបំពេញបន្ថែមលើសេវាហិរញ្ញវត្ថុរបស់ធនាគារខេប៊ីប្រាសាក់ នៅតាមសាខាចំនួន 50 របស់ធនាគារ ហើយនឹងបន្តពង្រីកទៅគ្រប់សាខាទូទាំងប្រទេសនៅត្រីមាសទី 2 ឆ្នាំ 2026។

ភាពជាដៃគូនេះបង្កើតឡើងនៅលើយុទ្ធសាស្ត្រអាជីវកម្មប៊េងកាសួរេន របស់ អេ អាយ អេ ខេមបូឌា ដោយសហការជាមួយស្ថាប័នហិរញ្ញវត្ថុឈានមុខគេ ដើម្បីបង្កើនការយល់ដឹង និងបញ្រ្ជាបសេវាធានារ៉ាប់រង។ នៅពេលដែលប្រជាជនកម្ពុជាកាន់តែយល់ច្បាស់អំពីសុខភាព និងសុខុមាលភាព ភាពជាដៃគូនេះអនុញ្ញាតឱ្យ អេ អាយ អេ ខេមបូឌា ផ្តល់ដំណោះស្រាយហិរញ្ញវត្ថុដែលត្រូវបានបង្កើតឡើងតាមតម្រូវការជាក់លាក់របស់អតិថិជន រួមជាមួយបទពិសោធសេវាអតិថិជននិងឌីជីថលល្អឥតខ្ចោះ ការទាមទារសំណងប្រកបដោយប្រសិទ្ធភាព រួមជាមួយនឹងអត្ថប្រយោជន៍ផ្តាច់មុខ បន្ថែមពីលើតម្រូវការសេវាធនាគាររបស់អតិថិជន។

នៅក្នុងពិធីនោះ លោកស្រី តាន់ លីនណា អគ្គនាយិការងនៃនិយ័តករធានារ៉ាប់រងកម្ពុជា បានមានប្រសាសន៍ថា «តាងនាមឱ្យនិយ័តករធានារ៉ាប់រងកម្ពុជា នាងខ្ញុំពិតជារីករាយចំពោះភាពជាដៃគូនេះ ដែលស្របនឹង ក៏ដូចជាគាំទ្រដល់យុទ្ធសាស្ត្ររបស់រដ្ឋាភិបាល ដើម្បីលើកកម្ពស់វិស័យហិរញ្ញវត្ថុ និងធានាបាននូវស្ថិរភាពសេដ្ឋកិច្ច។ ម្យ៉ាងវិញទៀត ភាពជាដៃគូនេះផ្តល់នូវការរួមបញ្ចូលសេវាកម្មរវាងវិស័យទាំងពីរដែលផ្តល់មកវិញនូវ ជម្រើសហិរញ្ញវត្ថុកាន់តែច្រើនសម្រាប់ប្រជាជនកម្ពុជា ក៏ដូចជាផ្តល់ឱ្យពួកគេនូវលទ្ធភាពទទួលបានធានារ៉ាប់រងកាន់តែច្រើន ដែលអាចផ្តល់អត្ថប្រយោជន៍ដល់ពួកគេក្នុងរយៈពេលយូរអង្វែង»។

លោក Tan Hak Leh អគ្គនាយកប្រតិបត្តិប្រចាំតំបន់នៃ អេ អាយ អេ គ្រុប (AIA Group) បានមានប្រសាសន៍ថា «កម្មវិធីប្រកាសភាពជាដៃគូនាថ្ងៃនេះ ពិតជាពិសេសសម្រាប់ អេ អាយ អេ ស្របពេលដែលយើងខ្ញុំកំពុងបន្តពង្រឹងការប្តេជ្ញាចិត្តចំពោះកម្ពុជា និងពង្រីកវត្តមានសេវាធានារ៉ាប់រងរបស់យើងខ្ញុំតាមធនាគារនៅទូទាំងតំបន់។ តាមរយៈកិច្ចសហការជាមួយធនាគារ ខេប៊ីប្រាសាក់ អេ អាយ អេ កំពុងធ្វើឱ្យការការពារជីវិត និងសុខភាពកាន់តែមានភាពងាយស្រួលដល់ប្រជាជនកម្ពុជារាប់លាននាក់ ដើម្បីពង្រឹងគោលបំណងរបស់ក្រុមហ៊ុនក្នុងការជួយប្រជាជនរស់នៅមានសុខភាព និងជីវិតកាន់តែប្រសើរ»។

លោកស្រី Jane Tay អគ្គនាយិកាប្រតិបត្តិនៃ អេ អាយ អេ ខេមបូឌា ក៏បានថ្លែងថា៖ «ភាពជាដៃគូនេះអនុញ្ញាតឱ្យអតិថិជនរបស់ធនាគារ ខេប៊ីប្រាសាក់ ទទួលបានដំណោះស្រាយធានារ៉ាប់រងអាយុជីវិត និងសុខភាពដ៏សម្បូរបែបរបស់ អេ អាយ អេ ខេមបូឌា ដែលត្រូវបានបង្កើតឡើងដើម្បីការពារគ្រួសាររបស់ពួកគេ និងពង្រឹងសុវត្ថិភាពហិរញ្ញវត្ថុ ក៏ដូចជាពង្រឹងការសន្យារបស់យើងខ្ញុំក្នុងការជួយប្រជាជនកម្ពុជាឱ្យរស់មានសុខភាព និងជីវិតកាន់តែប្រសើរ។ វាក៏ផ្តល់ឱកាសដើម្បីបង្ហាញពីរបៀបដែលសេវាធានារ៉ាប់រងអាចការពារទាំងសុខភាព និងទ្រព្យធននាពេលបច្ចុប្បន្ន និងអនាគត។ ភាពជាដៃគូនេះទៀតសោត ផ្តោតលើចក្ខុវិស័យរួមគ្នារវាង អេ អាយ អេ ខេមបូឌា និងធនាគារ ខេប៊ីប្រាសាក់ ក្នុងការបញ្ចូលគ្នានូវជំនាញបច្ចេកវិទ្យា និងការយល់ដឹងអំពីទីផ្សារ ដើម្បីពង្រីកបណ្តាញចែកចាយ និងកំណើនអតិថិជនរបស់យើង ដែលជាការគាំទ្រដល់ការប្តេជ្ញាចិត្តរបស់ស្ថាប័នទាំងពីរក្នុងការពន្លឿនកំណើននៅក្នុងវិស័យធានារ៉ាប់រង និងធនាគារ។»

លោក អ៊ុំ សមអឿន ប្រធាននាយកប្រតិបត្តិនៃធនាគារ ខេប៊ីប្រាសាក់ បានមានប្រសាសន៍ថា៖ «ធនាគារ ខេប៊ីប្រាសាក់ ប្តេជ្ញាធ្វើឱ្យជីវិតរបស់អតិថិជនកាន់តែប្រសើរតាមរយៈការផ្ដល់ដំណោះស្រាយហិរញ្ញវត្ថុប្រកបដោយភាពច្នៃប្រឌិត។ ការសហការជាមួយ អេ អាយ អេ ខេមបូឌា អាចឱ្យយើងផ្ដល់ជូនសេវាលើសពីវិស័យធនាគារ នោះគឺការផ្តល់ជូននូវសេវាធានារ៉ាប់រងអាយុជីវិត និងសុខភាពដ៏ជាទីទុកចិត្ត ដែលការពារអតិថិជនរបស់យើង និងក្រុមគ្រួសាររបស់ពួកគេ។ កិច្ចសហការនេះគឺជាជំហានដ៏សំខាន់មួយក្នុងការជួយអតិថិជនរបស់យើងកសាងអនាគតដែលកាន់តែមានសុវត្ថិភាព និងទំនុកចិត្ត។»

ក្រៅពីភាពរីកចម្រើននៃអាជីវកម្ម ភាពជាដៃគូនេះតំណាងឱ្យចក្ខុវិស័យរួមមួយ៖ «ដើម្បីផ្លាស់ប្តូរការគិតរបស់ប្រជាជនកម្ពុជាចំពោះសុខសុវត្ថិភាពហិរញ្ញវត្ថុ ដោយធ្វើឱ្យវិស័យធានារ៉ាប់រងមិនត្រឹមតែដំណោះស្រាយលើការការពារហិរញ្ញវត្ថុប៉ុណ្ណោះទេ ប៉ុន្តែជាសសរស្តម្ភដ៏រឹងមាំដើម្បីទ្រទ្រង់សុខុមាលភាពជាតិ។»

សម្រាប់ព័ត៌មានបន្ថែមអំពីដំណោះស្រាយហិរញ្ញវត្ថុរបស់ អេ អាយ អេ ខេមបូឌា តាមរយៈធនាគារ ខេប៊ីប្រាសាក់ សូមអញ្ជើញទៅកាន់សាខាធនាគារ ខេប៊ីប្រាសាក់ ឬ ទាក់ទងសេវាបម្រើអតិថិជន អេ អាយ អេ តាមរយៈលេខ 086 999 242 ឬចូលទៅកាន់គេហទំព័រ aia.com.kh ។

អំពី អេ អាយ អេ ខេមបូឌា៖

ក្រុមហ៊ុនធានារ៉ាប់រង អេ អាយ អេ ខេមបូឌា គឺជាបុត្រសម្ព័ន្ធនៃ AIA Group មានក្រុមហ៊ុនធានារ៉ាប់រងអាយុជីវិតនៅទូទាំងតំបន់អាស៊ីដែលស្ថិតក្នុងបញ្ជីឈ្មោះសាធារណៈឯករាជ្យធំជាងគេ។ ក្រុមហ៊ុនមានវត្តមាននៅលើទីផ្សារចំនួន 18 ប្រទេសនៅអាស៊ីប៉ាស៊ីហ្វិក – សាខាគ្រប់គ្រងទាំងស្រុង។

ចាប់តាំងពីបើកដំណើរការនៅកម្ពុជា រាល់សកម្មភាពរបស់ អេ អាយ អេ ខេមបូឌា ធ្វើឡើងស្របតាមគោលបំណង ក្នុងការជួយឲ្យប្រជាជនកម្ពុជាឲ្យរស់នៅមានសុខភាព និងជីវិតកាន់តែប្រសើរ។ ចាប់តាំងពីចាប់ផ្តើមអាជីវកម្មក្នុងឆ្នាំ 2017 យើងបានក្លាយជាក្រុមហ៊ុនធានារ៉ាប់រងអាយុជីវិត និងសុខភាពដំបូងបង្អស់នៅកម្ពុជា ផ្តល់ការការពាររហូតដល់ 26 ស្ថានភាពជំងឺធ្ងន់ធ្ងរ។ ហើយបច្ចុប្បន្ននេះ អេ អាយ អេ អខេមបូឌា ក៏បានពង្រីកការការពារថ្មីចំពោះជំងឺធ្ងន់ធ្ងរលើលក្ខខណ្ឌរហូតដល់ 118 ចាប់ពីដំណាក់កាលដំបូងរហូតដល់ដំណាក់កាលចុងក្រោយដើម្បីរក្សាជំហរជាក្រុមហ៊ុនដំបូងបង្អស់នៅវិស័យធានារ៉ាប់រងកម្ពុជា។

ក្នុងនាមជាក្រុមហ៊ុនធានារ៉ាប់រងឈានមុខគេមួយនៅកម្ពុជា  អេ អាយ អេ ខេមបូឌា ផ្តល់ជូននូវដំណោះស្រាយជីវិតឈានមុខគេនៅលើទីផ្សារសម្រាប់ប្រជាជនកម្ពុជាគ្រប់មជ្ឈដ្ឋាន រាប់ចាប់ពីគម្រោងធានារ៉ាប់រងសំខាន់ៗដែលបង្កើតឡើងស្របតាមតម្រូវការជាក់លាក់ ដែលរួមមានគម្រោងការពារលើជំងឺធ្ងន់ធ្ងរ គ្រោះថ្នាក់ចៃដន្យ ថ្លៃសម្រួលការសម្រាកព្យាបាលនៅមន្ទីរពេទ្យ និងជំនួយសង្គ្រោះបន្ទាន់នៅក្រៅប្រទេស។

អេ អាយ អេ ខេមបូឌា ផ្តោតសំខាន់លើការណែនាំ និងជម្រុញឲ្យប្រជាជនក្នុងសង្គមទទួលយកទម្លាប់ល្អៗ ក៏ដូចជាមធ្យោបាយដើម្បីឲ្យពួកគាត់ទទួលបាននូវសុខភាពល្អ តាមរយៈគំនិតផ្តួចផ្តើម រួមមានកិច្ចសហការ ជាមួយក្រសួងកិច្ចការនារី ដើម្បីពង្រឹងលើសមភាពយេនឌ័រនិងសិទ្ធិស្ត្រី ការលើកកម្ពស់ការយល់ដឹងអំពីជំងឺមហារីកសុដន់ តាមរយៈយុទ្ធនាការប្រចាំឆ្នាំ AIA Fit for Hope របស់យើងជាដើម។

អំពីធនាគារ ខេប៊ីប្រាសាក់ ម.ក៖

ធនាគារ ខេប៊ីប្រាសាក់ គឺជាធនាគារពាណិជ្ជកម្មឈានមុខគេមួយនៅកម្ពុជា ដែលទទួលបានអាជ្ញាបណ្ណពី ធនាគារជាតិនៃកម្ពុជា និងទទួលបានការអនុម័តពី ក្រសួងពាណិជ្ជកម្ម ដើម្បីធ្វើប្រតិបត្តិការធនាគារជាផ្លូវការចាប់ពីខែសីហា ឆ្នាំ 2023។ គិតត្រឹមខែតុលា ឆ្នាំ 2025 ធនាគារមានទ្រព្យសកម្មសរុបចំនួន 5.78 ប៊ីលានដុល្លារអាមេរិក ប្រាក់បញ្ញើសន្សំចំនួន 3.95  ប៊ីលានដុល្លារអាមេរិក និងសម្ពៀតឥណទានចំនួន 5.26 ប៊ីលានដុល្លារអាមេរិក ជាមួយនឹងសាខាចំនួន 187 និងបុគ្គលិកលើសពី 10,000  នាក់ទូទាំងប្រទេស។

ធនាគារ ខេប៊ីប្រាសាក់ ប្តេជ្ញាផ្តល់ដំណោះស្រាយហិរញ្ញវត្ថុដ៏សម្បូរបែប និងប្រកបដោយនវានុវត្តន៍ ដើម្បីបម្រើសេចក្ដីត្រូវការរបស់អតិថិជនជាឯកត្តបុគ្គល និងអាជីវកម្ម។ តាមរយៈភាពជាដៃគូជាមួយ AIA Cambodia នេះ ធនាគារ ខេប៊ីប្រាសាក់ បន្តលើកកម្ពស់បរិយាបន្នហិរញ្ញវត្ថុ ការការពារសុខភាព និងវិបុលភាពរយៈពេលវែងសម្រាប់សហគមន៍កម្ពុជា។

ខេត្តកំពត៖ ធនាគារ ខេប៊ីប្រាសាក់ បានចូលរួមឧបត្ថម្ភ និងផ្សព្វផ្សាយអំពីសារៈសំខាន់នៃការសន្សំប្រាក់ នៅក្នុងទិវាសន្សំអាស៊ាន ឆ្នាំ 2025 នាថ្ងៃទី 31 ខែតុលា ឆ្នាំ 2025 នៅក្រុងកំពត ក្រោមអធិបតីភាព ឯកឧត្ដម យឹម លាត ទេសាភិបាលរងធនាគារជាតិនៃកម្ពុជា និងឯកឧត្តម ចាន់ ថា អភិបាលរងនៃគណៈអភិបាលខេត្តកំពត និងដោយមានការចូលរួមពីតំណាងរបស់គ្រឹះស្ថានធនាគារនិងហិរញ្ញវត្ថុ សិស្សានុសិស្ស និងប្រជាពលរដ្ឋជាច្រើនរយនាក់ផងដែរ។

កម្មវិធីដ៏មានអត្ថន័យនេះរៀបចំឡើងដោយធនាគារជាតិនៃកម្ពុជា សមាគមធនគារនៅកម្ពុជា និងសមាគមមីក្រូហិរញ្ញវត្ថុកម្ពុជា ក្នុងគោលបំណងលើកកម្ពស់ការយល់ដឹងពីសារៈសំខាន់នៃការសន្សំប្រាក់ ដើម្បីធានាបាននូវសុវត្ថិភាពហិរញ្ញវត្ថុរបស់បុគ្គលម្នាក់ៗ ក៏ដូចជាក្រុមគ្រួសារនីមួយៗ ដែលជាមូលដ្ឋានគ្រឹះដ៏រឹងមាំសម្រាប់សុភមង្គល និងការរីកចម្រើនក្នុងគ្រួសារ។ នៅក្នុងកម្មវិធីនេះដែរ វាគ្មិនជំនាញផ្នែកចំណេះដឹងហិរញ្ញវត្ថុ ត្រូវបានអញ្ជើញដើម្បីចែករំលែកពីផលប្រយោជន៍ក្នុងការសន្សំប្រាក់ វិធីសាស្ត្រងាយៗក្នុងការសន្សំប្រាក់ និងការដាក់ប្រាក់សន្សំនៅគ្រឹះស្ថានធនាគារ និងហិរញ្ញវត្ថុដែលមានអាជ្ញាប័ណ្ណពីធនាគារជាតិនៃកម្ពុជា។ លើសពីនេះផងដែរ ក៏មានកម្មវិធីប្រកួតប្រជែងរបស់សិស្សានុ សិស្សលើប្រធានបទនៃការសន្សំប្រាក់នេះផងដែរ។

ទម្លាប់សន្សំបានដុះឡើងក្នុងសង្គមកម្ពុជាជាយូរលង់មកហើយ ប៉ុន្តែការសន្សំដ៏មានប្រសិទ្ធភាព គឺត្រូវដកចំណែកនៃចំណូលដែលរកបាន សម្រាប់ដាក់ជាប្រាក់សន្សំសិន បន្ទាប់មកប្រាក់ដែលនៅសល់ គឺទុកសម្រាប់ការចាត់ចែងលើការចំណាយនានា។ វិធីនេះនឹងជួយយើងឱ្យរក្សាបាននូវប្រាក់សម្រាប់សន្សំ និងមិនចំណាយប្រាក់ដោយខ្ជះខ្ជាយ។ ការសន្សំប្រាក់នេះផ្តល់អត្ថប្រយោជន៍ជាច្រើនដល់ប្រជាជនដូចជា ការចំណាយបន្ទាន់ ចំណាយសម្រាប់សុខភាព ការសម្រេចផែនការតាមគោលបំណង ឬ អាចជាទ្រព្យសម្រាប់ដាក់ធានាដើម្បីទទួលបានកម្ចីផងដែរ។ មួយផ្នែកធំនោះ គឺការចូលរួមចំណែកក្នុងការជំរុញកំណើនសេដ្ឋកិច្ចជាតិ តាមរយៈការចាត់ចែងឱ្យមានលំហូរសាច់ប្រាក់ពីអ្នកដែលសល់សាច់ប្រាក់ទំនេរ ជូនដល់វិនិយោគិនដែលត្រូវការដើមទុនតាមរយៈគ្រឹះស្ថានហិរញ្ញវត្ថុផ្លូវការ។

ទន្ទឹមនឹងនេះដែរ ធនាគារ ខេប៊ីប្រាសាក់ បានខិតខំចូលរួមបង្កើនការផ្សព្វផ្សាយអំពីចំណេះដឹងផ្នែកហិរញ្ញវត្ថុ និងការយល់ដឹងអំពីការសន្សំប្រាក់ដល់អតិថិជន និងសាធារណជន តាមរយៈគំនិតផ្តួចផ្តើមផ្សេងៗដូចជា យុទ្ធនាការអប់រំ កម្មវិធីផ្សព្វផ្សាយតាមសហគមន៍ និងការចែករំលែកមាតិការលើបណ្ដាញសង្គមឌីជីថល។ បន្ថែមលើសពីនេះ គឺយើងបានផ្ដល់អត្រាការប្រាក់ខ្ពស់រហូតដល់ 6% ក្នុង 1 ឆ្នាំ សម្រាប់អតិថិជនដែលបើកគណនីបញ្ញើមានកាលកំណត់ជាប្រាក់រៀល ដែលនេះជាការផ្ដល់ជូនដើម្បីភាពរីកចម្រើនរបស់អតិថិជនតាមរយៈចំណូលការប្រាក់។

នៅក្នុងកម្មវិធីនេះផងដែរ ខេប៊ីប្រាសាក់ ក៏បានផ្ដល់ជូនប្រូម៉ូសិនពិសេសគឺ បើកគណនី បានលុយ ជូនដល់អតិថិជនដែលមិនទាន់មានគណនីនៅខេប៊ីប្រាសាក់ ដោយការបង្វិលកងផ្សងសំណាងនៅនឹងទីតាំងប្រារព្ធពិធីផ្ទាល់។ នេះជាការលើកទឹកចិត្តឱ្យសាធារណជនបង្កើតទម្លាប់សន្សំកាន់ច្រើននៅគ្រឹះស្ថានដែលមានអាជ្ញាប័ណ្ណស្របច្បាប់។

ភ្នំពេញ ថ្ងៃទី 24 ខែតុលា ឆ្នាំ 2025 ​៖ ធនាគារ ខេប៊ីប្រាសាក់ មានសេចក្តីរីករាយក្នុងការចូលរួមឧបត្ថម្ភ សិក្ខាសាលាប្រចាំឆ្នាំ 2025 របស់គ្រឹះស្ថានឥណទាន​ជនបទ ដោយផ្តោតពី​ ការគ្រប់គ្រងហានិភ័យ និងកសាងភាពធន់របស់គ្រឹះស្ថានឥណទានជនបទ ដែលបានរៀបចំដោយឡើងដោយសមាគមមីក្រូហិរញ្ញវត្ថុកម្ពុជា។

សិក្ខាសាលានេះជាវេទិកាដ៏សំខាន់ដើម្បីបង្ហាញពីសកម្មភាពជាក់ស្ដែងសម្រាប់គ្រឹះស្ថានឥណទានជនបទ ឆ្លុះបញ្ចាំងពីសមិទ្ធផលរួម កិច្ចការងារពង្រឹងសមត្ថភាពរបស់គ្រឹះស្ថាន ការអនុលោមភាព បញ្ហាប្រឈម និរន្តរភាព ព្រមទាំងការរៀបចំយុទ្ធសាស្តក្នុងការពង្រឹងស្ថាប័ន វិស័យ និងរួមចំណែកអភិវឌ្ឍខឿនសេដ្ឋកិច្ច និងសង្គមកម្ពុជា។

ក្នុងនាមជាធនាគារឈានមុខគេមួយនៅក្នុងប្រទេសកម្ពុជា ដែលមានឫសគល់យ៉ាងជ្រៅក្នុងវិស័យមីក្រូហិរញ្ញវត្ថុ ធនាគារ ខេប៊ីប្រាសាក់ មានមោទនភាពក្នុងការគាំទ្រគំនិតផ្តួចផ្តើមទាំងឡាយដែលរួមចំណែកដល់ការរីកចម្រើនប្រកបដោយចីរភាពនៃវិស័យហិរញ្ញវត្ថុ និងលើកកម្ពស់សេវាហិរញ្ញវត្ថុប្រកបដោយបរិយាប័ន្នសម្រាប់សហគមន៍ជនបទ។ ការឧបត្ថម្ភរបស់ធនាគារ ឆ្លុះបញ្ចាំងពីការប្តេជ្ញាចិត្តយ៉ាងមុតមាំរបស់ខ្លួនក្នុងការជំរុញហិរញ្ញវត្ថុប្រកបដោយការទទួលខុសត្រូវ ពង្រឹងសមត្ថភាពរបស់ដៃគូវិស័យ និងលើកកម្ពស់ស្ថិរភាពហិរញ្ញវត្ថុ ដែលផ្តល់អត្ថប្រយោជន៍ដល់ទាំងស្ថាប័ន និងទាំងអតិថិជនទូទាំងប្រទេស។

តំណាងធនាគារ ខេប្រាសាក់ បានមានប្រសាសន៍ថា «ការគាំទ្រសិក្ខាសាលានេះស្របតាមបេសកកម្មរបស់យើងក្នុងការលើកកម្ពស់ការធ្វើប្រតិបត្តិការផ្ដល់សេវាហិរញ្ញវត្ថុដ៏រឹងមាំ និងការអភិវឌ្ឍប្រកបដោយនិរន្តរភាព។ យើងជឿជាក់ថា តាមរយៈការជ្រោមជ្រែងដល់គ្រឹះស្ថានឥណទានជនបទ យើងរួមចំណែកដល់ការកសាងភាពធន់ និងកំណើនប្រកបដោយបរិយាប័ន្នសម្រាប់សេដ្ឋកិច្ចកម្ពុជា»។

ភ្នំពេញ ប្រទេសកម្ពុជា៖ លោក Lee Hwan Ju ប្រធាននាយកប្រតិបត្តិធនាគារគូកមីន (KB Kookmin Bank) ដែលជាធនាគារលំដាប់ទីមួយនៅប្រទេសកូរ៉េខាងត្បូង និងជាម្ចាស់ភាគហ៊ុនរបស់ ធនាគារ ខេប៊ីប្រាសាក់ បានមកបំពេញទស្សនកិច្ចជាលើកដំបូងនៅប្រទេសកម្ពុជាកាលពីថ្ងៃទី 20-21 ខែតុលា ឆ្នាំ 2025 ដើម្បីពិនិត្យមើលលទ្ធផលការងាររបស់ក្រុមហ៊ុនបុត្រសម្ព័ន្ធ បង្កើតទំនាក់ទំនងជិតស្និទ្ធ និងការយកចិត្តទុកដាក់ពីម្ចាស់ភាគហ៊ុនដល់ថ្នាក់គ្រប់គ្រងនិងបុគ្គលិកធនាគារខេប៊ីប្រាសាក់ និងពិនិត្យពីកាលានុវត្តភាពក្នុងការពង្រីកការវិនិយោគបន្ថែមទៀតនៅក្នុងទីផ្សារកម្ពុជា។

ក្នុងដំណើរបំពេញទស្សនកិច្ចនេះ លោក Lee Hwan Ju បានចូលជួបសម្តែងការគួរសម និងពិភាក្សាការងារជាមួយ លោកជំទាវបណ្ឌិត ជា សិរី អគ្គទេសាភិបាលធនាគារជាតិនៃកម្ពុជា នៅធនាគារជាតិនៃកម្ពុជា អគារវត្តភ្នំ។ បរិយាកាសនៃជំនួបបានប្រពឹត្តដោយក្តីរីករាយ និងទទួលបាននូវលទ្ធផលការងារជាច្រើន ដោយលោក Lee បានលើកឡើងពីបរិយាកាសអំណោយផលក្នុងការវិនិយោគនៅកម្ពុជា ពិសេសក្នុងវិស័យធនាគារនិងហិរញ្ញវត្ថុ តាមរយៈប្រតិបត្តិការរបស់ក្រុមហ៊ុនជាបុត្រសម្ព័ន្ធរបស់ខ្លួនគឺ ធនាគារ ខេប៊ីប្រាសាក់ ម.ក ។ លោកក៏បានបង្ហាញដែរថា ធនាគារ KB Kookmin Bank មានចក្ខុវិស័យ និងយុទ្ធសាស្ត្រវែងឆ្ងាយក្នុងការវិនិយោគនៅកម្ពុជា ព្រមជាមួយនឹងការនាំមកនូវបច្ចេកវិទ្យា និងនវានុវត្តន៍នៃសេវានិងផលិតផលហិរញ្ញវត្ថុថ្មីៗបន្ថែមទៀត ដើម្បីផ្តល់ជូនដល់ប្រជាជនកម្ពុជា។

ជាការឆ្លើយតប លោកជំទាវទេសាភិបាលធនាគារជាតិនៃកម្ពុជា បានស្វាគមន៍ និងថ្លែងអំណរគុណចំពោះតំណាងម្ចាស់ភាគហ៊ុន ធនាគារ KB Kookmin Bank នៃប្រទេសកូរ៉េខាងត្បូង ដែលបានវាយតម្លៃខ្ពស់ចំពោះវឌ្ឍនភាពសេដ្ឋកិច្ច និងវិស័យហិរញ្ញវត្ថុកម្ពុជា ជាពិសេសការប្តេជ្ញាបន្តពង្រឹងការវិនិយោគបន្ថែមនៅកម្ពុជា។ លោកជំទាវក៏បានមានប្រសាសន៍ពីការវិវត្តនៃការរៀបចំវិធានការនានា និងបញ្ជាក់ពីការផ្តល់កិច្ចសហការ សំដៅផ្តល់ភាពអំណោយ ផលដល់ការធ្វើប្រតិបត្តិការក្នុងវិស័យហិរញ្ញវត្ថុនៅកម្ពុជា។

នាឱកាសនោះដែរ លោកជំទាវអគ្គទេសាភិបាល និងលោកប្រធាននាយកប្រតិបត្តិ ក៏បានផ្លាស់ប្តូរទស្សនាទានអំពីស្ថានភាពសេដ្ឋកិច្ច ស្ថិរភាពហិរញ្ញវត្ថុ ការពង្រឹងសន្តិសុខសាយប័រ និងកិច្ចសហការលើការអភិវឌ្ឍប្រព័ន្ធទូទាត់ឆ្លងដែនផងដែរ។

លោក Lee Hwan Ju ក៏បានប្រជុំពិភាក្សាផ្តោះប្តូរយោបល់ជាមួយនឹងគណៈគ្រប់គ្រង ធនាគារ ខេប៊ីប្រាសាក់ នៅការិយាល័យកណ្តាល ដើម្បីដាក់ចេញនូវយុទ្ធសាស្ត្រថ្មីៗក្នុងគោលដៅរក្សាឱ្យបាននូវកំណើនផលបត្រកម្ចី ជំរុញការអភិវឌ្ឍឌីជីថល ទាក់ទាញនិងបង្កើតវប្បធម៌សន្សំសម្រាប់អតិថិជន ការគិតគូរជាចំបងក្នុងការបម្រើសេវាជូនអតិថិជន ព្រមទាំងការថែរក្សាធនធានមនុស្សរបស់ធនាគារខេប៊ីប្រាសាក់ផងដែរ។

លោកបានបន្តដំណើរទស្សនកិច្ចដោយបានចុះពិនិត្យស្ថានភាពប្រតិបត្តិការដល់ទីតាំងសាខានានារបស់ ធនាគារខេប៊ីប្រាសាក់ រួមមានសាខាអង្គតាសោម សាខាតាកែវ ស្ថិតក្នុងខេត្តតាកែវ និងសាខាអ៊ីអនម៉លមានជ័យ នៅរាជធានីភ្នំពេញ។ ក្នុងអំឡុងពេលនោះដែរ លោកបានស្វែងយល់ពីវិធីសាស្ត្រក្នុងសេវាហិញ្ញវត្ថុជូនដល់អតិថិជន លទ្ធផល ការងារដែលសម្រេចបានតាមសាខានីមួយៗ ការបញ្ជ្រាបពីរបៀបគិតពីចំណូល ចំណាយ សន្សំ មុនពេលអតិថិជនសម្រេចចិត្តក្នុងការខ្ចីប្រាក់សម្រាប់ការពង្រីក និងប្រើប្រាស់ក្នុងមុខរបរ ឬ/និងគ្រួសារជាដើម។ ជារួម លោកបានផ្តល់ជាអនុសាសន៍ដោយសំណូមពរដល់ថ្នាក់គ្រប់គ្រង និងបុគ្គលិកធនាគារខេប៊ីប្រាសាក់ ខិតខំបន្តបន្ថែមទៀតក្នុងការយកចិត្តទុកដាក់ និងថែរក្សាអតិថិជន តាមរយៈ ការផ្តល់សេវាលឿនរហ័ស ត្រឹមត្រូវ គ្រប់គ្រាន់ ទាន់ពេល និងរក្សាឱ្យនូវគុណតម្លៃរបស់ធនាគារដោយចាត់ទុកអតិថិជនគឺជាអាទិភាពទីមួយ។

ក្រោយបញ្ចប់ទស្សនកិច្ច លោក Lee Hwan Ju ក៏បានឆ្លៀតឱកាសក្នុងការចូលទស្សនាសារមន្ទីរសេដ្ឋកិច្ច និងរូបិយវត្ថុ ព្រះស្រីឦសានវរ្ម័ន (ស.ស.រ) ដោយបានបង្ហាញចំណាប់អារម្មណ៍ និងលើកសរសើរពីការរៀបចំយ៉ាងល្អនៃសារមន្ទីរព្រះស្រីឦសានវរ្ម័ន និងដំណើរដ៏វែងឆ្ងាយនៃប្រវត្តិរូបិយវត្ថុនៅកម្ពុជា។

ភ្នំពេញ ថ្ងៃទី 6 ខែតុលា ឆ្នាំ 2025 ៖ ធនាគារ ខេប៊ីប្រាសាក់ ប្រកាសដាក់ឱ្យដំណើរការជាផ្លូវការប័ណ្ណឥណពន្ធវីសាចំនួន 3 លំដាប់ គឺ ប័ណ្ណក្លាស៊ិក (Classic Card) ប័ណ្ណហ្គោល (Gold Card) និងប័ណ្ណផ្លាទីនីម (Platinum Card) ដែលផ្តល់ជូនអតិថិជននូវបទពិសោធន៍ក្នុងការទូទាត់ប្រកបដោយភាពងាយស្រួល សុវត្ថិភាព និងទទួលបានអត្ថប្រយោជន៍ជាច្រើន។

ប័ណ្ណឥណពន្ធវីសា របស់ធនាគារ ខេប៊ីប្រាសាក់ អាចប្រើប្រាស់សម្រាប់ធ្វើប្រតិបត្តិការប្រចាំថ្ងៃជាច្រើន ដូចជា ការទិញទំនិញតាមអនឡាញនៅលើវេបសាយត៍ និងតាមអេបដែលទទួលយក VISA ការទិញទំនិញនៅក្នុងហាងរបស់ពាណិជ្ជកររាប់លានទីតាំងនៅទូទាំងពិភពលោក និងដកប្រាក់នៅម៉ាស៊ីនអេធីអឹមដែលមាននិមិត្តសញ្ញា VISA ទាំងនៅក្នុងនិងក្រៅប្រទេសកម្ពុជា។ មិនថាលោកអ្នកទូទាត់វិក្កយបត្រ កក់ការធ្វើដំណើរ ទទួលទានអាហារនៅខាងក្រៅ ឬ ដកសាច់ប្រាក់ ប័ណ្ណទាំងនេះផ្តល់នូវភាពងាយស្រួល និងភាពបត់បែន ជូនលោកអ្នកគ្រប់ទីកន្លែង គ្រប់ពេលវេលា។

ប័ណ្ណឥណពន្ធវីសា របស់ធនាគារ ខេប៊ីប្រាសាក់ ត្រូវផ្តល់ជូនដោយឥតគិតថ្លៃ និងគ្មានកម្រៃសេវាប័ណ្ណប្រចាំឆ្នាំសម្រាប់ឆ្នាំដំបូង។ ម្ចាស់ប័ណ្ណអាចចូលប្រើគណនីសន្សំ ឬ គណនីចរន្តរបស់ពួកគាត់ដោយផ្ទាល់ ព្រមទាំងទទួលបានការប្រាក់ខ្ពស់លើសមតុល្យដែលរក្សាក្នុងគណនីដែលបានភ្ជាប់ប័ណ្ណ។ លោកអ្នកអាចគ្រប់គ្រងទំហំកំណត់នៃការដកប្រាក់របស់ប័ណ្ណ និងអាចភ្ជាប់ប័ណ្ណជាច្រើនទៅនឹងគណនីមួយបាន។ ដោយឡែកសម្រាប់ប័ណ្ណឥណពន្ធផ្លាទីនីម អតិថិជនជាម្ចាស់ប័ណ្ណអាចចូលសម្រាកក្នុងបន្ទប់រង់ចាំពិសេស (Airport Lounges) នៅអាកាសយានដ្ឋានគ្រប់ប្រទេស បានរហូតដល់ទៅ 5 ដងក្នុងមួយឆ្នាំ។

ប័ណ្ណឥណពន្ធវីសា ខេប៊ីប្រាសាក់ ត្រូវបានបង្កើតឡើងជាមួយនឹងមុខងារទំនើប ដើម្បីការពារការទូទាត់របស់លោកអ្នក។ បន្ទះឈីប EMV ការពារប្រឆាំងនឹងការក្លែងបន្លំ ចំណែកឯមុខងារ Contactless (NFC) អនុញ្ញាតឱ្យលោកអ្នក ទូទាត់យ៉ាងរហ័ស និងដោយសុវត្ថិភាព ដោយមិនបាច់ឆូត ឬ ស៊កប័ណ្ណឡើយ។ សម្រាប់ការទិញតាមអនឡាញ មុខងារ 3D-Secure Protocol បន្ថែមស្រទាប់នៃការផ្ទៀងផ្ទាត់បន្ថែមទៀត ដើម្បីធ្វើឱ្យប្រតិបត្តិការរបស់លោកអ្នកឱ្យមានសុវត្ថិភាព។

អតិថិជនអាចស្នើសុំប័ណ្ណឥណពន្ធវីសា (Visa Debit Card) តាម៖

• KB PRASAC Mobile
• សាខាខេប៊ីប្រាសាក់នៅទូទាំងប្រទេស
• បុគ្គលិកផ្នែកលក់របស់ខេប៊ីប្រាសាក់

សូមជម្រាបថា មុនពេលដាក់ឱ្យដំណើរការប័ណ្ណឥណពន្ធវីសាផ្លាស្ទិកនេះ ធនាគារ ខេប៊ីប្រាសាក់ បានដាក់ឱ្យដំណើរការប័ណ្ណនិម្មិត VISA រួចហើយកាលពីពេលថ្មីៗនេះ ហើយជាមួយនឹងការប្តេជ្ញាចិត្តយ៉ាងមុតមាំចំពោះនវានុវត្តន៍ ខេប៊ីប្រាសាក់ គ្រោងនឹងដាក់ឱ្យប្រើប្រាស់ប័ណ្ណឥណទាន VISA (Visa Credit Card) របស់ខ្លួននាពេលឆាប់ៗខាងមុខនេះ។ ការដាក់ឱ្យដំណើរការប័ណ្ណទាំងនេះឆ្លុះបញ្ចាំងពីការប្តេជ្ញាចិត្តរបស់ធនាគារ ខេប៊ីប្រាសាក់ ក្នុងការបន្តអភិវឌ្ឍដំណោះស្រាយហិរញ្ញវត្ថុដែលឆ្លើយតបនឹងតម្រូវការ និងបែបផែនរស់នៅទំនើបនិងស៊ីវល័យរបស់អតិថិជនរបស់យើង។

សូមស្នើសុំប័ណ្ណឥណពន្ធវីសារបស់អ្នកនៅថ្ងៃនេះ ហើយរីករាយនឹងបទពិសោធន៍ទូទាត់លំដាប់ពិភពលោក ជាមួយនឹងសុវត្ថិភាព ភាពងាយស្រួល និងអត្ថប្រយោជន៍ជាច្រើន។

សម្រាប់ព័ត៌មានបន្ថែម សូមចូលទៅកាន់ ប័ណ្ណឥណពន្ធវីសា ឬ ទូរស័ព្ទមកលេខ 086 999 911 ឬ 023 999 911 ។

ភ្នំពេញ ថ្ងៃទី 30 ខែកញ្ញា ឆ្នាំ 2025៖ ធនាគារ ខេប៊ីប្រាសាក់ មានមោទនភាពក្នុងការ​ឧបត្ថម្ភ​កម្មវិធី វិថី​ហិរញ្ញវត្ថុ​ រដូវកាល​ទី 3 ដែលជា​យុទ្ធនាការ​អប់រំ​ចំណេះដឹង​ផ្នែក​ហិរញ្ញវត្ថុ​ដ៏សំខាន់​មួយនៅ​ប្រទេស​​កម្ពុជា។ ពិធី​សម្ពោធ​ជា​ផ្លូវការ​នៃ​កម្មវិធី​នេះ​ត្រូវ​បាន​ធ្វើឡើង​ក្រោម​អធិបតីភាព​ដ៏ខ្ពង់ខ្ពស់​របស់ លោកស្រី ម៉ក់ រស្ម៊ី អគ្គនាយករងបទប្បញ្ញត្តិនិងបរិយាបន្នហិរញ្ញវត្ថុ និងជាប្រធាននាយកដ្ឋានបទប្បញ្ញត្តិ ធនាគារជាតិនៃកម្ពុជា តំណាងដ៏ខ្ពង់ខ្ពស់ លោកជំទាវបណ្ឌិត ជា សិរី ទេសាភិបាល ធនាគារជាតិនៃកម្ពុជា។

ដំណើរការដំបូង​ក្នុង​ឆ្នាំ 2023 ដោយមាន​ការ​គាំទ្រ​​ពី​ធនាគារ​ជាតិ​នៃ​កម្ពុជា «វិថីហិរញ្ញវត្ថុ» ​ជាកម្មវិធី​អប់រំ​ចំណេះដឹងផ្នែក​ហិរញ្ញវត្ថុថ្នាក់ជាតិ  ដែល​ត្រូវ​បាន​បង្កើតឡើង​ដោយ សមាគម​ធនាគារ​នៅ​កម្ពុជា (ABC), សមាគម​មីក្រូហិរញ្ញវត្ថុ​កម្ពុជា (CMA), ក្រុមហ៊ុន​ ក្រេឌីត ប្យួរ៉ូ ខេមបូឌា (CBC), និង ក្រុមហ៊ុន​ អប្សរា មេឌា សឺវីស (AMS)។

យុទ្ធនាការនៃកម្មវិធី​នេះ​ប្រើប្រាស់​កិច្ច​ពិភាក្សា វីដេអូ​ខ្លីៗ ព្រឹត្តិការណ៍​សាធារណៈ និង​ការ​ផ្សព្វផ្សាយ​ទូលំទូលាយ​តាម​បណ្ដាញ​ប្រព័ន្ធ​ផ្សព្វផ្សាយ​បែប​ប្រពៃណី និង​ឌីជីថល ដើម្បី​ធ្វើឱ្យ​ចំណេះដឹង​ផ្នែក​ហិរញ្ញវត្ថុ​កាន់តែ​ងាយស្រួល​ដល់​មនុស្ស​គ្រប់រូប។ កម្មវិធីនេះ​ផ្តោត​សំខាន់​គឺ​ទៅលើជំនាញ​ជាក់ស្តែងដូចជា ការ​សន្សំ ការគ្រប់គ្រងនិង​រៀបចំ​ផែនការថវិកា ការ​ខ្ចីប្រាក់​ដោយឆ្លាតវៃ និង​ការ​គ្រប់គ្រង​បំណុល ក្នុងគោលបំណងជួយ​ដល់​យុវជន ម្ចាស់​អាជីវកម្ម និង​ក្រុមគ្រួសារ​ឱ្យ​ធ្វើការ​សម្រេចចិត្ត​ផ្នែក​ហិរញ្ញវត្ថុ​ប្រកបដោយ​ការ​យល់ដឹង និង​កសាង​អនាគត​ដ៏​រឹងមាំ។

ក្រៅពីឧបត្ថម្ភកម្មវិធី ធនាគារ ខេប៊ីប្រាសាក់ ក៏បានចូលរួមយ៉ាងសកម្មក្នុងការផលិតកម្មវិធីនេះ ដោយតំណាងរបស់​ធនាគារ​បាន​ចូលរួម​ក្នុងកិច្ច​ពិភាក្សា និង​ផ្តល់​បទ​សម្ភាសន៍​ដល់​ប្រព័ន្ធ​ផ្សព្វផ្សាយ អំពីសារៈសំខាន់​នៃ​ចំណេះដឹង​ហិរញ្ញវត្ថុ។

លោក ប៉ែន សុវណ្ណសុខស៊ីថា អនុប្រធាននាយកប្រតិបត្តិទទួលបន្ទុកផលិតផល ​របស់​ធនាគារ ខេប៊ី​ប្រាសាក់ មានប្រសាសន៍ថា៖ «ក្នុងនាម​ជា​ធនាគារ​ពាណិជ្ជ​ឈានមុខ​គេ​មួយ​នៅ​កម្ពុជា ធនាគារ ខេប៊ីប្រាសាក់ មាន​កិត្តិយស​ដែល​បាន​ចូលរួម​គាំទ្រ​កម្មវិធី វិថី​ហិរញ្ញវត្ថុ ​រដូវកាល​ទី 3។ យើង​ជឿជាក់​យ៉ាង​មុតមាំ​ថា ការ​លើកកម្ពស់​ចំណេះដឹង​ផ្នែក​ហិរញ្ញវត្ថុ​គឺពិតជាមានសាៈសំខាន់​សម្រាប់​ការ​កសាង​អនាគត​ហិរញ្ញវត្ថុ​ដ៏​រឹងមាំ និង​និរន្តរភាព​សម្រាប់​ប្រជាជន​កម្ពុជា​ទាំងអស់។ ការប្តេជ្ញាចិត្ត​របស់​យើង​​លើស​ពី​វិស័យ​ធនាគារ នោះគឺយើង​ជួយដល់ការរីកចម្រើនរបស់អតិថិជន គាំទ្រ​អាជីវកម្ម​ និង​រួមចំណែក​​ដល់​កំណើន​សេដ្ឋកិច្ច​ជាតិ»។

ធនាគារ ខេប៊ីប្រាសាក់ ឈានមុខគេក្នុងការជំរុញបរិយាបន្នហិរញ្ញវត្ថុតាមរយៈបណ្ដាញសាខារបស់ខ្លួនចំនួន 187 ទូទាំងប្រទេស និងដំណោះស្រាយហិរញ្ញវត្ថុដ៏សម្បូរបែប។ ធនាគារផ្តល់ប្រាក់កម្ចីតាមតម្រូវការសម្រាប់សហគ្រាសធុនមីក្រូ តូច និងមធ្យម ជាពិសេសជូនចំពោះអតិថិជនជាស្ត្រី ដែលមានចំនួន 80% នៃអតិជនកម្ចីសរុប ជាពិសេសនៅតាមតំបន់ជនបទ។ ដោយប្រើប្រាស់នវានុវត្តន៍ឌីជីថល ដូចជាកម្មវិធី KB PRASAC Mobile ធនាគារ ខេប៊ីប្រាសាក់ ផ្ដល់ជូនការបើកគណនីឌីជីថល ការផ្ទេរប្រាក់ដោយមិនអស់កម្រៃសេវា និងការប្រើប្រាស់សេវាហិរញ្ញវត្ថុបានដោយងាយស្រួល។

តាមរយៈការសហការភាពជាដៃគូ ការឧបត្ថម្ភ និងការផ្ដល់សេវាធនាគារប្រកបដោយភាពច្នៃប្រឌិត ធនាគារ ខេប៊ីប្រាសាក់ បន្តបេសកកម្មរបស់ខ្លួនយ៉ាងខ្ជាប់ខ្ជួនក្នុងការគាំទ្រដល់អតិថិជនជាបុគ្គល ជាអាជីវកម្ម និងកសាងប្រទេសកម្ពុជាមួយដែលរឹងមាំ និងមានភាពធន់ផ្នែកហិរញ្ញវត្ថុ។

ភ្នំពេញ៖ ដើម្បីចូលរួមលើកកម្ពស់ផលិតផលក្នុងស្រុក និងគាំទ្រដល់កំណើនសេដ្ឋកិច្ចរបស់ប្រទេសកម្ពុជា ធនាគារ ខេប៊ីប្រាសាក់ មានមោទនភាពដោយបានក្លាយជាអ្នកឧបត្ថម្ភ Gold Sponsor នៃពិព័រណ៍ផលិតផលខ្មែរ ឆ្នាំ 2025 ដែលរៀបចំដោយសហភាពសហព័ន្ធយុវជនកម្ពុជា( UYFC )។ ព្រឹត្តិការណ៍នេះប្រព្រឹត្តទៅចាប់ពីថ្ងៃទី 26 ដល់ថ្ងៃទី 28 ខែកញ្ញា ឆ្នាំ 2025 នៅមជ្ឈមណ្ឌលសន្និបាតនិងពិព័រណ៍ កោះពេជ្រ។

កម្មវិធីពិព័រណ៍នេះ ត្រូវបានរៀបចំឡើងក្រោមអធិបតីភាពឯកឧត្តម ហ៊ុន ម៉ានី ប្រធានសហភាពសហព័ន្ធយុវជនកម្ពុជា និងមានការចូលរួមពីភ្ញៀវកិត្តិយសជាច្រើនរូបទៀត។ ការតាំងពិព័រណ៍នេះ មានស្តង់និងបញ្ជរជាច្រើនរាប់រយ ដែលបានចូលរួមដាក់បង្ហាញផលិតផលខ្មែរចម្រុះច្រើនប្រភេទ ពីអាជីវកម្មជាលក្ខណៈគ្រួសារ សហគ្រាសធុនតូច និងមធ្យម និងសហគ្រាសធំៗ។

លោក ប៉ែន សុវណ្ណសុខស៊ីថា អនុប្រធាននាយកប្រតិបត្តិទទួលបន្ទុកផលិតផល នៃធនាគារ ខេប៊ីប្រាសាក់ បានមានប្រសាសន៍ថា «យើងមានសេចក្តីសោមនស្សរីករាយណាស់ដែលបានចូលរួមក្នុងការតាំងពិព័រណ៍ដ៏មានអត្ថន័យនេះ ដែលលើកកម្ពស់ផលិតផលខ្មែរ និងជួយដល់អាជីវកម្មក្នុងស្រុក។ ការគាំទ្រដល់គំនិតផ្តួចផ្តើមបែបនេះ មិនត្រឹមតែពង្រឹងសេដ្ឋកិច្ចជាតិរបស់យើងប៉ុណ្ណោះទេ ប៉ុន្តែថែមទាំងឆ្លុះបញ្ចាំងពីការប្តេជ្ញាចិត្តឥតឈប់ឈររបស់ធនាគារ ខេប៊ីប្រាសាក់ ក្នុងការជំរុញភាពជាសហគ្រិន និងរួមចំណែកដល់ការអភិវឌ្ឍប្រទេសកម្ពុជាប្រកបដោយចីរភាព»។

តាមរយៈការឧបត្ថម្ភពិព័រណ៍ផលិតផលខ្មែរឆ្នាំ 2025 ធនាគារ ខេប៊ីប្រាសាក់ គូសបញ្ជាក់ពីតួនាទីរបស់ខ្លួនជាពលរដ្ឋសាជីវកម្មដែលមានទំនួលខុសត្រូវ ជំរុញយ៉ាងសកម្មនូវពាណិជ្ជកម្មក្នុងស្រុក និងលើកកម្ពស់បរិយាបន្នហិរញ្ញវត្ថុ ទន្ទឹមនឹងការបន្តផ្តល់ដំណោះស្រាយហិរញ្ញវត្ថុប្រកបដោយនវានុវត្តន៍សម្រាប់អតិថិជនជាបុគ្គល សហគ្រាសធុនតូច និងមធ្យម និងអាជីវកម្មនានាទូទាំងប្រទេស។

សេអ៊ូល៖ ធនាគារ KB Kookmin ដែលជាក្រុមហ៊ុនមេរបស់ ធនាគារ ខេប៊ីប្រាសាក់ បានប្រកាសកាលពីពេលថ្មីៗនេះថា កុមារកម្ពុជាចំនួនប្រាំនាក់ដែលមានជំងឺបេះដូងពីកំណើតត្រូវបានអញ្ជើញទៅកាន់ប្រទេសកូរ៉េខាងត្បូង ហើយបានផ្តល់ការវះកាត់ដោយឥតគិតថ្លៃ និងជំនួយផ្នែកវេជ្ជសាស្ត្រនៅមន្ទីរពេទ្យ Bucheon Sejong ព្រមទាំងផ្តល់លើការចំណាយលើមធ្យោបាយធ្វើដំណើរ និងកន្លែងស្នាក់នៅពីភ្នំពេញទៅកាន់ទីក្រុងសេអ៊ូល និងត្រឡប់មកវិញ។

គម្រោង​គាំពារ​កុមារ​ដែលមាន​ជំងឺ​បេះដូង​កម្ពុជា គឺជា​គម្រោង​រួមគ្នា​រវាង the Financial Supervisory Service, the Salvation Army Korea និង ​ធនាគារ KB Kookmin ។ គម្រោងនេះមានគោលបំណងជួយកុមារក្រីក្រកម្ពុជាឱ្យមានក្តីសង្ឃឹមថ្មី និងសុភមង្គលក្នុងជីវិតរបស់ពួកគាត់ និងក្រុមគ្រួសារ ។ ចាប់តាំងពីឆ្នាំ 2012 មក ធនាគារ KB Kookmin បានផ្តល់ជីវិតថ្មីដល់កុមារចំនួន 107 នាក់នៅក្នុងប្រទេសកម្ពុជា ដោយត្រូវចំណាយថវិកាប្រមាណជា 1,160 លានវ៉ុន (ឬសមមូលនឹង 82.20 ម៉ឺនដុល្លារអាមេរិក)។

ព្រឹត្តិការណ៍ទស្សនកិច្ចដែលបានធ្វើឡើងនៅមន្ទីរពេទ្យ Bucheon Sejong ត្រូវបានចូលរួមដោយ លោក Lee Hwan Ju ប្រធាននាយកប្រតិបត្តិ KB Kookmin Bank; លោក Lee Se-hoon, អនុប្រធានជាន់ខ្ពស់នៃសេវាត្រួតពិនិត្យហិរញ្ញវត្ថុ; លោក Lee Myung-mook ប្រធានមន្ទីរពេទ្យ Bucheon Sejong; លោកស្រី Jeong Hyeon ប្រធាននាយកដ្ឋានវេជ្ជសាស្ត្រកុមារ និងវ័យជំទង់នៅមន្ទីរពេទ្យ Bucheon Sejong; លោក Han Se-jong អគ្គលេខាធិការនៃ Salvation Army Korea និងលោក Namadi Joel Jin ដែលជាអត្តពលិកដែលឧបត្ថម្ភដោយ KB Financial Group ។

មន្ត្រីធនាគារ KB Kookmin បានលើកឡើងថា “វាជារឿងរីករាយរបស់យើងខ្ញុំក្នុងការចូលរួមជាផ្នែកមួយនៃការជួយកុមារនៅ កម្ពុជា ដើម្បីទប់ទល់នឹងជំងឺបេះដូង និងទទួលបានជីវិតថ្មីតាមរយៈការវះកាត់នៅទីនេះ” ។ “យើងបន្តគម្រោងសប្បុរសធម៌បែបនេះ ដើម្បីធ្វើឱ្យសុបិនរបស់កុមារទាំងនោះក្លាយជាការពិត និងមានសុខភាពល្អ”។

សូមជម្រាបជូនផងដែរថា KB Kookmin​ Bank គឺជាធនាគារឈានមុខគេរបស់ប្រទេសកូរ៉េ , ជាសមាជិកនៃក្រុមហិរញ្ញវត្ថុដ៏ធំបំផុតគឺ KB Financial Group, ដែលមានមូលដ្ឋានអតិថិជន និងបណ្តាញសាខាធំជាងគេនៅក្នុងប្រទេសកូរ៉េខាងត្បូង។ ធនាគារ ក៏កំពុងឈានមុខគេក្នុងយុគសម័យហិរញ្ញវត្ថុឌីជីថល ដោយផ្តល់នូវផលិតផល និងសេវាកម្មហិរញ្ញវត្ថុដែលមានលក្ខណៈខុសប្លែកពីគូរប្រជែង ដែលត្រូវបានបង្កើតឡើងដោយចំណេះដឹងហិរញ្ញវត្ថុប្រកបដោយភាពច្នៃប្រឌិតរបស់ខ្លួន។ ស្វែងយល់បន្ថែមតាមរយៈ www.kbfg.com

ភ្នំពេញ៖ ធនាគារ ខេប៊ីប្រាសាក់ មានមោទនភាពដែលបានចូលរួមក្នុងកម្មវិធី «នវានុវត្តន៍បរិយាបន្នហិរញ្ញវត្ថុ 2025» (Finclusion Innovate 2025) ក្នុងនាមជាអ្នកឧបត្ថម្ភ Diamond Sponsor ដោយបញ្ជាក់ពីការប្តេជ្ញាចិត្តយ៉ាងមុតមាំរបស់ខ្លួនក្នុងការជំរុញបរិយាបន្នហិរញ្ញវត្ថុនៅកម្ពុជា។ ព្រឹត្តិការណ៍នេះ ដែលប្រារព្ធឡើងពីថ្ងៃទី 29 ដល់ថ្ងៃទី 30 ខែសីហា ឆ្នាំ 2025 នៅវិទ្យាស្ថានសិក្សាបច្ចេកទេសធនាគារ ត្រូវបានសហការរៀបចំដោយធនាគារជាតិនៃកម្ពុជា (NBC) និងក្រុមហ៊ុន ក្រេឌីត ប្យួរ៉ូ ខេមបូឌា (CBC)។

កម្មវិធីនវានុវត្តន៍បរិយាបន្នហិរញ្ញវត្ថុ គឺជាកម្មវិធីប្រកួតប្រជែងតស៊ូមតិប្រកបដោយភាពច្នៃប្រឌិតរបស់យុវជន ដែលផ្តល់ឱកាសដល់និស្សិតសាកលវិទ្យាល័យនានា បង្កើតជាដំណោះស្រាយដោយភាពច្នៃប្រឌិត និងដោយប្រើប្រាស់បច្ចេកវិទ្យា ដើម្បីដោះស្រាយបញ្ហាប្រឈមផ្នែកបរិយាបន្នហិរញ្ញវត្ថុក្នុងជីវិតជាក់ស្ដែង។ នៅឆ្នាំនេះ ក្រុមនិស្សិតឆ្នើមចំនួន 14 ក្រុម មកពីទូទាំងរាជធានីភ្នំពេញបានបង្ហាញគំនិតដ៏ក្លាហាននិងមានឥទ្ធិពលរបស់ពួកគេនៅថ្ងៃប្រកួត។

ក្រៅពីការឧបត្ថម្ភនេះ ធនាគារ ខេប៊ីប្រាសាក់ ក៏បានដើរតួនាទីយ៉ាងសកម្មនៅក្នុងព្រឹត្តិការណ៍នេះ ដោយមានតំណាងរបស់ធនាគារបានចូលរួមជាគណៈកម្មការដើម្បីវាយតម្លៃសំណើដ៏ច្នៃប្រឌិតរបស់ក្រុមនិស្សិតផងដែរ។ កម្មវិធីប្រកួតប្រជែងនេះក៏បានទទួលការចូលរួមរបស់ឯកឧត្ដម យឹម លាត ទេសាភិបាលរងធនាគារជាតិនៃកម្ពុជា ដោយបានអញ្ជើញជាអធិបតីក្នុងពិធីបិទ និងប្រគល់រង្វាន់ដល់ក្រុមនិស្សិតដែលទទួលបានជ័យលាភី។

លោក ប៉ែន សុវណ្ណសុខស៊ីថា អនុប្រធាននាយកប្រតិបត្តិទទួលបន្ទុកផលិតផល នៃធនាគារ ខេប៊ីប្រាសាក់ បានមានប្រសាសន៍ថា «កម្មវិធីនវានុវត្តន៍បរិយាបន្នហិរញ្ញវត្ថុ បង្ហាញពីថាមពលដ៏ក្លៀវក្លារបស់យុវជន ភាពច្នៃប្រឌិត និងបច្ចេកវិទ្យា ក្នុងការរៀបចំអនាគតនៃហិរញ្ញវត្ថុប្រកបដោយបរិយាបន្ន។ ធនាគារ ខេប៊ីប្រាសាក់ មានមោទនភាពក្នុងការគាំទ្រដល់គំនិតផ្តួចផ្តើមទាំងឡាយ ដែលមិនត្រឹមតែបំផុសឱ្យមាននវានុវត្តន៍ប៉ុណ្ណោះទេ ប៉ុន្តែថែមទាំងនាំមកនូវឥទ្ធិពលពិតប្រាកដដល់ប្រព័ន្ធអេកូឡូស៊ីផ្នែកហិរញ្ញវត្ថុរបស់ប្រទេសកម្ពុជាផងដែរ»។

ក្នុងនាមជាធនាគារពាណិជ្ជឈានមុខគេមួយរបស់ប្រទេសកម្ពុជា ធនាគារ ខេប៊ីប្រាសាក់ ឈានមុខគេក្នុងការជំរុញបរិយាបន្នហិរញ្ញវត្ថុតាមរយៈបណ្ដាញសាខារបស់ខ្លួនចំនួន 187 ទូទាំងប្រទេស និងដំណោះស្រាយហិរញ្ញវត្ថុដ៏សម្បូរបែប។ ធនាគារផ្តល់ប្រាក់កម្ចីតាមតម្រូវការសម្រាប់សហគ្រាសធុនមីក្រូ តូច និងមធ្យម ជាពិសេសជូនចំពោះអតិថិជនជាស្ត្រី ដែលមានចំនួន 80% នៃអតិជនកម្ចីសរុប ជាពិសេសនៅតាមតំបន់ជនបទ។ ដោយប្រើប្រាស់នវានុវត្តន៍ឌីជីថល ដូចជាកម្មវិធី KB PRASAC Mobile ធនាគារ ខេប៊ីប្រាសាក់ ផ្ដល់ជូនការបើកគណនីឌីជីថល ការផ្ទេរប្រាក់ដោយមិនអស់កម្រៃសេវា និងការប្រើប្រាស់សេវាហិរញ្ញវត្ថុបានដោយងាយស្រួល។

បន្ថែមពីលើនេះ ធនាគារ ខេប៊ីប្រាសាក់ បានជំរុញយ៉ាងសកម្មនូវការប្រើប្រាស់ប្រាក់រៀល ដែលជារូបិយវត្ថុជាតិ ដើម្បីពង្រឹងសេដ្ឋកិច្ចរបស់កម្ពុជា។ ខេប៊ីប្រាសាក់ បានគាំទ្រកម្មវិធីប្តូរប្រាក់ចាស់ ទក់ រហែករបស់ធនាគារជាតិនៃកម្ពុជា និងការផ្តល់កម្ចីជាប្រាក់រៀល។ ធនាគារ ក៏បានសហការ និងគាំទ្រដល់គំនិតផ្តួចផ្តើមផ្នែកចំណេះដឹង និងបរិយាបន្នហិរញ្ញវត្ថុជាច្រើន រួមមានកម្មវិធីទិវាសុវត្ថិភាពតាមអ៊ីនធឺណិតជាមួយសមាគមធនាគារនៅកម្ពុជា ទិវាសន្សំអាស៊ាន និងគម្រោង “សុវត្ថិភាពហិរញ្ញវត្ថុ”  ដែលបានចែកចាយសៀវភៅសិក្សាផ្នែកចំណេះដឹងហិរញ្ញវត្ថុនៅទូទាំងប្រទេស។ ធនាគារ ខេប៊ីប្រាសាក់ ក៏បានឧបត្ថម្ភថវិកាដល់ធនាគារជាតិនៃកម្ពុជា សម្រាប់ការបោះពុម្ពផ្សាយសៀវភៅចំណេះដឹងហិរញ្ញវត្ថុ «តស់! និយាយពីលុយ» ផងដែរ។

តាមរយៈការសហការភាពជាដៃគូ ការឧបត្ថម្ភ និងការផ្ដល់សេវាធនាគារប្រកបដោយភាពច្នៃប្រឌិត ធនាគារ ខេប៊ីប្រាសាក់ បន្តបេសកកម្មរបស់ខ្លួនយ៉ាងខ្ជាប់ខ្ជួនក្នុងការគាំទ្រដល់អតិថិជនជាបុគ្គល ជាអាជីវកម្ម និងកសាងប្រទេសកម្ពុជាមួយដែលរឹងមាំ និងប្រកបដោយបរិយាបន្នហិរញ្ញវត្ថុ។

កំពង់ធំ-សៀមរាប ថ្ងៃទី 8-9-10 ខែសីហា ឆ្នាំ 2025 ៖ ថ្នាក់ដឹកនាំធនាគារខេប៊ីប្រាសាក់ បានអមដំណើរលោកជំទាវបណ្ឌិត ជា សិរី អគ្គទេសាភិបាលធនាគារជាតិនៃកម្ពុជា រួមជាមួយតំណាងសមាគមធនាគារនៅកម្ពុជា និងគ្រឹះស្ថានមីក្រូហិរញ្ញវត្ថុកម្ពុជាជាច្រើនរូប ចុះសួរសុខទុក្ខ និងនាំយកថវិកា អំណោយជាអង្ករ និងគ្រឿងឧបភោគបរិភោគជូនគ្រួសារយោធិនពលីដែលមានលំនៅដ្ឋាននៅខេត្តកំពង់ធំ និងខេត្តសៀមរាប។

លោកជំទាវបណ្ឌិត និងថ្នាក់ដឹកនាំ ក៏បានអញ្ជើញចុះសួរសុខទុក្ខ និងនាំយកអំណោយដ៏ថ្លៃថ្លារបស់ សម្តេចមហាបវរធិបតី ហ៊ុន ម៉ាណែត នាយករដ្ឋមន្ត្រី នៃព្រះរាជាណាចក្រកម្ពុជា និង លោកជំទាវបណ្ឌិត ពេជ ចន្ទមុន្នី ហ៊ុន ម៉ាណែត ជូនយោធិនដែលកំពុងសម្រាកព្យាបាលនៅមន្ទីរពេទ្យបង្អែកខេត្តសៀមរាប និងមន្ទីរពេទ្យយោធភូមិភាគទី៤ នៅខេត្តសៀមរាបផងដែរ។

សូមជម្រាបជូនផងដែរថា កាលពីពេលថ្មីៗនេះ ប្រធានក្រុមប្រឹក្សាភិបាល និងថ្នាក់ដឹកនាំ នៃធនាគារខេប៊ីប្រាសាក់ ចុះសួរសុខទុក្ខជនភៀសសឹក និងជួបសំណេះសំណាលជាមួយបុគ្គលិកនៅសាខាតាមបណ្ដោយព្រំដែនកម្ពុជា-ថៃ។ មិនតែប៉ុណ្ណោះ ធនាគារ ខេប៊ីប្រាសាក់ បានចូលរួមបរិច្ចាគជូនរាជរដ្ឋាភិបាលកម្ពុជានូវទឹកប្រាក់ចំនួន 500,000 ដុល្លារអាមេរិក ក្នុងគោលបំណងចូលរួមជួយដល់ជនភៀសសឹក និងស្តារនិងអភិវឌ្ឍតំបន់ព្រំដែនឡើងវិញ។

ខេប៊ីប្រាសាក់ ក៏បាននិងកំពុងអនុវត្តតាមសេចក្តីណែនាំរបស់ធនាគារជាតិនៃកម្ពុជាដោយសម្រាលបន្ទុកដល់គ្រួសារយោធិន តាមរយៈការលុបចោលបំណុលទាំងស្រុងជូនអតិថិជន និងអ្នករួមខ្ចី ជាយោធិនពលី និងសម្រួលការទូទាត់សងដល់យោធិនដែលរងរបួស ជនភៀសសឹក ការផ្តល់អាហារូបករណ៍ 100% សម្រាប់ថ្នាក់បរិញ្ញាបត្ររយៈពេល 4 ឆ្នាំជូនដល់កូនៗរបស់វីរជនពលីជីវិតដែលជាអតិថិជន ឬ អ្នករួមខ្ចី របស់ខេប៊ីប្រាសាក់ និងការផ្តល់ឱកាសការងារជូនដល់កូនៗយោធិនទៀតផង។

ក្រៅពីនេះ ថ្នាក់ដឹកនាំ និងបុគ្គលិកនៃ ធនាគារ ខេប៊ីប្រាសាក់ បាននាំយកអង្ករដែលជាអំណោយរបស់មូលនិធិបុគ្គលិកធនាគារខេប៊ីប្រាសាក់ ប្រគល់ជូនរដ្ឋបាលខេត្តចំនួន៧ ដែលស្ថិតនៅតាមបណ្ដោយព្រំដែនកម្ពុជា-ថៃ ដើម្បីឧបត្ថមគាំទ្រដល់ប្រជាជនដែលបានជម្លៀសពីតំបន់សមរភូមិ និងចូលរួមគោរពវិញ្ញាណក្ខន្ធវីរជនពលី និងឧបត្ថម្ភថវិកាផងដែរ។

បន្ទាយមានជ័យ៖ ប្រធានក្រុមប្រឹក្សាភិបាលនៃ ធនាគារ ខេប៊ីប្រាសាក់ ម.ក លោក Nam-Che KANG ដែលបានអញ្ជើញមកពីប្រទេសកូរ៉េ បានបំពេញទស្សនកិច្ចដោយផ្ទាល់នៅ ធនាគារ ខេប៊ីប្រាសាក់​សាខាប៉ោយប៉ែត និងសាខាដទៃទៀតដែលស្ថិតនៅតាមបណ្តោយព្រំដែនកម្ពុជា-ថៃ នៅថ្ងៃទី 7 ខែសីហា ឆ្នាំ 2025 ដើម្បីជួបនិងថ្លែងអំណរគុណជូនចំពោះបុគ្គលិកសាខា ដែលបានខិតខំប្រឹងប្រែងបំពេញការងារ ប្រកបដោយភាពអត់ធន់ និងស្មារតីទទួលខុសត្រូវខ្ពស់។ ទោះបីជាមានការប៉ះទង្គិចតាមព្រំដែននាពេលថ្មីៗនេះ សាខាប៉ោយប៉ែតនៅតែបន្តប្រតិបត្តិការរបស់ខ្លួន ដើម្បីបម្រើសេវាហិរញ្ញវត្ថុជូនអតិថិជន និងសាធារណជនដែលបាននិងកំពុងស្ថិតក្រោមស្ថានភាពដ៏លំបាក។ ដំណើរទស្សនកិច្ចនេះ សបង្ហាញពីការយកចិត្តទុកដាក់អំពីសុខទុក្ខ សុខសុវត្ថិភាព និងសុខុមាលភាពរបស់បុគ្គលិក ដែលនៅតែជាអាទិភាពខ្ពស់បំផុតរបស់ធនាគារ ខេប៊ីប្រាសាក់ និងការគិតគូររបស់ក្រុមប្រឹក្សាភិបាល ក៏ដូចជាថ្នាក់ដឹកនាំធនាគារផងដែរ។

បន្ទាប់ពីដំណើរសាកសួរសុខទុក្ខបុគ្គលិកនៅតាមសាខាមួយចំនួនរួចហើយ ក្រុមប្រឹក្សាភិបាល និងថ្នាក់ដឹកនាំ ធនាគារ ខេប៊ីប្រាសាក់ បានធ្វើដំណើរទៅកាន់ជំរុំជនភៀសសឹកក្នុងស្រុកអូរជ្រៅ ដើម្បីផ្ដល់អំណោយដល់អាជ្ញាធរដែនដី និងក្រុមគ្រួសារដែលផ្លាស់ទីលំនៅ។ នៅក្នុងការជួបសម្តែងការគួរសម និងចូលរួមជាមួយអាជ្ញាធរ និងតំណាងប្រជាជនជាជនភៀសសឹក លោកប្រធានក្រុមប្រឹក្សាភិបាលបានលើកឡើងពីការប្តេជ្ញាចិត្តយូរអង្វែងរបស់ធនាគារ ខេប៊ីប្រាសាក់ ក្នុងការគាំទ្រប្រជាជនកម្ពុជា ពិសេសអតិថិជន ធនាគារ ខេប៊ីប្រាសាក់ក្នុងគ្រាមាន វិបត្តិភ័យនានា។ លោកសង្ឃឹមថា ការរួមចំណែកទាំងនេះ អាចជួយសម្រាលបន្ទុក និងគាំទ្រដល់ប្រជាជនក្នុងជំរុំជនភៀសសឹកជាបណ្តោះអាសន្ន ហើយធនាគារ ខេប៊ីប្រាសាក់ បន្តប្តេជ្ញាថានឹងជួយប្រជាជន និងអតិថិជនឱ្យទទួលបានភាពរីកចម្រើនឡើងវិញ តាមរយៈកម្មវិធីផ្ដល់ជំនួយទាំងផ្នែកហិរញ្ញវត្ថុ និងមិនមែនហិរញ្ញវត្ថុ។

ធនាគារ ខេប៊ីប្រាសាក់ ប្រកាន់ខ្ជាប់នូវគុណតម្លៃ «រីកចម្រើនជាមួយសហគមន៍ និងជាអ្នកដំបូងគេក្នុងការជួយសហគមន៍វិញក្នុងគ្រាដែលអតិថិជននិងសហគមន៍ត្រូវការបំផុត» ដោយមានសហការសាមគ្គីជាមួយថ្នាក់គ្រប់គ្រង បុគ្គលិកធនាគារខេប៊ីប្រាសាក់ និងសហគមន៍ នៅក្នុងគ្រាមានអាសន្ន។

សូមជម្រាបជូនផងដែរថា ធនាគារ ខេប៊ីប្រាសាក់ បានចូលរួមបរិច្ចាគជូនរាជរដ្ឋាភិបាលកម្ពុជានូវទឹកប្រាក់ចំនួន 500,000 ដុល្លារអាមេរិក ក្នុងគោលបំណងចូលរួមជួយដល់ជនភៀសសឹក និងស្តារនិងអភិវឌ្ឍតំបន់ព្រំដែនឡើងវិញ។ ខេប៊ីប្រាសាក់ ក៏បាននិងកំពុងអនុវត្តតាមសេចក្តីណែនាំរបស់ធនាគារជាតិនៃកម្ពុជាដោយសម្រាលបន្ទុកដល់គ្រួសារយោធិន តាមរយៈការលុបចោលបំណុលទាំងស្រុងជូនអតិថិជន និងអ្នករួមខ្ចី ជាយោធិនពលី និងសម្រួលការទូទាត់សងដល់យោធិនដែលរងរបួស ជនភៀសសឹក ការផ្តល់អាហារូបករណ៍ 100% សម្រាប់ថ្នាក់បរិញ្ញាបត្ររយៈពេល 4 ឆ្នាំជូនដល់កូនៗរបស់វីរជនពលីជីវិតដែលជាអតិថិជន ឬ អ្នករួមខ្ចី របស់ខេប៊ីប្រាសាក់ និងការផ្តល់ឱកាសការងារជូនដល់កូនៗយោធិនទៀតផង។ ក្រៅពីនេះ ថ្នាក់ដឹកនាំ និងបុគ្គលិកនៃ ធនាគារ ខេប៊ីប្រាសាក់ បាននាំយកអង្ករដែលជាអំណោយរបស់មូលនិធិបុគ្គលិកធនាគារខេប៊ីប្រាសាក់ ប្រគល់ជូនរដ្ឋបាលខេត្តចំនួន៧ ដែលស្ថិតនៅតាមបណ្ដោយព្រំដែនកម្ពុជា-ថៃ ដើម្បីឧបត្ថមគាំទ្រដល់ប្រជាជនដែលបានជម្លៀសពីតំបន់សមរភូមិ និងចូលរួមគោរពវិញ្ញាណក្ខន្ធវីរជនពលី និងឧបត្ថម្ភថវិកាផងដែរ។

ធនាគារ ខេប៊ីប្រាសាក់ ម.ក បានឧបត្ថម្ភថវិកាចំនួន 500,000 ដុល្លារអាមេរិក ជូនរាជរដ្ឋាភិបាលកម្ពុជាតាមរយៈមូលនិធិតេជោការពារព្រំដែន ដើម្បីជួយដល់ជនភៀសសឹក និងចូលរួមការស្តារនិងអភិវឌ្ឍតំបន់ព្រំដែនឡើងវិញក្រោយបទឈប់បាញ់នៃជម្លោះព្រំដែនកម្ពុជា-ថៃ។

ស្ថិតក្នុងជំនួបខ្លីនាព្រឹកថ្ងៃទី 4 ខែសីហា ឆ្នាំ 2025 នេះ លោក អ៊ុំ សមអឿន ប្រធាននាយកប្រតិបត្តិ ធនាគារ ខេប៊ីប្រាសាក់ បានប្រគល់ថវិកានេះដោយផ្ទាល់ជូនឯកឧត្ដម គីម ប៊ុនថាន រដ្ឋមន្ត្រីប្រតិភូអមនាយក​រដ្ឋមន្ត្រី នៅខុទ្ទកាល័យ សម្តេចមហាបវរធិបតីនាយករដ្ឋមន្ត្រី។

ជាការតបស្នង ឯកឧត្ដម គីម ប៊ុនថាន បានពាំនាំនូវការផ្តាំផ្ញើ និងថ្លែងអំណរគុណយ៉ាងជ្រាលពីសម្តេចតេជោ សម្តេចមហាបវរធិបតីនាយករដ្ឋមន្ត្រី និងពលរដ្ឋកម្ពុជា ដែល ធនាគារ ខេប៊ីប្រាសាក់ បានចូលរួមក្នុងស្មារតីមនុស្សធម៌ និងបន្តចូលរួមអភិវឌ្ឍប្រទេសកម្ពុជា។

ក្រៅពីការឧបត្ថម្ភខាងលើនេះ ធនាគារ ខេប៊ីប្រាសាក់ បាននិងកំពុងជួយសម្រាលបន្ទុកដល់គ្រួសារយោធិន ក៏បានលុបចោលបំណុលទាំងស្រុងជូនអតិថិជន និងអ្នករួមខ្ចី ជាយោធិនពលី ដែលបានបំពេញប្រតិបត្តិការក្នុងសមរភូមិការពារបូរណភាពទឹកដីកម្ពុជា។

ធនាគារ ខេប៊ីប្រាសាក់ ក៏នឹងផ្តល់អាហារូបករណ៍ 100% សម្រាប់ថ្នាក់បរិញ្ញាបត្ររយៈពេល 4 ឆ្នាំជូនដល់កូនៗរបស់វីរជនពលីជីវិតដែលជាអតិថិជន ឬ អ្នករួមខ្ចី របស់ខេប៊ីប្រាសាក់ ចាប់ពីឆ្នាំសិក្សា 2025 ដល់ឆ្នាំ 2030។ មិនតែប៉ុណ្ណោះ ខេប៊ីប្រាសាក់ ក៏នឹងផ្តល់ឱកាសការងារជូនដល់កូនៗរបស់វីរជនពលីជីវិតក្នុងសង្គ្រាមព្រំដែនកម្ពុជា-ថៃ ទៅតាមជំនាញ និងសមត្ថភាពរបស់ពួកគាត់ផងដែរ។

 គួរបញ្ជាក់ផងដែរ ថ្នាក់ដឹកនាំ និងបុគ្គលិកនៃ ធនាគារ ខេប៊ីប្រាសាក់ បាននាំយកអង្ករ ដែលជាអំណោយរបស់មូលនិធិបុគ្គលិកធនាគារខេប៊ីប្រាសាក់ ប្រគល់ជូនរដ្ឋបាលខេត្តនានាដែលស្ថិតនៅតាមបណ្ដោយព្រំដែនកម្ពុជា-ថៃ ដើម្បីឧបត្ថមគាំទ្រដល់ប្រជាជនដែលបានជម្លៀសពីតំបន់សមរភូមិ។ បន្ថែមពីលើនេះ ថ្នាក់ដឹកនាំ និងបុគ្គលិកនៃធនាគារ ខេប៊ីប្រាសាក់ ក៏បានចូលរួមគោរពវិញ្ញាណក្ខន្ធវីរជនពលី និងនាំយកថវិកាពីមូលនិធិបុគ្គលិកធនាគារ ខេប៊ីប្រាសាក់ ដើម្បីចូលរួមឧបត្ថម្ភដល់គ្រួសារវីរជនពលីផងដែរ។

ថ្នាក់ដឹកនាំ និងបុគ្គលិកនៃ ធនាគារ ខេប៊ីប្រាសាក់ បាននាំយកអង្ករ ដែលជាអំណោយរបស់មូលនិធិបុគ្គលិកធនាគារ ខេប៊ីប្រាសាក់ ប្រគល់ជូនរដ្ឋបាលខេត្តនានាដែលស្ថិតនៅតាមបណ្ដោយព្រំដែនកម្ពុជា-ថៃ ដូចជាខេត្តសៀមរាប បាត់ដំបង បន្ទាយមានជ័យ ប៉ៃលិន កោះកុង និងខេត្តព្រះវិហារ ដើម្បីឧបត្ថម្ភគាំទ្រដល់ប្រជាជនដែលបានជម្លៀសពីតំបន់សមរភូមិ។

បន្ថែមពីលើនេះ ថ្នាក់ដឹកនាំ និងបុគ្គលិកនៃធនាគារ ខេប៊ីប្រាសាក់ ក៏បានចូលរួមគោរពវិញ្ញាណក្ខន្ធវីរជនពលី និងនាំយកថវិកាពីមូលនិធិបុគ្គលិកធនាគារ ខេប៊ីប្រាសាក់ ដើម្បីចូលរួមឧបត្ថម្ភដល់គ្រួសារវីរជនពលីផងដែរ។

យើងខ្ញុំសូមបួងសួងសុំឱ្យវិញ្ញាណក្ខន្ធរបស់វីរជនពលីបានទៅកាន់សុគតិភពកុំបីឃ្លៀងឃ្លាតឡើយ។

ខេត្តកណ្តាល ថ្ងៃទី 9 ខែកក្កដា ឆ្នាំ 2025 ៖ ដើម្បីអបអរបុណ្យរុក្ខទិវា ធនាគារ ខេប៊ីប្រាសាក់ បានចូលរួមក្នុងព្រឹត្តិការណ៍ ដាំកូនឈើ នៅសាលាបឋមសិក្សាទួលគគីរ ក្នុងខេត្តកណ្តាល ដែលរៀបចំដោយសមាគមធនាគារនៅកម្ពុជា ក្រោមប្រធានបទ «ដាំដើមឈើមួយ គឺដាំជីវិតមួយ»។ ព្រឹត្តិការណ៍ដ៏មានអត្ថន័យនេះ មានការចូលរួមពីប្រជាពលរដ្ឋនៅក្នុងសហគមន៍ និងតំណាងរបស់ធនាគារនានា ដើម្បីលើកកម្ពស់បរិស្ថានសាលារៀន ដោយការដាំដើមឈើ ដែលរួមចំណែកដល់ការកសាងអនាគតប្រកបដោយនិរន្តរភាព។ គំនិតផ្តួចផ្តើមនេះ គូសបញ្ជាក់ពីការយកចិត្តទុកដាក់របស់ធនាគារ ខេប៊ីប្រាសាក់ ចំពោះថែរក្សាបរិស្ថាន និងការចូលរួមរបស់សហគមន៍នៅក្នុងប្រទេសកម្ពុជា។

ព្រឹត្តិការណ៍នេះ បង្ហាញពីកិច្ចខិតខំប្រឹងប្រែងសហការគ្នានៃវិស័យធនាគារកម្ពុជា ដើម្បីជំរុញឱ្យមានឥទ្ធិពលជាវិជ្ជមានដល់សង្គម និងបរិស្ថាន។ ធនាគារ ខេប៊ីប្រាសាក់ បន្តប្តេជ្ញាគាំទ្រគំនិតផ្តួចផ្តើមទាំងឡាយណាដែលលើកកម្ពស់ការអភិវឌ្ឍប្រកបដោយចីរភាព និងលើកកម្ពស់សុខុមាលភាពរបស់សហគមន៍នៅទូទាំងប្រទេស។ តាមរយៈកិច្ចខិតខំប្រឹងប្រែងបែបនេះ ធនាគារបន្តពង្រឹងតួនាទីរបស់ខ្លួនជាពលរដ្ឋសហគ្រាសដែលមានទំនួលខុសត្រូវ។

ធនាគារ ខេប៊ីប្រាសាក់ ម.ក គឺធនាគារពាណិជ្ជដែលប្រតិបត្តិតាមច្បាប់ និងបទប្បញ្ញត្តិនានា​នៃព្រះរាជណាចក្រកម្ពុជា និងអនុវត្តតាមក្រមប្រតិបត្តិសម្រាប់វិស័យធនាគារនិងហិរញ្ញវត្ថុ បទដ្ឋានកិច្ចការពារអតិថិជនទាំង៨ ព្រមទាំងបទដ្ឋានសកលសម្រាប់ការគ្រប់គ្រងលទ្ធផលសង្គមនិងបរិស្ថានជាលក្ខណៈអន្តរជាតិ។ ខេប៊ីប្រាសាក់តែងតែខិតខំ និងបន្តផ្តល់សេវាល្អឯកជូនអតិថិជនដោយមិនមានការរើសអើង និងមានតម្លាភាព។ ទាំងគោលនយោបាយ និងនីតិវិធីរបស់ធនាគារ ខេប៊ីប្រាសាក់ តម្រូវឱ្យគ្រប់បុគ្គលិកប្រតិបត្តិតាម​ក្រមសីលធម៌របស់ស្ថាប័ន និងច្បាប់កម្ពុជា និងរក្សាឱ្យបានថាគ្រប់អតិថិជននឹងទទួលបានផលប្រយោជន៍អតិបរមាតាមលទ្ធភាពដែលធនាគារអាចធ្វើទៅបាន។ ជាក់ស្តែង ក្រៅពីសកម្មភាពដាំកូនឈើ ធនាគារ ខេប៊ីប្រាសាក់តែងបានចូលរួមក្នុងសកម្មភាពមនុស្សធម៌ អនុវត្តគម្រោងបណ្ណាល័យដែលចូលរួមក្នុងការបណ្តុះវប្បធម៌អាននិងអភិវឌ្ឍធនធានមនុស្ស និងជួយដល់កុមារកម្ពុជាតាមការឧបត្ថម្ភដល់មន្ទីរពេទ្យនានា ដូចជាការវះកាត់ព្យាបាលបេះដូងជាដើម។ គ្រប់អតិថិជនត្រូវបានលើកទឹកចិត្តក្នុងការទាក់ទងមកកាន់ការិយាល័យបម្រើសេវាអតិថិជនរបស់ធនាគារ ខេប៊ីប្រាសាក់ តាមលេខទូរសព្ទទាន់ហេតុការណ៍ 086 999 911 ឬ 023 999 911 ប្រសិនបើអតិថិជនមានសំណើ បណ្តឹង ឬផ្តល់ព័ត៌មានត្រលប់មកកាន់ធនាគារ។

ភ្នំពេញ ថ្ងៃទី 10 ខែកក្កដា ឆ្នាំ 2025៖ ធនាគារ ខេប៊ីប្រាសាក់ មានសេចក្តី​សោមនស្ស​រីករាយ​ក្នុង​ការដាក់​ឱ្យ​ដំណើរការ​នូវ ប័ណ្ណនិម្មិត VISA ជាប័ណ្ណឥណពន្ធឌីជីថល ដែលអតិថិជនអាចបង្កើតបានភ្លាមៗតាមកម្មវិធី KB PRASAC Mobile ។ ប័ណ្ណនេះត្រូវបានបង្កើតឡើងដើម្បីផ្ដល់ភាពងាយស្រួល និងមានសុវត្ថិភាពខ្ពស់សម្រាប់ការទូទាត់ទំនិញនិងសេវាតាមអនឡាញ ដែលនាំមកនូវកម្រិតនៃភាពបត់បែនថ្មីដល់ការធ្វើប្រតិបត្តិការធនាគារប្រចាំថ្ងៃ។

ប័ណ្ណនិម្មិតមានលក្ខណៈជារូបភាពលើអេក្រង់ទូរស័ព្ទ ដែលមិនអាចកាន់ ឬ ប៉ះបាន ប៉ុន្តែមានលក្ខណៈសម្បត្តិដូចកាត VISA ផ្លាស្ទិកដែរ។ ប័ណ្ណនិម្មិត អាចប្រើប្រាស់បាននៅលើវេបសាយត៍ ឬ ផ្លាតហ្វមដែលទទួលយកកាត VISA ។ អតិថិជនប្រើប្រាស់ KB PRASAC Mobile អាចបង្កើតប័ណ្ណនិម្មិតបានរហូតដល់ 5 ប័ណ្ណ ដែលប័ណ្ណទាំងអស់ត្រូវបានភ្ជាប់ទៅគណនីប្រាក់ដុល្លារ និងអាចកំណត់ទំហំ និងចំនួនដងនៃការចំណាយប្រចាំថ្ងៃ បាននៅក្នុងកម្មវិធី KB PRASAC Mobile ។

ប័ណ្ណនិម្មិតនេះផ្ដល់ជូនអតិថិជនដោយមិនគិតកម្រៃសេវាលើការបង្កើត និងសេវាប្រចាំឆ្នាំ និង​មុខងារ​គ្រប់គ្រង​ដោយ​ខ្លួន​ឯង​ពេញ​លេញ។ លោកអ្នកអាចពិនិត្យតាមដានរាល់ប្រតិបត្តិការបានភ្លាមៗ បង្ខាំង ឬ ដោះបង្ខាំងប័ណ្ណ តាមតម្រូវការ និងកែប្រែទំហំកំណត់ប័ណ្ណបានគ្រប់ពេល។ មិនថាលោកអ្នកទិញទំនិញនិងសេវាតាមអនឡាញ គ្រប់គ្រងការជាវសេវា ឬ ស្វែងរកសុវត្ថិភាពបន្ថែមនៃការបង់ប្រាក់នោះទេ ប័ណ្ណនិម្មិតនេះផ្តល់ឱ្យអ្នកនូវការគ្រប់គ្រងប្រតិបត្តិការទាំងនេះ ដោយគ្រាន់តែចុចពីរបីប៉ក់ប៉ុណ្ណោះ។

ដើម្បីបង្កើតប័ណ្ណនិម្មិត លោកអ្នកគ្រាន់តែចូលទៅក្នុងកម្មវិធី KB PRASAC Mobile ចុចលើមុខងារ ប័ណ្ណ និងធ្វើតាមជំហានងាយៗ លោកអ្នកនឹងអាចបង្កើត និងប្រើប័ណ្ណនិម្មិតបានភ្លាមៗ។

មិនទាន់មានគណនី ខេប៊ីប្រាសាក់? ទាញយកកម្មវិធី KB PRASAC Mobile ពី App Store ឬ Play Store ឥឡូវនេះ រួចបើកគណនីឌីជីថល ដោយគ្រាន់តែមានលេខទូរស័ព្ទ និងអត្តសញ្ញាណប័ណ្ណសញ្ជាតិខ្មែរ។

អគារមត្តេយ្យសិក្សានៅសាលាបឋមសិក្សាសំបូរ ស្ថិតក្នុងភូមិសំបូរ ឃុំសំបូរ ស្រុកប្រាសាទសំបូរ ខេត្តកំពង់ធំ ត្រូវបានប្រារព្ធពិធីបញ្ចុះបឋមសិលាសាងសង់នារសៀលថ្ងៃទី 3 ខែកក្កដា ឆ្នាំ 2025 ដោយមានការអញ្ជីញជាអធិបតីដ៏ខ្ពង់ខ្ពស់របស់ ឯកឧត្តម យឹម លាត និង លោកជំទាវ សាយ សំអាត ទេសាភិបាលរង ធនាគារជាតិនៃកម្ពុជា។ អគារមត្តេយ្យនេះសាងសង់ឡើងក្រោមគំនិតផ្តួចផ្ដើមរបស់ធនាគារជាតិនៃកម្ពុជា ដោយទទួលបានការគាំទ្រថវិកាពីធនាគារ ខេប៊ីប្រាសាក់។

លោក អ៊ុំ សមអឿន ប្រធាននាយកប្រតិបត្តិ ធនាគារ ខេប៊ីប្រាសាក់ មានប្រសាសន៍ថា កន្លងមក ធនាគារ
ខេប៊ីប្រាសាក់ បានផ្តល់អគារបណ្ណាល័យនិងអគារសិក្សាចំនួន 48 ខ្នង ជូនសាលារៀននានាក្នុងខេត្តចំនួន 15 នៅក្នុងប្រទេសកម្ពុជា ព្រមទាំងបានបំពាក់សៀវភៅ និងសម្ភារៈសិក្សាស្របតាមស្តង់ដារក្រសួងអប់រំ យុវជន និងកីឡា។ លោកបន្ថែមថា មានតែការជួយវិស័យអប់រំទេដែលអាចជួយកូនចៅរបស់បងប្អូនប្រជាពលរដ្ឋគ្រប់ៗគ្នាទទួលបានចំណេះដឹងដែលជាតម្រូវការចាំបាច់សម្រាប់ទុកប្រកបរបរ ឬ រកចំណូលនាថ្ងៃអនាគត។

ឯកឧត្តម យឹម លាត បានថ្លែងថា ដូចបងប្អូនបានជ្រាបស្រាប់ហើយថា ធនាគារ ខេប៊ីប្រាសាក់ មិនទើបតែសាងសង់អគារនៅសាលាបឋមសិក្សាសំបូរនេះទេ គឺបានផ្ដល់អគារបណ្ណាល័យនិងអគារសិក្សាចំនួន 48 ខ្នង រួចមកហើយនៅតាមសាលាផ្សេងៗ ដើម្បីជួយឱ្យសិស្សានុសិស្សរបស់យើងឱ្យមានចំណេះដឹង និងអនាគតល្អ។ អគារមត្តេយ្យនៅសាលាបឋមសិក្សាសំបូរនឹងសាងសង់និងបំពាក់សម្ភារៈរួចរាល់នាពេលប៉ុន្មានខែខាងមុខនេះ។ ដូចនេះ ក្មួយៗត្រូវតែប្រើប្រាស់ និងជួយថែរក្សាសមិទ្ធផលនេះឱ្យប្រើប្រាស់បានយូរអង្វែង ហើយត្រូវខិតខំរៀនសូត្រដើម្បីមានសមត្ថភាពប្រកួតប្រជែងជាមួយសិស្សសាលាដទៃទៀត។

នាឱកាសនោះ ក៏មានការដាំដើមឈើពីគណៈអធិបតី និងភ្ញៀវកិត្តិយសដើម្បីលើកកម្ពស់សោភណភាព     បរិស្ថានបៃតងក្នុងសាលារៀនផងដែរ។

ធនាគារ​ ខេ​ប៊ី​ប្រា​សាក់​ ​ម​.​ក​ ​គឺជា​ធនាគារ​ពាណិជ្ជ​ថ្មី​មួយ​នៅ​ក្នុង​ប្រទេស​កម្ពុជា​ដែល​មាន​អាជ្ញា​ប​ណ្ណ​ពី​ ​ធនាគារ​ជាតិ​ ​នៃ​កម្ពុជា​។ គិតត្រឹម ខែធ្នូ ឆ្នាំ 2024 ​ខេ​ប៊ី​ប្រា​សាក់​ ​មានទ្រព្យ​សកម្ម​សរុប​ចំនួន​ 5.64 ​ប៊ី​លាន​ដុល្លារ​អាមេរិក​ ​សមតុល្យ​ប្រាក់​បញ្ញើ​សន្សំ​ 3.53 ​ប៊ី​លាន​ដុល្លារ​អាមេរិក អតិថិជនបញ្ញើសន្សំចំនួន 979 ពាន់នាក់ ​ ​ស​ម្ពៀ​ត​ឥណទាន​សរុប​ចំនួន​ 5.18 ​ប៊ី​លាន​ដុល្លារ​អាម​រិ​ក អតិថិជនឥណទាន 576 ពាន់នាក់​ ​ការិយាល័យ​សាខា​ចំនួន​ 188 ​និង​បុគ្គលិក​មាន​ចំនួន​ច្រើនជាង​ 10,000 ​នាក់​។

រាជធានីភ្នំពេញ, ថ្ងៃទី 10 ខែមិថុនា ឆ្នាំ 2025៖ ធនាគារ ខេប៊ីប្រាសាក់ ម.ក និងក្រុមហ៊ុន ហ្វតតេ អ៊ិនសួរឹនស៍ (ខេមបូឌា) បានរៀបចំកិច្ចប្រជុំផែនការយុទ្ធសាស្រ្តឆ្នាំ 2025 ក្រោមប្រធានបទ៖ “ឆ្នាំ 2025 កិច្ចសហការកាន់តែរឹងមាំ ឱកាសកាន់តែប្រសើរ” តាមរយៈគោលដៅចម្បងរួមគ្នា ដោយផ្តោតលើការផ្តល់សេវាកម្ម ឬ ផលិតផលដល់អតិថិជនកាន់តែសម្បូរបែប និងកាន់តែប្រសើរជាងមុន  តាមរយៈដំណោះស្រាយក្នុងការការពារហិរញ្ញវត្ថុដ៏ពេញលេញ ប្រកបទៅដោយភាពច្នៃប្រឌិត។

កិច្ចប្រជុំផែនការយុទ្ធសាស្រ្តនេះ ជាព្រឹត្តិការណ៍ដ៏ពិសេសរបស់ស្ថាប័នទាំងពីរ ត្រូវបានប្រារព្ធឡើងក្រោមវត្តមានរបស់ លោក យក់ ចំរើនឫទ្ធិ ប្រធានអគ្គនាយកប្រតិបត្តិ នៃក្រុមហ៊ុន ហ្វតតេ គ្រុប, លោក អ៊ុំ សមអឿន ប្រធាននាយកប្រតិបត្តិ ធនាគារ ខេប៊ីប្រាសាក់ ព្រមទាំងគណៈគ្រប់គ្រងជាន់ខ្ពស់នៃស្ថាប័នទាំងពីរ។

លោក យក់ ចំរើនឫទ្ធិ ប្រធានអគ្គនាយកប្រតិបត្តិ នៃក្រុមហ៊ុន ហ្វតតេ គ្រុប បានមានប្រសាសន៍ថា៖ «ក្រុមហ៊ុន ហ្វតតេ គឺជាក្រុមហ៊ុនធានារ៉ាប់រងក្នុងស្រុកដ៏ធំ និងមានវ័យចំណាស់ក្នុងចំណោមក្រុមហ៊ុនធានារ៉ាប់រងទូទៅដទៃទៀត បាននិងកំពុងឈានមុខគេលើទីផ្សារធានារ៉ាប់រងក្នុងប្រទេសកម្ពុជាអស់រយៈពេលជាង 26 ឆ្នាំ មកហើយ។ រីឯ ធនាគារ ខេប៊ីប្រាសាក់ វិញ ជាធនាគារដែលត្រូវបានចាត់ទុកជាធនាគារពាណិជ្ជឈានមុខគេមួយក្នុងចំណោមធនាគារធំៗទាំង 5 ក្នុងប្រទេសកម្ពុជា ដែលមានប្រវត្តិដ៏រុងរឿង កេរ្តិ៍ឈ្មោះល្បីល្បាញនៅក្នុងវិស័យធនាគារ។ នេះគឺជាមោទនភាពមួយរបស់ ហ្វតតេ ដែលបានចងចំណងរួមសហការអាជីវកម្មជាមួយនឹងធនាគារ ខេប៊ីប្រាសាក់»។

លោក យក់ ចំរើនឫទ្ធិ បន្ថែមយ៉ាងដូច្នេះថា៖ “កិច្ចសហការជាមួយធនាគារ ខេប៊ីប្រាសាក់ ជាកត្តារួមមួយចំណែកជំរុញឱ្យ ក្រុមហ៊ុន ហ្វតតេ ពង្រីកសក្តានុពលរបស់ខ្លួនក្នុងការផ្តល់សេវាកម្មធានារ៉ាប់រងដល់អតិថិជនកាន់តែច្រើន ដែលចូលរួមយ៉ាងសំខាន់ក្នុងការរក្សាស្ថិរភាពជាក្រុមហ៊ុនឈានមុខគេ និងរក្សាបានចំណែកទីផ្សារធំជាងគេ ជាអាទិ៍ក្នុងឆ្នាំ 2024 ក្រុមហ៊ុន ហ្វតតេ មានចំណែកទីផ្សាររហូតដល់ចំនួន 43% ។ កិច្ចសហការជាមួយគ្នា ការបង្កើតនូវផលិតផលប្រកបដោយភាពច្នៃប្រឌិត មានភាពបត់បែនទៅតាមតម្រូវការអតិថិជន តែងតែធ្វើឡើងជាប្រចាំ រួមគ្នា ជាក់ស្តែង នៅក្នុងកិច្ចប្រជុំនាថ្ងៃនេះ វេលានេះ ក្រុមហ៊ុនទំាងពីរបានជួបជុំគ្នា ជជែកគ្នាពីយុទ្ធសាស្រ្តក្នុងការផ្តល់ជូននូវដំណោះស្រាយ ក៏ដូចជាការការពារហិរញ្ញវត្ថុដល់អតិថិជនយើង ថែមទំាងចូលរួមចំណែកដល់កំណើនសេដ្ឋកិច្ចរបស់សហគមន៍ និងសង្គមជាតិផងដែរ”។

លោក អ៊ុំ សមអឿន ប្រធាននាយកប្រតិបត្តិ ធនាគារ ខេប៊ីប្រាសាក់ បានបង្ហាញពីចំណាប់អារម្មណ៍យ៉ាងដូច្នេះថា៖ «ទាំងក្រុមហ៊ុន ហ្វតតេ និងធនាគារ ខេប៊ីប្រាសាក់ យើងមានគោលដៅរួមគ្នាយ៉ាងច្បាស់ និងដ៏ចម្បង គឺការយកអតិថិជនជាធំ តាមរយៈការផ្តល់ជូនពួកគាត់ និងក្រុមគ្រួសារនូវការការពារហិរញ្ញវត្ថុដ៏សមស្រប និងពេញលេញមួយនៅគ្រប់កាលៈទេសៈ។ ក្រៅអំពីសេវាធនាគារ គឺអតិថិជនអាចមានជម្រើសដ៏សម្បូរបែបផ្នែកសេវាធានារ៉ាប់រង ដែលនឹងជួយគាត់ និងក្រុមគ្រួសារនៅពេលដែលពួកគាត់ត្រូវការបំផុត មិនថាទៅលើសុខភាព ទ្រព្យសម្បត្តិ ឬក៏វត្ថុមានតម្លៃដូចជា យានយន្ត គេហដ្ឋាន ឬអាជីវកម្មរបស់គាត់ និងក្រុមគ្រួសារនោះទេ។ ដូចដែលយើងគ្រប់គ្នាដឹង និងបានឃើញស្រាប់ ហានិភ័យអាចនឹងកើតមានឡើងគ្រប់ពេលវេលា គ្រប់ទីកន្លែង។ ដូច្នេះការដើរលើវិថីរួមគ្នាតែមួយ ចូលរួមជាមួយគ្នាជាយុទ្ធសាស្ត្រថ្ងៃនេះ បានផ្តល់ជាឱកាស និងសំណាញ់សុវត្ថិភាព ក៏ដូចជាជម្រើសហិរញ្ញវត្ថុដ៏ល្អប្រសើរ និងលឿនរហ័សជូនអតិថិជនរបស់យើង»។

កិច្ចប្រជុំនេះបានប្រព្រឹត្តទៅដោយភាពរីករាយ និងសិ្នទ្ធស្នាលបំផុតមិនត្រឹមតែក្នុងគោលបំណងរៀបចំយុទ្ធសាស្រ្តសំខាន់សម្រាប់អតិថិជននៅក្នុងឆ្នាំ 2025 ប៉ុណ្ណោះទេ ស្ថាប័នទាំងពីរ បាននិងកំពុងបន្តរឹតចំណងទំនាក់ទំនងរវាងគ្នានិងគ្នា បានកែសម្រួល កែច្នៃផលិតផលបញ្ចូលគ្នាឱ្យមានភាពបត់បែនទៅតាមស្ថានភាពសេដ្ឋកិច្ចសង្គម សម្រាប់អតិថិជនកម្ពុជា ក្នុងន័យផ្តល់នូវសេវាកម្មដ៏កាន់តែប្រសើរប្រកបដោយទំនុកចិត្ត ជាមួយផលិតផលប្រកបដោយភាពស៊ីវិល័យ និងកាន់តែមានភាពច្នៃប្រឌិតជាងមុន។​

អំពី ធនាគារ ខេប៊ីប្រាសាក់ ម.ក

ធនាគារ​ ខេ​ប៊ី​ប្រា​សាក់​ ​ម​.​ក​ ​គឺជា​ធនាគារ​ពាណិជ្ជ​ថ្មី​មួយ​នៅ​ក្នុង​ប្រទេស​កម្ពុជា​ដែល​មាន​អាជ្ញា​ប​ណ្ណ​ពី​ ​ធនាគារ​ជាតិ​ ​នៃ​ ​កម្ពុជា​ ​និង​ទទួល​បានការ​អនុម័ត​ពី​ ​ក្រសួង​ពាណិជ្ជកម្ម​ ​ដើម្បី​ធ្វើ​ប្រតិបត្តិការ​ធនាគារ​ជា​ផ្លូវការ​ចាប់ពី​ខែ​សីហា​ ​ឆ្នាំ​ 2023 ​តទៅ​។ គិតត្រឹម ខែធ្នូ ឆ្នាំ 2024 ​ខេ​ប៊ី​ប្រា​សាក់​ ​មានទ្រព្យ​សកម្ម​សរុប​ចំនួន​ 5.64 ​ប៊ី​លាន​ដុល្លារ​អាមេរិក​ ​សមតុល្យ​ប្រាក់​បញ្ញើ​សន្សំ​ 3.53 ​ប៊ី​លាន​ដុល្លារ​អាមេរិក​ ​ស​ម្ពៀ​ត​ឥណទាន​សរុប​ចំនួន​ 5.18 ​ប៊ី​លាន​ដុល្លារ​អាម​រិ​ក​ ​ការិយាល័យ​សាខា​ចំនួន​ 188 ​និង​បុគ្គលិក​មាន​ចំនួន​ច្រើនជាង​ 10,000 ​នាក់​។

​ខេ​ប៊ី​ប្រា​សាក់​ នឹងផ្ដល់សេវា និងផលិផលធនាគារប្រកបដោយ​ភាព​ច្នៃប្រឌិត​ និង​សម្បូរ​បែប​ជូន​ដល់អតិថិជននៅ​កម្ពុជា ដោយមានប្រព័ន្ធធនាគារឌីជីថលដ៏ល្អឥតខ្ចោះស្របតាមការរីកចម្រើន និងតម្រូវការរបស់ទីផ្សារ។ ធនាគារ ក៏​ប្តេជ្ញា​ចិត្ត​ក្នុងការលើកកម្ពស់​បរិ​យា​ប័ន្ន​ហិរញ្ញវត្ថុ​ ​ជំរុញ​កំណើន​សេដ្ឋកិច្ច​ ​និង​ការ​ផ្តល់​ដំណោះស្រាយហិរញ្ញវត្ថុ​ប្រកបដោយ​ន​វា​នុ​វត្ត​ន៍​ដល់​អតិថិជន​របស់​ខ្លួន​។

សម្រាប់ព័ត៌មានបន្ថែមសូមចូលទៅកាន់គេហទំព័រ៖ https://www.kbprasacbank.com.kh/km/bank-overview/profile/

អំពី ហ្វតតេ

ហ្វតតេ គឺជាក្រុមហ៊ុនឈានមុខគេក្នុងវិស័យធានារ៉ាប់រងទូទៅ នៅក្នុងតំបន់អាស៊ីអាគ្នេយ៍ ជាមួយចក្ខុវិស័យក្នុងការផ្តល់ការការពារ និងសិទ្ធិអំណាចដល់បុគ្គលគ្រប់រូបក្នុងតំបន់ ដើម្បីអនាគតកាន់តែប្រសើរឡើង ក្រោមពាក្យស្លោក «បុគ្គលម្នាក់អាជីវកម្មមួយ ក្នុងពេលតែមួយ»។

 បង្កើតឡើងនៅប្រទេសកម្ពុជាក្នុងឆ្នាំ 1999 ហ្វតតេ នៅតែផ្តោតសំខាន់ចំពោះបេសកកម្មរបស់ខ្លួន ក្នុងការផ្តល់ជូននូវផលិតផល និងសេវាកម្មធានារ៉ាប់រងប្រកបដោយភាពច្នៃប្រឌិត ការកសាងសមត្ថភាពជូននិយោជិត និងរួមចំណែកអភិវឌ្ឍន៍វិស័យធានារ៉ាប់រង ក្នុងទីផ្សារដែលយើងប្រតិបត្តិការ។ ហ្វតតេ គឺជាក្រុមហ៊ុនធានារ៉ាប់រងដ៏ចំណាស់ជាងគេ និងធំជាងគេនៅក្នុងប្រទេស ដែលឈានមុខគេក្នុងទីផ្សារធានារ៉ាប់រងទូទៅ ផ្អែកលើទំហំបុព្វលាភសរុបជាមូលដ្ឋាន និងការធានារ៉ាប់រងអាយុជីវិត ដោយបានធ្វើការការពារដល់បងប្អូនកម្ពុជាជាច្រើនគ្រួសារ។

 ការផ្តល់ជូន ទាំងសេវាធានារ៉ាប់រងទូទៅ និងអាយុជីវិតនៅក្នុងប្រទេសកម្ពុជា និងការធានារ៉ាប់រងទូទៅក្នុងប្រទេសឡាវ ក្រុមហ៊ុន ហ្វតតេ គឺជាដៃគូគួរជាទីពេញចិត្តរបស់ក្រុមហ៊ុនធានារ៉ាប់រងអន្តរជាតិជាច្រើន និងជាក្រុមហ៊ុនផ្តល់ដំណោះស្រាយធានារ៉ាប់រងជាក្រុមច្រើនជាងគេនៅក្នុងប្រទេសកម្ពុជា។

ហ្វតតេ ក៏ជាជម្រើសដ៏ល្អសម្រាប់អាជីពការងារ ជាពិសេសផ្តល់ការលើកទឹកចិត្ត និងជូនរង្វាន់បុគ្គលិកដែលមានស្នាដៃ និងផ្តល់ឱកាសដល់បុគ្គលិកគ្រប់ៗរូបក្នុងការអភិវឌ្ឍអាជីពការងារតាមរយៈវគ្គបណ្តុះបណ្តាលនានាទាំងក្នុង និងក្រៅស្ថាប័ន។

សម្រាប់ព័ត៌មានបន្ថែមសូមចូលទៅកាន់គេហទំព័រ៖ www.forteinsurance.com

ភ្នំពេញ 09 មិថុនា 2025 – ធនាគារ ខេប៊ីប្រាសាក់  មានមោទនភាពក្នុងការសម្ពោធបើកដំណើរការសាខាថ្មី និងដំបូងបំផុតរបស់ខ្លួននៅក្នុងផ្សារទំនើបអ៊ីអនម៉លមានជ័យ ដែលឆ្លុះបញ្ចាំងអំពីភាពជោគជ័យដ៏សំខាន់ថ្មីមួយទៀតក្នុងការពង្រីកវិសាលភាព និងការប្តេជ្ញាចិត្តយ៉ាង​មុតមាំ​ដើម្បីផ្ដល់ភាពងាយស្រួលជូនដល់អតិថិជន។ កម្មវិធីសម្ពោធកាត់ខ្សែបូត្រូវបានប្រារព្ធធ្វើឡើង ដើម្បីអបអរសាទរសមិទ្ធផលដ៏សំខាន់ថ្មីនេះ ដោយមានការចូលរួមពីថ្នាក់ដឹកនាំរបស់ធនាគារ ខេប៊ីប្រាសាក់ ដៃគូអាជីវកម្ម និងភ្ញៀវកិត្តិយស។

សាខាថ្មីនៅក្នុងផ្សារទំនើបអ៊ីអនម៉លមានជ័យនេះ ពិសេសប្លែកពីបណ្ដាសាខាផ្សេងៗ ដោយចាប់បើកប្រតិបត្តិការបម្រើអតិថិជនចាប់ពីម៉ោង 9:00 ព្រឹក ដល់ 8:00 យប់ និង 7 ថ្ងៃ ក្នុងមួយសប្តាហ៍ ដើម្បីផ្ដល់ភាពងាយស្រួលជូនដល់អតិថិជនឱ្យកាន់តែល្អប្រសើរ។ ការណ៍នេះនឹងផ្ដល់ជូនអតិថិជននូវជម្រើសនៃពេលវេលាដែលអនុញ្ញាតឱ្យអតិថិជនទទួលបាននូវសេវាហិរញ្ញវត្ថុ ខណៈពេលដែលអតិថិជនអាចនឹងរីករាយជាមួយការទិញទំនិញ ពិសារអាហារ និងដើរកម្សាន្តនៅក្នុងផ្សារទំនើប។ ហើយកាន់តែល្អនោះ គឺអតិថិជនអាចមកជួបឬធ្វើប្រតិបត្តិការដោយផ្ទាល់ជាមួយនឹងបុគ្គលិកខេប៊ីប្រាសាក់ក្រៅម៉ោងការងារធម្មតាផងដែរ។

ធនាគារ ខេប៊ីប្រាសាក់ សាខាអ៊ីអនម៉លមានជ័យនេះ មានផ្តល់សេវាហិរញ្ញវត្ថុច្រើនសម្បូរបែបពេញលេញ រួមមាន៖

• ម៉ាស៊ីនដក-ដាក់ប្រាក់
• បើកគណនីបញ្ញើ-សន្សំ
• សេវាឥណទាន
• ការផ្ទេរប្រាក់ក្នុង និងក្រៅប្រទេស
• សេវាបង់ពន្ធ
• បង់ភាគទានមក ប.ស.ស. សម្រាប់សហគ្រាស
• ការទូទាត់សេវាសាធារណៈរបស់ក្រសួងសាធារណការ និងដឹកជញ្ជូន
• និងសេវាផ្សេងៗជាច្រើនទៀត។

ថ្លែងក្នុងពិធីសម្ពោធ លោក អ៊ុំ សមអឿន ប្រធាននាយកប្រតិបត្តិ ធនាគារ ខេប៊ីប្រាសាក់ បានមានប្រសាសន៍ថា “យើងមានសេចក្តីរំភើបរីករាយក្នុងការផ្ដល់ជូននូវភាពងាយស្រួលក្នុងការធ្វើប្រតិបត្តិការធនាគារមួយកម្រិតថែមទៀត តាមរយៈបើកសម្ពោធដំណើរការសាខាអ៊ីអនម៉លមានជ័យនៅពេលនេះ។ ការពង្រីកការផ្តល់ការបម្រើសេវាហិញ្ញវត្ថុនេះ គឺជាផ្នែកមួយនៃការប្តេជ្ញាចិត្តរបស់យើង ក្នុងការជំរុញសេវាហិរញ្ញវត្ថុទៅកាន់អតិថិជន ដើម្បីធានាបានថាអតិថិជនអាចធ្វើប្រតិបតិបត្តិការធនាគារ បានយ៉ាងងាយស្រួល 7 ថ្ងៃក្នុងមួយសប្តាហ៍ នៅក្នុងទីតាំងដ៏មានសក្ដានុពល” ។

ដើម្បីអបអរសាទរសមិទ្ធផលដ៏សំខាន់នេះ ធនាគារ ខេប៊ីប្រាសាក់ ផ្តល់ជូននូវប្រូម៉ូសិនដ៏ពិសេសសម្រាប់អតិថិជនដែលអញ្ជើញមកបើកគណនីណាមួយ ឬ គណនីប្រាក់បញ្ញើមានកាលកំណត់ ឬ គណនីសន្សំពាណិជ្ជករ នៅទីតាំងសាខានេះ នឹងទទួលបានសាច់ប្រាក់ និងវត្ថុអនុស្សាវរីយ៍ភ្លាមៗ។ សូមរួសរាន់ឡើង ការផ្តល់ជូននេះមានពេលកំណត់។

សម្រាប់ព័ត៌មានបន្ថែម សូមទូរស័ព្ទមកលេខ 023 999 911 or 086 999 911